ಅತಿರಪ್ಪಿಲ್ಲಿ ಜಲಪಾತ

  

ಅತಿರಪ್ಪಿಲ್ಲಿ ಜಲಪಾತೊ ( ) ಭಾರತದ ಕೇರಳದ ತ್ರಿಶೂರ್ ಜಿಲ್ಲೆದ ಚಲಕುಡಿ ತಾಲೂಕುದ ಅತಿರಪ್ಪಿಲ್ಲಿ ಪಂಚಾಯತ್ ಡ್ ಉಲ್ಲಾಯಿನೆ, ಉಂದು ಚಲಕುಡಿ ತುದೆತ ಬರಿಟ್ ಉಂಡು, ಉಂದು ಪಶ್ಚಿಮ ಘಟ್ಟದ ಮಿತ್ತ್ ದ ಭಾಗೊಡ್ದ್ ಶೋಲಯಾರ್ ಶ್ರೇಣಿಲೆನ ಪ್ರವೇಶ ದ್ವಾರೊಡ್ದ್ ಸುರುವಾಪುಂಡು. ಉಂದು ಕೇರಳದ ಬಾರೀ ಮಲ್ಲ ಜಲಪಾತ, ಉಂದೆತ ಎತ್ತರ 81.5 ಅಡಿ ಉಂಡು. ಅತಿರಾಪ್ಪಿಲ್ಲಿಡ್ದ್ ಒಂಜಿ ಎಲ್ಯ ಡ್ರೈವ್ ಡ್ ವಝಾಚಲ್ ಜಲಪಾತ ಉಂಡು, ಉಂದು ದಟ್ಟವಾಯಿನ ಪಚ್ಚೆ ಕಾಡ್ದ ಕೈತಲ್ಡ್ ಉಂಡು, ಉಂದು ಅರಿದ್ ಪೋಪಿನ ಬೊಕ್ಕ ಸ್ಥಳೀಯ ಜಾತಿದ ಸಸ್ಯೊಲೆಗ್ ಬೊಕ್ಕ ಪ್ರಾಣಿಲೆಗ್ ನೆಲೆಯಾತ್ಂಡ್.

ಅತಿರಪ್ಪಿಲ್ಲಿ ಜಲಪಾತ ಕೇರಳದ ಬಾರಿ ಮಲ್ಲ ಜಲಪಾತ ಆದುಂಡು ಬೊಕ್ಕ ಉಂದೆಕ್ "ದಕ್ಷಿಣ ಭಾರತದ ನಯಾಗರ " ಪನ್ಪಿನ ಅಡ್ಡ ಪುದರ್ಲಾ ಉಂಡು.

ಜಲಪಾತೊಲೆನ ಮಿತ್ತ್ ಚಾಲಕುಡಿ ತುದೆಟ್ ರಾಜ್ಯೊದ ಪ್ರಸ್ತಾವಿತ ಜಲವಿದ್ಯುತ್ ಅಣೆಕಟ್ಟುದ ಬಗ್ಗೆ ವಿವಾದೊಲು ೧೯೯೦ ದಶಕೊಡ್ದು ಸುರು ಆದ್ ೨೦೧೭ ಮುಟ್ಟ ನಡತ್ಂಡ್.

ತುದೆ

ಏರಿಯಲ್ ಫೋಟೋಗ್ರಾಫ್

145 kilometres (90 mi) ಉದ್ದದ ಚಲಕುಡಿ ತುದೆ, ಪಶ್ಚಿಮ ಘಟ್ಟದ ಅನೈಮಲೈ ಪರ್ವತೊಲೆಡ್ದ್ ಸುರು ಆದ್ ವಝಾಚಲ್ ಕಾಡ್ ಗೆ ಆದ್ ಅರೇಬಿಯನ್ ಸಮುದ್ರೊಗು ಪೋಪುಂಡು. ತುದೆ ಸುಗಮವಾದ್ ಸುರು ಆಪುಂಡು ಆಂಡ ಅಥಿರಪಿಲ್ಲಿಗ್ ಕೈತಲ್ಗ್ ಬನ್ನಗ ಜಾಸ್ತಿ ಉಪಯೋಗ ಆಪುಂಡು. ಅಥಿರಪ್ಪಿಲ್ಲಿ ಜಲಪಾತೊಡು, ನೀರ್ ಮಲ್ಲ ಕಲ್ಲ್ ಲೆನ ಸುತ್ತ ಏರುಂಡು ಬೊಕ್ಕ ಮೂಜಿ ಬೇತೆ ಬೇತೆ ಪ್ಲೂಮ್ ಲೆಡ್ ತಿರ್ತ್ ಬೂರುಂಡು. ಜಲಪಾತದ ತಿರ್ತ್, ತುದೆ ಸುಮಾರ್ 1 kilometre (0.62 mi) ಮುಟ್ಟ ಅಲಂಕಾರೊಡು ಉಪ್ಪುಂಡು ಕಣ್ಣುಲೆಗ್ ತಾಗುನ ಮುಟ್ಟ, ಅಲ್ಪಡ್ದ್ ಉಂದು ಶಾಂತ ಆದ್ ತುಂಪೂರ್ಮುಜಿಡ್ ಡ್ಯಾಮ್ ಗ್ ಎತ್ತುನ ಮುಟ್ಟ ಸುಗಮವಾದ್ ಪರಪುಂಡು. 

ವನ್ಯಜೀವಿ

ಈ ಪ್ರದೇಶೊಡು ಉಪ್ಪುನ ಕಾಡ್ದ ವನ್ಯಜೀವಿಲೆಡ್ ಭಾರತದ ಆನೆ, ಬಂಗಾಳದ ಪಿಲಿ, ಭಾರತದ ಚಿರತೆ, ಗೌರ್, ಸಾಂಬಾರ್, ಬೊಕ್ಕ ಸಿಂಹ-ಬಾಲದ ಮಕಾಕ್ ಉಂಡು.

ಈ ಪ್ರದೇಶೊಡು ಉಪ್ಪುನ ತೋಟೊಲೆಡ್ ತೇಗ, ಬೆದ್ರ್, ಬೊಕ್ಕ ನೀಲಗಿರಿ ಉಪ್ಪುಂಡು. ಅಥಿರಪ್ಪಿಲ್ಲಿ ಕೇರಳೊಡು ಒಂಜಿ ರೀತಿದ ರಿಪೇರಿಯನ್ ಪರಿಸರ ವ್ಯವಸ್ಥೆ ಪಂದ್ ಪರಿಸರವಾದಿಲು ಪನ್ಪೆರ್. ಕೇರಳ ರಾಜ್ಯ ಜೀವವೈವಿಧ್ಯ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಕೊಯಂಬತ್ತೂರುದ ಸಲೀಂ ಅಲಿ ಸೆಂಟರ್ ಫಾರ್ ಆರ್ನಿಥಾಲಜಿ ಅಂಡ್ ನ್ಯಾಚುರಲ್ ಹಿಸ್ಟರಿ (ಎಸ್ಎಸಿಒಎನ್) ದ ಮಾಜಿ ನಿರ್ದೇಶಕೆರ್ ಆಯಿನ ವಿಎಸ್ ವಿಜಯನ್ ಡೌನ್ ಟು ಅರ್ಥ್ ಪೇಪರ್ಡ್ ಉಲ್ಲೇಖ ಮಲ್ತ್ ದ್ ವಝಚಲ ಅರಣ್ಯ ವಿಭಾಗ ರಾಜ್ಯೊಡು ರಡ್ಡನೆ ಜೈವಿಕ ವೈವಿಧ್ಯತೆದ ಪ್ರದೇಶ ಪಂಡ್ದ್ ದೃಢಪಡಿಸಯೆರ್. ಅಂತರರಾಷ್ಟ್ರೀಯ ಪಕ್ಕಿ ಸಂಘ ಉಂದೆನ್ 'ಪ್ರಮುಖ ಪಕ್ಕಿ ಪ್ರದೇಶ' ಪಂಡ್ದ್ ಘೋಷಣೆ ಮಲ್ತ್ಂಡ್ ಬೊಕ್ಕ ಏಷ್ಯಾದ ಪ್ರಕೃತಿ ಸಂರಕ್ಷಣಾ ಪ್ರತಿಷ್ಠಾನ ಈ ಪ್ರದೇಶೊನು ಅಭಯಾರಣ್ಯ ಅತ್ತಂಡ ರಾಷ್ಟ್ರೀಯ ಉದ್ಯಾನವನ ಪಂಡ್ದ್ ಘೋಷಣೆ ಮಲ್ಪೊಡು ಪಂದ್ ಶಿಫಾರಸ್ ಮಲ್ತ್ಂಡ್ ಪಂದ್ ಆರ್ ಸೂಚಿಸಿಯೆರ್. ಭಾರತದ ವನ್ಯಜೀವಿ ಟ್ರಸ್ಟ್ ಪನ್ಪುಂಡು ಉಂದು ಭಾರತದ ಒಂಜಿ ಎಡ್ಡೆ ಆನೆ ಸಂರಕ್ಷಣೆದ ಪ್ರಯತ್ನೊಲೆನ್ ಪ್ರತಿನಿಧಿಸವುಂಡು. "ಈ ದುರ್ಬಲ ಪರಿಸರ ವ್ಯವಸ್ಥೆಗ್ ಏತ್ ಅಡ್ಡಿ ಆಂಡಲಾ ದುರಂತ ಆಪುಂಡು," ಪನ್ಪೆರ್ ವಿಜಯನ್. ಈ ತುದೆ 85 ಜಾತಿದ ಚೀಪೆನೀರ್ದ ಮೀನುಲೆಗ್ ಆವಾಸಸ್ಥಾನೊನು ಒದಗಾವುಂಡು. ಅವುಲು, 35 ಸ್ಥಳೀಯ ಜಾತಿಲು. 

ಪ್ರವಾಸೋದ್ಯಮ

ಸಮೀಪದ ಅನುಮತಿದ ಬಿಂದುಡ್ದ್ ತೂಲೆ

ಮಳೆಗಾಲೊಡು|

ಕೆಳ್ಗ್ ತೂನಗ ಅತಿರಪ್ಪಿಲ್ಲಿ ಜಲಪಾತೊಲೆನ ನೋಟ

ಮುಂಗಾರು ಬರ್ಸದ ಪಿರವು ಅಥಿರಪಳ್ಳಿ ಜಲಪಾತೊಲೆನ್ ಸುತ್ತುವರಿದ್ ಉಪ್ಪುನ ಪಶ್ಚಿಮ ಘಟ್ಟದ ಪಚ್ಚೆ ಹಸಿರು ಕಾಡುಲು.

ಅತಿರಪ್ಪಿಲ್ಲಿ ಜಲಪಾತದ ಕೈತಲ್ದ ರೈಲ್ವೆ ನಿಲ್ದಾಣ, 30 ಕಿಲೋಮೀಟರ್ (೧೯ ಮಿ) ಪಡ್ಡಾಯಿಗ್, ಚಲಕ್ಕುಡಿ ರೈಲ್ವೆ ನಿಲ್ದಾಣ ಉಂಡು, ಬೊಕ್ಕ ಕೈತಲ್ಡ್ ವಿಮಾನ ನಿಲ್ದಾಣ ಕೊಚ್ಚಿನ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ ಉಂಡು, ಸುಮಾರ್ ೫೫ ಕಿಲೋಮೀಟರ್ (34 ಮೈ) ಜಲಪಾತದ ನೈಋತ್ಯೊಡು ಬೊಕ್ಕ ೫೮ ಕಿಲೋಮೀಟರ್ (36 ಮಿ) ತ್ರಿಶೂರ್ ನಗರದ ದಕ್ಷಿಣೊಡು. ಚಾಲಕ್ಕುಡಿಡ್ದ್ ಟ್ಯಾಕ್ಸಿಡ್ ಅತ್ತ್ಂಡ ಚಾಲಕ್ಕುಡಿ ಬಸ್ ಟರ್ಮಿನಲ್ ಡ್ದ್ ಬಸ್ ಡ್ ಅತೀರಪ್ಪಿಲ್ಲಿಗ್ ಸುಲಬೊಡು ಪೋವೊಲಿ. ಅತಿರಪ್ಪಿಲ್ಲಿ ತಮಿಳುನಾಡು ಬೊಕ್ಕ ಕೇರಳೊನು ಸಂಪರ್ಕ ಮಲ್ಪುನ ರಾಜ್ಯ ಹೆದ್ದಾರಿಡ್, ಮಲ್ಲ ಕಾಡ್ ಡ್ ಉಂಡು ಅಂಚಾದ್ ರಾತ್ರೆದ ಪ್ರಯಾಣೊಗು ಅನುಮತಿ ಇಜ್ಜಿ. ರಡ್ಡ್ ಕೊಡಿಟ್ ಉಪ್ಪುನ ಚೆಕ್ ಪೋಸ್ಟ್ ಲು 6:30 pm IST ಗ್ ಮುಚ್ಚುಂಡು, ಅಯಿಕ್ ದುಂಬು ಮಾತಾ ವಾಹನೊಲು ಒಂಜಿ ಚೆಕ್ ಪೋಸ್ಟ್ ಡ್ದ್ ಪಿದಯಿ ಬರೊಡು.

ಚಲಕ್ಕುಡಿಡ್ದ್ ಅಥಿರಪ್ಪಿಲ್ಲಿ ಜಲಪಾತೊಗು ಪೋಪಿನ ಯಾತ್ರೆ ಕುಂಟು ರಸ್ತೆಲು, ಎಲ್ಯ ಎಲ್ಯ ಊರುಲು ಬೊಕ್ಕ ಪಚ್ಚೆ ಪಚ್ಚೆ ಮರಕುಲೆನ ಭೂದೃಶ್ಯೊಡ್ದ್ ಪೋಪುಂಡು. ದಪ್ಪದ ಬೆದುರುದ ಗುಂಪುಲೆಡ್ದ್ ಪೋಪಿನ ಒಂಜಿ ಸುಸಜ್ಜಿತ ಮಾರ್ಗೊಡ್ದ್ ಸೈತಿನಕುಲು ಜಲಪಾತದ ಮಿತ್ತ್ ಪೋವೊಲಿ. ಅಂಗಮಾಲಿಡ್ದ್, ಈ ಮಾರ್ಗ ಎಝಟ್ಟುಮುಘಮ್ ಪ್ರವಾಸೋದ್ಯಮ ಗ್ರಾಮೊಡು ಒಂಜಿ ಆಯಿಲ್ ಪಾಮ್ ರಿಸರ್ವ್ ದ ನಡುಟು ಉಂಡು. ಜಲಪಾತದ ತಿರ್ತ್ ಒಂಜಿ ಕಮ್ಮಿದ ಎಲ್ಯ ಮಾರ್ಗ ಅತ್ತಂಡ ಅಗಲವಾಯಿನ ಮೆಟ್ಟುದ ಮಾರ್ಗಡೆಲಾ ಪೋವೊಲಿ. ಈ ಜಲಪಾತೊಲು ಭಾರತೊದ ಮಾತಾ ಭಾಗೊಡ್ದ್ ಸೈತಿನಕ್ಲೆನ್ ಆಕರ್ಷಣೆ ಮಲ್ಪುಂಡು, ವಿಶೇಷವಾದ್ ಮರಿಯಾಲೊಡು (ಜೂನ್-ಸೆಪ್ಟೆಂಬರ್). ಪ್ರತಿ ವರ್ಷ ಸುಮಾರ್ 7 ಮಿಲಿಯನ್ ಪ್ರವಾಸಿಲು ಜಲಪಾತೊಗು ಬೊಕ್ಕ ವಝಾಚಲ್ ಪಿಕ್ನಿಕ್ ಸ್ಪಾಟ್ ಗ್ ಬರ್ಪೆರ್.

ಕಾಡ್ ಸಫಾರಿ

ಚಾಲಕುಡಿಡ್ದ್ ಮಲಕಪ್ಪರ ಮುಟ್ಟ ಅತಿರಪ್ಪಿಲ್ಲಿ ಗಮ್ಯಸ್ಥಾನ ವ್ಯವಸ್ಥಾಪನಾ ಮಂಡಳಿದೊಟ್ಟುಗು ತ್ರಿಶೂರ್ ಜಿಲ್ಲಾ ಪ್ರವಾಸೋದ್ಯಮ ಪ್ರಚಾರ ಮಂಡಳಿಡ್ದ್ ಏಪಲೊದ ಕಾಡ್ ಸಫಾರಿ ಪ್ರವಾಸೊಲೆನ್ ಆಯೋಜಿಸವೊಂಡುಂಡು.

ಸಿನಿಮಾಲು

ಅಥಿರಪ್ಪಿಲ್ಲಿ ಜಲಪಾತೊನು ಕೆಲವು ಮಲಯಾಳಂ ಚಿತ್ರೊಲೆಗ್ ಬೊಕ್ಕ ಭಾರತೊಡು ಬೇತೆ ಪ್ರಾದೇಶಿಕ ಭಾಷೆದ ಚಿತ್ರೊಲೆಗ್ ಬಳಕೆ ಮಲ್ತ್ ದೆರ್

ಬಾಹ್ಯ ಕೊಂಡಿಲು

• ಪ್ರಿನ್ಸ್ ಚಾರ್ಲ್ಸ್, ಅತಿರಪ್ಪಿಲ್ಲಿಡ್ ತನ್ನ 65ನೇ ಪುಟ್ಟು ಪರ್ಬೊನು ಆಚರಣೆ ಮಲ್ತೆರ್
• ಅಥಿರಪಿಲ್ಲಿ ಜಲಪಾತೊಲೆಗ್ ಭೇಟಿ ಕೊರ್ಪುನವು - ದಾದ ತೆರಿಯೊನೊಡು
• ಚಲಕುಡಿ ನದಿ ರಕ್ಷಣಾ ವೇದಿಕೆ (ಸಿ.ಪಿ.ಎಫ್.)
• ಅತಿರಪ್ಪಿಳ್ಳಿ - ವಝಚಲ - ತುಂಬೂರುಮುಳಿ - ಗಮ್ಯಸ್ಥಾನ ವ್ಯವಸ್ಥಾಪನಾ ಮಂಡಳಿ
• ಅಧಿಕೃತ ತಾಣ: www.thrissur.nic.in
• ಅತಿರಪ್ಪಿಲ್ಲಿ ಯೋಜನೆಲು
• ಮಾಯ ಆಪಿನ ಜಲಪಾತೊಲು
• ಅತಿರಪ್ಪಿಲ್ಲಿ ಯೋಜನೆದ ವಿಚಾರಣೆನ್ ಗುರುತಿಸವುನ ಪ್ರತಿಭಟನೆಲು
• ಸಲೀಮ್ ಅಲಿ ಫೌಂಡೇಶನ್
• ಕೇರಳೊಗು ಭೇಟಿ ಕೊರ್ಪಿನ ಜಾಗೆಲು