ಅನಿತಾ ದೇವಿ
ಪರಿಚಯ
[ಸಂಪೊಲಿಪುಲೆ]ಬಿಹಾರ ಮೂಲದ ಈ ಪೊಂಜೋವು ಇತ್ತೆ ಮಶ್ರೂಮ್ ಲೇಡಿ ಪಂಡ್ದೇ ಪುಗರ್ತೆದ ಪುದರ್. ಈ ವರ್ಸೊದ ಮಹಿಳಾ ದಿನಾಚರಣೆ ದಿನತ್ತಾನಿ ಮೇರ್ ಪ್ರಧಾನಿ ನರೇಂದ್ರ ಮೋದಿದ್ಡ್ ಲಾ ಪ್ರಶಸ್ತಿ,ಪುಗರ್ತೆ ಸ್ವೀಕಾರ ಮಲ್ತೆರ್.ಇಲ್ಲದ ವಾರ್ಷಿಕ ಆದಾಯನ್ ಹೆಚ್ಚಿಗೆ ಮಲ್ಪೆರೆ ಬೋಡಾದ್ ಬೇತೆ ಒಂಜಿ ಆದಾಯದ ಮೂಲೊನು ಸೃಷ್ಟಿಸಿಯೆರ್. ಇಂಚ ಅಣಬೆ ಕೃಷಿಕ್ಕ್ ಕೈ ಪಾಡ್ಯೆರ್. ಉಂದು ಮಾಲ್ತ್ದ್ ವಾರ್ಷಿಕ ಆದಾಯ ಹೆಚ್ಚಿಗೆ ಆಂಡ್. ಅಂಚ ಬುಕ್ಕೊ ಮಲ್ಲ ಮಟ್ಟೊಡು ಅಣಬೆ ಕೃಷಿ ಸುರು ಮಲ್ತೆರ್.ಬಿಹಾರ ದ ನಲಂದಾ ಗ್ರಾಮೊಡು ಮಾತೆರ್ಲಾ ಅಣಬೆ ಕೃಷಿಕ್ಕ್ ಬುಕ್ಕೊ ಆಕರ್ಶಿತರಾಯೆರ್.ಮಸ್ತ್ ಗಿಟ್ಟದ ಪೊಂಜೋವುನಕ್ಕ್ಲ್ ಕೈ ಸೇರ್ಸಾಯೆರ್.
ಸಾಧನೆದ ಸಾದಿ
[ಸಂಪೊಲಿಪುಲೆ]ಅನಿತಾ ದೇವಿ, ಗೃಹ ವಿಜ್ಞಾನ ಪದವಿ, ಬಿಹಾರದ ಸಮಸ್ತಿಪುರೊಡು ಡಾ ರಾಜೇಂದ್ರ ಪ್ರಸಾದ್ ಕೇಂದ್ರ ಕೃಷಿ ವಿಶ್ವವಿದ್ಯಾಲಯೊಡು ಬುಕ್ಕೊ ಉತ್ತರಾಖಂಡ್ ಡ್ ಜಿಬಿ ಪಂತ್ ಕೃಷಿ ಬುಕ್ಕೊ ತಂತ್ರಜ್ಞಾನ ವಿಶ್ವವಿದ್ಯಾಲಯೊಡು ತರಬೇತಿ ಪಡೆಯಿನ ಬುಕ್ಕೊ 2010ಡ್ ಅಣಬೆ ಕೃಷಿನ್ ಸುರು ಮಲ್ತೆರ್. ಅನಿತಾ ದೇವಿ ಗಳಸೆರೆ ಮಸ್ತ್ ಬಯಕೊಂದಿತ್ತೆರ್, ಅಂಚಾದ್ ಆರ್ ನಾಲಂದದ ಹರ್ನೌಟ್ ದ ಕೃಷಿ ವಿಜ್ಞಾನ ಕೇಂದ್ರೊಗು ಪೋಯೆರ್. ಕೃಷಿ ವಿಜ್ಞಾನ ಕೇಂದ್ರದ ಅಧಿಕಾರಿಲು ಆರೆಡ ಮಶ್ರೂಮ್ ಬುಳೆಪಾವೊಡು ಪಂದ್ ಸಲಹೆ ಕೊರ್ತೆರ್. ಅಯಿಡ್ದ್ ಬುಕ್ಕೊಾ ಅರೆನ ಯಶಸ್ಸಿನ ಯಾತ್ರೆ ಸುರು ಆಂಡ್.ಅರೆನ ಯಶಸ್ಸು ಅರೆನ ಊರುದ ಡಜನ್ ಡಜನ್ ಪೊಣ್ಣುಲೆನ್ ಅಣಬೆ ಕೃಷಿ ಸುರು ಮಲ್ಪೆರೆ ಪ್ರೋತ್ಸಾಹ ಕೊರ್ತುಂಡು, ಅಯಿಡ್ದ್ ಬುಕ್ಕೊ ನೆರೆಕರೆತ ಊರುದ ಪೊಣ್ಣುಲು ಉಲ್ಲೆರ್. 2012ಡ್ ಅರೆನ ಅನಂತಪುರ ಗ್ರಾಮೊನು ರಾಜ್ಯ ಕೃಷಿ ಇಲಾಖೆ ಅಣಬೆ ಗ್ರಾಮ ಪಂಡ್ದ್ ಘೋಷಣೆ ಮಲ್ತ್ಂಡ್. ಅಣಬೆ ಕೃಷಿನ್ ಜನಪ್ರಿಯ ಮಲ್ಪುನ ಅರೆನ ಯಶಸ್ಸು ನಾಲಂದೊಡು ಜನಕುಲು ಅಲೆನ್ ಅಣಬೆ ಮಹಿಳಾ (ಮಶ್ರೂಮ್ ಲೇಡಿ) ಪಂಡ್ದ್ ಲೆಪ್ಪುವೆರ್.ಕರಿನ ಕೆಲವು ವರ್ಸೊಡ್ ನಾಲಂದದ ಕೆಲವು ಊರುಲೆಗ್ ಭೇಟಿ ಕೊರ್ದು ಪೊಣ್ಣುಲೆನ ಸ್ವಸಹಾಯ ಗುಂಪುಲೆನ್ ರಚನೆ ಮಲ್ತೊಂದುಲಲ್ಲೆರ್. ಯೋಜನೆದ ಪ್ರಕಾರ ಕೆಲಸೊಲು ನಡತ್ಂಡ, ದುಂಬುದ ವರ್ಷೊಗು 500 ಪೊಣ್ಣುಲು ಅಣಬೆ ಬುಳೆಪಾವುನ ಗುರಿನ್ ಆರ್ ಪೂರೈಸುವೆರ್. ಈ ಪೊಣ್ಣುಲೆನ್ ಬಿಹಾರ ಸರ್ಕಾರದ ಗ್ರಾಮೀಣ ಜೀವನೋಪಾಯ ಕಾರ್ಯಕ್ರಮ ಆಯಿನ ಜೀವಕಾದ ಅಡಿಟ್ ರಚನೆ ಆಯಿನ ಸ್ವಸಹಾಯ ಗುಂಪುಲೆಗ್ ಸಂಪರ್ಕ ಮಲ್ತೆರ್.ಇತ್ತೆ, ಮಾಧೋಪುರ್ ದಿಹ್ ಗ್ರಾಮೊಡು 50 ಡ್ದ್ ಜಾಸ್ತಿ ಪೊಣ್ಣುಲು, ರಾಜನ್ ಬಿಘಾ ಗ್ರಾಮೊಡು 30, ರೈತಾ ಗ್ರಾಮೊಡು 40, ಸೊರಾಡಿಹ್ ಗ್ರಾಮೊಡು 25, ರೈಶಾಡ್ 15, ಕುರ್ತಿಯಾ ಗ್ರಾಮೊಡು 10 ಬುಕ್ಕೊ ಬೇತೆ ಗ್ರಾಮೊಲೆಡ್ ಡಜನ್ ಡ್ದ್ ಜಾಸ್ತಿ ಪೊಣ್ಣುಲು ಅಣಬೆ ಬುಳೆಪಾವೊಂದುಲ್ಲೆರ್.
ಅಣಬೆದ ವಿಧ,ಬುಳೆಪುನ ರೀತಿ, ಆದಾಯ
[ಸಂಪೊಲಿಪುಲೆ]ಅನಿತಾ ದೇವಿ ಬುಕ್ಕೊ ಬೇತೆ ಪೊಣ್ಣು ರೈತೆರ್ ಮುಖ್ಯವಾದ್ ಸಿಂಪಿ ಬುಕ್ಕೊ ಮಿಲ್ಕಿ ವೈಟ್ ಅಣಬೆಲೆನ್ ಬುಳೆಪಾವೊಂದುಲ್ಲೆರ್ ದಾಯೆ ಪಂಡ ಅವು ಬುಳೆಪಾಯೆರೆ ಸುಲಭ. ಸಿಂಪಿ ಅಣಬೆ ಬಹುತೇಕ ಮಾತಾ ಬಗೆತ ಕೃಷಿ ತ್ಯಾಜ್ಯೊಡು ಬುಲೆಪುಂಡು, ಉಂದು ಸ್ಥಳೀಯವಾದ್ ಉಚಿತವಾದ್ ಲಭ್ಯವಾಯಿನವು.ರಡ್ಡ್ ಬಗೆತ ಅಣಬೆಲುಲಾ ನಾಲಂದದ ವಾತಾವರಣೊಡು ಬುಳೆಯೆರೆ ಸೂಕ್ತವಾಯಿನವು ಬುಕ್ಕೊ ಲಾಭ ಕನಿಷ್ಠ ರಡ್ಡ್-ಮೂಜಿ ಪಟ್ಟ್ ಆಪುಂಡು,ಪಂಡ್ದ್ ಆರ್ ಪಂಡೆರ್.ಪೊಣ್ಣುಲು ಬಟನ್ ಮಶ್ರೂಮ್ ನ್ ಲಾ ಬುಳೆಪಾಯೆರೆ ಉತ್ಸುಕರಾದುಲ್ಲೆರ್ ಆಂಡ ಅವೆನ್ ಬುಳೆಪಾವುನವು ಹೈಟೆಕ್ ಆದುಪ್ಪುನೆರ್ದಾತ್ರ ಬಂಡವಾಳ ಬುಕ್ಕೊ ಜಾಗ ಬೋಡಾಪುಂಡು. ಅಂಚನೆ ಸೌಲಭ್ಯೊಲೆನ ಕೊರತೆಡ್ದ್ ಬಟನ್ ಮಶ್ರೂಮ್ ನ್ ಬುಳೆಪಾಯೆರೆ ಸಾಧ್ಯ ಆಪುಜಿ.ಅನಿತಾ ದೇವಿಯ ಕೇಂದ್ರೊಡ್ದ್ ಸರಾಸರಿ ದೈನಂದಿನ ಸಿಂಪಿ ಮಶ್ರೂಮ್ ಉತ್ಪಾದನೆ 15 ಕೆಜಿ-20 ಕೆಜಿ, ಉಂದೆನ್ ಸಗಟು ವ್ಯಾಪಾರಿಲೆಗ್ 80 ರೂಪಾಯಿ ಬುಕ್ಕೊ ಚಿಲ್ಲರೆ ವ್ಯಾಪಾರಿಲೆಗ್ 120 ರೂಪಾಯಿಗ್ ಮಾರಾಟ ಮಲ್ಪುವೆರ್. ಅಲೆನ ಮಾಸಿಕ ಆದಾಯ 25,000 ರೂಪಾಯಿಡ್ದ್ ಜಾಸ್ತಿ ಉಂಡು.
ಉಲ್ಲೇಕೊಲು
[ಸಂಪೊಲಿಪುಲೆ]https://www.villagesquare.in/anita-devi-anantpur-works-magic-mushrooms/