ಅಶ್ವಿನಿ ನಾಚಪ್ಪ
ಮಡಿಕೇರಿದ ಆಟಗಾರ್ತಿ ಅಶ್ವಿನಿ ನಾಚಪ್ಪ ಅಶ್ವಿನಿ ನಾಚಪ್ಪ ಮಡಿಕೇರಿದ ಒಂಜಿ ಗ್ರಾಮೊಡು ಅಕ್ಟೋಬರ್ 21-1967ಡು ಪುಟ್ಟಿಯೆರ್.ಒರಿ ಭಾರತೀಯ ಮಾಜಿ ಟ್ರ್ಯಾಕ್ ಅಂಡ್ ಫೀಲ್ಡ್ ಅಥ್ಲೀಟ್ ಬೊಕ್ಕ ನಟಿ.
ಸುರುತ್ತ ಜೀವನ
[ಸಂಪೊಲಿಪುಲೆ]ಅಶ್ವಿನಿ ನಾಚಪ್ಪಾ ಸ್ಪ್ರಿಂಟ್ಸ್ ಗ್ ಬದಲಾವಣೆ ಮಲ್ಪುನ ದುಂಬು ಟ್ರ್ಯಾಕ್ ಅಂಡ್ ಫೀಲ್ಡ್ ಡ್ ಹರ್ಡ್ಲರ್ ಆದ್ ತನ್ನ ವೃತ್ತಿಜೀವನೊನು ಸುರು ಮಲ್ತೆರ್. ಬೆಂಗಳೂರುಡು ನಡತಿನ 1981 ಅಂತರ ರಾಜ್ಯ ಚಾಂಪಿಯನ್ ಶಿಪ್ ಡ್ ಅಂಡರ್ 16 ವಿಭಾಗೊಡು ಎಡ್ಡೆ ಪ್ರದರ್ಶನ ಕೊರ್ದು 'ಮೋಸ್ಟ್ ಪ್ರಾಮಿಸಿಂಗ್ ಅಥ್ಲೀಟ್ ಆಫ್ ದ ಮೀಟ್' ಪ್ರಶಸ್ತಿನ್ ಗೆಂದಿಯೆರ್. ಸುನಿಲ್ ಅಬ್ರಹಾಂ ಅರೆನ್ ಕೋಚ್ ಮಲ್ಪೆರೆ ಸುರು ಮಲ್ತಿನ 1980 ದಶಕೊದ ಮುಟ್ಟ ಆರ್ ಮಸ್ತ್ ಕೋಚ್ ಲೆನ ಅಡಿಟ್ ತರಬೇತಿ ಪಡೆಯೆರ್.ನಚಪ್ಪಾ 1980 ದಶಕದ ಸುರುತ ಭಾಗೊಡು ಪುದರ್ ಪಡೆಯೆರ್, ಅಪಗ ಆರ್ ಪಿ.ಟಿ.ಉಷನ್ ರಡ್ಡ್ ಸರ್ತಿ ಮೀರ್ದ್ ಪೋಯೆರ್. ಅರೆನ್ ಭಾರತದ ಫ್ಲೋಜೊ ಪಂಡ್ದ್ ಲೆಪ್ಪುವೆರ್.೧೯೮೮ಡ್ ಆರ್ ಅರ್ಜುನ ಪ್ರಶಸ್ತಿ ಪಡೆಯೆರ್.
ಗೆಂದಿನ ಪಂದ್ಯೊಲು,ಪದಕೊಲು
[ಸಂಪೊಲಿಪುಲೆ]ನಾಚಪ್ಪಾ 1984 (ನೇಪಾಳೊಡು; ರಡ್ಡ್ ಬೊಳ್ಳಿ ಪದಕೊಲು), 1986 (ಬಾಂಗ್ಲಾದೇಶೊಡು; ರಡ್ಡ್ ಬೊಳ್ಳಿ ಪದಕೊಲು) ಬೊಕ್ಕ 1988ಡ್ (ಪಾಕಿಸ್ತಾನೊಡು, ಮೂಜಿ ಚಿನ್ನದ ಪದಕೊಲು) ಮೂಜಿ ದಕ್ಷಿಣ ಏಷ್ಯಾದ ಒಕ್ಕೂಟ ಕ್ರೀಡಾಕೂಟೊಲೆಡ್ ಭಾರತೊನು ಪ್ರತಿನಿಧಿಸಯೆರ್. ಆರ್ ರಡ್ಡ್ ಏಷ್ಯಾದ ಕ್ರೀಡಾಕೂಟೊಲೆಡ್ ಪಾಲ್ ಪಡೆಯೆರ್, ಒಂಜಿ 1986ಡ್ ದಕ್ಷಿಣ ಕೊರಿಯಾಡ್ ನಡತ್ಂಡ್ (ಲಾಂಗ್ ಜಂಪ್ ಡ್ 6ನೆ) ಬೊಕ್ಕೊಂಜಿ 1990ಡ್ ಚೀನಾದ ಬೀಜಿಂಗ್ ಡ್ ನಡತ್ಂಡ್ (4 × 100 ಮೀ ರಿಲೇಡ್ ಬೊಳ್ಳಿ ಪದಕ). ಆರ್ ರಡ್ಡ್ ವಿಶ್ವ ಚಾಂಪಿಯನ್ ಶಿಪ್ ಡ್ ಭಾರತೊನು ಪ್ರತಿನಿಧಿಸಯೆರ್, ಒಂಜಿ ೧೯೮೭ಡ್ ರೋಮ್ ಡ್ ಬೊಕ್ಕೊಂಜಿ ೧೯೯೧ಡ್ ಟೋಕಿಯೋಡ್ (ಆರ್ ರಡ್ಡ್ ಸರ್ತಿಲಾ ೪ × ೪೦೦ ಮೀ ರಿಲೇಡ್ ಸದಸ್ಯೆರಾದಿತ್ತೆರ್).[೪] ನ್ಯೂ ದೆಹಲಿಡ್ 1990 ನ್ಯಾಷನಲ್ ಓಪನ್ ಮೀಟ್ ಡ್ 200 ಮೀಟರ್ ಚಿನ್ನದ ಪದಕೊಡು ಉಷಾಡ್ದ್ ದುಂಬು 24.07 ಸೆಕೆಂಡ್ ಡು ಗೆಂದಿಯೆರ್.[೧]
ಸಿನಿಮಾ ಬೊಕ್ಕ ಬೇತೆ ಬೇಲೆಲು
[ಸಂಪೊಲಿಪುಲೆ]ಮೇರ್ ಕೆಲವು ತೆಲುಗು ಫೀಚರ್ ಫಿಲ್ಮ್ ಡ್ ನಟನೆ ಮಲ್ತೆರ್, ಅರೆನ ಸ್ವಂತ ಜೀವನಚರಿತ್ರೆದ ಚಿತ್ರ ಅಶ್ವಿನಿ, ಉಂದೆಕ್ ಅತ್ಯುತ್ತಮ ನಟಿ ಪರವಾದ್ ರಾಜ್ಯದ ನಂದಿ ಪ್ರಶಸ್ತಿನ್ ಪಡೆಯೆರ್.ಒರಿ ಪುದರ್ ಪೋಯಿನ ಸಾಮಾಜಿಕ ಕಾರ್ಯಕರ್ತೆ ಬೊಕ್ಕ ಶಿಕ್ಷಣ ತಜ್ಞೆ, ಆರ್ ಒಂಜಿ ಶಾಲೆನ್ ಲಾ ನಿರ್ಮಾಣ ಮಲ್ತೆರ್.ಇತ್ತೆ ಮೇರ್ ಬೆಂಗಳೂರು ನಗರ ಜಿಲ್ಲಾ ಅಥ್ಲೆಟಿಕ್ಸ್ ಸಂಘದ ಅಧ್ಯಕ್ಷೆರಾದ್ ಉಲ್ಲೆರ್.ಮೇರ್ ಬೆಂಗಳೂರು ರಾಜಕೀಯ ಕ್ರಿಯಾ ಸಮಿತಿ (ಬಿ.ಪಿ.ಎ.ಸಿ.) ದ ಸದಸ್ಯೆಲಾ ಅಂದ್.[೨]
ಸಿನೆಮೊಡು ಅಶ್ವಿನಿ
[ಸಂಪೊಲಿಪುಲೆ]ಅಶ್ವಿನಿ (೧೯೯೧) ಇನ್ಸ್ಪೆಕ್ಟರ್ ಅಶ್ವಿನಿ (೧೯೯೩) ಆರಂಭಮ್ (೧೯೯೩) ಆದರ್ಶಂ (೧೯೯೩) ಅಂಡಾರು ಅಂಡಾರೆ (೧೯೯೪) ಮಿಸ್ ೪೨೦ (೧೯೯೫)
ಉಲ್ಲೇಕೊಲು
[ಸಂಪೊಲಿಪುಲೆ]- ↑ chengappa, sachitha (2018-04-10). "Maneyapanda Ashwini Nachappa". Kodagu Heritage (in ಅಮೆರಿಕನ್ ಇಂಗ್ಲಿಷ್). Retrieved 2026-02-16.https://kodavaclan.com/kodaguheritage/ashwini-nachappa/
- ↑ geeta (2018-02-01). "Ashwini Nachappa : Biography, Profile, Records, Awards and Achievement". Who-is-who (in ಇಂಗ್ಲಿಷ್). Retrieved 2026-02-16.https://www.mapsofindia.com/who-is-who/sports/ashwini-nachappa.html
ವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ2026