ಸಜ್ಜಿಗೆ

ವಿಕಿಪೀಡಿಯರ್ದ್
ಸಜ್ಜಿಗೆ
ಸಜ್ಜಿಗೆ
ಪುದರ್ಉಪ್ಪಿಟ್ಟ್ , ರವ ಸಜ್ಜಿಗೆ , ಉಪ್ಮಾl
ಬಗೆತಿಂಡಿ
ಪುಟ್ಟಿ ದೇಸೊಭಾರತ
ರಾಜ್ಯೊಕುಡ್ಲ,ಉಡುಪಿ
ಬೋಡಾಯಿ ವಸ್ತುಲುರವ

ಸಜ್ಜಿಗೆ ಉಂದು ಚಾತ್ತ ಬಾಯಿಗ್ ತಿನ್ಪಿನ ರವನ್ ಗಲಸ್ ದ್ ಮಲ್ಪಿನ ತಿಂಡಿ. ರವ ತಿಕ್ಕ್ಂಡ ಅವೆನ್ ಈನೆಕ್ಕ್ ಗಲಸೊಲಿ ಪನ್ನಗ ನೆನಪಾಪಿನೇ ಸಜ್ಜಿಗೆ. ದಾಯೆ ಪಂಡ ಉಂದು ಮಲ್ಪರೆಲಾ ಸುಲಬ ಅಂಚನೆ ಒಣಸ್ ಮಲ್ತಿಲೆಕನೇ ಬಂಜಿಲಾ ದಿಂಜುಂಡು. ಕುಡ್ಲ , ಉಡುಪಿ ಲೆದ ವೊಟೇಲ್ ಲೆಡ್ ಕಾಲಿ ಸಜ್ಜಿಗೆ, ಬಜಿಲ್ ದೊಟ್ಟುಗು ಸಜ್ಜಿಗೆ ನ್ಲಾ ಬಲಸುವೆರ್. ಉಂದು ತುಳುನಾಡ್ ದ ಒಂಜಿ ಮಾಮೂಲಿ ತಿಂಡಿ ಪಂದ್ ಲಾ ಪನೊಲಿ. [೧][೨]

ಬೋಡಾಯ್ನ ಸಾಮಾನುಲು[ಸಂಪೊಲಿಪುಲೆ]

  • ರವ - ಮುಕ್ಕಾಲ್ ಕಪ್.
  • ನೀರುಳ್ಳಿ - ೧.
  • ಕಾಯ್ಮುಂಚಿ -೪/೫.
  • ದಾಸಿಮಿ- ಅರ್ದ ಚಮ್ಚ.
  • ಬೊಲ್ಲುಲ್ಲಿ - ೪/೫ ಅರಿ.
  • ಉರ್ದು - ಅರ್ದ ಚಮ್ಚ.
  • ಶುಂಠಿ - ಅರ್ದ ಕಂಡೆ (ಸನ್ನ ಮೂರೊಡು).
  • ನೈ - ೧ ಚಮ್ಚ.
  • ಬೇವಿರೆ.
  • ಉಪ್ಪು - ರುಚಿಗ್ ಬೋಡಾಯ್ನಾತ್.
  • ಬೀಜ - ೧೦/೧೨ ಬೊಂಡು (ಬೋಡಂಡ ಮಾತ್ರ).
  • ಅಡಿಗೆ ಎಣ್ಣೆ - ೨ ಚಮ್ಚ. [೩][೪]

ಮಲ್ಪುನ ವಿದಾನೊ[ಸಂಪೊಲಿಪುಲೆ]

ಒಂಜಿ ಬಾಣಲೆಗ್ ೨ ಚಮ್ಚ ಎಣ್ಣೆ, ೧ ಚಮ್ಚ ನೈ ಪಾರ್ದ್ ಅವ್ ಕೊದ್ದಿ ಬೊಕ್ಕ ಗುದ್ದುದಿನ ಬೊಲ್ಲುಲ್ಲಿ , ದಾಸಿಮಿ, ಉರ್ದು ,ಬೇವಿರೆ, ಶುಂಠಿ ,ಬೀಜ, ಕಾಯ್ಮುಂಚಿ ಮಾಡೊಡು. ಅವೆನ್ ಮಗತ್ ದ್ ಮೂರ್ದಿನ ನೀರುಳ್ಳಿ, ಬೊಕ್ಕ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾಡೊಡು . ಒಗ್ಗರಣೆ ಕಾಯೊಂದು ಬತ್ತಿಲೆಕನೆ ರವ(ಪೊತ್ತುದ್ ದೀತಿನ) ಪಾರ್ದ್ ಒಂಜರೆ ಲೋಟೆ ನೀರ್ ಪಾರ್ದ್ ಸಜ್ಜಿಗೆನ್ ಬೈಪಾವೊಡು. ಸಜ್ಜಿಗೆ ಬೈತಿ ಕೂಡ್ಲೆ ಪಾರ್ದಿನ ನೀರ್ ಆಜೊಂದು ಬರ್ಪುಂಡು. ಬೊಕ್ಕ ಸಜ್ಜಿಗೆನ್ ಜಾದ್ ದೀವೊಡು. ಚಪ್ಪೆ ಆಯಿಲೆಕ ಸಜ್ಜಿಗೆ ಹೆಂಟೆದ ಲೆಕ ಗಟ್ಟಿ ಆಪುಂಡು.[೫]

ಬೇತೆ ಬಾಸೆಲೆಡ್ ಸಜ್ಜಿಗೆ[ಸಂಪೊಲಿಪುಲೆ]

ಬಾಸೆ ರೋಮನ್ ಲಿಪ್ಯಂತರಣ ಯುನಿಕೋಡ್
ಗುಜುರಾತಿ ಉಪ್ಮಾ[೬] ઉપમા
ಕನ್ನಡ ಉಪ್ಪಿಟ್ಟು , ಖಾರಬಾತ್ ಉಪ್ಪಿಟ್ಟು, ಖಾರಬಾತ್
ತಮಿಳ್ ಉಪ್ಮಾ உப்புமா
ಮಲಯಾಳಂ ಉಪ್ಪುಮಾವ್ ഉപ്പുമാവ്
ತೆಲುಗು ಉಪ್ಮಾ , ಉಪ್ಪಿಂಡಿ ఉప్మా, ఉప్పిండి
ಮರಾಠಿ ಸಾಂಜ, ಉಪ್ಪೀಟ್, ಉಪ್ಮಾ सांजा, उप्पीट/उपमा
ಕೊಂಕಣಿ ರುಲಾನ್ವ್ रुलांव
ಹಿಂದಿ ಉಪ್ಮಾ[೭] उपमा
ಒಡಿಯ ಉಪ್ಮಾ ଉପମା
ಬೆಂಗಾಲಿ ಉಪ್ಮಾ উপমা

ಉಲ್ಲೇಕೊಲು[ಸಂಪೊಲಿಪುಲೆ]

  1. "Sajjige | Upma | Mangalorean Style Savoury Semolina". Ruchik Randhap. 28 February 2010. Retrieved 16 July 2022.
  2. Kitchen, Hebbars (14 July 2021). "upma recipe 3 ways | sooji upma | rava upma | uppittu recipe". Hebbar's Kitchen. Retrieved 16 July 2022.
  3. "Sajjige Recipe by Harshitha Gurukumar". Cookpad (in ಇಂಗ್ಲಿಷ್). Retrieved 16 July 2022.
  4. "Uppittu | Rava Upma | Semolina Upma". My Cooking Journey. 27 April 2018. Retrieved 16 July 2022.
  5. "SAJJIGE". tinditirtha. 3 December 2019. Retrieved 16 July 2022.
  6. "રવા ઉપમા ની રેસીપી - સોજી નો ઉપમા બનાવવાની રીત - Rava Upma Recipe In Gujarati" (in ಗುಜರಾತಿ).
  7. "रवा उपमा रेसिपी - Rava Upma Recipe In Hindi - Suji Upma - Upma Banane Ki Vidhi". Hindi Foodviva (in ಹಿಂದಿ). Retrieved 16 July 2022.