ಆನೆಮುಂಗು

ಆನೆಮುಂಗು
Plate from book Flora de Filipinas, Gran edicion, Atlas I. by Francisco Manuel Blanco, 1880-1883? where name is Bignonia quadripinnata, Blanco.
Scientific classification
Kingdom:	Plantae
(unranked):	Angiosperms
(unranked):	Eudicots
(unranked):	Asterids
Order:	Lamiales
Family:	Bignoniaceae
Genus:	Oroxylum
Species:	O. indicum
Binomial name
Oroxylum indicum (L.) Benth. ex Kurz

ಆನೆಮುಂಗು

ಆನೆಮುಂಗು ಓರೊಕ್ಸಿಲಮ್ ಕುಟುಂಬೊದ ಬಿಗ್ನೊನೇಸಿಯೆ ಪನ್ಪುನ ಜಾತಿಗ್ ಸೇರ್ನ ಒಂಜಿ, ಪೂ ಕೊರ್ಪಿನ ದಯಿ. ಸಾಮಾನ್ಯವಾದ್ ನಡುರಾತ್ರೆ(ಮಧ್ಯರಾತ್ರಿ) ಭಯಾನಕ, ಓರೊಕ್ಸಿಲಮ್, ಕಹಳೆ ಪೂ, ಕ್ಯಾಪರ್, ಬೊಕ್ಕ ಡ್ಯಾಮೊಕ್ಲಿಸ್ ಪಂದ್ ಪನ್ಪೆರ್. ಇಂದೆತ ವೈಜ್ಞಾನಿಕ ಪುದರ್ ಒರೊಕ್ಸಿಲಮ್ ಇಂಡಿಕಮ್. ಆನೆಮುಂಗು ದೈ ೧೮ ಮೀಟರ್(೫೯ಅಡಿ) ಎತ್ತರೊಗ್ ಬುಲೆಪುಂಡು. ಇಂದೆನ್ ಆಯುರ್ವೇದ ಮರ್ದ್‌ಡ್ ಗಲಸುವೆರ್.

ಬೇತೆ ಬೇತೆ ಬಾಸೆದ ಪುದರುಲು

• ಹಿಂದಿ: ಬುಟ್-ವಿಕ್ಷಾ
• ಮಣಿಪುರಿ: ಶಂಪಾ ಶಂಬಾ
• ಮರಾಠಿ: ತೈಯಿಟು
• ತಮಿಳು: ಸೊರಿಕೋನ್ರೆಕೋರಿ- ಕೊನ್ನೆ
• ಮಲೆಯಾಳಂ: ಪಾಲ್ಕಪಯನಿ, ವಶ್ರಪತಿರಿ
• ತೆಲುಗು: ಮಂದೂಕಪರ್ಣಮು
• ಅಸ್ಸಾಮಿ: ಟೋಗುನ
• ಸಂಸ್ಕೃತ: ಅರುಲು
• ಓರಿಯಾ: ಟ್ಯಾಟೀಲೊ

ದಯಿತ ಪೊಲಬು

ಇಂದೆತ ಇರೆ ಸುಮಾರ್ ೧ಮೀಟರ್ ಉದ್ದ ಇಪ್ಪುಂಡು ಬೊಕ್ಕ ದ್ವಿದಳೊ ದಯಿತ ಇರೆಡ್ದ್ ಮಲ್ಲ ಇಪ್ಪುಂಡು. ಈ ದಯಿತ ಪೂ ರಾತ್ರೆದ ಪೊರ್ತು ಅರಳುನೆ. ಉಂದೆತ ಪಂರ್ದ್ ೧.೫ಮೀ ದಾತ್ ಉದ್ದ ಬುಲೆಪುಂಡು.

ಬುಳೆಪುನ ಪ್ರದೇಸೊಲು

ಈ ದಯಿ ಭೂತಾನ್, ದಕ್ಷಿಣ ಚೀನಾ, ಇಂಡೋಚೈನಾ, ಮಲೇಶಿಯಾ, ಶ್ರೀಲಂಕಾ ಬೊಕ್ಕ ಭಾರತೊದ ಬೇತೆ ಬೇತೆ ಪ್ರದೇಶೊಡ್ ವಿಸ್ತರಿಸ್ನ ಹಿಮಾಲಯೊಡು ಬುಲೆಪುಂಡು. ವಿಯೆಟ್ನಾಂಡ್ ಈ ಮರೊನು ನೂಕ್ ನಾಕ್ ಪಂದ್ ಪನ್ಪೆರ್. ಈ ದಯಿತ ಮಾದರಿ ಕ್ಯಾಟ್ ಟೈನ್ ರಾಷ್ಠ್ರೀಯ ಉದ್ಯಾನವನೊಡು ಉಂಡು. ಭಾರತೊದ ಅಸ್ಸಾಂದ ಮನಸ್ ರಾಷ್ಟ್ರೀಯ ಉದ್ಯಾನವನೊದ ಕಾಡಾಯಿನ ಬಯೋಮ್ನಡ್ ಉಂದು ತೋಜುದು ಬರ್ಪುಂಡ್. ಉಂದೆನ್ ಭಾರತೊದ ರಾಜಸ್ಥಾನ್ ರಾಜ್ಯೊದ ಬನ್ಸ್ವಾರಾ ಜಿಲ್ಲೆದ ಅರಣ್ಯ ಪ್ರದೇಶೊಡು ಬುಲೆಪಾವೆರ್.

ಉಪಯೋಗೊ

ಈ ದಯಿನ್ ಪೊರ್ಲುಗು (ಅಲಂಕಾರಿಕ)ಬೋಡಾದ್ ನಡ್ಪೆರ್. ಈ ದಯಿನ್ ಕಿರಾತ್, ಸುನವಾರ್, ರಾಯ್, ಲಿಂಬು, ನೇಪಾಳ, ಯಖಾ, ಥೈಲ್ಯಾಂಡ್, ಥಾಯ್ ಬೊಕ್ಕ ಲಾವೊಸ್ನನ ಮದಿಮೆಡ್ ಗಳಸುವೆರ್. ಆನೆಮುಂಗುದ ಬೀಜೊಲೆನ್ ಭಾರತೀಯ ಆಯುರ್ವೇದ ಬೊಕ್ಕ ಚೀನೀ ಔಷಧಿಡ್ ಉಪಯೋಗ ಮಲ್ಪುವೆರ್.