ಅಟ್ಟುಕಲ್ ಪೊಂಗಲ
| Aatukaal Pongala | |
|---|---|
 Women gather near a temple and celebrate Pongala | |
| ಆಚರಣೆ | Hindus of Kerala |
| ಬಗೆ | Religious, cultural |
| ತಾರೀಕ್ | per Hindu calendar |
| ಆವರ್ತನೊ | Annual |
ಅಟ್ಟುಕಲ್ ಪೊಂಗಲ ಪಂಡ ಭಾರತದ ಕೇರಳ ರಾಜ್ಯೊದ ತಿರುವನಂತಪುರೊಡು ಅಟ್ಟುಕಲ್ ದೇವಸ್ಥಾನೊಡು ಕುಂಭಂ (ಫೆಬ್ರವರಿ-ಮಾರ್ಚ್) ಡ್ ಆಚರಣೆ ಮಲ್ಪುನ 10 ದಿನೊತ ಪೊಂಗಲ ಪರ್ಬ. ಪೊಂಗಲ ದಿನ ಪಂಡ್ದ್ ಪರಿಗಣಿಸಲ್ಪಡುನ ಒಂಜಿ ಪುಣ್ಣಮೆ ದಿನೊತ ಒಂರ್ಬನೇ ದಿನ ದೇವಸ್ಥಾನದ ಸುತ್ತಮುತ್ತ ಲಕ್ಷಾಂತರ ಪೊಣ್ಣುಲು ಒಟ್ಟು ಸೇರ್ದ್ ಮಣ್ಣ್ ದ ಪಾತ್ರೆಲೆಡ್ (ಪೊಂಗಲ/ಗಂಜಿ) ಅರಿಟ್ ಮಲ್ತಿನ ಪವಿತ್ರ ನುಪ್ಪುನ್ ತಯಾರ್ ಮಲ್ತ್ ದ್ ದೇವಸ್ಥಾನದ ದೇವತೆ ಅತ್ತುಕಲ್ ಅಮ್ಮಗ್ ಅರ್ಪಣೆ ಮಲ್ಪುವೆರ್. ಬೇತೆ ಬೇತೆ ಸಮುದಾಯೊಲೆಡ್ದ್, ಶೈಕ್ಷಣಿಕ ಬೊಕ್ಕ ವೃತ್ತಿ ಹಿನ್ನೆಲೆಡ್ದ್ ಬತ್ತಿನ ಪೊಣ್ಣುಲು ಈ ಪರ್ಬೊನು ಆಚರಣೆ ಮಲ್ಪೆರೆ ಸೇರ್ಪಡೆ ಆಪೆರ್, ಅಕುಲು ಒಟ್ಟುಗು ಅಡಿಗೆ ಮಲ್ಪುವೆರ್ ಬೊಕ್ಕ ಮುಖ್ಯವಾದ್ ಪುರುಷೆರ್ ಇಜ್ಜಂದಿನೆಡ್ದಾವರ ಈ ದಿನೊಟು ಅಕುಲು ಅಕ್ಲೆನ ಕಂಡನಿ ಬೊಕ್ಕ ಕುಟುಂಬೊಗು ಜವಾಬ್ದಾರೆರ್ ಅತ್ತ್. ಅಟ್ಟುಕಲ್ ಭಗವತಿ ದೇವಸ್ಥಾನೊಡು ಅಟ್ಟುಕಲ್ ಭಗವತಿ ಭದ್ರಕಾಳಿನ ಒಂಜಿ ರೂಪ ಪಂಡ್ದ್ ವ್ಯಾಪಕವಾದ್ ಅರ್ಥ ಮಲ್ಪುನ ಅಟ್ಟುಕಲ್ ಭಗವತಿ - ಪೊಂಜೊನಕ್ಲೆಡ್ ಒರ್ತಿ ಆದ್ ಪೊಂಗಲ ವಿದಿವಿದಾನೊಗು ಸಾಂಕೇತಿಕವಾದ್ ಸೇರುನ ನಂಬಿಕೆನ್ ಭಕ್ತೆರ್ ನಂಬುವೆರ್.
ದೇವಸ್ಥಾನದ ಬರಿಟ್ ಅನುಮತಿ ಇಪ್ಪುನ ಪುರುಷೆರ್ ಪಂಡ ಭದ್ರತಾ ಸಿಬ್ಬಂದಿಲು, ದೇವಸ್ಥಾನದ ಅಧಿಕಾರಿಲು ಬೊಕ್ಕ ಪುರೋಹಿತೆರ್. [೧]
ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಡ್ ಈ ಉತ್ಸವೊನು ಮಹಿಳೆಯೆರೆನ ಮಲ್ಲ ವಾರ್ಷಿಕ ಸಭೆ ಪಂಡ್ದ್ ಗುರುತಿಸವೊಂದುಂಡು. ೧೯೯೭ ಫೆಬ್ರವರಿ ೨೩ ತಾರೀಕ್ ಗ್ ೧.೫ ಮಿಲಿಯನ್ ಪೊಣ್ಣುಲು ಪಾಲ್ ಪಡೆಯಿನ ಈ ಪರ್ಬದ ಆಚರಣೆ ಗಿನ್ನೆಸ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್ ಗ್ ಸೇರ್ಂಡ್. [೨] ೨೦೦೯ಡ್, ಒಂಜಿ ಪೊಸ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ ಡ್ ೨.೫ ಮಿಲಿಯನ್ ಪೊಣ್ಣುಲೆನ ಹಾಜರಾತಿನ್ ಆಚರಣೆ ಮಲ್ತೆರ್. [೩] ಇತ್ತೆ 40 ಲಕ್ಷ ಅತ್ತ್ಂಡ 4 ಮಿಲಿಯನ್ ಡ್ದ್ ಜಾಸ್ತಿ ಪೊಣ್ಣುಲು ಅಟ್ಟುಕಲ್ ಪೊಂಗಾಲೊಡು ಪಾಲ್ ಪಡೆಯೊಂದುಲ್ಲೆರ್.
ಅಟ್ಟುಕಲ್ ದೇವಸ್ಥಾನೊನು ಪೊಣ್ಣುಲೆನ ಶಬರಿಮಲೆ ಪಂಡ್ದ್ ಲಾ ಲೆಪ್ಪುವೆರ್. [೪] ಈ ದೇವಸ್ಥಾನೊಡು ನಡಪುನ ಪೊಂಗಲ ಪರ್ಬ ಕೇರಳೊದ ಪಿರಾಕ್ ದ ಪೊಂಗಲ ಪರ್ಬ, ಬೊಕ್ಕ 'ಆದುಪ್ಪುವೆಟ್ಟು' ಪನ್ಪಿನ ಆಚರಣೆಡ್ದ್ ಸುರು ಆಪುಂಡು—ದೇವಸ್ಥಾನೊದ ಉಲಯಿ ದೀತಿನ ಪೊಂಗಲ ಕುಲುಮೆನ್ (ಪಾಂಡರಾಯಡುಪ್ಪು ಪನ್ಪೆರ್) ಪ್ರಧಾನ ಅರ್ಚಕೆರ್ ದೀಪೆರ್.
ಆಚರಣೆಲು
[ಸಂಪೊಲಿಪುಲೆ]
ಅಟ್ಟುಕಲ್ ಭಗವತಿ ದೇವಸ್ಥಾನದ ಮುಖ್ಯ ಅರ್ಚಕೆರೆನ ಸಂಕೇತೊಡು, ಪೊಂಜೊಲು ಸಾಂಪ್ರದಾಯಿಕ ವಾಯಿನಚೀಪೆ ಅರಿನ್ ತಯಾರ್ ಮಲ್ಪುನ ಆಚರಣೆಗ್ ಮಣ್ಣ್ದ ಪಾತ್ರೊಗು ತೂನ್ ಪೊತ್ತಾವೆರ್. ಇಡೀ ದೇವಸ್ಥಾನದ ಪ್ರದೇಶ ಬೊಕ್ಕ ಅಯಿತ ರಸ್ತೆಲು ಪೊಣ್ಣುಲು ಅಚ್ಚುಕಟ್ಟ್ ದ ಸಾಲುಲೆಡ್ ಎಲ್ಯ ಎಲ್ಯ ಕುಲುಮೆಲೆಡ್ ಆಚರಣೆದ ಅರಿನ್ ತಯಾರ್ ಮಲ್ಪುನಕುಲೆಡ್ದ್ ದಿಂಜಿದ್ ಉಪ್ಪುಂಡು, ಉಂದು ಒಂಜಿ ಅದ್ಭುತ ದೃಶ್ಯ ಬೊಕ್ಕ ಸಿಹಿ ವಾಸನೆಲು ಗಾಳಿಡ್ದ್ ಪಿದಯಿ ಬರ್ಪುಂಡು, ಜನಕುಲೆನ ಇಲ್ಲ್ ಲೆನ್ ಆಧ್ಯಾತ್ಮಿಕವಾದ್ ಬಲಪಡಿಸುಂಡು. ಈ ಸಮಾರಂಭೊನು ಪೂರಂ ನಕ್ಷತ್ರೊದ ಶುಭ ದಿನೊಟು ಸುರು ಮಲ್ಪುವೆರ್ ಉಂದು ಪೂರ್ಣ ಚಂದ್ರೆ ಅತ್ತ್ಂಡ ಪುಣ್ಣಮೆಗ್ ಸರಿ ಆಪುಂಡು. ಈ ಮಾತಾ ಆಚರಣೆಲು ಕಪ್ಪುಕೆಟ್ಟು ಸಮಾರಂಭೊಡು ದೇವಿ (ಕನ್ನಕಿ ಚರಿತಂ) ನ ಸುಂದರ ಸಂಗೀತ ನಿರೂಪಣೆದ ನಡುಟು ನಡಪುಂಡು. ಏತ್ ಹಾಳಿತ್ತ್ಂಡಲ ಎಡ್ಡೆದ ಮಿತ್ತ್ ಮುಖ್ಯ ಮಹತ್ವ ಕೊರ್ಪ್ಂಡು. ಅತ್ಯಂತ ಉದಾರ ದೇವತೆ ಶ್ರೀ ಭದ್ರಕಾಳಿನ್ ಗೌರವಿಸವುನ ನಿಟ್ಟಿಡ್, ದೇವಸ್ಥಾನದ ಅರ್ಚಕೆರ್ ವಾಯುಮಂಡಲೊಡು ಪುಷ್ಪೊಲೆನ್ ಬುಡುದು, ಬೊಕ್ಕ ಪವಿತ್ರ ನೀರ್ ನ್ ಸಿಂಪಡಣೆ ಮಲ್ಪುನ ಮೂಲಕ ಈ ಸಮಾರಂಭೊನು ಸಂಜೆ ಮುಗಿಪೆರ್
ಅತ್ತುಕಲ್ ಪೊಂಗಲ ಮಾರ್ಚ್ 13, 2025 ದಾನಿ ನಡತ್ದ್ಂಡ್ [೫] ಅಟ್ಟುಕಲ್ ಪೊಂಗಲ ಕಾರ್ಯಕ್ರಮ ಬೆಳಗ್ಗೆ ೧೦:೧೫ಗ್ ಸುರು ಆದ್ ಮಧ್ಯಾಹ್ನ ೧:೧೫ಗ್ ಸಾಂಪ್ರದಾಯಿಕ ನಿವೇದ್ಯೊಡು ಮುಗಿಪುಂಡು.
ಉಲ್ಲೇಖೊಲು
[ಸಂಪೊಲಿಪುಲೆ]- ↑ Jenett, Dianne (2005). "A Million Shaktis Rising: Pongala, a Women's Festival in Kerala, India". Journal of Feminist Studies in Religion. 21 (1): 35–55. doi:10.1353/jfs.2005.0009.
- ↑ "Ponkala makes it to Guinness". The Hindu. 2012-03-15.
- ↑ "Largest gathering of women". Guinness World Records. Guinness World Records.
- ↑ Ponmelil, V. A. "Temples of Kerala - Thiruvananthapuram Attukal Temple". newkerala.com.
- ↑ Rajwi, Tiki (9 March 2020). "Thousands of women flock to Thiruvananthapuram for Attukal Pongala today". The Hindu (in Indian English). Retrieved 29 March 2020.