ಭೂತ ಕೋಲ

ಪಂಜುರ್ಲಿ ದೈವದ ಮುಗೊ, ಎಲ್ಎಸಿಎಂಎ ೧೮ನೇ ಶತಮಾನ ಸಿ.ಇ.

ಜುಮಾದಿ ಮುಗೊ

ಭೂತ ಕೋಲ (ಭೂತ ನೇಮ) ಕರ್ನಾಟಕೊದ ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲೆಲೆಡ್ ಅಂಚೆನೇ ಕೇರಳದ ಕಾಸರಗೋಡು ಜಿಲ್ಲೆಡ್ ತುಳುವೆರ್ ಆಚರರಣೆ ಮಲ್ಪುನ ಒಂಜಿ ಪುರಾತನವಾಯಿನ ಆರಾಧನೆನೆ ಭೂತಕೋಲ. ಉತ್ತರ ಕೇರಳಡ್ ಉಪ್ಪುನಂಚಿನ ತೆಯ್ಯಂ ಇಂದೆತ ಕೈತಲ್ದ ಸಂಬಂಧಿ. ಭೂತ ಕೋಲೊಡ್ ಪೂಜೆ ದೆರೊನುನ ದೈವೊಲು ಶಿವ ದೇವೆರ್ನ ದೇವಗಣೊಟು ಇತ್ತಿನಕುಲು ಪಂಡ್‌ದ್ಲಾ ನಂಬಿಕೆ ಉಂಡು. ತುಲುನಾಡ್‍ದ ಸಂಪ್ರದಾಯದ ಪ್ರಕಾರ ಸಾರತೊಂಜಿ ಭೂತುಲು ಉಂಡು ಪಂಡ್ದ್‍ ನಂಬಿಕೆ.

ಅಂಚೆನೆ ತುಳುನಾಡ್ದ ಪ್ರಖ್ಯಾತ ದೈವಲಾಯಿನ ದೇವು ಪೂಂಜೆ ನಂಬಿನ ಪಣಂಬೂರು ಶ್ರೀ ಕಾಂತೇರಿ ಜುಮಾದಿ, ಶ್ರೀ ಸರಳ ಜುಮಾದಿ, ಶ್ರೀ ಕೊಡಮನಿತ್ತಾಯ, ಶ್ರೀ ಜಾರಂದಾಯ ಶ್ರೀ ಮಹಿಷಂತ್ತಾಯ ಐವೆರ್ ದೈವಲು ಬೊಕ್ಕ ಅಣ್ಣಪ್ಪ ಪಂಜುರ್ಲಿ, ಸಿರಿಕುಲು ಮಾಯದ ಪಡವೂಡು ಬತ್ತೆದ್ ನೆಲಯಾತಿನ ಜಾಗೆ ಉಂದುವೆ ಪಣಂಬೂರು "ಕಾವರೆಸ್ತಾನ". ಕಾರನಾಂತರೊಡು ಈ ಪಣಂಬೂರು ಬೂಡುದು ಸುರತ್ಕಲ್ ಬತ್ತ್‌ದ್ ನೆಲೆಯಾತಿನಾ ಸತ್ಯಲು.

ಭೂತಕೋಲಗ್ "ನೇಮ, ಮೆಚ್ಚಿ, ಕೋಲ" ಪಂದ್ ಪನ್ಪೆರ್. ಕೋಲ ಕಟ್ಟುನಕುಲ್ ಬೋಡು. ಐಕ್ಂದೆ ನಲಿಕೆ ಜಾತಿದಕುಲ್ ಸಾಮಾನ್ಯವಾದ್ ದೈವಗ್ ಬೊಕ್ಕ ಪರವ, ಪಂಬದೆರ್ ಮಲ್ಲ ದೈವಲೆಗ್ ಕೋಲ, ನೇಮ ಕಟ್ಟುವೆರ್. ಈ ಕೋಲ ಕಟ್ಟುನಕುಲ್ ಆತೆ ಪವಿತ್ರೊಡ್, ಶುದ್ದಮನಸ್ಡ್, ವೃತನ್ ಪತ್ದ್, ಶುದ್ಚಾಚಾರೋದಡ್ ಕ್ರಿಯೆನ್ ಮನ್ಪುವೆರ್.

ಪದೊತಾ ಇವರೊ

ಕೋಲ ಪಂಡ ತುಳುಟು "ನಲಿಕೆ".

ಸಂದಿ, ಪಾಡ್ದನೊ

ಪಡ್ದಾನೊಲು ತುಳು ಪಾತೆರೋ ಸಾಹಿತ್ಯೊದ ಒಂಜಿ ಬಾಗೊ.

ಭೂತಾರಧನೆದ ಬಗೆ

1. ಕೋಲ
2. ನೇಮ
3. ಆಗೆಲ್-ತಂಬಿಲ

ಭೂತ ಕೋಲ - ಚಿತ್ರ ದರ್ಶಿನಿ

• 
  ಬ್ರಹ್ಮ ಬೈದರ್ಕಳ ನೇಮ
• 
  ನೆಲ್ಲಿತೀರ್ಥದಲ್ಪ ಒಂಜಿ ಕೋಲೊಡು ಪಿಲಿಚಾಮುಂಡಿ ದೈವ
• 
  ಕೊಡಮಣಿತ್ತಾಯ ನೇಮ
• 
  ಕೊಡಮಣಿತ್ತಾಯ ನೇಮ ೧
• 
  ಕೊಡಮಣಿತ್ತಾಯ ನೇಮ ೨
• 
  ಕಲ್ಕುಡ ನೇಮ
• 
  ಕಲ್ಕುಡ ಕೋಲ ೨
• 
  ಮರ್ಲ್ ಬೂತ ಕೋಲಾ