ಅಮ್ಮು ಸ್ವಾಮಿನಾಥನ್

ಅಮ್ಮು ಸ್ವಾಮಿನಾಥನ್
ಸಂಸದೆ, ಲೋಕಸಭೆ
ಅಧಿಕಾರ ಅವಧಿ 1951 (1951) – 1957 (1957)
ಪ್ರಧಾನ ಮಂತ್ರಿ	ಪಂಡಿತ್ ಜವಾಹರಲಾಲ್ ನೆಹರು
ಪೂರ್ವಾಧಿಕಾರಿ	ಕಚೇರಿ ಸ್ತಾಪನೆ ಆತ್ಂಡ್
ಉತ್ತರಾಧಿಕಾರಿ	ಎಂ.ಗುಲಾಂ ಮೊಹಿದೀನ್
ಮತಕ್ಷೇತ್ರ	ದಿಂಡಿಗಲ್(ಲೋಕಸಭಾ ಕ್ಷೇತ್ರ)
2ನೇ ಭಾರತ್ ಸ್ಕೌಟ್ಸ್ ಬುಕ್ಕೊ ಗೈಡ್ಸ್ ಅದ್ಯಕ್ಷೆ
ಅಧಿಕಾರ ಅವಧಿ ನವಂಬರೊ 1960 – ಮಾರ್ಚ್ 1965
ಪೂರ್ವಾಧಿಕಾರಿ	ಮಂಗಲ್ ದಾಸ್ ಪಕ್ವಾಸ
ಉತ್ತರಾಧಿಕಾರಿ	ನ್ಯಾಯಮೂರ್ತಿ - ಭುವನೇಶ್ವರ್ ಪ್ರಸಾದ್ ಸಿನ್ಹಾ
ವೈಯಕ್ತಿಕ ಮಾಹಿತಿ
ಜನನ	(೧೮೯೪-೦೪-೨೨)೨೨ ಏಪ್ರಿಲ್ ೧೮೯೪ ಅನಕ್ಕರ (ಪಾಲಕ್ಕಾಡ್), ಮಲಬಾರ್ ಜಿಲ್ಲೆ, ಮದ್ರಾಸ್ ಪ್ರೆಸಿಡೆನ್ಸಿ, ಬ್ರಿಟಿಷ್ ಭಾರತ (ಇನಿತ್ತ ಪಾಲಕ್ಕಾಡ್, ಕೇರಳ, ಭಾರತ
ಮರಣ	4 July 1978(1978-07-04) (aged 84) ಪಾಲಕ್ಕಾಡ್, ಕೇರಳ, ಭಾರತ
ರಾಷ್ಟ್ರೀಯತೆ	ಭಾರತೀಯ
ರಾಜಕೀಯ ಪಕ್ಷ	ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್
ಸಂಗಾತಿ(ಲು)	ಸುಬ್ಬರಾಮ ಸ್ವಾಮಿನಾಥನ್
ಜೋಕುಲು	ಗೋವಿಂದ್ ಸ್ವಾಮಿನಾಥನ್ ಕ್ಯಾಪ್ಟನ್ ಲಕ್ಷ್ಮೀ ಸೆಹೆಗಲ್ ಮೃಣಾಲಿನಿ ಸಾರಾಭಾಯ್ ಸುಬ್ಬರಾಮ್
ಉದ್ಯೋಗೊ	ರಾಜಕಾರಣಿ

 

ಅಮ್ಮು ಸ್ವಾಮಿನಾಥನ್ ಅತ್ತಂಡ ಎ.ವಿ.ಅಮ್ಮಕುಟಿ (22 ಏಪ್ರಿಲ್ 1894 - 4 ಜುಲೈ 1978) ಇಂಬೆರ್ ಸೊಸಂತ್ರೊ ಚಳುವಳಿದ ಕಾಲೊಡು ಭಾರತೊದ ಸಾಮಾಜಿಕ ಕಾರ್ಯಕರ್ತೆ ಅಂಚನೆ ರಾಜಕೀಯ ಕಾರ್ಯಕರ್ತೆ ಬೊಕ್ಕ ಭಾರತೊದ ಸಂವಿಧಾನ ಸಬೆತ ಸದಸ್ಯೆರಾದಿತ್ತೆರ್.

ಸುರುತ ಜೀವನೊ

ಅಮ್ಮುಕುಟ್ಟಿ ಸ್ವಾಮಿನಾಧನ್ ಕೇರಳoದ ಪೊನ್ನನಿ ತಾಲೂಕುದ ಅನಕ್ಕರನ ವಡಕ್ಕತ್ ಮನೆತನೊಡು ಪುಟ್ಟಿಯೆರ್. ಆರೆನ ಅಮ್ಮೆರ್ ಗೋವಿಂದ ಮೆನನ್, ಒರಿ ಎಲ್ಯ ಸ್ಥಳೀಯ ಅದಿಕಾರಿ. ಅಮ್ಮುನ ಅಪ್ಪೆ ಅಮ್ಮೆರ್ ರಡ್ಡ್ ಜನಲಾ ನಾಯರ್ ಜಾತಿದಕುಲು. ಅಮ್ಮೆರೆನ ಪದಿಮೂಜಿ ಜೋಕುಲು. ಅಯಿಟ್ ಒರ್ಂಬೊ ಪೊಣ್ಣು ಜೋಕುಲು. ಅಕೇರಿದಾರ್ ಅಮ್ಮು ಆದಿತ್ತೆರ್. ಆರ್ ಶಾಲೆಗ್ ಪೋವಂದೆ ಇಲ್ಲಡೆಡೆ ಸುರೂತ ಓದು ಬರವುನು ಪಡೆಯೆರ್. ಇಂದೆಟ್ ಮಲಯಾಳಂ ಬಾಸೆಡ್ ಕನಿಸ್ಟೊ ಓದಿಯರ ಬುಕ್ಕೊ ಬರೆಯೆರ ಕಲ್ತೆರ್. ಅಡುಗೆ ಮಲ್ಪುನೆ ಬುಕ್ಕೊ ಇಲ್ಲಡೆನ್ ತೂವೊನುನೆದ ಜತೆಟ್ ಮದಿಮೆದ ಜೀವನೊಗು ತಯಾರ್ ಆಯೆರ್. ಆರ್ ಎಲ್ಯ ಪ್ರಾಯೊಡು ಅಪ್ಪೆನ್ ಕಳೆವೊಂಡೆರ್. ಆರೆನ ಅಮ್ಮೆರ್ ಜೋಕುಲೆನ ಸಾಂಕಾನೊಗಾದ್ ಬೇತೆ ಮದಿಮೆ ಆಯೆರ್. ಪೊಣ್ಣು ಜೋಕುಲೆಗ್ ಮದಿಮೆ ಮಲ್ಪೆರೆ ಕಸ್ಟೊ ಪಡೆಯೆರ್. ಅಯಿತ ಪಲೊಟು ಅಮ್ಮು 13 ವರ್ಸೊ ಆನಗ ಅಮ್ಮೆರ್ ಒಂಜಿ ಆನನ್ ತೂದ್ ಮದಿಮೆ ನಿಗಾಂಟ್ ಮಲ್ತೆರ್. ಉಂದು ಆ ಕಾಲೊಡು ಕೇರಳ ಸಮಾಜೊಡು ಎಡ್ಡೆ ರೀತಿಡ್ ಸ್ವೀಕಾರ ಆಯಿನ ಸಮ್ಮಂದೊ ಎವಸ್ತೆಗ್ ಅನುಗುಣವಾದ್ ಇತ್ತ್ಂಡ್. ಅರೆನ ಕಂಡನಿ ಸುಬ್ಬರಾಮ ಸ್ವಾಮಿನಾಥನ್. ಕೇರಳೊದ ಅಯ್ಯರ್ ಬ್ರಾಣೆರ್. ಅಮ್ಮುಡ್ದ್ ಇರ್ವೊ ವರ್ಸೊಡ್ದ್ ಜಾಸ್ತಿ ಹಿರಿಯೆರ್. 

ಮದಿಮೆದ ಜೀವನೊ

ಮದ್ಯಮೊ ವರ್ಗೊದ ಕೇರಳೊದ ಅಯ್ಯರ್ ಕುಟುಮ್ಮೊಡು ಪುಟ್ಟುನ ಸುಬ್ಬರಾಮ ಸ್ವಾಮಿನಾಥನ್ ಓದಿಯೆರ್. ಆರೆನ್ ಬದ್‌ಕ್‌ದ ಏರ್ತೆದ ಸುರೂಟು ಜೀವನೊಡು ಮಸ್ತ್ ಕಸ್ಟೊ ಪಡೆತೆರ್. ಎಡಿನ್ಬರ್ಗ್ ಬುಕ್ಕೊ ಲಂಡನ್ ವಿಶ್ವವಿದ್ಯಾಲಯೊಲೆಡ್ ವಿದ್ಯಾರ್ತಿವೇತನೊಡು ಅದ್ಯಯನ ಮಲ್ತೆರ್. ಪರದೇಸೊಡು ಮಸ್ತ್ ಸಮಯ ಇಪ್ಪುನ ಬುಕ್ಕೊ ದುಡ್ಡು ಸಂಪೊಲಿಪುನ ನಿಲೆಟ್ 30 ವರ್ಸೊಗ್ ಮುಟ್ಟ ಮದಿಮೆ ಆಯಿಜೆರ್. ಬಾರಿ ಎಲ್ಯ ಬುಕ್ಕೊ ಆಶ್ರಯೊ ಪಡೆಯಿನ ಅಮ್ಮುನ ಆಗಮನ ಸುಬ್ಬರಾಮೆರೆನ ಅಗತ್ಯೊಲೆನ್ ಪೂರೈಸಾಂಡ್. ಅಂಚನೆ ಆರ್ ತನ್ನ ಜೀವನೊದ ಒಂಜಿ ಮಲ್ಲ ಬಾಗೊನು ಬುಡೆದಿನ ಅಬಿವೃದ್ದಿ ಬುಕ್ಕೊ ಬುಲೆಚಿಲ್‌ಗ್ ಮೀಸಲಾದ್ ದೀಡಿಯೆರ್. ನಿಜ ಪಂಡ ನನೊಂಜಿ ಸರ್ತಿ ಲಂಡನ್‌ಡ್ ಒಂಜಿ ರಿಜಿಸ್ಟ್ರಿ ಆಫೀಸ್‌ಡ್ ಅಮ್ಮುನ್ ಔಪಚಾರಿಕವಾದ್ ಮದಿಮೆ ಆಯೆರ್. ಉಂದು ಅಪಗ ಆರೆಗ್ ಅಗತ್ಯವಾದಿತ್ತ್ಂಡ್. ದಾಯೆ ಪಂಡ ಸಮ್ಮಂದೊಲು ಸಾಂಪ್ರದಾಯಿಕವಾದ್ ಒಪ್ಪಿಗೆ ಆಂಡಲಾ ಕೆಲವು ಸರ್ತಿ ಮದಿಮೆ ಆಪುಜಿ. ಅಂಚನೆ ಒಂಜಿ ಒಕ್ಕೂಟೊದ ಜೋಕುಲು ಅಕ್ಲೆನ ಅಪ್ಪೆನ ಕುಟುಮ್ಮೊಗು ಮಾತ್ರೊ ಸೇರ್ದಿನಗ್ಲ್ ಅತ್ತ್. ಲಂಡನ್‍ಡ್ ನೋಂದಾಯಿತ ಮದಿಮೆಲಾ ಜನಕುಲೆನ ಮನೋಬಾವೊನು ಬದಲಾವಣೆ ಮಲ್ತ್‌ಜಿ. ಅತ್ತಂದೆ ಸಮಾಜೊಡು ಕುಟುಮ್ಮೊನು ಸ್ವಾಗತೊ ಮಲ್ಪುನ ರೀತಿನ್ ಬದಲಾವಣೆ ಮಲ್ತ್‌ಜಿ. ಅಮ್ಮುನ ರಡ್ಡ್ ಜನ ಮಗಳ್ನಗ್‌ಲ್ ಆರೆನ ನೆಂಪು ಮಲ್ತೊನ್ಬೆರ್. ಅಕ್ಲೆನ ಅಪ್ಪೆನ ಕುಟುಮ್ಮೊ ಅಗ್ಲೆನ ಕುಟುಮ್ಮಮೊದ ಕಾರ್ಯಕ್ರಮೊಲೆಡ್ ಮದಿಮೆದಂಚಿನ (ಸಾಂಪ್ರದಾಯಿಕವಾದ್) ಸೇರಾದ್ ಅಕುಲೆನ್ ಒಪ್ಪಿಗೆ ಮಲ್ತೆರ್. ಅಕ್ಲೆಗ್ ತೆನಸ್‌ನ್ ಬೇತೆ ಕುಟುಮ್ಮೊದ ಸದಸ್ಯೆರೆಡ್ದ್ ಬೇತೆನೇ ಕ್ರಮೊಟು ಕೊರ್ಪೆರ್. ಬುಕ್ಕೊ ಅಗ್ಲೆಗ್ ಇಪ್ಪುನ ರೀತಿಡ್ ಸೂಕ್ಷ್ಮ ವ್ಯತ್ಯಾಸೊಲು ತೋಜುನಂಚ ಮರ್ದ್ ಮಲ್ಪುವೆರ್.

ಲಂಡನ್ ರಿಜಿಸ್ಟ್ರಿ ಆಫೀಸ್‍ಡ್ ಕಾನೂನುಬದ್ಧವಾದ್ ಮಾನ್ಯ ಆಯಿನ ಮದಿಮೆ ಒಂಜಿ ನಿಶ್ಚಿತ ಪಲಿತಾಂಶೊನು ಕೊರ್ತುಂಡು. ಅಳಿಯಕಟ್ಟ್‌ದ ಮರುಮಕ್ಕಥಾಯಂ ವ್ಯವಸ್ತೆನ್ ಬುಡುಗಡೆ ಮಲ್ಪುನವು ಬುಕ್ಕೊ ವಡಕ್ಕತ್ ಕುಟುಮ್ಮೊಡು ಆರೆನ ಅಪ್ಪೆ ಅಮ್ಮೆರ್ ಸೇರ್ದೆರ್. ಅಳಿಕಟ್ಟ್‌ದ ನಾಯರ್ ಸಮುದಾಯೊದೊಟ್ಟುಗು ಸಮ್ಮಂದೊ ಪಡೆವೊಂಡರ್. ಇನಿತ ದಿನೊಟು ಆರೆನ್ ಆರೆನ ಜೋಕ್ಲೆನ್ ಕಂಡನಿ ಅತ್ತಂಡ ಅಪ್ಪೆನ ಪುದರ್‌ಡ್ ಲೆಪ್ಪುವೆರ್. ಇಂಚ ಆ ಕುಟುಮ್ಮೊಗ್ ಸ್ವಾಮಿನಾಥನ್ ಪುದರ್ ಬತ್ತ್ಂಡ್.

ಅಂತರಾಷ್ಟ್ರೀಯ ಮಹಿಳಾ ವರ್ಸೊದ ಉದಿಪಾನೊಡ್ 1975ಡ್ 'ಮದರ್ ಆಫ್ ದ ಇಯರ್' ಆದ್ ಆಯ್ಕೆ ಆಯೆರ್.

ಸೊಂತೊ ಜೀವನೊ

ಅಮ್ಮು ಸ್ವಾಮಿನಾಥೆರೆಗ್ ನಾಲ್ ಜೋಕುಲು. ಅಯಿಟ್ ಗೋವಿಂದ್ ಸ್ವಾಮಿನಾಧನ್ 1969 ಡ್ದ್ 1976 ಮುಟ್ಟ ತಮಿಳುನಾಡುದ ಅಡ್ವೊಕೇಟ್-ಜನರಲ್ ಆದ್ ಸೇವೆ ಮಲ್ತೆರ್. ಬುಕ್ಕೊ ಕ್ಯಾಪ್ಟನ್ ಲಕ್ಷ್ಮಿ ಸ್ವಾಮಿನಾಥನ್ (1914-2012) ವೈದ್ಯೆರಾದ್ ಬೆಂದೆರ್. ಬುಕ್ಕೊ ಭಾರತೊದ ಸೊಸಂತ್ರೊ ಚಳುವಳಿದ ಕ್ರಾಂತಿಕಾರಿ. ನಾನೊರಿ ಭಾರತೊದ ರಾಷ್ಟ್ರೀಯ ಸೈನ್ಯೊದ ಅದಿಕಾರಿ. ಕ್ಯಾಪ್ಟನ್ ಲಕ್ಷ್ಮೀ ಸ್ವಾಮಿನಾಥನ್ ರಾಜ್ಯಸಭೆತ ಸದಸ್ಯೆರಾದಿತ್ತೆರ್ ಅತ್ತಂದೆ 2002ಡ್ ಅಧ್ಯಕ್ಷೀಯ ಅಬ್ಯರ್ತಿಯಾದ್ ನಾಮನಿರ್ದೇಶನ ಪಡೆಯೆರ್.