ಅಕ್ಕಮ್ಮ ಚೆರಿಯನ್

೯

Accamma Cherian
ಪುಟ್ಟು	(1909-02-14)14 ಫೆಬ್ರವರಿ 1909 Kanjirapally, Travancore
ಸಾವು	5 May 1982(1982-05-05) (aged 73) Trivandrum, Kerala, India
ರಾಜಕೀಯ ಪಕ್ಷೊ	Indian National Congress
ಸಂಗಾತಿ	V. V. Varkey
ಅಪ್ಪೆಅಮ್ಮೆ(s)	Thomman Cherian and Annamma

ಅಕ್ಕಮ್ಮ ಚೆರಿಯನ್ (14 ಫೆಬ್ರವರಿ 1909 - 5 ಮೇ 1982) ಒರ್ತಿ ಭಾರತೀಯ ಸ್ವಾತಂತ್ರ್ಯ ಕಾರ್ಯಕರ್ತೆ ಆರ್ ಟ್ರಾವಂಕೂರು ( ಕೇರಳ ), ಭಾರತದಾರ್ . ಆರ್ ಟ್ರಾವಂಕೂರುದ ಝಾನ್ಸಿ ರಾಣಿ ಪಂಡ್ದ್ ಪುದರ್ ಪೋಯಿನಾರ್.

ಸ್ವಾತಂತ್ರ್ಯ ಹೋರಾಟಗಾರ

ಫೆಬ್ರವರಿ ೧೯೩೮ಡ್, ಟ್ರಾವಂಕೂರು ರಾಜ್ಯ ಕಾಂಗ್ರೆಸ್ ರಚನೆ ಆಂಡ್ ಬೊಕ್ಕ ಚೆರಿಯನ್ ಸ್ವಾತಂತ್ರ್ಯದ ಹೋರಾಟೊಗು ಸೇರೊಡಾಂಡ ತನ್ನ ಬೋಧನಾ ವೃತ್ತಿನ್ ಬುಡ್ದು ಪೋಯೆರ್.

ಜವಾಬ್ದಾರಿಯುತ ಸರ್ಕಾರಗಾದ್ ಆಂದೋಲನ

ನಾಗರಿಕ ಅಸಹಕಾರ ಚಳುವಳಿ

ರಾಜ್ಯ ಕಾಂಗ್ರೆಸ್ ದ ಅಡಿಟ್ ಟ್ರಾವಂಕೂರುದ ಜನಕುಲು ಜವಾಬ್ದಾರಿಯುತ ಸರಕಾರೊಗು ಆಂದೋಲನ ಸುರು ಮಲ್ತೆರ್. ಟ್ರಾವಂಕೂರುದ ದೇವಾನ್ ಸಿಪಿ ರಾಮಸ್ವಾಮಿ ಐಯರ್ ಆಂದೋಲನೊನು ದಮನ ಮಲ್ಪೆರೆ ನಿರ್ಧರಿಸಯೆರ್. ಆಗಸ್ಟ್ ೨೬, ೧೯೩೮ಡ್, ಆರ್ ರಾಜ್ಯ ಕಾಂಗ್ರೆಸ್ ನ್ ನಿಷೇಧ ಮಲ್ತೆರ್, ಅಯಿಡ್ದ್ ಬೊಕ್ಕ ಒಂಜಿ ನಾಗರಿಕ ಅಸಹಕಾರ ಚಳುವಳಿನ್ ಏರ್ಪಾಡ್ ಮಲ್ತೆರ್. ರಾಜ್ಯ ಕಾಂಗ್ರೆಸ್ ದ ಅಧ್ಯಕ್ಷೆ ಪಟ್ಟಮ್ ಎ. ತಾನು ಪಿಳ್ಳೈ ಸೇರ್ದ್ ಪ್ರಮುಖ ರಾಜ್ಯ ಕಾಂಗ್ರೆಸ್ ಮುಖಂಡೆರೆನ್ ಬಂಧಿಸದ್ ಜೈಲುಗು ಪಾಡ್ಯೆರ್.

ಕೌಡಿಯಾರ್ ಅರಮನೆಕ್ಕೆ ರ್ಯಾಲಿ

ರಾಜ್ಯ ಕಾಂಗ್ರೆಸ್ ದ ನಿಷೇಧ ರದ್ದು ಮಲ್ಪೆರೆ ಚೆರಿಯನ್ ತಂಪನೂರುಡ್ದ್ ಮಹಾರಾಜ ಚಿತಿರಾ ತಿರುನಾಲ್ ಬಲರಾಮ ವರ್ಮನ ಕೌಡಿಯಾರ್ ಅರಮನೆ ಮುಟ್ಟ ಸಾಮೂಹಿಕ ರ್ಯಾಲಿ ನಡತ್ಂಡ್. ಆಂದೋಲನ ಮಲ್ಪುನ ಜನಸಮೂಹ ದೇವಾನ್ ಸಿಪಿ ರಾಮಸ್ವಾಮಿ ಐಯರ್ ನ್ ವಜಾ ಮಲ್ಪೊಡು ಪಂದ್ ಲಾ ಒತ್ತಾಯ ಮಲ್ತೆರ್, ಅರೆನ ಮಿತ್ತ್ ರಾಜ್ಯ ಕಾಂಗ್ರೆಸ್ ಮುಖಂಡೆರ್ ಕೆಲವು ಆರೋಪೊಲೆನ್ ದೀತೆರ್. ಬ್ರಿಟಿಷ್ ಪೊಲೀಸ್ ಮುಖ್ಯಸ್ಥೆ ತನ್ನ ಜನೊಕುಲೆಗ್ 20,000 ಜನೊಕ್ಲೆನ ರ್ಯಾಲಿಡ್ ಗುಂಡು ಹಾರಿಸೆರೆ ಆದೇಶ ಕೊರ್ತೆರ್. ಚೆರಿಯನ್ ಕಣ್ಣೀರ್ ಪಾಡ್ಯೆರ್, "ಯಾನ್ ನಾಯಕೆ; ಈರ್ ಬೇತೆಕ್ಲೆನ್ ಕೊರ್ಪಿನ ದುಂಬು ಎಂಕ್ ಗುಂಡು ಪಾಡ್ಲೆ". ಅಲೆನ ಧೈರ್ಯದ ಪಾತೆರೊಲು ಪೊಲೀಸ್ ಅಧಿಕಾರಿಲೆನ್ ಅಕ್ಲೆನ ಆದೇಶೊಲೆನ್ ಪಿರ ದೆತೊನೆರೆ ಒತ್ತಾಯ ಮಲ್ತೆರ್. ಅರೆನ ಸುದ್ದಿನ್ ಕೇಂಡ್ದ್ ಎಂಕೆ ಗಾಂಧಿ ಅರೆನ್ "ತ್ರಾವಣಕೂರುದ ಝಾನ್ಸಿ ರಾಣಿ" ಪಂಡ್ದ್ ಶ್ಲಾಘನೆ ಮಲ್ತೆರ್. 1939ಡ್ ನಿಷೇಧ ಆದೇಶೊಲೆನ್ ಉಲ್ಲಂಘನೆ ಮಲ್ತಿನ ಆರೋಪೊಡು ಅಲೆನ್ ಬಂಧಿ ಮಲ್ತೆರ್ ಬೊಕ್ಕ ಅಪರಾಧಿ ಪಂಡ್ದ್ ತೀರ್ಪು ಕೊರ್ತೆರ್

ರಾಜ್ಯ ಕಾಂಗ್ರೆಸ್ ನ ವಾರ್ಷಿಕ ಸಮ್ಮೇಳನ

ರಾಜ್ಯ ಕಾಂಗ್ರೆಸ್ ದ ಸುರುತ ವಾರ್ಷಿಕ ಸಮ್ಮೇಳನ 1932 ಡಿಸೆಂಬರ್ 22 ಬೊಕ್ಕ 23 ತಾರೀಕ್ ದಾನಿ ನಿಷೇಧ ಆದೇಶ ಇತ್ತ್ಂಡಲಾ ವಾಟ್ಟಿಯೂರ್ ಕಾವು ಡ್ ನಡತ್ಂಡ್. ರಾಜ್ಯ ಕಾಂಗ್ರೆಸ್ ದ ಬಹುತೇಕ ನಾಯಕೆರೆನ್ ಬಂಧಿ ಮಲ್ತ್ ಜೈಲ್ ಗ್ ಪಾಡ್ಯೆರ್. ಚೆರಿಯನ್, ಅರೆನ ಅಕ್ಕ ರೊಸಾಮ್ಮಾ ಪುನ್ನೋಸ್ (ಒರಿ ಸ್ವಾತಂತ್ರ್ಯ ಹೋರಾಟಗಾರ್ತಿ, ಶಾಸಕೆರ್, ಬೊಕ್ಕ ೧೯೪೮ಡ್ದ್ ಸಿಪಿಐ ನಾಯಕೆರ್) ನೊಟ್ಟುಗು, ೨೪ ಡಿಸೆಂಬರ್ ೧೯೩೯ಡ್ ಬಂಧಿಸಯೆರ್ ಬೊಕ್ಕ ಜೈಲುಗು ಪಾಡ್ದೆರ್ ಅಕುಲೆಗ್ ಒಂಜಿ ವರ್ಷದ ಜೈಲು ಶಿಕ್ಷೆ ಆಂಡ್. ಜೈಲ್ಡ್ ಅಕುಲೆನ್ ಅವಮಾನ ಮಲ್ತೆರ್ ಬೊಕ್ಕ ಬೆದರಿಕೆ ಮಲ್ತೆರ್. ಜೈಲ್ ಅಧಿಕಾರಿಲೆನ ಸೂಚನೆದ ಪ್ರಕಾರ, ಕೆಲವು ಕೈದಿಲು ಅಕ್ಲೆನ ಮಿತ್ತ್ ದುರುಪಯೋಗ ಬೊಕ್ಕ ಅಶ್ಲೀಲ ಪಾತೆರೊಲೆನ್ ಬಳಕೆ ಮಲ್ತೆರ್. ಈ ವಿಷಯೊನು ಪಟ್ಟೊಮ್ ಎ. ಥಾನು ಪಿಳ್ಳೈ ಎಂ.ಕೆ.ಗಾಂಧಿನ ಗಮನೊಗು ತೂಪೆರ್.

ಸ್ವತಂತ್ರ ಭಾರತದ ಜೀವನ

೧೯೫೦ ದಶಕದ ಸುರುಟು, ಪಕ್ಷದ ಸಿದ್ಧಾಂತೊಲು ಬದಲಾವೊಂದು ಇತ್ತಿನಗ, ಆರ್ ರಾಜಕೀಯೊನು ಬುಡ್ದು ಪೋಯೆರ್.

ತೀರಿನಿ ಬೊಕ್ಕ ಸ್ಮರಣೆ

ಚೆರಿಯನ್ ೫ ಮೇ ೧೯೮೨ಡ್ ತೀರ್ ಪೋಯೆರ್. ತಿರುವನಂತಪುರದ ವೆಲ್ಲಾಯಂಬಳೊಡು ಅರೆನ ನೆಂಪುಗು ಒಂಜಿ ಪ್ರತಿಮೆನ್ ನಿರ್ಮಾಣ ಮಲ್ತೆರ್. ಅರೆನ ಜೀವನದ ಬಗ್ಗೆ ಒಂಜಿ ಸಾಕ್ಷ್ಯಚಿತ್ರ ಚಿತ್ರೊನು ಶ್ರೀಬಾಲಾ ಕೆ. ಮೆನನ್ ಮಲ್ತೆರ್.

ತಿರುವನಂತಪುರದ ವೆಳ್ಳಾಯಂಬಳಂ ಅಕ್ಕಮ್ಮ ಚೆರಿಯನ್ ಪುತ್ಥಳಿ.

ತಿರುವನಂತಪುರದ ವೆಳ್ಳಾಯಂಬಳದ ಅಕ್ಕಮ್ಮ ಚೆರಿಯನ್ ಉದ್ಯಾನವನ