ಅನೀಶ್ ಪೂಜಾರಿ ವೇಣೂರು

ಅನೀಶ್ ಪೂಜಾರಿ
ಪುಟ್ಟಿನ	ವೇಣೂರು, ಬೆಳ್ತಂಗಡಿ, ಕರ್ನಾಟಕ
ಶಿಕ್ಷಣ	ವೇಣೂರು ವಿದ್ಯೊದಯ ಹಿರಿಯ ಪ್ರಾಥಮಿಕ ಶಾಲೆಡ್ ಪ್ರಾಥಮಿಕ ಶಿಕ್ಷಣೊ, ವೇಣೂರು ಸರ್ಕಾರಿ ಪದವಿ ಪೂರ್ವ ಕಾಲೇಜ್‍ಡ್ ಪ್ರೌಢ ಶಿಕ್ಷಣೊ ಬಿ.ಎ ಎಂ.ಎ
ವೃತ್ತಿ(s)	ಸಂಭಾಷಣೆಗಾರೆ, ಕಲಾವಿದ, ನಿರ್ದೇಶಕೆ
Known for	ಜೀ ಕನ್ನಡೊದ ಕಾಮಿಡಿ ಕಿಲಾಡಿಗಳು ಅಂಚನೆ ಕಿಲಾಡಿ ಕುಟುಂಬ
ಪಾಲಕರುs	ಕೋಟ್ಯಪ್ಪ ಪೂಜಾರಿ (father) ವಿಜಯಲಕ್ಷ್ಮಿ (mother)

ಅನೀಶ್ ಪೂಜಾರಿ ವೇಣೂರು ಮೇರ್ ಒರಿ ಬರಹಗಾರೆ/ಸಂಭಾಷಣೆ ಬರಹಗಾರೆ. ಜೀ ಕನ್ನಡೊಡ್ ಪ್ರಸಾರ ಆವೊಂದಿತ್ತಿನ ಕಾಮಿಡಿ ಕಿಲಾಡಿಗಳು ಉಂದೆತ್ತ ಸುರೂತ ಸೀಸನ್‍ಡ್ ಪಾಲ್ ಗೆತೊಂದು ಇನಿಕ್ಕ್ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಅನೀಶ್ ಪೂಜಾರಿ ಪಂಡ್‍ದೇ ಪ್ರಸಿದ್ದಿ ಪಡೆದೆರ್. ಮೇರ್ ಸಂಭಾಷಣೆ ಬರಹಗಾರೆ ಅತ್ತಂದೇ ನಟೆಲಾ ಅಂದ್. ಮರ್ಲ್ ಕಟ್ಟೊಚ್ಚಿ ಉಂದು ಮೇರ್ ಸುರೂ ಬರೆದ್ ನಟನೆ ಮಲ್ದಿನ ನಾಟಕೊ.

ಪುಟ್ಟು, ಕಲ್ಪಾಟಿಕೆ, ಉದ್ಯೋಗ

ಅನೀಶ್ ಪೂಜಾರಿ ಮೇರ್ 22 ಮೇ 1993 ನೇ ಇಸವಿಡ್ ಬೆಳ್ತಂಗಡಿ ತಾಲೂಕುದ ಮೂಡುಕೋಡಿ ಗ್ರಾಮೊಡು ಕೋಟ್ಯಪ್ಪ ಪೂಜಾರಿ ಬೊಕ್ಕ ವಿಜಯಲಕ್ಷ್ಮಿ ದಂಪತಿಲೆಗ್ ಪುಟ್ಟಿಯೆರ್. ಮೇರ್ ವೇಣೂರು ವಿದ್ಯೊದಯ ಹಿರಿಯ ಪ್ರಾಥಮಿಕ ಶಾಲೆಡ್ ಪ್ರಾಥಮಿಕ ಶಿಕ್ಷಣೊನ್, ವೇಣೂರು ಸರ್ಕಾರಿ ಪದವಿ ಪೂರ್ವ ಕಾಲೇಜ್‍ಡ್ ಪ್ರೌಢ ಬೊಕ್ಕ ಪಿಯುಸಿ ಶಿಕ್ಷಣೊನ್ ಪಡೆಯೆರ್. ಅಂಚನೆ ಬೆಳ್ತಂಗಡಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್‍ಡ್ ಪದವಿ, ವಾಮದಪದವು ಸರ್ಕಾರಿ ಪ್ರಥಮದರ್ಜೆ ಕಾಲೇಜ್‍ಡ್ ಸ್ನಾತಕೋತ್ತರ ಪದವಿ ಶಿಕ್ಷಣೊನ್ ಕಲ್ತೆರ್. ಕನ್ನಡೊಡ್ ಎಂ.ಎ ಮಲ್ದಿನ ಮೇರ್ ಆಲದಪದವು ಅಕ್ಷರ ಭಾರತಿ ವಿದ್ಯಾಲಯೊಡು ಹೆಡ್ಮಾಸ್ಟ್ರಾದ್‍ಲಾ ಬೇಲೆ ಮಲ್ತ್ ದೆರ್ .

ರಂಗಭೂಮಿಡ್ ಬಣ್ಣೊ ಪೂಜಿನ ಪೊರ್ತು

ಬರವುದ ಕೊಟ್ಯಡಿಪ್ಪುನಗ ನಾಟಕ ಬರೆಪಿನ, ನೃತ್ಯ ,ಛದ್ಮವೇಷ, ನಾಟಕ, ಏಕಪಾತ್ರಾಭಿನಯ, ಸಂಗೀತೊಡು ಪಾಲ್ ಪಡೆವೊಂದಿತ್ತಿನ ಮೇರ್ ಮರ್ಲ್ ಕಟ್ಟೊಚ್ಚಿ ಪನ್ಪಿನ ನಾಟಕೊನ್ ಬರೆದ್ ಸ್ವತಃ ನಟನೆ ಮಲ್ತೆರ್. ಮೇರ್ ಸುಮಾರ್ 35 ನಾಟಕೊಲೆಡ್ ಅಭಿನಯ ಮಲ್ತ್‍ದ್ ಸುಮಾರ್ ನಾಟಕೊಲೆಗ್ ಪದ ಬರೆತೆರ್. ಮೇರ್ ಬರೆತಿನ ನೇತ್ರೆ ಪನ್ಪಿನ ರಂಗನಾಟಕೊ ಕರ್ನಾಟಕೊಡ್ ಸುಮಾರ್ 15 ಪ್ರದರ್ಶನೊಲೆಡ್ಲಾ ಜನಮೆಚ್ಚುಗೆ ಪಡೆದ್ಂಡ್. ಅವ್ ಅತ್ತಂದೇ ಈ ನಾಟಕೊಗ್ ರಾಜ್ಯ ಅಂಚನೆ ರಾಷ್ಟ್ರ ಪ್ರಶಸ್ತಿಲಾ ತಿಕ್‍ದ್ಂಡ್. ಬೆಳ್ತಂಗಡಿ ಶ್ರೀಗುರುಮಿತ್ರ ಸಮೂಹೊದ ಸಾಂಸ್ಕೃತಿಕ ತಂಡೊದ ಉಪಾಧ್ಯಕ್ಷೆಯಾದ್, ಸುಮಾರ್ ನಾಟಕ ತಂಡೊಲೆದ ಸದಸ್ಯೆ ಆದ್ ಬೆನ್ತೆರ್. ತಾಲೂಕು, ಜಿಲ್ಲಾ, ವಿಭಾಗೊ, ರಾಜ್ಯ ಮಟ್ಟೊದ ಯುವಜನ ಮೇಳ ಅಂಚನೆ ಯುವಜನೋತ್ಸವ ಕಾರ್ಯಕ್ರಮೊಡು ಪಾಲ್ ಪಡೆದೆರ್.

ರಿಯಾಲಿಟಿ ಶೋಲೆಡ್ ಅನೀಶ್

ಅನೀಶ್ ಮೇರ್ ಜೀ ಕನ್ನಡೊಡು ಪ್ರಸಾರ ಆವೊಂದಿತ್ತಿನ ಕಾಮಿಡಿ ಕಿಲಾಡಿಗಳು ನೆತ್ತ ಸುರೂತ ಎಗ್ಗೆಡ್ ಪಾಲ್ ಪಡೆದ್ ತನ್ನ ನಟನೆದ ಮೂಲಕ ಜನಮೆಚ್ಚುಗೆ ಪಡೆದೆರ್. ಅವೆತೊಟ್ಟುಗ್ ಕಿಲಾಡಿ ಕುಟುಂಬ, ಕಾಮಿಡಿ ಕಿಲಾಡಿಗಳು ಚ್ಯಾಂಪಿಯನ್‍ಶಿಪ್ ಉಂದೆಟ್ಟ್ ಲಾ ಭಾಗವಹಿಸ‍್ದೆರ್.

ಸಿನಿಮೊ

• ಕನಸು ಮಾರಾಟಕ್ಕಿದೆ ಈ ಕನ್ನಡ ಸಿನಿಮೊಗ್ ಸ್ವತಃ ಅನೀಶ್ ಪೂಜಾರಿ ಮೇರ್ ಸಂಬಾಷಣೆ ಬರೆದ್ ಅಭಿನಯ ಮಲ್ದೆರ್.