ಅಲಿಮರ
| ಅಲಿಮರ | |
|---|---|
| Scientific classification | |
| Missing taxonomy template (fix): | Memecylon |
| Species: | Template:Taxonomy/MemecylonM. edule |
| Binomial name | |
| Template:Taxonomy/MemecylonMemecylon edule | |
ಅಲಿಮರ ಪಂಡ ಭಾರತೊದ ಒಂಜಿ ಎಲ್ಯ ನಿತ್ಯಹರಿದ್ವರ್ಣದ ಮರ, ವಿಶೇಷವಾದ್ ಡೆಕ್ಕನ್ ಪ್ರಸ್ಥಭೂಮಿಡ್, ಕರ್ನಾಟಕ, ಆಂಧ್ರಪ್ರದೇಶ ಬೊಕ್ಕ ತಮಿಳುನಾಡು, ಥೈಲ್ಯಾಂಡ್, ಮಲಯ ಪರ್ಯಾಯ ದ್ವೀಪ, ಸಿಂಗಾಪುರ್ ಬೊಕ್ಕ ಬೊರ್ನಿಯೊ ಸೇರ್ದ್ ಉಪ್ಪುಂಡು[1] . ಉಂದು ಮರಳು ಅತ್ತಂಡ ಕಲ್ಲ್ ದ ಮಣ್ಣ್ ಇಪ್ಪುನ ಕರಾವಳಿ ಪ್ರದೇಶೊಲೆಡ್ ಉಪ್ಪುಂಡು.[2]. ಇಂದೆತ ಸಸ್ಯಶಾಸ್ತ್ರೀಯ ಪುದರ್ ಮೆಮೆಸಿಲಾನ್ ಎಡುಲೆ ಪ್ಂಡ್ದ್.ಹಿಂದಿಡ್ ಅಂಜನಿ, ಮಲಯಾಳೊಡು ಕನ್ನವು, ತುಳುಟು ಅಲಿಮರ ಪಂದ್ ಲೆಪ್ಪುವೆರ್. ಇಂಗ್ಲೀಷ್ಡ್ ಐರನ್ವುಡ್ ಪನ್ಪೆರ್.
ಲಕ್ಷಣೊಲು
[ಸಂಪೊಲಿಪುಲೆ]
ಮರ ಎಲ್ಯ ಆದ್ 3-7 ಮೀ ಎತ್ತರೊಗು ಬುಲೆಪುಂಡು; ಉಂದೆಕ್ ತೆಲ್ತ್ ಬೂದು-ಕಂದು ಬಣ್ಣದ ತೊಗಟೆ ಉಂಡು. ಇರೆಕುಲು 3-7 ಸೆಂ.ಮೀ. ಉದ್ದ ಉಪ್ಪುಂಡು, ಅಯಿತ ಪ್ರತಿಯೊಂಜಿ ಮೇಲ್ಮೈಲಾ ಮಸ್ತ್ ದಪ್ಪ ಬೊಕ್ಕ ಚರ್ಮದಲೆಕ ಉಪ್ಪುಂಡು[2]ಮರ ವರ್ಷೊಗು ಒಂಜಿ ರಡ್ಡ್ ಸರ್ತಿ ಅರಳುಂಡು. ಪುಷ್ಪೊಲು ಸ್ಪೈಕ್ ಆಕಾರೊಡು, ಗ್ಲೋಬೋಸ್ ಪುಷ್ಪಗುಚ್ಛೊಲೆಡ್ ಜೋಡಾದ್ ಉಪ್ಪುಂಡು, ಉಂದೆನ್ ಜನಕುಲು ಕರೋನವೈರಸ್ ದ ಆಕಾರೊಗು ಹೋಲಿಕೆ ಮಲ್ತೆರ್. ಪ್ರತಿಯೊಂಜಿ ಪೂಲಾ ನಿಯಮಿತವಾದ್ ಹರ್ಮಫ್ರೋಡೈಟ್ ಆದುಂಡು, ಅಯಿತ ಅಂಗದ ಬಾಯಿಡ್ ಕ್ಯಾಲಿಕ್ಸ್ ಲೋಬ್ ಲೆನ್ ಸೇರಾದ್ ಉಪ್ಪುಂಡು, ಅಯಿತ ಪುಷ್ಪಕಂಠೊಲು ಪರ್ಯಾಯವಾದ್ ಎಲ್ಯ ಉಪ್ಪುಂಡು.
ಇಂದೆತ ಕಾಯಿ ಸುಮಾರ್ ಒಂಜಿ ಸೆಂಟಿಮೀಟರ್ ಉದ್ದೊದ ಮಾಂಸದ ಕ್ಯಾಪ್ಸುಲ್ ಅತ್ತ್ಂಡ ಬೆರ್ರಿ ಆದುಪ್ಪುಂಡು, ಉಂದು ಪಚ್ಚೆ ಬಣ್ಣೊಡ್ದ್ ಕೆಂಪು ಅತ್ತ್ಂಡ ಗುಲಾಬಿ ಬಣ್ಣೊಗು ಬದಲಾಪುಂಡು, ಬೊಕ್ಕ ಮಂಜಳ್ ಬೊಕ್ಕ ಕಪ್ಪು ಬಣ್ಣೊಗು ಬದಲಾಪುಂಡು.[2]
ರಸಾಯನ ಶಾಸ್ತ್ರ
[ಸಂಪೊಲಿಪುಲೆ]ಇರೆಕುಲೆಡ್ ಗ್ಲುಕೋಸೈಡ್ ಲು, ರಾಳೊಲು, ಬಣ್ಣೊದ ವರ್ಣದ್ರವ್ಯೊಲು, ಗಮ್ ಲು, ಪಿಷ್ಟೊಲು, ಬೊಕ್ಕ ಮಾಲಿಕ್ ಆಸಿಡ್ ಉಪ್ಪುಂಡು. ಅವು ಅಲ್ಯೂಮಿನಿಯಂಡ್ ಸಮೃದ್ಧವಾದುಂಡು.
ಉಪಯೋಗೊಲು
[ಸಂಪೊಲಿಪುಲೆ]ಅಲಂಕಾರಿಕ ಬೊಕ್ಕ ನಿರ್ಮಾಣ ಉದ್ದೇಶೊಗು ಮರತ ಮೂಲೊ ಆದ್ ಮರನ್ ಮೌಲ್ಯೊಡು ತೂಪೆರ್. ಒಂಜಿ ನೈಸರ್ಗಿಕ ಟೂತ್ ಬ್ರಷ್ ಮಲ್ಪರೆ ಶಾಖೆಲೆನ್ ದೆತೊನುದು ಕೊಡಿನ್ ಒಟ್ಟು ಸೇರಾವೊಲಿ.[3] ಇರೆ ಬೊಕ್ಕ ಪುಷ್ಪೊಲೆಡ್ದ್ ಒಂಜಿ ಮಂಜಳ್ ಬಣ್ಣೊನು ದೆತೊನೊಲಿ, ಬೌದ್ಧ ಸನ್ಯಾಸಿಲೆನ ವಸ್ತ್ರೊಲೆನ್ ಬಣ್ಣ ಮಲ್ಪೆರೆ ಈ ಬಣ್ಣೊನು ಬಳಸುವೆರ್.[3] ಇರೆ ಬೊಕ್ಕ ಮೂಲು ಡೈಸೆಂಟರಿಗ್ ಮರ್ದ್ ಆದ್ ಬೊಕ್ಕ ಕಷಾಯಕಾರಿ ಆದ್ ಉಪಯೋಗ ಮಲ್ಪುವೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Memecylon edule Roxb". Plants of the World Online. Royal Botanic Gardens, Kew. Archived from the original on 2 February 2023. Retrieved 10 March 2023.
- 1 2 3 Tan, Ria (October 2019). "Delek air (Memecylon edule)". WildSingapore. Retrieved 10 March 2023.
- 1 2 Kaiser, Ejaz (25 April 2020). "Bastar's 'Aali' — a coronavirus-lookalike flower has traditional use for tribals". The New Indian Express. Retrieved 28 July 2021.Kaiser, Ejaz (25 April 2020). "Bastar's 'Aali' — a coronavirus-lookalike flower has traditional use for tribals". The New Indian Express. Retrieved 28 July 2021.