ಬಾರ್ಕೂರು ಸರಸ್ವತಿ ನಾರಾಯಣೀ ದೇವಾಲಯ
ಬಾರ್ಕೂರು ಪನಪುನ ಊರುಡು ಮೂಡಕೇರಿ ಪನ್ಪುನ ಒಂಜಿ ಎಲ್ಯ ಕೇರಿಡ್ ಅಪ್ಪೆ ಸರಸ್ವತಿ ನಾರಾಯಣೀ ದೇವಸ್ಥಾನ ಉಂಡು. ಪಿರಾಕ್‌ದ ಕಾಲೊರ್ದು ಇಂಚಿ ಅಪ್ಪೆಗ್ ವಿಶೇಸವಾಯಿನ ಶಕ್ತಿ ಉಂಡ್ ಪಂಡ್‌ದ್ ಮಾತೆರ್ಲಾ ಪನ್ಪೆರ್. ಬಾರ್ಕೂರುಡು ಬೇತೆ ಬೇತೆ ದೇವೆರೆನ ದೇವಸ್ಥಾನೊಲು ಉಂಡು. ಐಟ್ ಸರಸ್ವತಿ ಅಪ್ಪೆನಅ ಕೈತಲ್‍ಡ್ ವೇಣುಗೋಪಾಲಕೃ‍‍‌ಷ್ಣ ದೇವೆರ್ ಉಲ್ಲೆರ್. ವರ್ಷ ವರ್ಷಲಾ ದಸರಾ ಪರ್ಬೊದಪಗ ಅಪ್ಪೆಗ್ ವಿಶೇಷವಾಯಿನ ಪೂಜೆ ನಡೆಪುಂಡು. ಆನಿ ಸಮಾಜದಕಲು ಮಾತೆರ್ಲ ಸೆರ್ದ್ ಚಂಡಿಕಾಯಾಗ, ಪೂತ ಪೂಜೆ ಮಲ್ತ್‌ದ್ ಅಪ್ಪೆನ ಆಶೀರ್ವಾದ ಪಡೆಪೆರ್. ಆನಿ ಸಮಾಜದಕಲು ಸಭೆ ಸೆರ್ದ್ ಕಲ್ಪುನೆಟ್ ಬಿರ್ಸೆರಾಯೆನ ಜೋಕ್ಲೆಗ್ ವಿದ್ಯಾರ್ಥಿವೇತನ ಬೊಕ್ಕ ಬಡವೆರೆಗ್ ಬೋಡಾಯಿನ ಸಹಾಯೊ ಮಲ್ಪುವೆರ್. ಮಾತೆರ್ಲ ಕುಸಿಟ್ ಅಪ್ಪೆಗ್ ಕಾಣಿಕೆ ದೀದ್ ಪ್ರಸಾದ ಪತೊಂದು ಪೋಪೆರ್.