ತುಳುನಾಡ್‌ದ ಬರೆಪಿನ ಪೊಂಜೊವುಲು

ಪಿರಾಕ್‌ದ ದಿನೊಕುಲೆಡ್ ಪೊಣ್ಣು ಜೋಕುಲೆಗ್ ಸಾಲೆಗ್ ಪೋದು ಬರವು ಕಲ್ಪುನ ಔಕಾಸ ಇತ್ತಿಜಿ. ಅಂಚಾದ್ ತುಳುನಾಡ್‌ದ ಪೊಂಜೊವುಲುಲಾ ಬರೆತಿನಿ ಕಮ್ಮಿ. ಆಂಡಲ ಕೆಲವು ಪೊಂಜೊವುಲು ಇಲ್ಲದಕ್ಲೆನ ಬೆಂಬಲೊರ್ದ್ ಬರವು ಕಲ್ತ್‌ದ್ ಸಾಹಿತ್ಯ ರಚನೆ ಮಲ್ದೆರ್. ಪಂಡಿತ ರಮಾಬಾಯಿ, ಮುಳಿಯ ಮೂಕಾಂಬಿಕ ಅಮ್ಮ, ನೆಲ್ಲಿಕಾರು ಜೈನ ಪೊಂಜೊವು, ಸೀತಾದೇವಿ ಪಡುಕೋಣೆ, ಸುಶೀಲ ಆರ್.ರಾವ್, ಮಟ್ಪಾಡಿ ಕಮಲಾಕ್ಷಿ, ಕೃಷ್ಣವೇಣಿ ಬಾಯಿ, ಶ್ರೀಮತಿ ಆರ್. ಸತ್ಯಭಾಮ ದೇವಿ, ವಾಸಂತಿ ಬಾಯಿ ಪಡುಕೋಣೆ, ಬೆಳ್ಳೆ ಸೀತಾರತ್ನಮ್ಮ, ಲೀಲಾಬಾಯಿ ಕಾಮತ್, ಸರಸ್ವತಿ ಬಾಯಿ ರಾಜವಾಡೆ, ಚಂದ್ರಭಾಗಿ ಕೆ. ರೈ, ಲೀಲಾ ಕಾರಂತ್, ಶಾರದಾ ಶಾಸ್ತ್ರಿ, ಆನಂದಿ ಎಸ್. ರಾವ್, ಲಲಿತಾ ರೈ- ಮುಕುಲು ಪೂರ ಸ್ವಾತಂತ್ರ್ಯಗ್ ದುಂಬೇ ಬರೆವೊಂದು ಇತ್ತಿನ ಪೊಂಜೊವುಲು. ಪಂಡಿತ ರಮಾಬಾಯಿ, ಮುಳಿಯ ಮೂಕಾಂಬಿಕ ಅಮ್ಮ, ನೆಲ್ಲಿಕಾರ್ ಜೈನ ಪೊಂಜೊವು, ಸೀತಾದೇವಿ ಪಡುಕೋಣೆ, ಮಟ್ಪಾಡಿ ಕಮಲಾಕ್ಷಿ, ಕೃಷ್ಣವೇಣಿ ಬಾಯಿ, ಆರ್.ಸತ್ಯಭಾಮದೇವಿ, ವಾಸಂತಿ ಬಾಯಿ ಪಡುಕೋಣೆ,ಬೆಳ್ಳೆ ಸೀತಾರತ್ನಮ್ಮ, ಲೀಲಾಬಾಯಿ ಕಾಮತ್, ಸರಸ್ವತಿ ಬಾಯಿ ರಾಜವಾಡೆ, ಚಂದ್ರಭಾಗಿ ಕೆ.ರೈ, ಶಾರದಾ ಶಾಸ್ತ್ರಿ, ಲಲಿತಾ ರೈ ಮುಕುಳು ಪೂರ ಸಾಹಿತ್ಯ ಕೃಷಿ ಮಾನ್ತುತ್ತೆರ್.

ಮುಳಿಯ ಮೂಕಾಂಬಿಕ ಅಮ್ಮ(1870–1942)

ಬಂಟ್ವಾಳ ತಾಲೂಕದ 'ಪುಣಚ' ಗ್ರಾಮೊಡ್ ಪುಟ್ಟಿಯೆರ್. ಶಾಮಾಶಾಸ್ತ್ರಿ ಬೊಕ್ಕ ಗೌರಮ್ಮ ಮೆರೆನ ಅಪ್ಪೆ ಅಮ್ಮೆರ್. ಎಲ್ಯ ಪ್ರಾಯೊಡೇ ಮುಳಿಯ ಕೃಷ್ಣಬಟ್ಟೆರೆನ್ ಮದ್ಮೆ ಆಯೆರ್. ಮೆರೆಗ್ ಐನ್ ಜೋಕುಲು ಆನಗ ಕಂಡನಿ ತೀರ್ಪೋಯೆರ್. ಐತೊಟ್ಟಿಗೆ ಬಡಪತ್‌ಲ ಬತ್ತ್ಂಡ್. ಆಂಡಲ ಮೆರೆನ ಸಾಹಿತ್ಯ ಪ್ರೀತಿ ಕಮ್ಮಿಯಾಯಿಜಿ. ಸೊಂತ ಶೋಭಾನೆ ಪದೊಕ್ಲೆನ್ ಕಟ್ಟ್‌ದ್ ಪನೊಂದಿತ್ತೆರ್. ಮೇರ್ ಬರೆತಿನ ಪ್ರತೀ ಪದೊಕ್ಲೆನ ಕಡೆಟ್ 'ಮೂಕಾಂಬೆ' ಪನ್ಪಿನ ಪುದರ್ ನ್ ಪಾಡೊಂದಿತ್ತೆರ್ಗೆ.

ಬರೆಯಿನ ಕೃತಿಕುಲು

• ದ್ರೌಪದೀ ವಸ್ತ್ರಾಪಹರಣ
• ಹರಿಲೀಲಾಮೃತ
• ಸೀತಾಕಲ್ಯಾಣ
• ಧ್ರುವಚರಿತ್ರೆ
• ಗಜೇಂದ್ರ ಮೋಕ್ಷ
• ಶ್ರೀ ಮಹಿಷಮರ್ದಿನಿ.

ನೆಲ್ಲಿಕಾರ್ ಜೈನ ಪೊಂಜೊವು (1899–1970)

ಬೆಳ್ತಂಗಡಿ ತಾಲೂಕ್ದ ಗುರುವಾಯನಕೆರೆ ಶೆಟ್ಟಿ ಪೇಂಟೆ (ಜೈನ ಪೇಂಟೆ)ನೆಲ್ಲಿಕಾರು ಶಾಂತಿರಾಜ ಶೆಟ್ಟೆರ್ ಬೊಕ್ಕ ಚಿನ್ನಮ್ಮ ದಂಪತಿಲೆಗ್ ಮಗಲಾದ್ ಪುಟ್ಟಿಯೆರ್. ಮೆರೆನ ಅಪ್ಪೆ ಚಿನ್ನಮ್ಮ ಆಯುರ್ವೇದ ಮರ್ದ್ ಕೊರ್ಪುನಿ, ಜ್ಯೋತಿಷಿ ಬೊಕ್ಕ ಸಂಸ್ಕೃತ ಕವಿಲಾ ಆದಿತ್ತೆರ್. ಮಗಲೆಗ್ಲ ಕವಿತೆ ಬರೆಪಿನ ಅಬ್ಬೆಸ ಆಂಡ್. ೧೯೧ನೇ ಇಸವಿಡ್ ನೆಲ್ಲಿಕಾರ್‌ದ ಎನ್. ಎಸ್. ಜೈನಿ ಪನ್ಪಿನಾರೆನ್ ಮದಿಮೆ ಆಯೆರ್. ಮೇರ್ ಮಸ್ತ್ ಕಬಿತೆಲು, ಜೈನ ಭಕ್ತಿಗೀತೆಲೆನ್ ಬರೆತೆರ್. ಜುಗಲ್ ಕಿಶೋರ್ ಮುಖ್ತಾರೆರ್ ಬರೆತಿನ 'ಮೇರಿ ಭಾವನಾ' ಪನ್ಪಿ ಕೃತಿತ ಕನ್ನಡ ಅನುವಾದನೇ ಆರೆನ ಸುರೂತ ಕೃತಿ.

ಬರೆಯಿನ ಕೃತಿಕುಲು

• ನನ್ನ ಭಾವನೆ
• ಅನಮಂತಮತಿ ಚರಿತೆ
• ಲಕ್ಷ್ಮಿ ಬಾಯಿ
• ವರ್ಧಮಾನ ಪುರಾಣ

ಸೀತಾದೇವಿ ಪಡುಕೋಣೆ (1903–)

ಮೊಳಹಳ್ಳಿ ಶಿವರಾಯ ಬೊಕ್ಕ ಉಮಾದೇವಿ ದಂಪತಿಲೆನ ಮಗಲ್. ಮೆರೆನ ಇಲ್ಲದ ಬಾಸೆ ಕೊಂಕಣಿಯಾಂಡಲ ಕನ್ನಡ, ಮರಾಠಿ, ಹಿಂದಿ ಬೊಕ್ಕ ಇಂಗ್ಲಿಷ್ ಭಾಷೆಲೆನ್ ತೆರಿದಿತ್ತೆರ್. ಮೇರ್ ಸಂಗೀತ ಅಭ್ಯಾಸ ಮಲ್ತ್ ದ್ ಸುಗಮ ಸಂಗೀತ, ದಾಸೆರ್ನ ಪದೊಕ್ಲೆನ್ ಪನೊಂದ್ ನಾಟಕೊಲೆಡ್ ಹಿನ್ನೆಲೆಡ್ ಪದ ಪನ್ಪುನಾರಾದ್ ಪಾಲ್ ಪಡೆಯೊಂದಿತ್ತೆರ್. 'ಹೋಂ ರೂಲ್', 'ಮಂಡೋದರಿ', 'ಸೊಹ್ರಾಬ್ ರುಸ್ತುಂ'ಪನ್ಪಿನ ನಾಟಕೊಲೆಡ್ ಅಭಿನ ಮಲ್ತ್ದಿತ್ತೆರ್.

ಬರೆಯಿನ ಕೃತಿಕುಲು

• ವಧು ಪರೀಕ್ಷಾ
• ಕುಟ್ಟುಮಕ್ಕಾರಿ ಫಜೀತಿ
• ಹೀಗಾಗಬೇಕೇ!
• ಕಟುಕ ರೋಹಿಣಿ ಸಂವತ್ಸರದಲ್ಲಿ
• ವೇಣುಮಾವ

ಸರಸ್ವತಿ ಬಾಯಿ ರಾಜವಾಡೆ (1913– )

ಒಡಿಪುದ ಕೈತಲ್ದ ಬಳಂಜಾಲ ಪನ್ಪಿನ ಗ್ರಾಮೊಡು ಪುಟ್ಯೆರ್. ಎಲ್ಯ ಪ್ರಾಯೊಡೆ ಅಮ್ಮೆರೆನ್ ಕಲೆಯೊಂದು ಬಾರೀ ಬಂಗೊಡು ಬುಲೆಯೆರ್. ಪದಿನಾಲ್ ವರ್ಸ ಆನಗ ಅರೆರ್ದ್ ಪ್ರಾಯೊಗು ಮಸ್ತ್ ಹಿರಿಯೆರಾಯಿನ ಸಿ.ಟಿ.ವಿ.ರಾಯಶಾಸ್ತ್ರಿ ರಾಜವಾಡೆನ್ ಮದ್ಮೇದ್ ಸಿಂಗಪುರೊಗು ಪೋಯೆರ್. ಅವುಲು ಇಲ್ಲಡೆ ಕುಲೊಂದು ಸೊಂತ ಪ್ರಯತ್ನೊಡು ತಮಿಳು ಬಾಸೆನ್ ಕಲ್ತ್‌ದ್ ತಮಿಳುಡ್ ಕತೆ ಬರೆದ್ ಇನಾಮು ಗೆಂದ್ಯೆರ್. ಕಂಡನಿ ತೀರಿಬೊಕ್ಕ ಒಡಿಪುಗು ಬತ್ತಿನಾರ್ `ಸುಪ್ರಭಾತ' ಪನ್ಪಿನ ಕನ್ನಡ ಬಾಸೆದ ತಿಂಗೊಲ್ದ ಪತ್ರಿಕೆನ್ ಸಂಪೊಲ್ತೆರ್. ಐಟ್ ತುಳುನಾಡ್ದ ಮಸ್ತ್ ಪೊಂಜೊವುಲು ಕತೆ, ಲೇಖನೊಲೆನ್ ಬರೆವೊಂದಿತ್ತೆರ್.`ಗಿರಿಬಾಲೆ' ಪನ್ಪಿನವು ಆರ್ನ ಕಾವ್ಯನಾಮ ಆದಿತ್ತ್ಂಡ್. ಅವ್ವತ್ತಂದೆ ಆರ್ ಆರ್ನ ಪತ್ರಿಕೆಲೆಡ್ `ವಿಶಾಖ' `ವೀಣಾಪಾಣಿ' ಪನ್ಪಿನ ಪುದರ್ಲೆಡ್ಲ ಬರೆಯೊಂದಿತ್ತೆರ್. 'ಕಥಾವಳಿಡ್ "ಅಕ್ಕನ ಓಲೆ" ಪನ್ಪಿ ವಿಭಾಗೊಡು ಏಲ್ ವರ್ಸ ಮುಟ್ಟ ಬರೆಯೊಂದಿತ್ತೆರ್. ಆರ್ ಸುಮಾರ್ ಕತೆ, ಪದೊಕುಲು, ನಾಟಕ, ಲೇಖೊನುಲು ಇಂಚ ಬೇತೆ ಬೇತೆ ನಮುನೆದ ಬರವುಲೆನ್ ಬರೆತೆರ್. 'ನನ್ನ ಅಜ್ಞಾನ' ಆರ್ ಬರೆತಿನ ಸುರುತ ಕತೆ.

ಕತೆಕುಲ

• ಆಹತ ಹೃದಯ
• ಪ್ರತೀಕಾರ
• ಅವಳ ಉದ್ಧಾರ
• ಪ್ರವಾಹ ಪತಿತೆ

ನಾಟಕ

• ಮಂಥರೆಯ ಅಂತರಂಗ.

ಚಂದ್ರಭಾಗಿ ರೈ (1916–)

ಲೇಖಕಿ, ಕಬಿ, ಬೊಕ್ಕ ಚಿಂತಕಿ. ಇಂಬೆರ್ ಬಂಟ್ವಾಳ ತಾಲೂಕ್ದ ಅನಂತಾಡಿ ಗ್ರಾಮದ 'ಏರ್ಯ' ಪನ್ಪಿನ ಊರುಡ್ ಪುಟ್ಟಿಯೆರ್. ಮೇರ್ 'ಸರ್ವೋದಯ' 'ಜ್ಯೋತಿ', 'ನವಭಾರತಯುಗ','ರಾಯಭಾರಿ' 'ಪ್ರಪಂಚ' ಪನ್ಪಿನ ಪತ್ರಿಕೆಲೆಡ್ ಲೇಖನೊಲೆನ್ ಬರೆವೊಂದಿತ್ತೆರ್. ತುಲುಟು ಕಬಿತೆ ಬರೆತಿನ ಸುರೂತ ಪೊಂಜೊವು ಮೇರ್.

ಕಬಿತೆಲು

• ಗಾಂಧಿ ಕಬಿತೆ
• ಪುಣ್ಣಮೆ
• ಪೊರ್ಲೆ ಪೊರ್ಲು

ಬೆಂಗಳೂರುಡು ನಡತಿನ ತುಳು ಸಮ್ಮೇಳನೊಡು `ತೂದು ಮುಗಿಯಂದ್' ಪನ್ಪಿನ ಕಬಿತೆನ್ ಓದ್ದೆರ್.

ವೈದೇಹಿ

ವೈದೇಹಿ

ವೈದೇಹಿ ಒರ್ತಿ ಕನ್ನಡದ ಪುದರ್ ಪೋಯಿ ಲೇಖಕಿ