ಅಗ್ನೆಸ್ ಸೊರೆಲ್
ಅಗ್ನೆಸ್ ಸೊರೆಲ್ | |
|---|---|
 ಮಡೋನಾ ಲಾಕ್ಟಾನ್ಸ್ ರೂಪದಲ್ಲಿ ಅಗ್ನೆಸ್ ಸೊರೆಲ್ | |
| ಪುಟ್ಟು | 1422 ಫ್ರೊಮಾಂಟೋ (ಯೆಝೂರ್-ಸರ್-ಕ್ರೂಸ್), ಟುರೇನ್, ಫ್ರಾನ್ಸ್ |
| ಸಾವು | 9 ಫೆಬ್ರವರಿ 1450 (ವಯಸ್ಸು 28) ಜ್ಯುಮಿಯೇಜ್, ನಾರ್ಮಂಡಿ, ಫ್ರಾನ್ಸ್ |
| ಬೇಲೆ | ಮೈಡ್ ಆಫ್ ಆನರ್ |
| ಪುಗರ್ತೆದ ಕ್ಷೇತ್ರೊ | ರಾಜಪ್ರೇಯಸಿ |
| ಜತೆ | ಫ್ರಾನ್ಸ್ನ ಚಾರ್ಲ್ಸ್ VII |
| ಜೋಕುಲು |
|
| ಅಪ್ಪೆಅಮ್ಮೆs |
|
ಆಗ್ನೆಸ್ ಸೊರೆಲ್ ( ; ೧೪೨೨ - ೯ ಫೆಬ್ರವರಿ ೧೪೫೦), ಡೇಮ್ ಡಿ ಬೋತೇ (ಪೊರ್ಲು ದ ಸೌಂದರ್ಯ ಪೊಣ್ಣು) ಪನ್ಪಿನ ಪುದರ್ಡ್ ಪುದರ್ ಪೋಯಿನ, ಫ್ರಾನ್ಸ್ ದ ಚಾರ್ಲ್ಸ್ VII ನ ಪ್ರಧಾನ ಅಧಿಕೃತ ಮಿಸ್ಟ್ರೆಸ್ ಆದಿತ್ತೆರ್, ಅಯಿಡ್ದ್ ಅರೆಗ್ ನಾಲ್ ಪೊಣ್ಣು ಜೋಕುಲು ಪುಟ್ಟುವೆರ್. [ ೧ ] ಫ್ರೆಂಚ್ ರಾಜಗ್ ಸುರುತ ಅಧಿಕೃತವಾದ್ ಮಾನ್ಯತೆ ಪಡೆಯಿನ ಮಿಸ್ಟ್ರೆಸ್ ಪಂಡ್ದ್ ಆರ್ ಪರಿಗಣಿಸವೆರ್. ಪ್ರಸಿದ್ಧ ಕಲಾವಿದೆ ಜೀನ್ ಫೌಕೆಟ್ ನ ದಿ ವರ್ಜಿನ್ ಬೊಕ್ಕ ಚೈಲ್ಡ್ ಎನ್ಶ್ರೌಡೆಡ್ ಬೈ ಏಂಜಲ್ಸ್ ಸೇರ್ದ್ ಮಸ್ತ್ ಸಮಕಾಲೀನ ಕಲಾಕೃತಿಲೆನ ವಿಷಯ ಆದಿತ್ತೆರ್.
ರಾಜಮನೆತನದ ಬದ್ಕ್|
[ಸಂಪೊಲಿಪುಲೆ]
(ಜಾನ್ ಫೌಕೆಟ್ ಚಿತ್ರೀಕರಣ ಮಲ್ತಿನ ಸೊರೆಲ್)
ಆಗ್ನೆಸ್, 1422ಡ್ ಪುಟ್ಟಿನೆ, ಜಾನ್ ಸೊರೊ, ಚಾಟೆಲೆನ್ ಆಫ್ ಕೌಡೆನ್ ಬೊಕ್ಕ ಅರೆನ ಬೊಡೆದಿ ಕ್ಯಾಥರೀನ್ ಡಿ ಮೈನೆಲೈಸ್ ನ ಮಗಳ್. [ ೨ ] ರಾಜೆ ಚಾರ್ಲ್ಸ್ VII ನ ಮಿಸ್ಟ್ರೆಸ್ ಆಯಿನಗ ಅಲೆಗ್ ೨೦ ಅತ್ತ್ಂಡ ೨೧ ವರ್ಸೊದ ಪ್ರಾಯ. ಆ ಕಾಲೊಡು ಆರ್ ನೆಪಲ್ಸ್ ದ ರೆನೆ I ನ ಬುಡೆದಿ ಆಯಿನ ಲೋರೆನ್ ದ ಇಸಾಬೆಲ್ಲಾನ ಸೇವೆಡ್ ಒರ್ತಿ ಗೌರವಾನ್ವಿತ ಆದಿತ್ತೆರ್. ಚಾರ್ಲ್ಸ್ VII ನ ಬುಡೆದಿ ಮೇರಿ ಆಫ್ ಅಂಜೌ ಗ್ ಲೇಡಿ-ಇನ್-ವೇಟಿಂಗ್ ಆದ್ ಸೇವೆ ಮಲ್ತೆರ್. ಆರ್ ಬೇಕೊಡೆ ಅರಸುನ ಪ್ರೇಯಸಿ ಆಯೆರ್. [ 3 ]
ರಾಜೆ ಅರೆಗ್ ಚಾಟೊ ಡಿ ಲೋಚೆಸ್ ನ್ ಪನ್ಪುನ ಒಂಜಿ ಖಾಸಗಿ ನಿವಾಸೊನು ಕೊರ್ತೆರ್, ಜೋನ್ ಆಫ್ ಆರ್ಕ್ ಗ್ ಕಿರೀಟ ಧರಿಸಾದಿನ ಜಾಗೆ.
ಚಿನಾನ್ ದ ಆಸ್ಥಾನೊಡು ಆಗ್ನೆಸ್ ನ ಉಪಸ್ಥಿತಿ ರಾಜಗ್ ತನ್ನ ದೀರ್ಘಕಾಲದ ಮಾನಸಿಕ ಕಾಯಿಲೆರ್ದ್ ಮಿತ್ತ್ ಬರೆರೆ ಸಹಾಯ ಮಲ್ತ್ಂಡ್ ಪಂದ್ ನಂಬುನವು. ಇಂಗ್ಲಿಷ್ ಆಕ್ರಮಣಕಾರೆರೆನ್ ಫ್ರಾನ್ಸ್ ದೇಶೊಡ್ದ್ ಪಿದಯಿ ಕನಯೆರೆ ತನ್ನ ಸೈನ್ಯೊನು ಪುನರ್ಸಂಘಟಿಸೊಡು ಪನ್ಪಿನ ಪ್ರೋತ್ಸಾಹೊಡು ಆರ್ ಮಹತ್ವದ ಪಾತ್ರ ವಹಿಸಯೆರ್. ಅಲೆನ ಪ್ರಭಾವ ಬೊಕ್ಕ ಐಷಾರಾಮಿ ಜೀವನಶೈಲಿ ಅಲೆನ್ ನ್ಯಾಯಾಲಯೊಡು ಶಕ್ತಿಶಾಲಿ ಶತ್ರುಲೆನ್ ಉಂಡು ಮಲ್ತ್ಂಡ್. [ 4 ]
ಕೆಲವೆರ್ ಅನುಕರಣೆ ಮಲ್ತಿನ ಬೊಕ್ಕ ಕೆಲವೆರ್ ತೀವ್ರವಾದ್ ಟೀಕೆ ಮಲ್ತಿನ ಲೋ-ಕಟ್ ಶೈಲಿದ ಕುಂಟುನ್ (ಡೆಕೊಲೆಟೆ) ವೋಟ್ ಮಲ್ತಿನ ಕಾರಣೊಗು ಆಗ್ನೆಸ್ ವಿವಾದಾತ್ಮಕ ಆಯೆರ್. ರೀಮ್ಸ್ ನ ಆರ್ಚ್ ಬಿಷಪ್ ಜಾನ್ ಜುವೆನಾಲ್ ಡೆಝ್ ಉರ್ಸನ್ಸ್, ಪೊಣ್ಣುಲೆನ ಎದೆನ್ ತೋಜಾವುನ ಕುಂಟುದ ಶೈಲಿನ್ ಸುಧಾರಣೆ ಮಲ್ಪೊಡು ಪಂದ್ ರಾಜೆಗ್ ಸಲಹೆ ಕೊರ್ತೆರ್. [ ೫ ]
ಮೆಲುನ್ ಡಿಪ್ಟಿಕ್ ಡ್ ಚಿತ್ರಕಾರೆ ಜಾನ್ ಫೌಕೆಟ್ ಆಗ್ನೆಸ್ ನ್ ಮೇರಿ, ದೇವೆರೆನ ಅಪ್ಪೆ ಪಂಡ್ದ್ ಚಿತ್ರೀಕರಣ ಮಲ್ತಿನಗ ದುಂಬುದ ವಿವಾದ ಉದಿತ್ಂಡ್. ಅರಸುನ ಅನೈತಿಕ ಜೋಕುಲೆನ ಅಪ್ಪೆ ಆಯಿನ ಪೊಣ್ಣನ್ ಪವಿತ್ರ ಮೇರಿಗ್ ಹೋಲಿಕೆ ಮಲ್ತ್ನವು ಕೋರ್ಟ್ ಗ್ ಕೋಪ ಬತ್ತ್ಂಡ್. [ 6 ]
ಜೋಕುಲು ಬೊಕ್ಕ ಸಾವು
[ಸಂಪೊಲಿಪುಲೆ]ಆಗ್ನೆಸ್ ಗ್ ರಾಜನೆಡ್ದ್ ನಾಲ್ ಪೊಣ್ಣು ಜೋಕುಲು ಉಲ್ಲೆರ್:
- ಮೇರಿ ಡಿ ವಲೋಯಿಸ್ – ಬಹುಶಃ ೧೪೪೪ ರ ಬೇಸಿಗೆಡ್ ಪುಟ್ಟುನ [ ೭ ]
- ಚಾರ್ಲೊಟ್ ಡಿ ಬ್ರೇಜ್ – ಜಾಕ್ವೆಸ್ ಡಿ ಬ್ರೇಜ್ ನ್ ಮದಿಮೆ ಆಯೆರ್ [ 8 ]
- ಜೀನ್ ಡಿ ವಾಲ್ವಾ [ 7 ]
ಅಲೆನ ನಾಲ್ನೇ ಬಂಜಿನಾರ್ನ ಪೊರ್ತುಡು, ೧೪೫೦ ಚಳಿಗಾಲೊಡು, ಆರ್ ರಾಜನೊಟ್ಟುಗು ಜುಮಿಜೆಸ್ ಗ್ ಪೋಯೆರ್. ಅಲ್ಪ, ಆರ್ ಗಂಭೀರವಾದ್ ಅಸ್ವಸ್ಥೆ ಆದ್, ಜನ್ಮ ಕೊರ್ನ ಬುಕ್ಕೊ, 9 ಫೆಬ್ರವರಿ 1450 ಗ್ ಆರ್ನ ಬಾಲೆದೊಟ್ಟುಗು ತೀರ್ ಪೋಯೆರ್. [ 9 ] ಆರ್ 28 ವರ್ಸೊದಾರ್. [ ೧೦ ]
ಮೂಲತಃ ಡೈಸೆಂಟರಿ ಪಂಡ್ದ್ ತೆರಿನ ಸಾವುದ ಕಾರಣ, 2005ಡ್ ಫ್ರೆಂಚ್ ಫೋರೆನ್ಸಿಕ್ ವಿಜ್ಞಾನಿ ಫಿಲಿಪ್ ಚಾರ್ಲಿಯರ್ ಪಾದರಸ ವಿಷ ಪಂಡ್ದ್ ಸೂಚಿಸಯೆರ್. [ ೧೧ ] ಉಂದೆನ್ ಔಷಧೀಯ ಅತ್ತಂಡ ಸೌಂದರ್ಯವರ್ಧಕ ಉದ್ದೇಶೊಲೆಗ್ ಬಳಕೆ ಮಲ್ತೊಂದಿತ್ತೆರ್ ಪಂದ್ ನಂಬುನವು. ಲೋಚೆಸ್ ಡ್ ಸೈಂಟ್-ಆವರ್ಸ್ ಚರ್ಚ್ ಡ್ ಅರೆನ್ ಸಮಾಧಿ ಮಲ್ತೆರ್. ಅರೆನ ಹೃದಯೊನು ಜುಮಿಜೆಸ್ ನ ಅಬ್ಬೆಡ್ ಸಮಾಧಿ ಮಲ್ತೆರ್. [ ೧೨ ]
ಸಂಪ್ರದಾಯೊ
[ಸಂಪೊಲಿಪುಲೆ]ಆಗ್ನೆಸ್ ಸೊರೆಲ್ ವೋಲ್ಟೇರ್ ನ ಕಬಿತೆ ದಿ ಮೇಡ್ ಆಫ್ ಓರ್ಲಿಯನ್ಸ್ (ಕಬಿತೆ) ಡ್ ಪ್ರಮುಖ ಪಾತ್ರ ವಹಿಸೊಂಡುಂಡು. [೧]
ಜೂಡಿ ಚಿಕಾಗೊದ ಪುದರ್ ಪೋಯಿನ ಕೆಲಸ ದಿ ಡಿನ್ನರ್ ಪಾರ್ಟಿಡ್ ಲಾ ಆರ್ ತೋಜಿದ್ ಬತ್ತೆರ್. [ ೧೪ ]
ಅಂಚನೆ ತೂಲೆ
[ಸಂಪೊಲಿಪುಲೆ]- ಪರಿಹಾರ ಆವಂದಿನ ಸಾವುಲೆನ ಪಟ್ಟಿ
ಉಲ್ಲೇಖೊಲು
[ಸಂಪೊಲಿಪುಲೆ]- ↑ Severin, Nelly H. (1976). "Voltaire's Saint Joan: A Burlesque on Saints and Chastity". The South Central Bulletin. 36 (4): 150–152. doi:10.2307/3188316. JSTOR 3188316.