ಅಮೃತ ಅಡಿಗ
ಪರಿಚಯ
[ಸಂಪೊಲಿಪುಲೆ]ಪ್ರಸ್ತುತ ಯಕ್ಷಗಾನ ರಂಗೊಡು ಭಾರೀ ಪುಗರ್ತೆದ ಒಂಜಿ ಪುದರ್ ಕೇಂಡ್ದ್ ಬರ್ಪುನಂಚಿನವು ಅಮೃತ ಅಡಿಗನವು. ಮೇರ್ ದಕ್ಷಿಣ ಕನ್ನಡ ಜಿಲ್ಲೆ ಪುತ್ತೂರು ತಾಲೂಕುದ ಪಾಣಾಜೆ ಗ್ರಾಮೊದ ಪೊಂಜೊವು. ಅಪ್ಪೆ ಜಯಲಕ್ಷ್ಮಿ,ಅಮ್ಮೆರ್ ಸತ್ಯ ನಾರಯಣ ಅಡಿಗ.
ಬಾಲ್ಯ
[ಸಂಪೊಲಿಪುಲೆ]ಎಲ್ಲಿಡ್ ಉಪ್ಪುನಗನೇ ಯಕ್ಷಗಾನೊದ ಪದ್ಯೊಗು ಕುಣಿತೊಗು ಆಕರ್ಷಿತರಾಯಿನ ಮೇರ್ ೬ನೇ ಕ್ಲಾಸ್ಡುಪ್ಪುನಗನೇ ಕಾರ್ಗ್ ಗೆಜ್ಜೆ ಕಟ್ಟ್ದ್ ನಲಿಪ್ಪ್ಯೆರೆ ಸುರು ಮಲ್ತೆರ್.ಅಂಚ ಮೆಲ್ಲ ಮೆಲ್ಲನೆ ಯಕ್ಷಗಾನೊದ ಪದ್ಯೊಲೆನ್ ಕಲ್ತ್ದ್ ಯಕ್ಷಗಾನದ ಹಿಮ್ಮೇಳಡ್ ಪಾಲ್ ದೆತ್ತೊಂಡೆರ್.ಬುಕ್ಕೊ ಸುಮಾರ್ ವೇದಿಕೆ ಆರೆನ್ ನಾಡ್ದ್ ಬತ್ತ್ಂಡ್.
ವಿವಾಹ ಜೀವನ
[ಸಂಪೊಲಿಪುಲೆ]ಮೂಡಬಿದಿರೆದ ಪುತ್ತಿಗೆ ಗ್ರಾಮೊದ ಚೆಂಡೆ-ಮದ್ದಳೆ ವಾದಕೆರಾಯಿನ ಪುಗರ್ತೆದ ಕೌಶಿಕ್ ರಾವ್ ಯಕ್ಷಗಾನ ಹಿಮ್ಮೇಳೊಡು ಬೆಳಗೊಂದಿತ್ತಿನ ಅಮೃತಾ ಅಡಿಗರೆನ್ ೨೦೨೧ಇಸವಿಡ್ ಮದಿಮೆ ಆಯೆರ್.ಮದಿಮೆದ ಬುಕ್ಕೊ ಪತಿ ಕೌಶಿಕ್ ರಾವ್ ಲಾ,ಅಮೃತ ಅಡಿಗಲಾ ಒಟ್ಟುಗೆ ಯಕ್ಷಗಾನದ ಹಿಮ್ಮೇಳೊಡು ಪ್ರದರ್ಶನ ಕೊರಿಯೆರ್.ಮದಿಮೆ ಗೃಹಪ್ರವೇಶೊದ ದಿನ ಇಂಚನೇ ಅಮೃತ ಅಡಿಗ ಭಾಗವತಿಕೆ ಮಾಲ್ತ್ದ್ ಕೌಶಿಕ್ ರಾವ್ ಚೆಂಡೆ ಬೊಟ್ಟುದು ವಿಷೇಶ ರೀತಿಡ್ ಅತಿಥಿಲೆನ್ ರಂಜಿಸಿಯ
ಪ್ರದರ್ಶನೊ
[ಸಂಪೊಲಿಪುಲೆ]ಅಮೃತ ಅಡಿಗ ಯಕ್ಷಗಾನ ಪ್ರದರ್ಶನಲೆನ್ ಕರ್ನಾಟಕ ಅತ್ತಂದೆ ಭಾರತದ ಪ್ರಮುಖ ಜಾಗೆಡ್ ಉದಾರ್ಮೆಗ್ ಮುಂಬೈ, ಬೆಂಗಳೂರು,ಮೈಸೂರು ಮಾಂತ ಕೊರ್ತೆರ್.ಕೇವಲ ಒರ್ತಿ ಪ್ರದರ್ಶನೊ ಕೊರ್ಪುನ ಅತ್ತಂದೆ ೨ ಭಾಗವತೆರ್ನೊಟ್ಟುಗು, ಪುಗರ್ತೆದ ಪಟ್ಲ ಸತೀಶ್ ಶೆಟ್ಟಿ, ಕಾವ್ಯಶ್ರೀ ಅಜೇರು, ರವಿಚಂದ್ರ ಕನ್ನಡಿಕಟ್ಟೆ ಮುಕುಳೊನೊಟ್ಟುಗುಲಾ ದ್ವಂದ್ವ ಪ್ರದರ್ಶನ ಕೊರ್ದು ಯಶಸ್ವಿಯಾದೆರ್. ಇಂದು ಅತ್ತಂದೆ ದುಬೈಡ್ ಪಟ್ಲ ಸತೀಶ್ ಶೆಟ್ಟಿನ ನೇತೃತ್ವಡು ನಡೆಪ್ಪುನ ಶ್ರೀ ದೇವಿ ಲಲಿತೋಪಖ್ಯಾನ ಯಕ್ಷಗಾನಗ್ಲಾ ಭಾಗವತೆರಾದ್ ಜನ ಮನ್ನಣೆ ಭಾರೀ ಪುಗರ್ತೆ ಪಡೆತೆರ್.ಆರೆನ ವಿಶೇಶವಾದ ಸ್ವರೊ, ಒಂಜಿ ಪೊಸ ರೂಪೊನು ಯಕ್ಷಗಾನ ಪದ್ಯೊಲೆಗ್ ಕೊರ್ದುಂಡು.