ಮೂಕಜ್ಜಿಯ ಕನಸುಗಳು

ಮೂಕಜ್ಜಿಯ ಕನಸುಗಳು ಕೋಟ ಶಿವರಾಮ ಕಾರಂತ ಇಂಬೆರ್ ಬರೆಯಿನ ಒಂಜಿ ಕನ್ನಡ ಭಾಷೆದ ಕಾದಂಬರಿ.^[೧] ಈ ಕಾದಂಬರಿಗ್ ೧೯೭೭ರಲ್ಲಿ ಜ್ಞಾನಪೀಠ ಪ್ರಶಸ್ತಿ ತಿಕ್‍ದ್‍ಂಡ್.^[೨]

ಮೂಕಜ್ಜಿ ಪ್ರಕಟಣೆ

ರಚನೆ : ಶಿವರಾಮ ಕಾರಂತ
ದೇಸೊ : ಭಾರತೊ
ಬಾಸೆ : ಕನ್ನಡೊ
ಪ್ರಕಾರೊ : ಕಾದಂಬರಿ
ಪ್ರಕಾಶಕೆರ್ : ಎಸ್ ಬಿ ಎಸ್ ಪ್ರಕಾಶಕೆರ್ ಬುಕ್ಕೊ ವಿತರಕೆರ್
ಪ್ರಕಟಣೆ : ೧೯೬೮
ಪುಟೊ : ೨೭೨
ಪ್ರಶಸ್ತಿ : ಜ್ಞಾನಪೀಠೊ ಪ್ರಶಸ್ತಿ
isbn ಸಂಖ್ಯೆ : 9788172850623

ಮೂಕಜ್ಜಿನ ಬಗೆಟ್ ರಡ್ದ್ ಪಾತೆರೊ

ಅಜ್ಜಿ ಬುಕ್ಕೊ ಪುಳ್ಳಿನ ನಡುಟೆ ನಡಪುನ ಸಂಭಾಷಣೆನ್ ಶಿವರಾಮ ಕಾರಂತೆರ್ ಬಾರಿ ಪೊರ್ಲುಡೆ ಮೊಡೆದ್ ಕೊರ್ತೆರ್. ಪುಳ್ಳಿನ ಪ್ರಶ್ನೆಗ್ ಅಜ್ಜಿ ತನ್ನೊ ಅನಿಸಿಕೆಗ್‍ಳೆನ್ ಪಂಡೊಂದು ಇನಿತ ನರಮಾನ್ಯೆರ್‍ಗ್ ಇಪ್ಪುನ ದಿಂಜ ಬಗೆತ ಗೊಂದಲೊಲನ್ ಬುಡ್ಪಾದ್ ಪನ್ತೆರ್. ಈ ಕಾದಂಬರಿಡ್ ಬರ್ಪುನ ಮೂಕಜ್ಜಿಗ್ ಒಂಜಿ ಆಚಿರೊದ ಸಾಮರ್ತಿಗೆ ಇಪ್ಪುಂಡು. ಅವು ಎಂಚಿನ ಪಂಡ ಒವ್ವೇ ವಸ್ತುನು ಅತ್ತಂಡ ನರಮಾನ್ಯನ್ ತೂನಗ ಅಕ್ಲೆನ ಬಗೆಟ್ ಕನೊ ಕಟ್ಟುನೆ. ಪಂಡ ಉಂದು ನಿದ್ರೆಡ್ ಬೂರುನ ಕನೊ ಅತ್ತ್. ಎಚ್ಚರಿಗೆಡ್ ಇಪ್ಪುನಗನೆ ಬೂರುನ ಕನೊ. ಈ ಕಾದಂಬರಿದ ಕಥಾನಾಯಕಿ ಮೂಕಜ್ಜಿ ತನ್ನೊ ಕನೊತ ಬಗೆಟ್ ಆಳ್ ಪುಳ್ಳಿನ ಒಟ್ಟುಗು ಪಂಡೊನುವಳ್. ಈ ಕನೊಕುಲು ನರಮಾನ್ಯನ ಸಾಮಾಜಿಕ ಬೆಳವಣಿಗೆಗ್ ಬುಕ್ಕೊ ದೇವೆರೆ ಸ್ವರೂಪೊದ ಬಗೆಟ್ ಇಪ್ಪುಂಡು. ಮುಲ್ಪ ಮಸ್ತ್ ಪಾತ್ರೊಲು ಬತ್ತ್ ಪೋಂಡಲಾ ಅಜ್ಜ್ಜಿ ಬುಕ್ಕೊ ಪುಳ್ಳಿನ ಪಾತ್ರೊಲು ದುಂಬಾದ್ ಒರಿಪುಂಡು. ಅಕ್ಲಕ್ಲೆನ ಪಜಿ ನಂಬುಗೆಲು ಬೇತೆಕ್ಲೆನ ಮಿತ್ತ್ ತುಂಬಾಯಿನ ಜನೊಕ್ಲೆ ಕತೆಲಾ ಮುಲ್ಪ ಉಂಡು. ಅಂಚಾದ ಇನಿತ ನಮೊಕ್ ಅವು ಕೇನಂದೆ ಪೋದ್ ಕೆಲವು ಯಾತನೆದ ಧ್ವನಿಕುಲೆನ್ ಕಾದಂಬರಿಕಾರೆರ್ ಬಾರಿ ಪೊರ್ಲಾದ್ ಮನಸ್ಸ್‍ಗ್ ತಾಗುಲೆಕ ಪುಟೊಕ್ಲೆಡ್ ಕೊನತ್ತೆರ್.^[೩],^[೪]

ಉಲ್ಲೇಕೊಲು

[1] ttp://booksrevisit.blogspot.com/2014/06/MookajjiyaKanasugaluBookReview.html

[2] ttps://www.sapnaonline.com/books/mookajjiya-kanasugalu-k-shivarama-817285062x-9788172850623;jsessionid=2E80A651436B159BB04DF8F183756570^{[dead link]}

[3] ttp://www.goodreads.com/book/show/15734967-mookajjiya-kanasugalu

[4] ttp://www.goodreads.com/author/show/695245.Kota_Shivarama_Karanth_

[೧]

[೨]

[೩]

[೪]