ಪಾಂಚಾ
ಪಾಂಚಾ ಊಂದೊಜಿ ರಾಪುನಾ ಜಾತಿಗ್ ಸೆರ್ನಾ ಕುಂಞಿ ದಿಡುನಾ ಮೃಗೊ, ತೂಯರ ಚನಿಲ್‌ತ ಲೆಕೊ ಉಪ್ಪುಂಡು, ಪೆರ್ಗುಡೆ ಜಾತಿತ ಮೃಗೊ ಅದುಂಡು. ನೆನ್ನ್ ಪಾಂಚ, ಪಾಂಜಾ ಪಂದ್‌ಲ ಪನ್ಪೆರ್. ವೈಜ್ಙಾನಿಕ ಪುದರ್ Petaurista philippensi, ಇಂಗ್ಲಿಸ್‌ಡ್ Indian giant flying squirrel ಪಂದ್ ಲೆಪ್ಪುವೆರ್[೧].
ರೂಪೊ[ಸಂಪೊಲಿಪುಲೆ]
ಮಯ ಮಯ ಕಂದು ಬಣ್ಣೊ ಅತ್ ಮೊನೆ ತೂಯರ ಚನಿಲ್‌ತ ಲೆಕೊ ಇಪ್ಪುಂಡು, ಜುವೊ ಮಾಂತ ಬಾವೊಲಿತ ಲೆಕೊ ಉಪ್ಪುಂಡು. ಎದುರುತ ಕಾರ್ ಬುಕ್ಕ ಪಿರಾವುತ ಕಾರ್‌ತ ನಡುಟ್ಟು ಪಾಪೆತ ಲೆಕೊ ಪರೆ ಉಂಡು. ಉಂದು ರೆಂಕೆತ ಲೆಕೊ ರಚನೆ ಇತ್ತ್‌ದ್ ಮರರ್ದ್ ಮರಕ್ ರಾವೊಂದು ಪೋಯರ ಸಕಾಯ ಮಾನ್ಪುಂಡು. ಮರತ್ ಮರಕ್ಕ್ ಮಾಂತ್ರೊ ರಾತ್ ಪೊಯರ ಅಪುಂಡು. ಸುಮಾರ್ ದೂರ ಮುಟ್ಟ ಪೋಯರ ಅಪುಜಿ. ಉಂದು ಕಾರ್‌ಟ್ ನಡತೊಂದುಲ ಪೋಪುಂಡು. ನೆನ್ನ ಜುವೊ ಉದ್ದೊ 43 ಸೆಂ.ಮೀ. ನೆನ್ನ ಬಿಲೊ 50 ಸೆಂ.ಮೀ ಉದ್ದೊ ಉಂಡು. ಬಾಕಿ ಮೃಗೊಲೆನ ಲೆಕೊನೆ ಬುಲಿಪುಂಡು.[೨]
ಇಪ್ಪುನ[ಸಂಪೊಲಿಪುಲೆ]
- ಉಂದು ಪಡ್ಡೊಯಿ ಗಟ್ಟೊಡು, ದಕ್ಷಿಣ ಏಷ್ಯಾ, ಆಗ್ನೇಯ ಏಷ್ಯಾ ಬುಕ್ಕ ದಕ್ಷಿಣ-ಮಧ್ಯ ಚೀನಾಟ್ ಮಾಂತ ಉಂಡು.
- ಅಂಚನೆ ಲಾವೋಸ್, ಮ್ಯಾನ್ಮಾರ್, ಶ್ರೀಲಂಕಾ, ತೈವಾನ್, ಥೈಲ್ಯಾಂಡ್ ಬುಕ್ಕ ವಿಯೆಟ್ನಾಂಟ್ಲ ಉಂಡು.
ತೆನಸ್[ಸಂಪೊಲಿಪುಲೆ]
ಇರೆ, ಚೊಲಿ, ಪುರಿ, ಪರ್ದಂದ್, ಎಲ್ಯ ಎಲ್ಯ ಕೀಡೆಲೆನ್ ಮಾಂತ ತಿನ್ಪುಂಡು.
ಬಗೆಕುಲು[ಸಂಪೊಲಿಪುಲೆ]
- ಬಾವೊಲಿ ಪಾಂಚ
- ಇರೆ ಬಾವೊಲಿ ಪಾಂಚ
- ಬಜಕ್ರೆ ಪಾಂಚ
- ದರ್ಗ್ಪಾಂಚ
ಉಲ್ಲೇಕೊಲು[ಸಂಪೊಲಿಪುಲೆ]
- ↑ Yapa, A.; Ratnavira, G. (2013). Mammals of Sri Lanka. Colombo: Field Ornithology Group of Sri Lanka. p. 1012. ISBN 978-955-8576-32-8.
- ↑ Distribution and Status of Indian Giant Flying Squirrel (Petaurista philippensis Elliot) in Rajasthan, India, 09 February 2013, https://link.springer.com/article/10.1007%2Fs40009-012-0105-z