ಅರುಣ್ ಜೇಟ್ಲಿ

ವಿಕಿಪೀಡಿಯರ್ದ್
ಅರುಣ್ ಜೇಟ್ಲಿ

ಅರುಣ್ ಜೇಟ್ಲಿ (28 ಡಿಸೆಂಬರ್ 1952 - 24 ಆಗಸ್ಟ್ 2019) ಒರಿ ಭಾರತೀಯ ರಾಜಕಾರಣಿ ಬೊಕ್ಕ ವಕೀಲರಾದ್ ಇತ್ತಿನಾರ್, ಆರ್ 2014ಡ್ದ್ 2019 ಮುಟ್ಟ ಭಾರತ ಸರಕಾರೊದ ಪಣವುದ(ಹಣಕಾಸು) ಸಚಿವೆ ಬೊಕ್ಕ ಕಾರ್ಪೊರೇಟ್ ವ್ಯವಹಾರೊಲೆನ ಸಚಿವರಾದಿತ್ತೆರ್

ಭಾರತೀಯ ಜನತಾ ಪಕ್ಷದ ಸದಸ್ಯೆರಾಯಿನ ಜೇಟ್ಲಿ ನೆಕ್ಕ್ ದುಂಬು ವಾಜಪೇಯಿ ಸರ್ಕಾರ ಬೊಕ್ಕ ನರೇಂದ್ರ ಮೋದಿ ಸರ್ಕಾರೊಡು ಪಣವು (ಹಣಕಾಸು), ರಕ್ಷಣಾ, ಕಾರ್ಪೊರೇಟ್ ವ್ಯವಹಾರೊಳು, ವಾಣಿಜ್ಯ ಬೊಕ್ಕ ಕೈಗಾರಿಕೆ ಬೊಕ್ಕ ಕಾನೂನು ಬೊಕ್ಕ ನ್ಯಾಯೊಲೆನ ಕ್ಯಾಬಿನೆಟ್ ಪೋರ್ಟ್ಫೋಲಿಯೊಲೆನ್ ಹೊಂದ್‌ದಿತ್ತೆರ್  2009 ಡ್ದ್ 2014 ಮುಟ್ಟ.

ಅರುಣ್ ಜೇಟ್ಲಿ ಡಿಸೆಂಬರ್ ೨೮, ೧೯೫೨ಪುಟ್ಟಿನಾರ್ ಭಾರತದ ರಾಜಕಾರಣಿ ಅಂಚನೆ ಭಾರತೀಯ ಜನತಾ ಪಕ್ಷದ ಸದಸ್ಯೆರ್, ರಾಜ್ಯಸಭೆತ ವಿರೋಧ ಪಕ್ಷದ ನಾಯಕೆರಾದ್ ಅಂಚನೆ ಭಾರತ ಸರ್ಕಾರದ ವಾಣಿಜ್ಯ, ಕೈಗಾರಿಕೆ, ಕಾನೂನು ಅಂಚನೆ ನ್ಯಾಯಾಂಗದ ಯೂನಿಯನ್ ಮಂತ್ರಿಯಾದ್ ಬೇಲೆ ಬೆಂದಿನಾರ್.

ವಿದ್ಯಾರ್ಥಿ ಜೀವನದ ಹಿನ್ನೆಲೆ[ಸಂಪೊಲಿಪುಲೆ]

ಅರುಣ್ ಜೇಟ್ಲಿ ನವ ದೆಹಲಿಡ್ ಕಿಶನ್ ಬೊಕ್ಕ ರತನ್ ಪ್ರಭಾ ಜೇಟ್ಲಿ ದಂಪತಿಲೆಗ್ ಮಗೆಯಾದ್ ಪುಟ್ಟಿಯೆರ್. ಅರೆನ ಅಮ್ಮೆರ್ ವಕೀಲೆರಾದಿತ್ತೆರ್. ಆರ್

  • ೧೯೬೯-೭೦ನ ಅವಧಿಡ್ ನವದೆಹಲಿದ ಸೇಂಟ್ ಕ್ಸೇವಿಯರ್ಸ್ ಶಾಲೆಡ್ ವಿದ್ಯಾಭ್ಯಾಸ ಮಲ್ತೆರ್.
  • ೧೯೭೩ಡ್ ನವದೆಹಲಿದ ಶ್ರೀ ರಾಮ್ ಕಾಲೇಜ್ ಆಫ್ ಕಾಮರ್ಸ್‌ಡ್ ವಾಣಿಜ್ಯ ಪದವಿನ್ ಪಡೆಯೆರ್.
  • ೧೯೭೭ಡ್ ದೆಹಲಿ ವಿಶ್ವವಿದ್ಯಾನಿಲಯದ ಫ್ಯಾಕಲ್ಟಿ ಆಫ್ ಲಾಡ್ದ್ ಕಾನೂನು ಪದವಿಯನ್ನು ಪಡೆಯೆರ್.
  • ತನ್ನ ವಿದ್ಯಾರ್ಥಿ ಜೀವನೊಡು ಅರೆನ ವಿದ್ಯಾಭ್ಯಾಸದ ಬೊಕ್ಕ ಬೇತೆ ಚಟುವಟಿಕೆಲೆಡ್ ಎಡ್ಡೆ ಸಾಧನೆ ಮಲ್ತಿನೆಗಾತ್ರ ಪ್ರಶಸ್ತಿಲೆನ್ ಪಡೆದಿತ್ತೆರ್.
  • ೧೯೭೪ಡ್ ದೆಹಲಿ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರಾದಿತ್ತೆರ.[೧]

ವಿದ್ಯಾರ್ಥಿ ಸಂಘದ ನಾಯಕೆರಾದ್ ತಮ್ಮ ರಾಜಕೀಯ ವೃತ್ತಿ ಜೀವನದ ಸುರು[ಸಂಪೊಲಿಪುಲೆ]

ದೆಹಲಿ ವಿಶ್ವವಿದ್ಯಾನಿಲಯದ ಕ್ಯಾಂಪಸ್‌ಡ್ ಜೇಟ್ಲಿ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ (ಎ‌ಬಿವಿಪಿ)ದ ವಿದ್ಯಾರ್ಥಿ ನಾಯಕೆಯಾದಿತ್ತೆರ್. ಅಂಚನೆ ೧೯೭೪ಡ್ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿ ಸಂಘದ ಗುರಿಕಾರೆ ಆಯೆರ್. ನಾಗರೀಕರೆ ಅನಿರ್ಬಂಧಿತ ಸ್ಥಿತಿಡ್ ಆಂತರಿಕ ತುರ್ತು ಪರಿಸ್ಥಿತಿದ (೧೯೭೫–೭೭) ಘೋಷಣೆಯಾನಗ ೧೯ ತಿಂಗೊಳು ಜೈಲ್ ಸೇರಿಯೆರ್. ೧೯೭೩ಡ್ ರಾಜ್ ನರೇನ್ ಬೊಕ್ಕ ಜಯ ಪ್ರಕಾಶ್ ನಾರಾಯಣ್ ಅಕುಲೆನ ನೇತೃತ್ವಡ್ ಸುರುವಾಯಿನ ಭ್ರಷ್ಟಾಚಾರದ ವಿರುದ್ಢದ ಚಳುವಳಿಡ್ ಜೇಟ್ಲಿನ ಪಾತ್ರ ಪ್ರಮುಖವಾದಿತ್ತ್ಂಡ್. ಜಯ ಪ್ರಕಾಶ್ ನಾರಾಯಣೆರ್ ಜೇಟ್ಲಿನ್ ವಿದ್ಯಾರ್ಥಿಲೆನ ನ್ಯಾಷನಲ್ ಕಮಿಟಿದ ಅಂಚನೆ ಯೂತ್ ಆರ್ಗನೈಸೇಶನ್‌ದ ಸಂಯೋಜಕರಾ‍ದ್ ನೇಮಕ ಮಲ್ತೆರ್. ಸತೀಶ್ ಝಾ ಬೊಕ್ಕ ಸ್ಮಿತು ಕೋಠಾರಿ ಅಕುಲೆನೊಟ್ಟುಗು ಸೇರ್ದ್ ನಾಗರೀಕ ಹಕ್ಕು ಚಳುವಳಿಡ್ ಸಕ್ರಿಯವಾದ್ ಭಾಗಿಯಾದ್ ಅಂಚನೆ ಪಿಯುಸಿಎಲ್ ಬುಲೆಟಿನ್ ಬೊಲ್ಪುಗು ಕನತೆರ್. ಜೈಲ್‌ಡ್ದ್ ಪಿದಯಿ ಬತ್ತಿ ಬೊಕ್ಕ ಜನಸಂಘೊನು ಸೆರಿಯೆರ್.

ಕಾನೂನು ವೃತ್ತಿ[ಸಂಪೊಲಿಪುಲೆ]

೧೯೭೭ಡ್ದ್ ದೇಶದ ಬೇತೆ ಬೇತೆ ಹೈಕೋರ್ಟ್‌ಲೆಡ್ ಅಂಚನೆ ಭಾರತದ ಸುಪ್ರೀಂ ಕೋರ್ಟ್ಡ್ ವಕೀಲೆರೆನ ಕೆಲಸ ಮಲ್ತಿನ ಹಿರಿಯ ವಕೀಲೆರ್. ೧೯೮೯ನ ವಿ.ಪಿ. ಸಿಂಗ್ ಸರ್ಕಾರೊಡು ಅರೆನ್ ಅಡಿಷನಲ್ ಸಾಲಿಸಿಟರ್ ಜನರಲ್ ಪಂದ್ ನೇಮಕ ಮಲ್ತೆರ್ ಅಂಚನೆ ಆರ್ ಬೋಫೋರ್ಸ್ ಹಗರಣದ ಮಾತ ಕಾಕಜಿ ವ್ಯವಹಾರೊಲೆನ ಕೆಲಸ ಮಲ್ತೆರ್. ರಾಜಕೀಯ ವ್ಯಾಪ್ತಿದ ಜನತಾ ದಳದ ಶರದ್ ಯಾದವ್ಎರೆಡ್ದ್ ಸುರುವಾದ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ದ ಮಾಧವ್‌ರಾವ್ ಸಿಂಧ್ಯಾ ಅಂಚನೆ ಭಾರತೀಯ ಜನತಾ ಪಕ್ಷ (ಬಿಜೆಪಿ)ದ ಎಲ್.ಕೆ. ಅಡ್ವಾಣಿ ಮುಟ್ಟ ಮಾತೆರ್ಲ ಮೆರೆನ ಕಕ್ಷಿದಾರೆರಾತೆರ್. ಮೇರ್ ಕಾನೂನು ಬೊಕ್ಕ ಸದ್ಯೊದ ವ್ಯವಹಾರೊಲೆನ ಬಗೆಟ್ಟ್ ಮಸ್ತ್ ಪ್ರಕಟಣೆಲೆನ್ ಬರೆಯಿನಾರ್. ಭ್ರಷ್ಟಾಚಾರೊಗು ಸಂಬಂಧಿಸದಿನ ಭಾರತೊಡು ಅಪರಾದೊಲು ಪನ್ಪಿ ವಿಷಯದ ಪತ್ರೊಲೆನ್ ಇಂಡೋ-ಬ್ರಿಟಿಷ್ ಲೀಗಲ್ ಫೋರಂ ಎದುರು ಮಂಡನೆ ಮಲ್ತೆರ್. ಜೂನ್ ೧೯೯೮ಡ್ ಡ್ರಗ್ಸ್ ಬೊಕ್ಕ ಮನಿ ಲಾಂಡರಿಂಗ್ ಹಗರಣೊಲೆಗ್ ಸಂಬಂಧಿಸದ್ ನಡತಿನ ಯುನೈಟೆಡ್ ನೇಷನ್ಸ್ ಜನರಲ್ ಅಸೆಂಬ್ಲಿ ಸಭೆಟ್ಟ್ ಜೇಟ್ಲಿ ಭಾರತ ಸರ್ಕಾರದ ಪ್ರತಿನಿಧಿಯಾದ್ ಭಾಗವಹಿಸದೆರ್.

ಉಲ್ಲೇಕೊಲು[ಸಂಪೊಲಿಪುಲೆ]

  1. https://starsunfolded.com/arun-jaitley/