ಮಾಲ್ಪುರಿ

ವಿಕಿಪೀಡಿಯರ್ದ್
ಮಾಲ್ಪುರಿ
ಮಾಲ್ಪುರಿ
ಪುದರ್ಮಾಲ್ಪುವl
ಬಗೆತಿಂಡಿ
ಪುಟ್ಟಿ ದೇಸೊಭಾರತ
ರಾಜ್ಯೊಕುಡ್ಲ, ಉಡುಪಿ
ಬೋಡಾಯಿ ವಸ್ತುಲುಮೈದಾ
ಬೇತೆ ಪೊಲಬು

ಮಾಲ್ಪುರಿ ತುಳುನಾಡ್‍ಡ್ ಮಲ್ಪಿನ ಒಂಜಿ ಬಗೆತ್ತ ಚೀಪೆ ತೆನಸ್. ಮೈದಾ / ಗೋದಿ ಹಿಟ್ಟ್ ನ್ ಗಲಸ್‍ದ್ ಉಂದೆನ್ ಮಲ್ತ್‍ದ್ ಎಣ್ಣೆಡ್ ಕೈಪುವೆರ್. ಈ ತೆನಸ್‍ದ ಬಗ್ಗೆ ವೇದೊಲೆಡ್ ಸುರೂತ ವೇದೊ ಆಯಿನ ಋಗ್ವೇದೊಡು ಮಾಹಿತಿ ಉಂಡು ಪನ್ಪೆರ್. ಅವೆಟ್ಟ್ ಮಾಲ್ಪುರಿನ್ ಅಪುಪಾ ಪನ್ಪಿನ ಪುದರ್ ಡ್ ಬರೆತಿನ ಕುರುಕು ಉಂಡು ಪನ್ಪೆರ್. ಉಂದೆನ್ ಕರಾವಳಿ ಪ್ರದೇಸೊಡು ಸುರುಕು ತಯಾರ್ ಮಲ್ದಿನೈರ್ದಾವರ ಅಂಚಾದ್ ಕುಡ್ಲ-ಉಡುಪಿ ಸ್ಪೆಷಲ್ ತೆನಸ್ ಪಂಡ್ಂದ್ಲಾ ಉಂದೆಕ್ಕ್ ಪನ್ಪೆರ್.[೧]

ಇತಿಹಾಸೊ[ಸಂಪೊಲಿಪುಲೆ]

ಮಾಲ್ಪುರಿ ಪನ್ಪಿನ ತಿಂಡಿದ ಪರಿಚಯೊನ್ ನಾಲ್ ವೇದೊಲೆಡ್ ಪ್ರಾಚೀನ ಅಂಚನೆ ಸುರೂತ ವೇದೊ ಋಗ್ವೇದೊಡ್[೨][೩] ಮಲ್ತಿತ್ತೆರ್ ಪಂಡ್‍ದ್ ಪನ್ಪೆರ್. ಅಪಗ ಅವೆಟ್ಟ್ ಅಪುಪಾ ಪನ್ಪಿನ ಪುದರ್ ಡ್ ಮಾಲ್ಪುರಿದ ತಿಂಡಿದ ಬಗ್ಗೆ ಬರೆತ್ಂಡ್ ಪನ್ಪಿನ ವಿಚಾರೊ ಉಂಡು. ಕ್ರಿ.ಪೂ.1500, ಋಗ್ವೇದೊದ ಕಾಲೊರ್ದ್ ಕ್ರಿ.ಶ.400 - ಗುಪ್ತೆರ್ ನ ಕಾಲೊಡ್ ಉಂದೆನ್ ಬಾರ್ಲಿದ ಹಿಟ್ಟ್ ನ್ ಗಲಸ್‍ದ್ ತಯಾರ್ ಮಲ್ಪೆದೆರ್. ಇತ್ತೆ ಮಾತ್ರ ಮಾಲ್ಪುರಿನ್ ಮೈದಾ ಇಜ್ಜಾಂಡ ಗೋದಿ ಹಿಟ್ಟ್ ನ್ ಗಲಸ್‍ದ್ ಮಲ್ಪುವೆರ್.[೪]

ಬೋಡಾಯ್ನ ಸಾಮಾನುಲು[ಸಂಪೊಲಿಪುಲೆ]

  • ಮೈದಾ/ಗೋದಿದ ಹಿಟ್ಟ್ - ಒಂಜಿ ಬೊಗೊಣಿ.
  • ಸಕ್ಕರೆ - ಕಾಲ್ ಬೊಗೊಣಿ(ಚೀಪೆಗ್ ಬೋಡಾಯ್ನಾತ್).
  • ಅಲೆ - ಒಂಜಿ ಬೊಗೊಣಿ.
  • ರವ - ಕಾಲ್ ಕಪ್.
  • ಏಲಕ್ಕಿದ ಪೊಡಿ - ಕಾಲ್ ಚಮ್‍ಚ.
  • ಮಂಜೊಲ್‍ದ ಪೊಡಿ/ಮಂಜೊಲ್ ಕಲರ್(ಫುಡ್‍ಗ್ ಪಾಡುನ ಕಲರ್) - ಅರ್ದ ಚಮ್‍ಚ.
  • ರುಚಿಗ್ ಬೋಡಾಯ್ನಾತ್ ಉಪ್ಪು.
  • ಎಣ್ಣೆ/ಪೆತ್ತೊದ ನೈ - ಮಾಲ್ಪುರಿನ್ ಕೈಪರೆ.[೫]

ಮಲ್ಪುನ ವಿದಾನೊ[ಸಂಪೊಲಿಪುಲೆ]

ಒಂಜಿ ಬೊಗೊಣಿಡ್ ಮೈದಾ, ಸಕ್ಕರೆ, ಅಲೆ, ರವ, ಏಲಕ್ಕಿದ ಪೊಡಿ, ಮಂಜೊಲ್‍ದ ಪೊಡಿ ಇಜ್ಜಾಂಡ ಕೇಸರಿ ಪಾರ್ದ್ ಕಲಪ್ಪೊಡು. ದೋಸೆಗ್ ಬಂದೊನ್ ಕಲತ್ತಿಲೆಕ ಕಲಪ್ಪೊಡು(ಬೋಡಂಡ ನೀರ್ ಮೈಪೊಲಿ). ಕಲತ್ತಿನ ಬಂದೊನ್ ಒಂಜಿ ಗಂಟೆ ಅಂಚನೆ ಬಾಯಿದೀದ್ ಬರಿಕ್ ದೀವೊಡು. ಅವೆರ್ದ್ ಬೊಕ್ಕ ಕಾವಲಿಡ್ ನೈ/ಎಣ್ಣೆಡ್ ಬಂದೊನ್ ಎಲ್ಯ ಎಲ್ಯ ಆಕಾರೊಡ್ ಮಯ್ತ್‍ದ್ ರಡ್ಡ್ ಪುಡೆಟ್ಲಾ ಕಾಯುಲೆಕ ಮಗ್‍ತ್‍ದ್ ಪಾಡೊಂದಿಪ್ಪೊಡು. ಎಡ್ಡೆ ಕಾಯಿ ಬೊಕ್ಕ ಮಾಲ್ಪುರಿನ್ ಬೆಚ್ಚ ಬೆಚ್ಚ ಇಜ್ಜಾಂಡ ಚಪ್ಪೆ ಆಯಿ ಬೊಕ್ಕಲಾ ತಿನೊಲಿ.

ಬೇತೆ ಬಾಸೆಲೆಡ್ ಮಾಲ್ಪುರಿ[ಸಂಪೊಲಿಪುಲೆ]

ಉಲ್ಲೇಕೊಲು[ಸಂಪೊಲಿಪುಲೆ]

  1. "Malpuri Is A Traditional Mangalore Sweet, A Local's Favorite". 1 May 2020. Retrieved 25 July 2022.
  2. Soni, Bhagyashree (16 December 2021). "Malpua: There is a mention of delicious Malpua in the Vedas as well, know its interesting history". News NCR. Retrieved 25 July 2022.
  3. "Malpua: The Story Of Perhaps The Oldest Indian Dessert Ever Known". Slurrp. Retrieved 25 July 2022.
  4. "Winter delight". recipes.timesofindia.com. 5 September 2018. Retrieved 25 July 2022.
  5. Haraniya, Krutika (29 May 2017). "Malpua: India's Oldest Dessert". www.livehistoryindia.com (in ಇಂಗ್ಲಿಷ್). Retrieved 25 July 2022.
  6. Ruchi, Savi (28 September 2021). "ಮಲ್ಪುರಿ ಮಾಡುವ ವಿಧಾನ | Malpuri recipe in kannada". ಸವಿ-ರುಚಿ. Archived from the original on 25 July 2022. Retrieved 25 July 2022.
  7. "Malpua Recipe in Hindi - मालपुआ रेसिपी (बनाने की विधि) | Recipe Banane Ki Vidhi". रेसिपी इन हिंदी. 16 April 2017. Retrieved 25 July 2022.
  8. "Malpua Recipe: How to make Malpua Recipe at Home | Homemade Malpua Recipe - Times Food". recipes.timesofindia.com (in ಇಂಗ್ಲಿಷ್). Retrieved 25 July 2022.