ಅನಂತ ಪೈ
ಅನಂತ ಪೈ | |
|---|---|
| ಫೈಲ್:Uncle anant pai.jpg | |
| ಪುಟ್ಟು | 17 ಸೆಪ್ಟೆಂಬರ್ 1929ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨". |
| ಸಾವು | 24 February 2011 (aged 81) Mumbai, Maharashtra, India |
| ಬೇತೆಪುದರ್ಲು | Uncle Pai Walt Disney of India[೧] |
| ಓದುನ ಸಂಸ್ಥೆ | Institute of Chemical Technology (Formerly UDCT) |
| ಪುಗರ್ತೆದ ಕ್ಷೇತ್ರೊ | Founding Amar Chitra Katha |
| ಸಂಗಾತಿ |
Lalita Pai (m. ೧೯೬೧) |
ಅನಂತ್ ಪೈ (೧೭ ಸೆಪ್ಟೆಂಬರ್ ೧೯೨೯ - ೨೪ ಫೆಬ್ರವರಿ ೨೦೧೧), ಜನಪ್ರಿಯವಾದ್ ಅಂಕಲ್ ಪೈ ಪನ್ಪಿನ ಪುದರ್ಡ್ ಪುದರ್ ಪಡೆಯಿನ ಒರಿ ಭಾರತೀಯ ಶಿಕ್ಷಣ ತಜ್ಞೆರ್ ಬೊಕ್ಕ ಭಾರತೀಯ ಕಾಮಿಕ್ಸ್ ದ ಪಿತಾಮಹೆರ್.೧೯೬೭ಡ್ ಇಂಡಿಯಾ ಬುಕ್ ಹೌಸ್ ದ ಒಟ್ಟುಗು "ಅಮರ್ ಚಿತ್ರ ಕಥೆ" ಸರಣಿನ್ ಸುರು ಮಲ್ತೆರ್. ಇಂದೆಟ್ಟ್ ಸಾಂಪ್ರದಾಯಿಕ ಭಾರತೀಯ ಜಾನಪದ ಕತೆಕುಲು, ಪುರಾಣೊಲು, ಬೊಕ್ಕ ಐತಿಹಾಸಿಕ ವ್ಯಕ್ತಿಲೆನ ಕತೆಕುಲೆನ್ ವರ್ಣನೆ ಮಲ್ತೆರ್. ೧೯೮೦ಡ್ "ಟಿಂಕಲ್" ಪನ್ಪಿ ಜೋಕುಲೆನ ಪತ್ರಿಕೆನ್ ಸುರು ಮಲ್ತೆರ್. ಉಂದು ಭಾರತೊದ ಸುರುತ ಕಾರ್ಟೂನ್ ಬೊಕ್ಕ ಕಾಮಿಕ್ಸ್ ಪತ್ರಿಕೆ. ಅನಂತ ಪೈ 2011 ಫೆಬ್ರವರಿ 24 ತಾರೀಕ್ ಗ್ ಹೃದಯಾಘಾತೊಡ್ದ್ ತೀರ್ ಪೋಯೆರ್. ಇನಿ ಅಮರ ಚಿತ್ರ ಕಥೆ ಇಂಗ್ಲಿಷ್ ಬೊಕ್ಕ 20 ಭಾರತೀಯ ಬಾಸೆಲೆಡ್ ವರ್ಷೊಗು ಸುಮಾರ್ ಮೂಜಿ ಮಿಲಿಯನ್ ಪ್ರತಿಲೆನ್ ಮಾರಾಟ ಮಲ್ಪುಂಡು. ಇತ್ತೆ ಮುಟ್ಟ ಮಾರಾಟ ಆಯಿನ ಒಟ್ಟು ಪ್ರತಿಲೆನ ಸಂಖ್ಯೆ ಪತ್ತ್ ಕೋಟಿ ಆತ್ಂಡ್.
ಸುರುತ ಜೀವನ ಬೊಕ್ಕ ಶಿಕ್ಷಣ
[ಸಂಪೊಲಿಪುಲೆ]ಕಾರ್ಕಳೊಡು ಸಾರಸ್ವತ ಬ್ರಾಹ್ಮಣ ಕುಟುಂಬದ ವೆಂಕಟರಾಯ ಬೊಕ್ಕ ಸುಶೀಲಾ ಪೈಲೆನ ಮಗೆ ಆದ್ ಪುಟ್ಟಿನ ಆರ್ ರಡ್ಡ್ ವರ್ಷ ಪ್ರಾಯೊಡು ಅಪ್ಪೆ ಅಮ್ಮೆನ್ ಕಳೆವೊಂದೆರ್. ಪದ್ರಾಡ್ ಪ್ರಾಯೊಡು ಮುಂಬೈಗ್ ಬತ್ತ್ದ್ ಮಾಹಿಂದದ ಓರಿಯೆಂಟ್ ಸ್ಕೂಲ್ಡ್ ಕಲ್ತೆರ್. ಬೊಕ್ಕ ಬೊಂಬಾಯಿ ವಿಶ್ವವಿದ್ಯಾಲಯೊಡು ಭೌತಶಾಸ್ತ್ರ, ರಸಾಯನಶಾಸ್ತ್ರ ಬೊಕ್ಕ ರಾಸಾಯನಿಕ ತಂತ್ರಜ್ಞಾನೊನು ಅಧ್ಯಯನ ಮಲ್ತೆರ್.
ವೃತ್ತಿ ಜೀವನ
[ಸಂಪೊಲಿಪುಲೆ]ಅರೆಗ್ ಮುದ್ರಣ ಬೊಕ್ಕ ಕಾಮಿಕ್ಸ್ಡ್ ಮಸ್ತ್ ಆಸಕ್ತಿ ಇತ್ತ್ಂಡ್. ಟೈಮ್ಸ್ ಆಫ್ ಇಂಡಿಯಾದ ಪುಸ್ತಕ ವಿಭಾಗೊಡು ಜೂನಿಯರ್ ಎಂಜಿನಿಯರ್ ಆದ್ ಬೇಲೆ ಮಲ್ತೆರ್. ಅಪಗ ಟೈಮ್ಸ್ ತಂಡೊದೊಟ್ಟುಗು ಇಂದ್ರಜಾಲ ಕಾಮಿಕ್ಸ್ ನ್ ಸುರು ಮಲ್ತೆರ್.
ಅಮರ ಚಿತ್ರ ಕಥಾ
[ಸಂಪೊಲಿಪುಲೆ]ಭಾರತೀಯ ಸಂಸ್ಕೃತಿ ಬೊಕ್ಕ ಇತಿಹಾಸೊಗು ಸಮರ್ಪಿತವಾದ್ ಕಾಮಿಕ್ ಪುಸ್ತಕೊಲೆನ್ ಬುಡುಗಡೆ ಮಲ್ಪುನ ಕಲ್ಪನೆ 1967ಡ್ ದೂರದರ್ಶನೊಡು ಒಂಜಿ ರಸಪ್ರಶ್ನೆ ಕಾರ್ಯಕ್ರಮೊನು ತೂನಗ ಪೈಗ್ ಬತ್ತ್ಂಡ್. ಗ್ರೀಕ್ ಪುರಾಣೊದ ವಿಷಯೊಲೆಡ್ ಪ್ರಶ್ನೆಲೆಗ್ ಉತ್ತರ ಕೊರ್ಪಿನಗ ಭಾಗವಹಿಸುವವೆರ್ ಸ್ಪಷ್ಟವಾದ್ ಪಾತೆರೊಂದಿತ್ತೆರ್, ಆಂಡ "ರಾಮಾಯಣೊಡು ರಾಮನ ಅಮ್ಮೆ ಏರ್?" ಪನ್ಪಿನ ಪ್ರಶ್ನೆಗ್ ಉತ್ತರ ಕೊರ್ರೆ ಸಾಧ್ಯ ಆಯಿಜಿ.ಇಂದೆನ್ ತೂದು ಭಾರತೀಯ ಸಂಸ್ಕೃತಿ ಬೊಕ್ಕ ಇತಿಹಾಸೊದ ಜ್ಞಾನ ಜೋಕುಲೆಗ್ ಕೊರಿಯರೆ ಬೊಡಾದ್ ಅವ್ವೇ ವರ್ಸೊ ಬೇಲೆ ಬುಡ್ದು ಇಂಡಿಯಾ ಬುಕ್ ಹೌಸ್ ದ ಸಹಾಯೊಡು ಅಮರ ಚಿತ್ರ ಕಥೆ ಸುರು ಮಲ್ತೆರ್.[೨] ಆರ್ ಬರವುದಕುಲು, ಸಂಪಾದಕೆರ್, ಬೊಕ್ಕ ಪ್ರಕಾಶಕೆರ್ ಆಯೆರ್. ಈ ಸರಣಿ ಭಾರತೀಯ ಕಾಮಿಕ್ ಬುಕ್ ಉದ್ಯಮೊಡು ಒಂಜಿ ಮೈಲಿಗಲ್ಲು ಆಂಡ್. ಸುಮಾರ್ 440 ಶೀರ್ಷಿಕೆಲೆನ ಸುಮಾರ್ ೮.೬ ಕೋಟಿ ಪ್ರತಿಲು ಮಾರಾಟ ಆತ್ಂಡ್. ಬೊಕ್ಕ 1969ನೇ ಇಸವಿಡ್ "ಟಿಂಕಲ್" ಪನ್ಪಿನ ಜೋಕುಲೆನ ಪತ್ರಿಕೆನ್ ಸುರು ಮಲ್ತೆರ್. ಓದುಗೆರ್ ಅರೆನ್ "ಅಂಕಲ್ ಪೈ" ಪಂಡ್ದ್ ಮೋಕೆಡ್ ಲೆಪ್ಪುವೆರ್.
ಬೇತೆ ಬರೆವಣಿಗೆ, ಬೇಲೆಲು
[ಸಂಪೊಲಿಪುಲೆ]ಪೈ ಮಸ್ತ್ ಕಾಮಿಕ್ ಸ್ಟ್ರಿಪ್ ಲೆನ್ ಲಾ ರಚನೆ ಮಲ್ತೆರ್ ಅವು ಪತ್ರಿಕೆಲೆಡ್ ಪ್ರಕಟ ಆಂಡ್. ಹಿಂದಿ ಬೊಕ್ಕ ಇಂಗ್ಲೀಷ್ ಬಾಸೆಡ್ "ಏಕಂ ಸತ್" ಬೊಕ್ಕ "ಯಶಸ್ಸಿನ ರಹಸ್ಯ" ಪನ್ಪಿನ ರಡ್ಡ್ ವಿಡಿಯೋ ಫಿಲ್ಮ್ ನ್ ನಿರ್ಮಾಣ ಮಲ್ತೆರ್. ಜೋಕುಲು ಬೊಕ್ಕ ಜವನ್ಯೆರ್ನ ವ್ಯಕ್ತಿತ್ವ ಬೆಳವಣಿಗೆದ ಬಗ್ಗೆ ಕೆಲವು ಬೂಕುಲೆನ್, ಅಮರಚಿತ್ರ ಕತೆತ ಆಡಿಯೋ ಬುಕ್ ಲೆನ್ ಲಾ ಪ್ರಕಟ ಮಲ್ತೆರ್.
ಪ್ರಶಸ್ತಿಲು
[ಸಂಪೊಲಿಪುಲೆ]- ಜೀವನ ಸಾಧನೆದ ಪ್ರಶಸ್ತಿ - ಫಸ್ಟ್ ಇಂಡಿಯನ್ ಕಾಮಿಕ್ ಕನ್ವೆನ್ಶನ್ ಡ್, ನ್ಯೂ ದೆಹಲಿಡ್ (19 ಫೆಬ್ರವರಿ 2011 - ಆರ್ನ ಸಾವುಗು ಕೇವಲ 6 ದಿನ ದುಂಬು) ಚಾಚಾ ಚೌಧರಿನ ಸೃಷ್ಟಿಕರ್ತೆ ಪ್ರಾಣ್ ಗ್ ಕೊರ್ತೆರ್[೩]
- ಉತ್ತರ ಪ್ರದೇಶ ಬಾಲ್ ಕಲ್ಯಾಣ ಸಂಸ್ಥಾನದ ಕರ್ಪೂರ್ಚಂದ್ ಪುರಸ್ಕಾರ (೧೯೯೪)[೨]
- ಹೈದರಾಬಾದ್ ಡ್ ಯುಧ್ವೀರ್ ಸ್ಮಾರಕ ಪ್ರಶಸ್ತಿ (೧೯೯೬)
- ಮಹಾರಾಷ್ಟ್ರ ರಾಜ್ಯ ಹಿಂದಿ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (೧೯೯೬)
- ಮಣಿಪಾಲದ ಡಾ.ಟಿ.ಎಂ.ಎ.ಪೈ ಸ್ಮಾರಕ ಪ್ರಶಸ್ತಿ (೧೯೯೭)
- ಬಾಂಬೆ ವಿಶ್ವವಿದ್ಯಾಲಯಯೊಡ್ದು ರಾಸಾಯನಿಕ ತಂತ್ರಜ್ಞಾನ ವಿಭಾಗದ ಗೌರವಾನ್ವಿತ ಹಿರಿಯ ವಿದ್ಯಾರ್ಥಿ ಪ್ರಶಸ್ತಿ (೧೯೯೯)
- ಮಿಲೆನಿಯಂ ಕೊಂಕಣಿ ಸಮ್ಮೇಳನ ಪ್ರಶಸ್ತಿ, ಇಲಿನಾಯ್ಸ್, ಯು.ಎಸ್.ಎ (೨೦೦೦)
- ರಾಜಾ ರಾಮಮೋಹನ್ ರಾಯ್ ಗ್ರಂಥಾಲಯ ಪ್ರತಿಷ್ಠಾನದ ಪ್ರಶಸ್ತಿ (2001)
- ಪ್ರಿಯದರ್ಷಿಣಿ ಅಕಾಡೆಮಿ ಪ್ರಶಸ್ತಿ (2002)
- ವಿಶ್ವ ಸಾರಸ್ವತ ಸಮ್ಮಾನ್ (2003)
ವೈಯಕ್ತಿಕ ಜೀವನ
[ಸಂಪೊಲಿಪುಲೆ]ಅನಂತ ಪೈಲೆನ ಧರ್ಮಪತ್ನಿ ಲಲಿತಾ ಪೈ. ಆರ್ ಮುಂಬೈದ ಪ್ರಭಾದೇವಿ ಪ್ರದೇಶದ ನಿವಾಸಿ ಆದಿತ್ತೆರ್..[೪] ಮುಕ್ಲೆಗ್ ಜೋಕುಲು ಇಜ್ಜೆರ್[೩]
ನಿಧನ
[ಸಂಪೊಲಿಪುಲೆ]ಇಂಬೆರ್ ೨೪ ಫೆಬ್ರವರಿ ೨೦೧೧ ದಾನಿ ಹೃದಯಾಘಾತಗ್ ಒಳಗಾದ್ ಮುಂಬಯಿದ ಆಸ್ಪತ್ರೆಡ್ ನಿಧನರಾಯರ್.[೫]
ಪಿದಾಯಿದ ಕೊಂಡಿಲು
[ಸಂಪೊಲಿಪುಲೆ]ಉಲ್ಲೇಕೊಲು
[ಸಂಪೊಲಿಪುಲೆ]- ↑ PTI (26 February 2013). "Business Line : Features News : Amar Chitra Katha pays tribute to Uncle Pai with a comic title". Thehindubusinessline.com. Retrieved 8 March 2013.
- 1 2 "Ananth Pai - Vishwa Konkani Kendra". https://www.vishwakonkani.org/ (in ಅಮೆರಿಕನ್ ಇಂಗ್ಲಿಷ್). Retrieved 2026-06-20.
{{cite web}}: External link in|website= - 1 2 Habib, Shahnaz (7 April 2011). "Anant Pai obituary". The Guardian. London. Retrieved 8 March 2013.
- ↑ "Tales of Uncle Pai". Dnaindia.com. 21 March 2009. Retrieved 8 March 2013.
- ↑ "Amar Chitra Katha creator Anant Pai dies of heart attack". Dnaindia.com. 24 February 2011. Retrieved 8 March 2013.