ಅಟ್ಟುಕಲ್ ಪೊಂಗಲ
==ಅಟ್ಟುಕಲ್ ಪೊಂಗಲ್==
[ಸಂಪೊಲಿಪುಲೆ]ಅಟ್ಟುಕಲ್ ಪೊಂಗಲ ಪಂಡ ಕೇರಳದ ತಿರುವನಂತಪುರಂ ಡ್ ಉಪ್ಪುನ ಅಟ್ಟುಕಲ್ ಭಗವತಿ ದೇವಸ್ಥಾನೊಡು ಆಚರಣೆ ಮಲ್ಪುನ 10 ದಿನೊತ ಹಿಂದೂ ಪರ್ಬ.ಅಟ್ಟುಕಲ್ ಪೊಂಗಾಲ ಪಂಡ ಹಿಂದೂ ದೇವತೆ ದುರ್ಗೆನ ಒಂಜಿ ರೂಪ ಆಯಿನ ಅಟ್ಟುಕಲ್ ಭಗವತಿಗ್ ಸಮರ್ಪಣೆ ಆಪಿನ 10 ದಿನೊತ ಧಾರ್ಮಿಕ ಉತ್ಸವ.
==ಆಚರಣೆ==
[ಸಂಪೊಲಿಪುಲೆ]ಮಲಯಾಳಂ ಮಾಸೊಡು ಮಕರಂ-ಕುಂಭಂ (ಫೆಬ್ರವರಿ-ಮಾರ್ಚ್) ಸುರು ಆದ್ ಒಂಭತ್ತನೇ ದಿನೊಟು ಮುಖ್ಯ ಪೊಂಗಲ ಸಮಾರಂಭೊಡು ಮುಗಿಪುಂಡು.ಆದುಪ್ಪುವೆಟ್ಟು ಪನ್ಪಿನ ಆಚರಣೆಡ್ ಪೊಂಗಲ ತಯಾರಿ ಸುರು ಆಪುಂಡು. ಉಂದು ಪ್ರಧಾನ ಅರ್ಚಕೆರ್ ದೇವಸ್ಥಾನೊದ ಉಲಯಿ ದೀತಿನ ಪೊಂಗಲ ಕುಲುಮೆದ (ಪಾಂಡರಾಯಡುಪ್ಪು ಪನ್ಪೆರ್) ಬೊಲ್ಪುನು. ಉಂದು ಕೇರಳದ ಸುರುತ ಪೊಂಗಲ ಪರ್ಬ.ಈ ಉತ್ಸವ ಕೇರಳದ ತಿರುವನಂತಪುರದ ಅತ್ತುಕಲ್ ಭಗವತಿ ದೇವಸ್ಥಾನಡ್ ನಡಪುಂಡು.ಮುಖ್ಯ ಆಚರಣೆಡ್ ಪೊಣ್ಣುಲು ಅರಿ, ಬೆಲ್ಲ, ತೆಂಗಿನಕಾಯಿ, ಬಾಳೆಕಾಯಿಡ್ದ್ ಮಲ್ಪುನ "ಪೊಂಗಲ" ಪನ್ಪಿನ ಒಂಜಿ ಸಿಹಿ ಖಾದ್ಯೊನು ಮಣ್ಣ್ ದ ಪಾತ್ರೆಡ್ ತಯಾರ್ ಮಲ್ತ್ ದ್ ದೇವಿಗ್ ಅರ್ಪಣೆ ಮಲ್ಪುವೆರ್.ಈ ಪರ್ಬ ಇಲ್ಲಗ್ ಸಮೃದ್ಧಿ ಬುಕ್ಕೊ ಆಶೀರ್ವಾದ ಕೊರ್ಪುಂಡು ಪನ್ಪಿನ ನಂಬಿಕೆ ಉಂಡು, ಪೊಂಜೊವುಲೆನ ಕೂಟೊನು ಅಕ್ಲೆನ ಭಕ್ತಿ ಬುಕ್ಕೊ ಒಗ್ಗಟ್ಟ್ ದ ಸಂಕೇತವಾದ್ ತೂಪೆರ್.
==ದಾಖಲೆ ಬರೆಯಿನ ಉತ್ಸವ==
[ಸಂಪೊಲಿಪುಲೆ]ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಡ್ ಈ ಪರ್ಬೊನು ಮಹಿಳೆಯೆರೆನ ಮಲ್ಲ ವಾರ್ಷಿಕ ಸಭೆ ಪಂಡ್ದ್ ಗುರುತಿಸವೊಂಡುಂಡು. ಇತ್ತೆ 40 ಲಕ್ಷೊಡ್ದ್ ಜಾಸ್ತಿ ಭಕ್ತೆರ್ ಅಟ್ಟುಕಲ್ ಪೊಂಗಾಲೊಡು ಪಾಲ್ ಪಡೆಪೆರ್. ಈ ಸಮಾರಂಭೊನು ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಡ್ ಫೆಬ್ರವರಿ ೨೩, ೧೯೯೭ಡ್ ಸ್ಥಾಪನೆ ಮಲ್ತೆರ್, ಅಪಗ ೧.೫ ಮಿಲಿಯನ್ ಪೊಣ್ಣುಲು ಪೊಂಗಾಲೊಡು ಪಾಲ್ ಪಡೆಯೆರ್.೨೦೦೯ಡ್, ಒಂಜಿ ಪೊಸ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಡ್ ೨.೫ ಮಿಲಿಯನ್ ಹಾಜರಾತಿನ್ ಆಚರಣೆ ಮಲ್ತೆರ್.ಈ ದೇವಸ್ಥಾನೊನು ಪೊಣ್ಣನ ಶಬರಿಮಲೆ ಪಂಡ್ದ್ ಲೆಪ್ಪುವೆರ್.
== ಉಲ್ಲೇಕೊಲು ==
[ಸಂಪೊಲಿಪುಲೆ]http://www.thehindu.com/todays-paper/ponkala-makes-it-to-guinness/article3061478.ece
https://www.keralatourism.org/event/attukal-pongala-festival/30/