ಅನುಕೇಟ್
| ಅನುಕೇಟ್ | |
|---|---|
 ಉದ್ದದ ಅಲಂಕೃತ ಮುಸುಕು ಧರಿತ ಪೊಣ್ಣನ ರೂಪೊಡು ಅನುಕೇತ್ ದೇವಿ | |
| ಆರಾಧನೆ ಮಲ್ಪುನ ಜಾಗೆ | ಎಲೆಫ್ಯಾಂಟೈನ್, ಸೆಹೈಲ್ |
| ಚಿಹ್ನೆ | ಬಿಲ್ಲು, ಬಾಣಗಳು, ಗಜೆಲ್, ಒಸ್ಟ್ರಿಚ್ ರೆಕ್ಕೆ |
| ವೈಯಕ್ತಿಕ ಇಸಯೊಲು | |
| ಪೋಷಕೆರ್ | ಖ್ನುಮ್ ಮತ್ತು ಸಾಟೆಟ್ |
| Equivalents | |
| Greek equivalent | ಹೆಸ್ಟಿಯಾ |
| Roman equivalent | ವೆಸ್ಟಾ |
ಅನುಕೆಟ್ ಪಂಡ ಪ್ರಾಚೀನ ಈಜಿಪ್ಟಿಯನ್ ದೇವತೆಲೆಡ್ ಒರಿಯೆ, ನೈಲ್ ನದಿತ ಜಲಪಾತ ಬೊಕ್ಕ ಕೆಳ ನುಬಿಯಾದ ಪ್ರದೇಶೊಗು ಸಂಬಂಧ ಪಟ್ಟಿನವು. ಎಲಿಫೆಂಟೈನ್ ದ್ವೀಪೊಡು ಅಲೆನ್ ವಿಶೇಷವಾದ್ ಆರಾಧನೆ ಮಲ್ತೆರ್.[೧]
ವ್ಯಾಕರಣ
[ಸಂಪೊಲಿಪುಲೆ]ಪ್ರಾಚೀನ ಈಜಿಪ್ಟಿಯನ್ ಭಾಷೆಡ್, ಅಲೆನ ಪುದರ್ ನ್ ಅನುಕೆಟ್, ಅನಕ, ಅತ್ತ್ಂಡ ಅಂಕೆಟ್ ಪಂಡ್ದ್ ಲೆಪ್ಪುವೆರ್. ಈ ಪುದರ್ದ ಅರ್ಥ "ತಬ್ಬುನ ಆಯೆ" ಅತ್ತ್ಂಡ "ಒಟ್ಟುಗು ತೂಪಿನ ಆಯೆ".[೨]
ಗ್ರೀಕ್ ಭಾಷೆಡ್, ಅಲೆನ್ ಅನೌಕಿಸ್ (Ανουκις) ಪಂಡ್ದ್ ಲೆಪ್ಪುವೆರ್. ವ್ಯಾಖ್ಯಾನ ಗ್ರೇಕಾ ಪ್ರಕಾರ, ಆರ್ ಗ್ರೀಕ್ ದೇವತೆ ಹೆಸ್ಟಿಯಾ ಬೊಕ್ಕ ರೋಮನ್ ದೇವತೆ ವೆಸ್ಟಾ ಗ್ ಸಮ ಪಂಡ್ದ್ ಪರಿಗಣಿಸಲ್ಪಟ್ಟೆರ್.[೩]
ಇತಿಹಾಸ ಬೊಕ್ಕ ಪಾತ್ರ
[ಸಂಪೊಲಿಪುಲೆ]ಅನುಕೆಟ್ ಮೂಲತಃ ರಾ ನ ಮಗೆ ಪಂಡ್ದ್ ನಂಬಿಕೆ ಉಂಡು. ಆಂಡಲಾ, ಆರ್ ಸಟೆಟ್ ನೊಟ್ಟುಗು ನಿಕಟ ಸಂಬಂಧೊಡು ಇತ್ತೆರ್. ರಡ್ಡ್ ಲಾ “ರಾನ ಕಣ್ಣ್” ಪನ್ಪಿನ ದೇವತೆಲೆನ ಗುಂಪುದ ಭಾಗ, ಉಂದೆಟ್ ಬಾಸ್ಟೆಟ್, ಹಾಥೋರ್, ಬೊಕ್ಕ ಸೆಖ್ಮೆಟ್ ಲಾ ಉಲ್ಲೆರ್.[೪]
ಅನುಕೆಟ್ ನೈಲ್ ನದಿ ಪ್ರವಾಹದ ದೇವತೆ, ವಾರ್ಷಿಕ ಜಲಪ್ರಳಯೊಗು ಸಂಬಂಧ ಪಟ್ಟಿನವು, ಉಂದು ಕೃಷಿಗ್ ಮುಖ್ಯವಾದ್ ಇತ್ತ್ಂಡ್. ಈಜಿಪ್ಟ್ ದ ದಕ್ಷಿಣ ಗಡಿತ ರಕ್ಷಕ ದೇವತೆ ಪಂಡ್ದ್ ಲಾ ಅಲೆನ್ ಪರಿಗಣಿಸೊಂದಿತ್ತೆರ್.
ಅಲೆನ ಕೈನ್ ಚಾಚಿದ್ ದೀತಿನ ಅಲೆನ ಚಿತ್ರಣ ನೈಲ್ ನದಿತ ಪ್ರವಾಹೊನು ಪ್ರತಿನಿಧಿಸವುಂಡುಂದು ನಂಬುನವು. ಈ ಕಾರಣೊಗು, ಅಲೆನ್ "ಎಂಬ್ರಾಸರ್" ಪಂಡ್ದ್ ಲೆಪ್ಪುವೆರ್.
ಈಜಿಪ್ಟ್ ದ ಪೊಸ ರಾಜ್ಯೊದ ಪೊರ್ತುಡು, ಅರೆನ್ "ನ್ಯೂಬಿಯನ್ ದೇವತೆ" ಪಂಡ್ದ್ ಲೆಪ್ಪುವೆರ್.
ಆರಾಧನೆ
[ಸಂಪೊಲಿಪುಲೆ]ಅನುಕೆಟ್ ಖ್ನಮ್ ಬೊಕ್ಕ ಸಟೆಟ್ ನಕುಲೆನೊಟ್ಟುಗು ಒಂಜಿ ತ್ರಯ ದೇವೆರೆನ ಭಾಗವಾದಿತ್ತ್ಂಡ್. ಕೆಲವೊಂಜಿ ಸರ್ತಿ ಅಲೆನ್ ಸಟೆಟ್ ನ ಅಕ್ಕ ಅತ್ತ್ಂಡ ಖ್ನುಮ್ ನ ಮದಿಮೆ ಆಯಿನಾಲ್ ಪಂಡ್ದ್ ಲೆಪ್ಪುವೆರ್.[೫]
ಸೆಹೈಲ್ ದ್ವೀಪೊಡು ಅಲೆಗ್ ಸಮರ್ಪಿತವಾದ್ ಒಂಜಿ ದೇವಸ್ಥಾನೊನು ನಿರ್ಮಾಣ ಮಲ್ತೆರ್. ಈಜಿಪ್ಟ್ ದ 13ನೇ ರಾಜವಂಶೊದ ಫರೋಹೆ ಸೊಬೆಖೋಟೆಪ್ III ಅಲ್ಪ ಅಲೆಗ್ ಒಂಜಿ ದೇವಸ್ಥಾನೊನು ನಿರ್ಮಾಣ ಮಲ್ತೆರ್. ಅಮೆನ್ಹೋಟೆಪ್ II ನನೊಂಜಿ ಸರ್ತಿ ಅಲೆಗ್ ಒಂಜಿ ದೇವಸ್ಥಾನೊನು ನಿರ್ಮಾಣ ಮಲ್ತೆರ್.[೬]
ಈಜಿಪ್ಟ್ ದ ಪೊಸ ರಾಜ್ಯೊದ ಪೊರ್ತುಡು, ಅರೆನ ಆರಾಧನೆಗ್ ಸಂಬಂಧಪಟ್ಟಿನ ನದಿ ಮೆರವಣಿಗೆಲು ಎಲಿಫೆಂಟೈನ್ ಡ್ ನಡತೊಂದು ಇತ್ತ್ಂಡ್.[೭]
ಅನುಕೆಟ್ ಪರ್ಬ
[ಸಂಪೊಲಿಪುಲೆ]ನೈಲ್ ನದಿಡ್ ವಾರ್ಷಿಕ ಪ್ರವಾಹದ ಸುರುತ ದಿನೊಟು "ಅನುಕೆಟ್ ಪರ್ಬ" ನ್ ಆಚರಣೆ ಮಲ್ತೆರ್. ಈ ಸಂದರ್ಬೊಡು ಜನಕುಲು ಸುದೆಕ್ ಬಂಗಾರ್, ನಾಣ್ಯ, ಆಭರಣೊಲೆನ್ ಅರ್ಪಣೆ ಮಲ್ತೊಂದಿತ್ತೆರ್.
ಈ ಪರ್ಬೊದ ಪೊರ್ತುಡು ಕೆಲವು ನಿಷೇಧೊಲೆನ್ ತಾತ್ಕಾಲಿಕವಾದ್ ದೆತ್ತ್ ದ್ ದೀಯೆರ್. ಉದಾಹರಣೆಗೆ, ಪವಿತ್ರ ಪಂಡ್ದ್ ಪರಿಗಣಿಸಾಯಿನ ಕೆಲವು ಮೀನುಲೆನ್ ಈ ಸಂದರ್ಭೊಡು ತಿನ್ಪೆರ್.
ಸುದೆತ ನೀರ್ದ ಮೂಲಕ ಜೀವ ಸಮೃದ್ಧಿ ಕೊರ್ಪಿನ ದೇವತೆ ಅನುಕೇತ್ ನ್ ಲೆಪ್ಪುವೆರ್.[೮]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Hart, George (2005), The Routledge Dictionary of Egyptian Gods and Goddesses, Revised Edition, p. 28
- ↑ Hill, J. (2010). "Anuket". ancientegyptonline.co.uk. Ancient Egypt Online. Retrieved 2016-10-26.
- ↑ "Anoukis" , Encyclopædia Britannica, vol. II (9th ed.), New York: Charles Scribner's Sons, 1878, p. 90
- ↑ Hill, J. (2010). "Anuket". ancientegyptonline.co.uk. Ancient Egypt Online. Retrieved 2016-10-26.
- ↑ Abdelhakim, Walaa Mohamed; Zein, Mohamed; Mosallam, Amr (1999-12-01). "The Sexual Symbolism of the Votive Beds' Decorations and Its Relation to Their Function". The International Journal of Tourism and Hospitality Studies. 4 (1): 162–143. doi:10.21608/ijthsx.2023.180510.1040. ISSN 2785-9843.
- ↑ Kathryn A. Bard, ed., Encyclopedia of the archaeology of ancient Egypt, Psychology Press, 1999, p 178
- ↑ Zahi A. Hawass, Lyla Pinch Brock, Egyptology at the Dawn of the Twenty-first Century: Archaeology, American Univ in Cairo Press, 2003, p 443
- ↑ Hoffman, Susanne M. "Preliminary Observations on the Dendera Zodiac (Egypt)" (PDF). Astronomy in Culture.