ತಾನಿಯಾ ಭಾಟಿಯಾ

ತಾನಿಯಾ ಭಾಟಿಯಾ

ಭಾರತೊ ತಂಡೊದ ಪರವಾದ್ ಭಾಟಿಯಾ ಬ್ಯಾಟಿಂಗ್ 2020 ಐಸಿಸಿ ಪೊಂಜೊಲೆನ ಟಿ-20 ವಲ್ಡ್ ಕಪ್
Personal information
ಪುದರ್	ತಾನಿಯಾ ಭಾಟಿಯಾ
ಪುಟ್ಟಿನಿ	(1997-11-28) 28 November 1997 ಚಂಡಿಗಢ, ಭಾರತ
ಬ್ಯಾಟಿಂಗ್	ಬಲಗೈ
ಪಾತ್ರೊ	ವಿಕೆಟ್ ಕೀಪರ್ ಬ್ಯಾಟ್ಸ್ಮನ್
International information
ದೇಶೊದ	ಭಾರತ
ODI debut (cap ೧೨೪)	೧೧ ಸಪ್ಟೆಂಬರ್ ೨೦೧೮ v ಶ್ರೀಲಂಕಾ
Last ODI	೬ ನವೆಂಬರ್ ೨೦೧೯ v ವೆಸ್ಟ್ ಇಂಡೀಸ್
T20I debut (cap ೫೫)	೧೩ ಫೆಬ್ರವರಿ ೨೦೧೮ v ದಕ್ಷಿಣ ಆಫ್ರಿಕಾ
Last T20I	೮ ಮಾರ್ಚ್ ೨೦೨೦ v ಆಸ್ಟ್ರೇಲಿಯಾ
Career statistics
Competition WODI WT20I Matches ೧೫ ೪೯ Runs scored ೧೨೧ ೧೩೯ Batting average ೨೦.೧೬ ೮.೬೮ 100s/50s 0/೧ 0/0 Top score ೬೮ ೪೬ Catches/stumpings ೧೪/೮ ೧೮/೪೦
Source: Cricinfo, ೮ ಮಾರ್ಚ್ ೨೦೨೦

ತಾನಿಯಾ ಭಾಟಿಯಾ, ಒರ್ತಿ ಭಾರತೀಯ ಮಹಿಳಾ ಕ್ರಿಕೆಟ್ ಗೊಬ್ಬುದಾರ್. ಮೆರ್ ಬಲಗೈ ಬ್ಯಾಟ್ಸಮಾನ್ ಬೊಕ್ಕ ವಿಕೇಟ್ ಕೀಪರ್‌‌. ದೇಶಿ ಕ್ರಿಕೆಟ್‍‌ಡ್ ಉತ್ತರ ವಲಯ, ಪಂಜಾಬ್ ಕ್ರಿಕೆಟ್ ತಂಡೊಲೆಡ್ ಗೊಬ್ಬುವೆರ್.

ಸುರುತ ಜೀವನ

ತಾನಿಯಾ ಭಾಟಿಯಾ ನವಂಬರ್ ೨೮, ೧೯೯೭ಡ್ ಚಂಡಿಗಡ್, ಪಂಜಾಬ್‌‌ಡ್ ಪುಟ್ಟ್ದ್‌ದೆರ್.ಮೆರ್ ಸಪ್ನಾ ಬೊಕ್ಕ ಸಂಜಯ್ ಭಾಟಿಯಾ ದಂಪತಿಲೆನ ಮಗಳ್. ಇವರ ಅಮ್ಮೆರ್ ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾಡ್ ಬೇಲೆ ಮಲ್ತೊಂದಿತ್ತೆರ್ ಅಂಚನೆ ಅಖಿಲ ಭಾರತ ವಿಶ್ವವಿದ್ಯಾನಿಲಯ ಮಟ್ಟೊಡು ಕ್ರಿಕೆಟ್ ಗೊಬ್ಬುದೆರ್. ಮೆರೆಗ್ ಮಲ್ಲ ಅಕ್ಕ ಸಂಜನಾ ಬೊಕ್ಕ ಕಿನ್ಯ ಮೆಗ್ಯೆ ಸೇಹಜ್ ಉಲ್ಲೆರ್

ಸುರುಕು ಮೆರ್ ಡಿಎವಿ ಸೀನಿಯರ್ ಸೆಕೆಂಡರಿ ಶಾಲೆಡ್ ಓದೊಂದಿತ್ತಿನಪಗ ಮಾಜಿ ಭಾರತೀಯ ಕ್ರಿಕೆಟಿಗೆರಾಯಿನ ಅಂಚನೆ ಯುವರಾಜ್ ಸಿಂಗ್‌ನ ಅಮ್ಮೆರ್ ಯೋಗ್ರಾಜ್ ಸಿಂಗೆರೆಡ ಭಾಟಿಯಾ ತರಬೇತಿ ಪಡೆಯೆರ್. ಮೆರ್ ಎಂ ಸಿ ಎಂ ಡಿಎವಿ ಪೊಂಜೊಲೆನ ಕಾಲೇಜಿಡ್ ಬಿ ಎ ಅಧ್ಯಯನ ಮಲ್ತೆರ್.

ತಾನಿಯಾ ಭಾಟಿಯಾನ ವೃತ್ತಿ ಜೀವನ

ಸುರುತ ದರ್ಜೆ ಕ್ರಿಕೆಟ್

ಮೆರ್ ತನ್ನ ೧೧ನೇ ವರ್ಸ ಪ್ರಾಯೊಡು ೧೯ನೆ ಪ್ರಾಯಮಿತಿ ತಂಡೊಡು ಪಂಜಾಬ್ ತಂಡದ ಪ್ರತಿನಿಧಿಯಾದ್ ಪಂಜಾಬ್ ಕ್ರಿಕೆಟ್ ತಂಡೊದ ಕಿನ್ಯ ಗೊಬ್ಬುದರಾದಿತ್ತೆರ್.ಬೊಕ್ಕ ಕೆಲವೆ ದಿನೊಟು ಭಾರಿ ಬೇಗನೆ ಹಿರಿಯ ರಾಜ್ಯ ತಂಡೊನು (೧೬ನೇ ವರ್ಸ ಪ್ರಾಯೊಡು) ಸೇರಿಯೆರ್.

೨೦೧೫ಡ್ ಮೆರ್ ಗುವಾಹಾಟಿಡುಪ್ಪುನ ಅಂತರ-ವಲಯ ಕ್ರಿಕೆಟ್ ಪಂದ್ಯಾವಳಿಡ್ ೧೯ರ ಪ್ರಾಯಮಿತಿದ ಉತ್ತರ ವಲಯ ತಂಡೊದ ಗುರ್ಕಾರ್ಮೆ ವಹಿಸೊಂಡೆರ್. ಈ ಪಂದ್ಯೊಡು ಮೆರ್ ೨೨೭ ರನ್‍‌ಲೆನ್ ಮಲ್ತೆರ್ .ಮೆರ್ ತನ್ನ ೧೬ನೇ ವರ್ಸೊ ಪ್ರಾಯೊಡು ಭಾರತ ಎ ತಂಡೊಗು ಸೇರಿಯೆರ್. ಮೆರ್ ರಡ್ದ್ ವರ್ಷ ಕಾಲ ವೃತ್ತಿಪರ ಹಿನ್ನಡೆ ಅನುಭವಿಸಯೆರ್ ಉಂದೆಟ್ ಮಸ್ತ್ ಕ್ರಿಕೆಟ್‌ದ ಮಿತ್ತ್‌ದ ಉಮೇದ್ ಕಳೆವೊನುನಂಚ ಆಪುಂಡು. ತನ್ನ ಅಪ್ಪೆನ ಬೆರಿ ಸಹಾಯೋಡು ಪಿರ ತನ್ನ ಕನನ್ ದುಂಬುವರಿಪೆರೆ ಪ್ರೇರಣೆ ಪಡೆಯೆರ್.

ಅಂತರರಾಷ್ಟ್ರೀಯ ಕ್ರಿಕೆಟ್

ಫೆಬ್ರವರಿ ೧೩, ೨೦೧೮ಡ್ ದಕ್ಷಿಣ ಆಫ್ರಿಕದಡ್ ದಕ್ಷಿಣ ಆಫ್ರಿಕ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಸುರುತ ಟಿ-೨೦ ಪಂದ್ಯೊದ ಮುಖಾಂತರ ತಾನಿಯಾ ಭಾಟಿಯಾ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್. ಬೊಕ್ಕ ಸೆಪ್ಟಂಬರ್ ೧೧, ೨೦೧೮ಡ್ ಶ್ರೀಲಂಕಡ್ ಶ್ರೀಲಂಕಾ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಸುರುತ ಏಕದಿನ ಪಂದ್ಯೊದ ಮುಖಾಂತರ ತಾನಿಯಾ ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ .

ಪಂದ್ಯೊಲು

• ಏಕದಿನ ಕ್ರಿಕೆಟ್ : ೦೩ ಪಂದ್ಯೊಲು
• ಟಿ-೨೦ ಕ್ರಿಕೆಟ್ : ೨೫ ಪಂದ್ಯೊಲು

ಅರ್ಧ ಶತಕೊಲು

1. ಏಕದಿನ ಕ್ರಿಕೆಟ್‌‌ಡ್ : ೦೧