ಅಂಜುಮ್ ಚೋಪ್ರಾ

ಅಂಜುಮ್ ಚೋಪ್ರಾ
Personal information
ಪೂರ್ತಿಪುದರ್	ಅಂಜುಮ್ ಚೋಪ್ರಾ
ಪುಟ್ಟಿನ	20 May 1977 (age 49); ನವ ದೆಹಲಿ, ಭಾರತ
ಬ್ಯಾಟಿಂಗ್	ಎಡಗೈ
ಬೌಲಿಂಗ್	Right-arm medium

ಅಂಜುಮ್ ಚೋಪ್ರಾ (ಪುಟ್ಟು ೨೦ ಮೇ ೧೯೭೭) ಒರ್ತಿ ಭಾರತೀಯ ಮಹಿಳಾ ಕ್ರಿಕೆಟಿಗ .^[೧] ಸುರುತ ಬುಕ್ಕೊ ಒರಿ ಕ್ರೀಡಾಪಟು, ಆರ್ 9 ವರ್ಸೊದ ಪ್ರಾಯೊಡು ಕ್ರಿಕೆಟ್ ಮೈದಾನೊಗು ಸುರುಕು ಬತ್ತೆರ್. ಆರ್ ತನ್ನ ಸುರುತ ಸ್ನೇಹಪರ ಪಂದ್ಯೊನು ಕಾಲೇಜ್ ಬಾಲೆಲೆನ ತಂಡೊದೊಟ್ಟುಗು ಅಂತರ-ಕಾಲೇಜಿಯೇಟ್ ಮಟ್ಟೊಡು ಆಡೊಂದಿತ್ತೆರ್, 20 ರನ್ ಮಲ್ತೆರ್ ಬೊಕ್ಕ 2 ವಿಕೆಟ್ ದೆತೊನುವೆರ್. ಆ ವರ್ಷದ ನಂತರ, ಅಂಡರ್-15 ಟೂರ್ನಿಡ್ ನ್ಯೂ ದೆಹಲಿ ತಂಡೊಗು ಗೊಬ್ಬೆರೆ ಆಯ್ಕೆ ಆಯೆರ್.ಆರ್ ಎಲ್ಯ ಪ್ರಾಯೊಡು ಬೇತೆ ಬೇತೆ ಕ್ರೀಡೆಲೆನ್ ಆಡೊಂದಿತ್ತೆರ್, ಅಥ್ಲೆಟಿಕ್ಸ್, ಬಾಸ್ಕೆಟ್ ಬಾಲ್ ಬೊಕ್ಕ ಈಜುಡು ಅರೆನ ಶಾಲೆ ಬೊಕ್ಕ ಕಾಲೇಜ್ ನ್ ಪ್ರತಿನಿಧಿಸೊಂದಿತ್ತೆರ್. ರಾಷ್ಟ್ರೀಯ ಸ್ಪರ್ಧೆಡ್ ಪಾಲ್ ಪಡೆಯಿನ ದೆಹಲಿ ರಾಜ್ಯ ಬಾಸ್ಕೆಟ್ಬಾಲ್ ತಂಡೊದ ಸದಸ್ಯೆ ಆದಿತ್ತೆರ್.

ಆ

ಅಂಜುಮ್ ೧೯೯೫ ಫೆಬ್ರವರಿ ೧೨ ತಾರೀಕ್ ಗ್ ೧೭ ವರ್ಸೊದ ಪ್ರಾಯೊಡು ನ್ಯೂಜಿಲೆಂಡ್ ದ ಕ್ರೈಸ್ಟ್ ಚರ್ಚ್ ಡ್ ನ್ಯೂಜಿಲೆಂಡ್ ದ ವಿರುದ್ಧ ಒಡಿಐ ಪಾದಾರ್ಪಣೆ ಮಲ್ತೆರ್, ಬೊಕ್ಕ ಕೆಲವು ತಿಂಗೊಲುಡ್ದ್ ಬೊಕ್ಕ ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಡ್ ಇಂಗ್ಲೆಂಡ್ ದ ವಿರುದ್ಧ ಟೆಸ್ಟ್ ಪಾದಾರ್ಪಣೆ ಮಲ್ತೆರ್. ಆ ವರ್ಷ ಭಾರತೊಗು ತನ್ನ ರಡ್ಡನೆ ಸರಣಿಡ್, ಭೇಟಿ ಕೊರ್ಪಿನ ಇಂಗ್ಲೆಂಡ್ ಕ್ರಿಕೆಟ್ ತಂಡೊದ ವಿರುದ್ಧ ಒಡಿಐಡ್ ಪ್ಲೇಯರ್ ಆಫ್ ದ ಸೀರಿಸ್ ಪ್ರಶಸ್ತಿನ್ ಗೆಂದಿಯೆರ್, ಸರಾಸರಿ 67.5 ರನ್ ಮಲ್ತೆರ್.

ಆರ್ ಎಡಗೈದ ಬ್ಯಾಟ್ಸ್ ವುಮನ್ ಬೊಕ್ಕ ಬಲಗೈದ ಮಧ್ಯಮ ವೇಗದ ಬೌಲರ್.^[೨] ಆರ್ 12 ಟೆಸ್ಟ್ ಬೊಕ್ಕ 116 ಒಡಿಐ ಪಂದ್ಯೊಲೆಡ್ ಗೊಬ್ಬೊಂದಿತ್ತೆರ್. ಸೊನೆಟ್ ಕ್ಲಬ್ ದ ಸುನಿತಾ ಶರ್ಮಾ, ಹರ್ದೀಪ್ ದುವಾ ಬೊಕ್ಕ ತಾರಕ್ ಸಿನ್ಹಾ ಅರೆನ್ ಕೋಚ್ ಮಲ್ತೆರ್. ದೇಶದ ಪುರುಷ ಪ್ರಾಬಲ್ಯದ ಕ್ರೀಡೆಡ್ ತನ್ನ ಸ್ಥಾನೊನು ಕೆತ್ತಿನ ಅಂಜುಮ್ ಭಾರತೊಡು ಮಹಿಳಾ ಕ್ರಿಕೆಟ್ ದ ಮೋನೆ ಆದ್, ಒರಿ ಆಟಗಾರ್ತಿ, ನಾಯಕಿ, ಸಲಹೆಗಾರ್ತಿ, ಪ್ರೇರಕ ಭಾಷಣಕಾರೆ, ಲೇಖಕಿ ಬೊಕ್ಕ ನಟಿಯಾದ್ ತನ್ನನ್ ತಾನ್ ಸ್ಥಾಪನೆ ಮಲ್ಪೆರೆ ಸುರು ಮಲ್ತೆರ್.

ವೈಯಕ್ತಿಕ ಜೀವನ

ಅಂಜುಮ್ ಒಂಜಿ ಕ್ರೀಡಾಪಟುಲೆನ ಕುಟುಂಬೊಗು ಸೇರ್ದಿನಕುಲು:

ಅಪ್ಪೆ ಅಜ್ಜ ವೇದ್ ಪ್ರಕಾಶ್ ಸಾಹ್ನಿ ಒರಿ ಕ್ರೀಡಾಪಟು ಆದ್ ಭಾರತೊನು ಪ್ರತಿನಿಧಿಸೊಂದಿತ್ತೆರ್. ಆರ್ ಒರಿ ಕ್ರಿಕೆಟ್ ಕಾಮೆಂಟೇಟರ್ ಆದಿತ್ತೆರ್.^[೩] ಅಪ್ಪೆ ಕೃಷ್ಣ ಬಾಲ್ ಚೋಪ್ರಾ ಒರಿ ಗಾಲ್ಫ್ ಆಟಗಾರ್ತಿ. ಇಲ್ಲಡೆ ಪುದರ್ ಪೋಯಿನ ಅಪ್ಪೆ ಪೂನಂ ಚೋಪ್ರಾ ಗುಡ್ ಇಯರ್ ಕಾರ್ ರ್ಯಾಲಿಡ್ ಗೆಂದಿಯೆರ್. ಸೋದರ ನಿರ್ವಾನ್ ಚೋಪ್ರಾ ದೆಹಲಿ ರಾಜ್ಯೊನು ಅಂಡರ್-17 ಬೊಕ್ಕ ಅಂಡರ್-19 ಕ್ರಿಕೆಟ್ ಡ್ ಪ್ರತಿನಿಧಿಸಯೆರ್. ಅಪ್ಪೆನ ಮಾಮ ರೋಹಿತ್ ಸಾಹ್ನಿ ಒರಿ ಮಾಜಿ ಕ್ರಿಕೆಟಿಗ. ಒರಿ ಶಾಲೆದ ಬಾಲೆ ಆದ್, ಆರ್ ತನ್ನ ಅಲ್ಮಾ ಮೇಟರ್, ಮೇಯೊ ಕಾಲೇಜ್ ಗ್ ಒರಿ ವಿಕೆಟ್ ಕೀಪರ್ ಬೊಕ್ಕ ಓಪನಿಂಗ್ ಬ್ಯಾಟ್ಸ್ ಮನ್ ಆದಿತ್ತೆರ್. ಬೊಕ್ಕ, ಆರ್ ಹಿಂದೂ ಕಾಲೇಜ್ ಬೊಕ್ಕ ದೆಹಲಿ ವಿಶ್ವವಿದ್ಯಾಲಯೊದ ನಾಯಕಿಯಾದಿತ್ತೆರ್. ಅಂಜುಮ್ ಒರಿ ಸಾಕುಪ್ರಾಣಿ ಪ್ರೇಮಿ ಬೊಕ್ಕ ಅರೆನ ಇಲ್ಲಡ್ ಅರೆನ ಸಾಕುಪ್ರಾಣಿ ನಾಯಿಲೆನೊಟ್ಟುಗು ಸಮಯ ಕಳೆಯೆರೆ ಇಷ್ಟ ಪಡ್ಪೆರ್.

ಕೆಲಸ

ಅಂಜುಮ್ ಚೋಪ್ರಾ ಒರ್ತಿ ಟೆಸ್ಟ್ ಬೊಕ್ಕ ಒನ್ ಡೇ ಇಂಟರ್ನ್ಯಾಷನಲ್ ಕ್ರಿಕೆಟಿಗ ಆದ್ ಭಾರತದ ಮಹಿಳಾ ಕ್ರಿಕೆಟ್ ತಂಡೊನು ಪ್ರತಿನಿಧಿತ್ವ ಮಲ್ತೊಂದು ಬೈದೆರ್. ಆರ್ ಇತ್ತೆ ಒರಿ ಕ್ರಿಕೆಟ್ ಕಾಮೆಂಟೇಟರ್ ಆದ್ ಬೇಲೆ ಮಲ್ತೊಂದುಲ್ಲೆರ್. 1995ಡ್ ಕ್ರೈಸ್ಟ್ ಚರ್ಚ್ ಡ್ ನ್ಯೂಜಿಲೆಂಡ್ ನ ವಿರುದ್ಧ ಒಡಿಐಡ್ ಪಾಲ್ ಪಡೆಯೆರ್. ಆರ್ ಸುರುತ ಒಡಿಐಡ್ ಭಾರತೊಗು ಬೌಲಿಂಗ್ ನ್ ಸುರು ಮಲ್ತೆರ್, ಅರೆನ 4 ಓವರ್ ಡ್ 14 ರನ್ ನ್ ಬುಡುಗಡೆ ಮಲ್ತೆರ್. ಆರ್ ಭಾರತೊಗು 10ನೇ ಸ್ಥಾನೊಡು ಬ್ಯಾಟಿಂಗ್ ಮಲ್ತೆರ್, ಬೊಕ್ಕ 11 ರನ್ ದ ನಿರ್ಣಾಯಕ ಪಾಲುದಾರಿಕೆನ್ ಮಲ್ತೆರ್.ನವೆಂಬರ್ ೧೯೯೫ಡ್ ಕಲ್ಕತ್ತಾಡ್ ಇಂಗ್ಲೆಂಡ್ ನ ವಿರುದ್ಧ ಟೆಸ್ಟ್ ಡ್ ಪಾದಾರ್ಪಣೆ ಮಲ್ತೆರ್. ಭಾರತೊಗು ತನ್ನ ಸುರುತ ಟೆಸ್ಟ್ ಪಂದ್ಯೊಡು ಇಂಗ್ಲಿಷ್ ತಂಡೊದ ವಿರುದ್ಧ ರಾತ್ರೆದ ಕಾವಲುಗಾರೆ ಆದ್ ಕಡಪುಡುವೆರ್. ಅಲೆನ ಕೋಚ್ ನ ಆತ್ಮವಿಶ್ವಾಸೊಗು ಅನುಗುಣವಾದ್, ಅಲೆನ ತಂಡೊಗು 27 ರನ್ ಗಳಸೊಂದು, ದುಂಬುದ ಬೆಳಗ್ಗೆ ಮುಟ್ಟ ಯಶಸ್ವಿಯಾದ್ ಬ್ಯಾಟಿಂಗ್ ಮಲ್ತೆರ್.

ನ್ಯೂಜಿಲೆಂಡ್ ಡ್ ನಡತಿನ 2000 ಕ್ರಿಕೆಟ್ ವಿಶ್ವಕಪ್ ಡ್ ಭಾರತೀಯ ತಂಡೊದ ಉಪನಾಯಕೆ ಆದ್ ನೇಮಕ ಆಯೆರ್. ಭಾರತೊಗು ಪಂದ್ಯೊದ ಆಟಗಾರೆ ಬೊಕ್ಕ ಅತಿ ಹೆಚ್ಚಿನ ರನ್ ಸ್ಕೋರರ್ ಆಯಿನ ಅಂಜುಮ್ ವಿಶ್ವಕಪ್ ಡ್ ಬ್ಯಾಟಿಂಗ್ ಚಾರ್ಟ್ ಡ್ ಮುನ್ನಡೆ ಮಲ್ತೆರ್. ಭಾರತೀಯ ತಂಡ ಸೆಮಿಫೈನಲ್ಸ್ ಡ್ ಅಂತಿಮ ಗೆಂದಿನ ನ್ಯೂಜಿಲೆಂಡ್ ಗ್ ಸೋತುಂಡು.

ಅಂಜುಮ್ ನ್ 2002ಡ್ ಭಾರತೀಯ ತಂಡೊದ ನಾಯಕೆರಾದ್ ಮಲ್ತೆರ್. ನಾಯಕನಾಗಿ ತನ್ನ ಸುರುತ ಸರಣಿಡ್, ಆರ್ 7 ಡೆಬ್ಯೂಟೆಂಟ್ ಲೆನೊಟ್ಟುಗು ಭಾರತೊನು ಮುನ್ನಡೆ ಮಲ್ತೆರ್, ಭೇಟಿ ಕೊರ್ಪಿನ ಇಂಗ್ಲೆಂಡ್ ತಂಡೊದ ವಿರುದ್ಧ ಒಂಜಿ ವೈಟ್ ವಾಶ್ ಗೆಲುವುಗು. ಭಾರತೀಯ ತಂಡದ ದಕ್ಷಿಣ ಆಫ್ರಿಕಾದ ಸುರುತ ಪ್ರವಾಸೊಡು ಅರೆನ ಸುರುತ ವಿದೇಶಿ ಟೆಸ್ಟ್ ಗೆಲುವುನ್ ದಾಖಲಾತ್ಂಡ್, ಅಂಜುಮ್ ಚೋಪ್ರಾ ಪಂದ್ಯೊಡು ಗೆಂದಿನ 80 ರನ್ ಮಲ್ತೆರ್. ಅರೆನ ಚಾಣಾಕ್ಷ ನಾಯಕತ್ವ ಬೊಕ್ಕ ಅರೆಕಾಲಿಕ ಬೌಲರ್ ಲೆನ ಬಳಕೆ ತಂಡೊಗು ಪಾರ್ಲ್ ಡ್ 20 ದಕ್ಷಿಣ ಆಫ್ರಿಕಾದ ವಿಕೆಟ್ ಲೆನ್ ಗೆಂದಿಯೆರೆ ಸಹಾಯ ಮಲ್ತ್ಂಡ್.

ದಕ್ಷಿಣ ಆಫ್ರಿಕಾಡ್ ನಡತಿನ 2005 ವಿಶ್ವಕಪ್ ಡ್ ಭಾರತ ಸುರುತ ಸರ್ತಿ ವಿಶ್ವಕಪ್ ದ ಫೈನಲ್ ಗ್ ತಲುಪುಂಡು. ಆರ್ ಭಾರತೊಡ್ದ್ ಟಾಪ್ ಸ್ಕೋರರ್ ಆದ್ ಇಂಗ್ಲೆಂಡ್ ನ ವಿರುದ್ಧದ ಪಂದ್ಯೊದ ಆಟಗಾರ್ತಿ ಆದಿತ್ತೆರ್.

ಆಸ್ಟ್ರೇಲಿಯಾಡ್ ನಡತಿನ ೨೦೦೯ ವಿಶ್ವಕಪ್ ಡ್, ಭಾರತೊಗು ಗೆಂದಿನ ಒಂಜಿ ಪಂದ್ಯೊಡು, ಅಂಜುಮ್ ಒಂಜಿ ಪಂದ್ಯೊಡು ಗೆಂದಿನ ೭೬ ರನ್ ಮಲ್ತ್ ದ್ ಪ್ಲೇಯರ್ ಆಫ್ ದ ಮ್ಯಾಚ್ ಪ್ರಶಸ್ತಿನ್ ಪಡೆಯೆರ್. ವಿಶ್ವಕಪ್ ಡ್ ಭಾರತ ಇಂಗ್ಲೆಂಡ್ ಬೊಕ್ಕ ನ್ಯೂಜಿಲೆಂಡ್ ದ ಪಿರವು ಮೂಜಿನೆ ಸ್ಥಾನೊಡು ಉಂಡು.

ಆರ್ ಭಾರತೊಗು 6 ವಿಶ್ವಕಪ್ ಲೆನ್ ಆಡೊಂದಿತ್ತೆರ್, ಉಂದೆಟ್ ನಾಲ್ 50-ಓವರ್ ವಿಶ್ವಕಪ್ ಬೊಕ್ಕ ರಡ್ಡ್ ಟಿ20 ವಿಶ್ವಕಪ್ ಲು ಉಂಡು. ಭಾರತ ಪರವಾದ್ 100 ಒಡಿಐ ಪಂದ್ಯೊಲೆನ್ ಆಡೊಂದಿತ್ತಿನ ಸುರುತ ಆಟಗಾರ್ತಿ ಆರ್. ತಂಡದ ಬಲವಾದ್ ಫೀಲ್ಡರ್ ಲೆಡ್ ಒರಿಯೆ ಬೊಕ್ಕ ಸುರಕ್ಷಿತ ಕೈತ ಜೋಡಿ, ಆರ್ ಭಾರತೊಗು ಅತಿ ಹೆಚ್ಚು ಸ್ಲಿಪ್ ಕ್ಯಾಚ್ ಲೆನ್ ಮಲ್ತೆರ್. ಬಲಗೈ ಮಧ್ಯಮ ವೇಗದ ಬೌಲರ್, ಅಂಜುಮ್ ಆಲ್ ರೌಂಡರ್ ಆದ್ ಪಾದಾರ್ಪಣೆ ಮಲ್ತೆರ್, ಅರೆನ ಸುರುತ ಒಡಿಐಡ್ ಬೌಲಿಂಗ್ ನ್ ಸುರು ಮಲ್ತೆರ್ ಬೊಕ್ಕ 10ನೇ ಸ್ಥಾನೊಡು ಬ್ಯಾಟಿಂಗ್ ಮಲ್ತೆರ್. ಮಹಿಳಾ ಒಡಿಐಡ್ ಎಂಟುನೇ ಅತಿ ಹೆಚ್ಚಿನ ರನ್ ಸ್ಕೋರರ್ ಆಯೆರ್.

ಅಂಜುಮ್ ತನ್ನ ತಂಡೊಗು ಎಲ್ಲಾ ಸ್ಥಾನೊಲೆಡ್ ಬ್ಯಾಟಿಂಗ್ ಮಲ್ತೆರ್, ಅಗತ್ಯ ಉಪ್ಪುನಗ ಓಪನಿಂಗ್ ಸೇರ್ದ್. ಜಗತ್ತ್ ದ ಎಡ್ಡೆ ಬೌಲಿಂಗ್ ದಾಳಿಲೆನ ವಿರುದ್ಧ ಸ್ಕೋರ್ ಮಲ್ತ್ ದ್ ಮಸ್ತ್ ಗಂಟೆಗ್ ಕ್ರೀಸ್ ಬೊಕ್ಕ ಬ್ಯಾಟ್ ನ್ ಆಕ್ರಮಣ ಮಲ್ತೊಂದುಲ್ಲೆರ್. ಉದಾಹರಣೆಗೆ, ಐರ್ಲೆಂಡ್ ನ ವಿರುದ್ಧ ನ್ಯೂಜಿಲೆಂಡ್ ಡ್ 2000 ವಿಶ್ವಕಪ್ ಡ್, ಭಾರತ, ಬ್ಯಾಟಿಂಗ್ ಡ್, ಬೋರ್ಡ್ ಡ್ 1 ರನ್ ಗ್ 3 ವಿಕೆಟ್ ಬೂರುನ ತೂಯೆರ್. ಆರ್ 70 ರನ್ ದ ತಾಳ್ಮೆದ ನಾಕ್ ನ್ ಆಡೊಂದಿತ್ತೆರ್ ಬೊಕ್ಕ ಪಂದ್ಯೊನು ಗೆಂದಿಯೆರ್.

ಒತ್ತಡೊಡು ಎಡ್ಡೆ ಬ್ಯಾಟಿಂಗ್ ಮಲ್ಪುವೆರ್ ಬೊಕ್ಕ ಗೆಲುವುನ್ ಖಚಿತಪಡಿಸೆರೆ ಕೆಲವು ನಾಕ್ಸ್ ನ್ ಪರಿಪೂರ್ಣವಾದ್ ಆಡೊಂದಿತ್ತೆರ್. ವಿಕೆಟ್ ಲೆನ ನಡುಟು ತ್ವರಿತ ಓಟಗಾರೆ, ಡಬಲ್ಸ್ ಗ್ ಬದಲಾವಣೆ ಮಲ್ಪುನ ಅರೆನ ಸಾಮರ್ಥ್ಯ ಅಂಜುಮ್ ನ ಬ್ಯಾಟಿಂಗ್ ಶೈಲಿದ ಒಂಜಿ ಅತ್ಯುತ್ತಮ ಲಕ್ಷಣ.

ದೆಹಲಿ ಪಬ್ಲಿಕ್ ಸ್ಕೂಲ್ ಡ್ ಕಲ್ಪುನ ಬುಕ್ಕೊ ಆರ್.ಕೆ. ಪುರಂ ಬೊಕ್ಕ ದೆಹಲಿ ವಿಶ್ವವಿದ್ಯಾಲಯದ ಸೈಂಟ್ ಸ್ಟೀಫನ್ಸ್ ಕಾಲೇಜಿಡ್, ಅಂಜುಮ್ ಸ್ಕೂಲ್ ಆಫ್ ಮ್ಯಾನೇಜ್ ಮೆಂಟ್ ಡ್ದ್ ಬಿಸಿನೆಸ್ ಅಡ್ಮಿನಿಸ್ಟ್ರೇಷನ್ ಡ್ ಸ್ನಾತಕೋತ್ತರ ಪದವಿನ್ ಮಾರ್ಕೆಟಿಂಗ್ ಬೊಕ್ಕ ಹ್ಯೂಮನ್ ರಿಸೋರ್ಸಸ್ ಡ್ ಡ್ಯುಯಲ್ ಸ್ಪೆಷಲೈಸೇಶನ್ ಡ್ ಮುಗಿತೆರ್.

ಕಾರ್ಪೊರೇಟ್ ಲೋಕೊಡು, ಅಂಜುಮ್ ಒರಿ ಪ್ರೇರಕ ಭಾಷಣಕಾರೆ ಬೊಕ್ಕ ಕಾರ್ಪೊರೇಟ್ ಭಾಷಣಕಾರೆ/ಸಲಹೆಗಾರೆರ್. ಎಂಬಿಎ ಅಂಜುಮ್ ಜನರಲ್ ಎಲೆಕ್ಟ್ರಿಕ್, ಸ್ಟ್ಯಾಂಡರ್ಡ್ ಚಾರ್ಟರ್ಡ್, ಗೋಲ್ಡ್ಮನ್ ಸ್ಯಾಕ್ಸ್, ವೊಡಾಫೋನ್ ಬೊಕ್ಕ ಬೇತೆ ಬೇತೆ ಶಾಲೆ ಬೊಕ್ಕ ಕಾಲೇಜಿಲೆನಂಚಿನ ಜಾಗತಿಕವಾದ್ ಮಾನ್ಯತೆ ಪಡೆಯಿನ ಬ್ರಾಂಡ್ ಲೆಗ್ ತರಬೇತಿ ಕಾರ್ಯಕ್ರಮೊಲೆನ್ ನಡಪಾದ್ಂಡ್.

ದೇಶೀಯ ವೃತ್ತಿ

ಅಂಜುಮ್ ಚೋಪ್ರಾ ದೆಹಲಿಡ್ದ್ ಬತ್ತಿನಕುಲು ಬೊಕ್ಕ ಅಂಡರ್-15 ದಿನೊಡ್ದಿಂಚಿ ರಾಜ್ಯೊಗು ಆಟ ಆಡೊಂದಿತ್ತೆರ್. ಆರ್ ದೇಶೀಯ ಪಂದ್ಯೊಲೆಡ್ ಏರ್ ಇಂಡಿಯಾನ್ (ಅರೆನ ಉದ್ಯೋಗದಾತೆರ್) ಪ್ರತಿನಿಧಿಸಯೆರ್, ಅಲ್ಪ ಆರ್ ಮಹಿಳಾ ತಂಡೊದ ಅತ್ಯಂತ ಯಶಸ್ವಿ ನಾಯಕೆರಾದ್ ತೋಜಿದ್ ಬತ್ತೆರ್.

ಅರೆನ ನೇತೃತ್ವೊಡು:

ದೆಹಲಿ ರಾಜ್ಯ 2012 ತುಡ್ ರಾಷ್ಟ್ರೀಯ ಚಾಂಪಿಯನ್ ಶಿಪ್ ಗೆಂದಿನವು, ದೆಹಲಿ ಮಹಿಳಾ ತಂಡ ರಾಷ್ಟ್ರೀಯ ಕ್ರಿಕೆಟ್ ಚಾಂಪಿಯನ್ ಶಿಪ್ ಗೆಂದಿನವು ಇತಿಹಾಸೊಡು ಸುರುತ ಸರ್ತಿ. ಏರ್ ಇಂಡಿಯಾ 2002 ಬೊಕ್ಕ 2003ಡ್ ರಾಷ್ಟ್ರೀಯ ಬೊಕ್ಕ ವಲಯ ಚಾಂಪಿಯನ್ ಶಿಪ್ ನ್ ಗೆಂದಿನವು. ಏರ್ ಇಂಡಿಯಾ 2003ಡ್ "ವರ್ಷದ ಅತ್ಯುತ್ತಮ ತಂಡ" ಪಂಡ್ದ್ ಘೋಷಣೆ ಆಂಡ್. ದೆಹಲಿ ರಾಜ್ಯ 2011-12 ಕ್ರಿಕೆಟ್ ಋತುವಿಡ್ ಗೆಂದಿನವು. ದೆಹಲಿ ಮಹಿಳಾ ಆಟದ ಇತಿಹಾಸೊಡು ಸುರುತ ಸರ್ತಿ ರಾಷ್ಟ್ರೀಯ ಚಾಂಪಿಯನ್ ಶಿಪ್ ಗೆಂದಿನ ತಂಡೊದ ನಾಯಕತ್ವ ಮಲ್ತೆರ್. ಅದೇ ವರ್ಷ ವಲಯ ಚಾಂಪಿಯನ್ ಶಿಪ್ ಗೆಂದಿನ ಉತ್ತರ ವಲಯದ ತಂಡೊನು ಆರ್ ಮುನ್ನಡೆ ಮಲ್ತೆರ್. ಟಿ20 ಸ್ವರೂಪೊಡು, ದೆಹಲಿ ರಾಜ್ಯ ರನ್ನರ್ ಅಪ್ ಆದ್ ಮುಗಿತ್ಂಡ್, ವರ್ಷೊನು "ಅತ್ಯುತ್ತಮ ರಾಜ್ಯ ತಂಡ" ಆದ್ ಮುಗಿತ್ಂಡ್.

ಪ್ರಶಸ್ತಿಲು

ವರ್ಷದ ಪ್ರಶಸ್ತಿ ಟಿಪ್ಪಣಿಲು

2014 ಪದ್ಮಶ್ರೀ
೨೦೦೭ ರ ಅರ್ಜುನ ಪ್ರಶಸ್ತಿ |
೨೦೦೪ ರಾಜೀವ್ ಗಾಂಧಿ ದೆಹಲಿ ರಾಜ್ಯ ಪ್ರಶಸ್ತಿ
೨೦೦೨ ಐಸಿಸಿ ಪ್ಲೇಯರ್ ಆಫ್ ದ ಮ್ಯಾಚ್
ಐಸಿಸಿ ಪ್ಲೇಯರ್ ಆಫ್ ದ ಮ್ಯಾಚ್ ೨೦೦೫
ಐಸಿಸಿ ಪ್ಲೇಯರ್ ಆಫ್ ದ ಮ್ಯಾಚ್ ೨೦೦೯
ಶಹೀದ್ ಮೆಮೊರಿಯಲ್ ಇಂಟರ್ನ್ಯಾಷನಲ್ ಸರ್ವಿಸ್ ಸೊಸೈಟಿ, ಲುಧಿಯಾನ ಇವರಿಂದ 2002 ಶಿರೋಮಣಿ ದೇಶ ಸೇವಾ ರಟ್ಟಣ ಪ್ರಶಸ್ತಿ ಪ್ರದಾನ

ವುಮೆನ್ ಇನ್ ದ ಪಬ್ಲಿಕ್ ಸೆಕ್ಟರ್ ಫೋರಮ್ ಡ್ ಕ್ರಿಕೆಟ್ ಕ್ಷೇತ್ರೊಡು ಮಾದರಿ ಕೊಡುಗೆಗ್ 2004 ಗೌರವ ಪ್ರಶಸ್ತಿನ್ ಕೊರ್ತೆರ್

೨೦೦೮ ರ ಅಸಿತ್ವ ಪ್ರಶಸ್ತಿ - 'ಮಾದರಿ ಮಹಿಳೆಯರ ಪ್ರಶಸ್ತಿ'.
೨೦೦೯ ಫಿಕ್ಕಿ - ವೈಎಫ್ಎಲ್ಒ - ಯಂಗ್ ವುಮೆನ್ ಅಚಿವರ್ಸ್ ಪ್ರಶಸ್ತಿ

ರಾಷ್ಟ್ರೀಯ ಪ್ರಗತಿಪರ ಶಾಲೆಲೆನ ಸಮ್ಮೇಳನೊಡು ಕ್ರೀಡೆಗ್ ಕೊಡುಗೆ ಕೊರ್ತಿನ 2011 ಪ್ರಶಸ್ತಿ 2012 ಸಾರ್ವಜನಿಕ ಕೊಡುಗೆಗ್ ಹಿರಿಯ ವಿದ್ಯಾರ್ಥಿ ಮಾನ್ಯತೆ ಪ್ರಶಸ್ತಿ 2013 ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಡ್ ಕ್ರೀಡೆಡ್ ಅತ್ಯುತ್ತಮ ಸಾಧನೆ ಮಲ್ತಿನ ಶಾಕ್ಸಿಯತ್ ಪ್ರಶಸ್ತಿಲೆನ್ ಪ್ರದಾನ ಮಲ್ತೆರ್

ದೆಹಲಿ ಪಬ್ಲಿಕ್ ಸ್ಕೂಲ್, ಇಂದೋರ್ 2012-2013 ರ ಕ್ರೀಡಾ ಕ್ಷೇತ್ರೊಡು ಮಾದರಿ ಕೊಡುಗೆನ್ ಕೊರ್ತೆರ್
ಅಖಿಲ ಭಾರತ ರಾಷ್ಟ್ರೀಯ ಜೀವ ವಿಮೆ ಉದ್ಯೋಗಿ ಒಕ್ಕೂಟದ 50ನೇ ವಾರ್ಷಿಕೋತ್ಸವ (ಸುವರ್ಣ ಮಹೋತ್ಸವ ಆಚರಣೆ) ಪ್ರದಾನ 2013 ಸಮಾಜ ಮತ್ತು ರಾಷ್ಟ್ರ ಮಾನ್ಯತೆ ಪ್ರಶಸ್ತಿ
ಲಂಡನ್ ದ ಲಾರ್ಡ್ಸ್ ಕ್ರಿಕೆಟ್ ಮೈದಾನೊಡು ಮೇರಿಲೆಬೋನ್ ಕ್ರಿಕೆಟ್ ಕ್ಲಬ್ (ಎಂಸಿಸಿ) ದ ಗೌರವ ಸದಸ್ಯತ್ವ, ೨೦೧೬. ಈ ಗೌರವ ಸದಸ್ಯತ್ವೊನು ಪಡೆಯಿನ ಸುರುತ ಭಾರತೀಯ ಮಹಿಳಾ ಕ್ರಿಕೆಟ್ ಆಟಗಾರ್ತಿ

ದಾಖಲೆಲು

ಭಾರತ ಪರ ಒಡಿಐ ಸೆಂಚುರಿ ಮಲ್ತಿನ ಸುರುತ ಭಾರತೀಯ. ವಿದೇಶೊಡು ಟೆಸ್ಟ್ ಸರಣಿ ಗೆಂದಿನ ಸುರುತ ನಾಯಕ. ಅರೆನ ನಾಯಕತ್ವೊಡು, ಭಾರತ 2002ಡ್ ದಕ್ಷಿಣ ಆಫ್ರಿಕಾಡ್ ಒಂಜಿ ಟೆಸ್ಟ್ ಪಂದ್ಯೊನು ಗೆಂದಿನವು. 2002ಡ್ ಇಂಗ್ಲೆಂಡ್ ನ ವಿರುದ್ಧ ಒಂಜಿ ಹೋಮ್ ಸರಣಿನ್ ಗೆಂದಿನ ಸುರುತ ನಾಯಕಿ, 5-0 ಡ್ ವೈಟ್ವಾಶ್. ಭಾರತ ಪರವಾದ್ 100 ಒಡಿಐ ಪಂದ್ಯೊಲೆನ್ ಆಡಿನ ಸುರುತ ಆಟಗಾರೆ. ಭಾರತ ಪರ 6 ವಿಶ್ವಕಪ್ ಆಡಿದ ಪ್ರಥಮ ಆಟಗಾರ. (ನಾಲ್ ಒಡಿಐ ಬೊಕ್ಕ ರಡ್ಡ್ ಟಿ20) ಆಧುನಿಕ ಕ್ರಿಕೆಟ್ ಡ್ 12 ಟೆಸ್ಟ್ ಆಟಗಾರೆರ್, ಒಡಿಐ ಬೊಕ್ಕ ಟಿ20 ಸೇರ್ದ್. ೨೦೧೨-೨೦೧೩ಡ್ ಕ್ರಿಕೆಟ್ ದಕ್ಷಿಣ ಆಫ್ರಿಕಾ ಮಹಿಳಾ ತಂಡೊಡು ತಾಂತ್ರಿಕ ಸಲಹೆಗಾರೆರಾದ್ ಬೇಲೆ ಮಲ್ತಿನಗ ಅಂತರರಾಷ್ಟ್ರೀಯ ನೇಮಕಾತಿನ್ ಪಡೆಯಿನ ಸುರುತ ಆಟಗಾರ್ತಿ. ಪುರುಷೆರೆನ ಕ್ರಿಕೆಟ್ ಪಂದ್ಯೊಲೆಡ್ ಕಮೆಂಟ್ ಮಲ್ಪುನ ಸುರುತ ಪೊಣ್ಣು ಕ್ರೀಡಾಪಟು ಬೊಕ್ಕ ಆಟಗಾರ್ತಿ.

ಸಾಧನೆಲು

ಅಂಜುಮ್ ಚೋಪ್ರಾ ವುಮೆನ್ಸ್ ಕ್ರಿಕೆಟ್ ವರ್ಲ್ಡ್ - ಎ ಜರ್ನಿ ಫ್ರಮ್ 1745- 2013 ಪನ್ಪಿನ ಒಂಜಿ ಕಾಫಿ ಟೇಬಲ್ ಬುಕ್ ನ್ ಸಹ-ಲೇಖನ ಮಲ್ತೆರ್. ಈ ಪುಸ್ತಕ ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ದ ಕಾಲೊಡ್ದ್ ಇತ್ತೆದ ಕಾಲೊಗು ಮುಟ್ಟ ಈ ಕ್ರೀಡೆದ ವಿಶ್ವ ಇತಿಹಾಸೊನು ಪತ್ತೆ ಮಲ್ಪುಂಡು.

ಆರ್ "ದಿ ಪೂರ್ ಕಸಿನ್ ಆಫ್ ದ ಮಿಲಿಯನ್ ಡಾಲರ್ ಬೇಬಿಸ್" ಪನ್ಪಿನ ಡಾಕ್ಯುಡ್ರಾಮಾಡ್ ನಟನೆ ಮಲ್ತೆರ್. ಒಹಿಯೋಡ್ ನಡತಿನ ೨೦೧೧ ಆರ್ನಾಲ್ಡ್ ಸ್ಪೋರ್ಟ್ಸ್ ಫಿಲ್ಮ್ ಫೆಸ್ಟಿವಲ್ ಡ್ ಈ ಸಿನಿಮಾ ರಾಷ್ಟ್ರೀಯ ಮಟ್ಟೊಡು ಪ್ರಶಂಸೆನ್ ಪಡೆಯೊಂಡು. ಪುರುಷೆರ್ ಬೊಕ್ಕ ಪೊಣ್ಣುಲೆನ ಕ್ರಿಕೆಟ್ ನಡುಟು ಉಪ್ಪುನ ಅಸಮಾನತೆ ಇತ್ತ್ಂಡಲಾ, ಪೊಣ್ಣು ಜೋಕುಲು ಈ ಕ್ರೀಡೆನ್ ಆಡೆರೆ ಬೊಕ್ಕ ಸ್ನೇಹೊನು ಆನಂದಿಸೆರೆ ಬಾರಿ ಸಂತೋಷೊಡು ಉಪ್ಪುವೆರ್.

ಆಟೊನು ಪ್ರಚಾರ ಮಲ್ಪರೆ, ಅಂಜುಮ್ ಕಲರ್ಸ್ ಚಾನೆಲ್ ಡ್ ಫಿಯರ್ ಫ್ಯಾಕ್ಟರ್ 'ಖತ್ರೋನ್ ಕೆ ಖಿಲಾಡಿ' ಸೀಸನ್ 4 ಪನ್ಪಿನ ರಿಯಾಲಿಟಿ ಶೋಡ್ ತೋಜಿದ್ ಬತ್ತೆರ್. ಮಹಿಳಾ ಆಟೊನು ಪ್ರಚಾರ ಮಲ್ಪುನ ಫ್ಯಾಷನ್ ಉದ್ಯಮೊಡು ಪ್ರಮುಖ ಪುದರ್ ಲೆನೊಟ್ಟುಗು ಆರ್ ರಾಂಪ್ ಡ್ ನಡತೊಂದುಲ್ಲೆರ್.

ಅಂಜುಮ್ ದೂರದರ್ಶನ ಬೊಕ್ಕ ಬೇತೆ ಪ್ರಮುಖ ಸುದ್ದಿ ಬೊಕ್ಕ ಕ್ರೀಡಾ ಚಾನೆಲ್ ಲೆಡ್ ಒರಿ ನಿರೂಪಕೆರ್/ವಿಷಯ ತಜ್ಞೆರ್. ಒರಿ ಕ್ರೀಡಾಪಟು, ಆರ್ ಟೆಲಿವಿಷನ್ ಡ್ ಮಹಿಳಾ ಕ್ರಿಕೆಟ್ ನ್ ಪ್ರತಿನಿಧಿಸವೆರ್, ಆಟಗಾರೆನ ದೃಷ್ಟಿಕೋನೊಡ್ದ್ ಆಟೊನು ವಿಶ್ಲೇಷಣೆ ಮಲ್ಪುವೆರ್. ಆರ್ ಬೇತೆ ಕ್ರೀಡೆಲೆಡ್ ಲಾ ಪಾಲ್ ಪಡೆಯೆರ್, 2014ಡ್ ಸೋನಿ ಸಿಕ್ಸ್ ಡ್ ವರ್ಲ್ಡ್ ಕಬಡ್ಡಿ ಲೀಗ್ ಗ್ ಪ್ರೆಸೆಂಟರ್ ಆದ್ ಬೇಲೆ ಮಲ್ತೆರ್.

ಮೇರಿಲೆಬೋನ್ ಕ್ರಿಕೆಟ್ ಕ್ಲಬ್ (ಎಂಸಿಸಿ) ದ ಗೌರವ ಜೀವನ ಸದಸ್ಯತ್ವ ಪಡೆಯಿನ ಸುರುತ ಭಾರತೀಯ ಮಹಿಳಾ ಕ್ರಿಕೆಟಿಗ ಅಂಜುಮ್ ಚೋಪ್ರಾ.

ಟೆಲಿವಿಷನ್

ಅಂಜುಮ್ ರಿಯಾಲಿಟಿ ಶೋ ಫಿಯರ್ ಫ್ಯಾಕ್ಟರ್ - ಖತ್ರೋನ್ ಕೆ ಖಿಲಾಡಿ ಸೀಸನ್ 4 ಡ್ ಪಾಲ್ ಪಡೆಯೆರ್

ಉಲ್ಲೇಖೊಲು

↑ "IPL8: Four female commentators who are former cricketers-IndiaTV News" (in ಅಮೆರಿಕನ್ ಇಂಗ್ಲಿಷ್). Retrieved 2017-09-27.
↑ "Player Profile: Anjum Chopra". ESPNcricinfo. Archived from the original on 16 January 2010. Retrieved 24 January 2010.
↑ "St Stephen's G-jams, nimbu paani must-haves: Anjum Chopra". 20 June 2017.

[:0-1] "IPL8: Four female commentators who are former cricketers-IndiaTV News" (in ಅಮೆರಿಕನ್ ಇಂಗ್ಲಿಷ್). Retrieved 2017-09-27.

[2] "Player Profile: Anjum Chopra". ESPNcricinfo. Archived from the original on 16 January 2010. Retrieved 24 January 2010.

[3] "St Stephen's G-jams, nimbu paani must-haves: Anjum Chopra". 20 June 2017.

[೧]

[೨]

[೩]