ಅಪೂರ್ಣ ಹೈಮೆನ್

ಅಪೂರ್ಣ ಹೈಮೆನ್ (ಇಂಪರ್ಫೆಕ್ಟಿವ್ ಹೈಮೆನ್) ಪಂಡ ಪೊಣ್ಣುಲೆನ ಜನ್ಮಜಾತ ಕಾಯಿಲೆ, ಉಂದೆಟ್ ಪೊಣ್ಣುಲೆನ ಹಿಮೆನ್ ಡ್ ದಾಲಾ ತೆರೆ ಇಜ್ಜಿ. ಭ್ರೂಣದ ಬೆಳವಣಿಗೆದ ಪೊರ್ತುಡು ಹೈಮೆನ್ ರಂದ್ರ ಆವಂದಿನಗ ಉಂದು ನಡಪುಂಡು. ಪ್ರಾಯೊಗು ಬತ್ತಿ ಪೊಣ್ಣುಲೆನ ಯೋನಿಡ್ ಬುಕ್ಕೊ ಕೆಲವೊಂಜಿ ಸರ್ತಿ ಗರ್ಭಾಶಯೊಡು ಋತುಮತಿ ನೆತ್ತೆರ್ ಜಮಾ ಆನಗ ಈ ಅಸ್ವಸ್ಥತೆ ತೋಜುಂಡು. ಶಸ್ತ್ರಚಿಕಿತ್ಸೆ ಮಲ್ತ್ ದ್ ಹೈಮೆನ್ ಡ್ ರಂದ್ರ ಮಲ್ತ್ ದ್ ಗುಣ ಮಲ್ಪುವೆರ್.

ಚಿಹ್ನೆಲು ಬುಕ್ಕೊ ಲಕ್ಷಣೊಲು

ಬಾಧೆಗ್ ಒಳಗಾಯಿನ ನವಜಾತ ಶಿಶುಲು ತೀವ್ರವಾದ್ ಮೂತ್ರ ವಿಸರ್ಜನೆನ್ ಅನುಭವಿಸುವೆರ್. ಪ್ರಾಯಗ್ ಬತ್ತಿ ಪೊಣ್ಣುಲೆಡ್, ಮುಟ್ಟುದ ಪೊರ್ತುಡು ಮಸ್ತ್ ಬೇನೆ ಬುಕ್ಕೊ ಅಮೆನೋರಿಯಾದ ಲಕ್ಷಣೊಲು ಉಪ್ಪುಂಡು. ಹೆಮಟೊಕೊಲ್ಪೊಸ್ ಗ್ ಸಂಬಂಧಪಟ್ಟಿನ ಬೇತೆ ಲಕ್ಷಣೊಲು ಮೂತ್ರ ನಿರೋಧಕ, ಮಲಬದ್ಧತೆ, ಬೆರಿ ಬೇನೆ, ವಾಕರಿಕೆ, ಬುಕ್ಕೊ ಅತಿಸಾರ . ಬೇತೆ ಯೋನಿ ಕಾಯಿಲೆಲು ಕೆಲವೊಂಜಿ ಸರ್ತಿ ಅಪೂರ್ಣ ಹೈಮೆನ್ ದ ಲಕ್ಷಣೊಲೆನ್ ತೋಜಾವುಂಡು. ಕೆಲವು ಪೊಂಜೊವುಲೆಗ್ ಅಪೂರ್ಣ ಹೈಮನ್ ಇಪ್ಪುನೆರ್ದಾತ್ರ ಮಲವಿಸರ್ಜನೆ ಮಲ್ಪೆರೆ ಕಷ್ಟ ಆಪುಂಡು.

ತೊಂದರೆಲು

ಪ್ರೌಢಾವಸ್ಥೆಗ್ ದುಂಬು ಚಿಕಿತ್ಸೆ ಮಲ್ಪಂದೆ ಅತ್ತಂಡ ರೋಗನಿರ್ಣಯ ಮಲ್ಪಂದೆ ಬುಡ್ಂಡ, ಅಪೂರ್ಣ ಹೈಮೆನ್ ರೆಟ್ರೊಗ್ರೇಡ್ ಬ್ಲೀಡಿಂಗ್ ಡ್ದ್ ಪೆರಿಟೋನಿಟಿಸ್ ಅತ್ತಂಡ ಎಂಡೊಮೆಟ್ರಿಯೊಸಿಸ್ ಗ್ ಕಾರಣ ಆಪುಂಡು. ಅಡಿಷನಲ್ ಆದ್, ಉಂದು ಮ್ಯೂಕೊಮೆಟ್ರೊಕಾಲ್ಪೊಸ್ (ಲೋಳೆಯ ಶೇಖರಣೆಡ್ದ್ ಯೋನಿ ಕಾಲುವೆ ಬುಕ್ಕೊ ಗರ್ಭಾಶಯದ ಮಲ್ಲಾಪುನವು) ಅತ್ತಂದೆ ಹೆಮಟೊಮೆಟ್ರೊಕಾಲ್ಪೊಸ್ ( ಋತುಚಕ್ರದ ದ್ರವದ ಶೇಖರಣೆಡ್ದ್ ಮಲ್ಲಾಪುನವು) ಗ್ ಕಾರಣ ಆಪುಂಡು. ಮ್ಯೂಕೊಮೆಟ್ರೊಕೊಲ್ಪೊಸ್ ಬುಕ್ಕೊ ಹೆಮಟೊಕಾಲ್ಪೊಸ್ ಮೂತ್ರ ನಿರೋಧಕ, ಮಲಬದ್ಧತೆ, ಬುಕ್ಕೊ ಮೂತ್ರನಾಳದ ಸೋಂಕುಲೆಗ್ ಕಾರಣ ಆಪುಂಡು.

ಶರೀರಶಾಸ್ತ್ರ

ಭ್ರೂಣದ ಬಳಪುನ ಸಮಯೊಡು ಸಿನೋವಾಜಿನಲ್ ಬಲ್ಬ್ ಲು ಯೋನಿದ ಒರಿನ ಭಾಗೊಲೆನ್ ಸಂಪರ್ಕ ಮಲ್ಪುನ ಒಂಜಿ ಕಾಲುವೆನ್ ರಚನೆ ಮಲ್ಪೆರೆ ವಿಫಲವಾದ್ ಒಂಜಿ ಅಪೂರ್ಣ ಹೈಮೆನ್ ರೂಪೊಗು ಬರ್ಪುಂಡು. ಕೆಲವು ಆನುವಂಶಿಕ ಸಂಭವೊದ ಪ್ರಕರಣೊಲು ವರದಿ ಆಂಡಲಾ, ಆನುವಂಶಿಕತೆ ಕಾರಣ ಪಂಡ್ದ್ ತೆರಿಪಾದ್ ಇಜ್ಜಿ.

ರೋಗನಿರ್ಣಯ

ಸಾಮಾನ್ಯ ಬೆಳವಣಿಗೆ ಆಯಿನ ಋತುಬಂಧೊದ ಪಿರವುದ ಪ್ರಾಯದ ಪೊಣ್ಣುಲೆಡ್ ರಂದ್ರರಹಿತ ಹೈಮೆನ್ ನ್ ಹೆಚ್ಚಿನ ಸರ್ತಿ ಗುರುತಿಸವೊಲಿ. ಋತುಮತಿ ಪ್ರಾಯದ ಪೊಣ್ಣುಲೆಡ್, ಈ ಸ್ಥಿತಿದ ಲಕ್ಷಣೊಲು ಅಮೆನೋರಿಯಾ ಬುಕ್ಕೊ ಸೈಕ್ಲಿಕ್ ಶ್ರೋಣಿ ಬೇನೆ, ಉಂದು ಯೋನಿ ಅಡಚಣೆಡ್ದ್ ಉಂಟಾತಿನ ದ್ವಿತೀಯಕ ಹೆಮಟೊಕಾಲ್ಪೋಸ್ ನ್ ಸೂಚಿಸವುಂಡು. ಒಂಜಿ ಅಪೂರ್ಣ ಹೈಮೆನ್ ಸಾಮಾನ್ಯವಾದ್ ಯೋನಿ ಪರೀಕ್ಷೆಡ್ ಒಂಜಿ ಊದ್ನ ನೀಲಿ ಪೊರೆತ ರೂಪೊಡು ತೋಜುಂಡು. ಹೆಮಟೊಕಾಲ್ಪೊಸ್ ಇತ್ತ್ಂಡ, ಕಿಬ್ಬೊಟ್ಟು ಅತ್ತಂದೆ ಗುದನಾಳದ ಪರೀಕ್ಷೆದ ಪೊರ್ತುಡು ಗುಡ್ಡೆ ಸ್ಪರ್ಶ ಆಪುಂಡು. ಅಪೂರ್ಣ ಹೈಮೆನ್ ದ ರೋಗನಿರ್ಣಯೊನು ಸಾಮಾನ್ಯವಾದ್ ದೈಹಿಕ ಪರೀಕ್ಷೆದ ಆಧಾರೊಡ್ ಮಲ್ಪುವೆರ್. ಆಂಡಲಾ, ಅಗತ್ಯ ಇತ್ತ್ಂಡ, ಟ್ರಾನ್ಸ್ ಅಬ್ಡೊಮಿನಲ್, ಟ್ರಾನ್ಸ್ ಪೆರಿನಿಯಲ್, ಅತ್ತಂದೆ ಟ್ರಾನ್ಸ್ ರೆಕ್ಟಲ್ ಅಲ್ಟ್ರಾಸೌಂಡ್ ಮೂಲಕ ರೋಗನಿರ್ಣಯೊನು ಖಚಿತಪಡಿಸವೊಲಿ.

ಅಪೂರ್ಣ ಹೈಮೆನ್ ನ್ ನವಜಾತ ಶಿಶುಲೆಡ್ ಲಾ ಗುರುತಿಸವೊಲಿ ಬುಕ್ಕೊ ಗರ್ಭಧಾರಣೆದ ಪೊರ್ತುಡು ಭ್ರೂಣದ ಅಲ್ಟ್ರಾಸೌಂಡ್ ಸ್ಕ್ಯಾನ್ ಡ್ ಕೆಲವೊಂಜಿ ಸರ್ತಿ ತೂವೊಲಿ. ನವಜಾತ ಶಿಶುಲೆಡ್ ರೋಗ ನಿದಾನೊನು ಕಿಬ್ಬೊಟ್ಟು ಅತ್ತಂದೆ ಶ್ರೋಣಿ ಕುಹರದ ದ್ರವ್ಯರಾಶಿ ಅತ್ತಂದೆ ಉಬ್ಬುನ ಹೈಮೆನ್ ದ ಫಲಿತಾಂಶೊಲೆನ್ ಆಧಾರವಾದ್ ಮಲ್ಪುವೆರ್. ನವಜಾತ ಶಿಶುದ ಸಾಮಾನ್ಯ ಯೋನಿ ಪರೀಕ್ಷೆಡ್ ಸಾಮಾನ್ಯವಾದ್ ವಲ್ವಾ ಮೇಜೋರಾದ ಪಿರವುದ ಕಮಿಷರ್ ಡ್ ಲೋಳೆದ ಕುರುಹು ತೋಜುಂಡು; ಲೋಳೆದ ಅನುಪಸ್ಥಿತಿ ಅಪೂರ್ಣ ಹೈಮೆನ್ ಅತ್ತಂದೆ ಬೇತೆ ಯೋನಿ ಅಡಚಣೆನ್ ಸೂಚಿಸವುಂಡು.

ಆಡಳಿತ

ಪ್ರಾಯಗ್ ಬತ್ತಿನಕುಲ್ಡ ಶಸ್ತ್ರಚಿಕಿತ್ಸೆದ ದುಂಬು, ಮುಟ್ಟ ಚಕ್ರನ್ ನಿಗ್ರಹಿಸಾಯೆರೆ ನಿರಂತರವಾದ್ ದೆತೊಂನ ಸಂಯೋಜಿತ ಮೌಖಿಕ ಗರ್ಭನಿರೋಧಕ ಮಾತ್ರೆ ಅತಂಡ ಬೇನೆನ್ ನಿವಾರಿಸಾಯೆರೆ NSAID ನ್ ದೆತೊಂನ ಒಟ್ಟಿಗೆ ರೋಗಲಕ್ಷಣಲೆನ್ ನಿವಾರಿಸೊಲಿ. ಹೈಮೆನೊಟಮಿದ ಮೂಲಕ ಅಪೂರ್ಣ ಹೈಮೆನ್‌ನ ಶಸ್ತ್ರಚಿಕಿತ್ಸೆದ ಚಿಕಿತ್ಸೆ ಸಾಮಾನ್ಯವಾದ್ ಹೈಮೆನ್‌ಡ್ ಕ್ರೂಸಿಯೇಟ್ ಛೇದನಗ್ಲೆನ್ ಮಲ್ಪುನೆ, ಹೈಮೆನ್‌ನ ಭಾಗಲೆನ್ ಐತ ಮುದೆಲ್ದ್ ಪಿದಾಯಿ ದೆಪ್ಪುನ ಬುಕ್ಕೊ ಯೋನಿ ಕಾಲುವೆ ಬುಕ್ಕೊ ಗರ್ಭನ್ ಖಾಲಿ ಮಲ್ಪುನೆ . ತಮ್ಮ ಕನ್ಯಾಪೊರೆನ್ ಸಂರಕ್ಷಿಸಾವೊಡು ಬಯಸುನ (ಅಥಂಡ ಅಕುಲ್ನ ಪೋಷಕೆರ್ ಬಯಸುನ) ಬಾಧಿತ ಪೊಣ್ಣುಲೆಗ್, ಕನ್ಯಾಪೊರೆತ ನಡುತ ಚಾಚುಪಟ್ಟಿನ್ ಕತ್ತರಿಸಾಯೆರೆ ಶಸ್ತ್ರಚಿಕಿತ್ಸಾ ತಂತ್ರಲೆನ್ ಬಳಸೊಲಿ. ಶಸ್ತ್ರಚಿಕಿತ್ಸೆದ ಒಟ್ಟಿಗೆ ನೆನ್ ಏಪ ಸರಿಮಲ್ಪೊಲಿ ಪನ್ಪುನ ನನಲಾ ವಿವಾದಾಸ್ಪದ ಆದುಂಡು. ಕೆಲವು ವೈದ್ಯರು ಪುರು ಬಾಲೆದ ಅವಧಿರ್ದ್ ಬುಕ್ಕೊ ತಕ್ಷಣ ಚಿಕಿತ್ಸೆ ಮಲ್ಪೊಲಿ ಪಂದ್ ನಂಬುವೆರ್. ಆಂಡ ಬೆತೆ ಅಕುಲು ಮಲ್ಲೆ ಆನ ಮುಟ್ಟ ಕಾತ್ದ್ ಬುಕ್ಕೊ ಮಲ್ಪೊಲಿ ಪಂದ್ ನಂಬುವೆರ್.

ಸಾಂಕ್ರಾಮಿಕ ರೋಗಶಾಸ್ತ್ರ

ಅಪೂರ್ಣ ಹೈಮೆನ್ 1,000 ಪೊಣ್ಣುಲೆಡ್ ಒರಿ ಅತ್ತ್ಂಡ 10,000 ಪೊಣ್ಣುಲೆಡ್ ಒರಿ ಬಾಧೆ ಮಲ್ಪುಂಡು ಪನ್ಪಿನ ಅಂದಾಜಿ ಉಂಡು.

ಬಾಹ್ಯ ಲಿಂಕ್

• ಮೆಡ್ಸ್ಕೇಪ್ ಡ್ ರಂಧ್ರರಹಿತ ಹೈಮೆನ್