ಆರ್ಯಮಾ ಶುಕ್ಲಾ

ಆರ್ಯಮಾ ಶುಕ್ಲಾ

ಈ ಪೊಂಜೋವು ಭಗವದ್ಗೀತೆನ್ ತೂವಂದೆ ಐತ ಶ್ಲೋಕನ್ ಮಾತ ೨ಗಂಟೆ ೫ ನಿಮಿಶಡ್ ಪಂಡ್‌ದ್ ಗಿನ್ನಿಸ್ ದಾಖಲೆ ಮಲ್ತಿನಾರ್. ಲಕ್ನೋ ಮೂಲದ ಆರ್ಯಮಾ ಶುಕ್ಲನ ಅಪ್ಪೆ ಅಂಶಿಕ,ಬುಕ್ಕೊ ಅಮ್ಮೆರ್ ವಿವೇಕ್ ಶುಕ್ಲಾ.

ಭಗವದ್ಗೀತೆನ್ ಕಲ್ತ್‌ನ ರೀತಿ

ಆರ್ಯಮಾ ಶುಕ್ಲಗ್ ವಾ ಒಂಜಿ ಸಹಾಯಲಾ ಶಾಲೆಡ್ಡ್ ಅಥವಾ ಕುಟುಂಬದಕುಲು ಇಂದೆನ್ ಕಲ್ಪೆರೆ ಕೊರ್ತಿಜ್ಜ್ಯೆರ್. ಸಂಸೃತಲಾ ಶಾಲೆಡ್ ಕಲ್ಪುಜ್ಜ್ಯೆರ್. ಆಂಡಲಾ ದಿನ ನಿತ್ಯ ಬೇತೆ,ಬೇತೆ ಶ್ಲೋಕ,ಮಂತ್ರನ್ ರೇಡಿಯೊಡ್ ಕೇಂಡ್ದ್ ಕಲ್ತಿನಾರ್. ಡಿಸೆಂಬರ್ 11 ದಾನಿ ಐಟಿ ಕಾಲೇಜು ಚೌಕ್ ಡ್ ರಾಮಕೃಷ್ಣ ಮಠೊಡು ಗೀತಾ ಜಯಂತಿದಾನಿ ಆಯೋಜಿಸಾಯಿನ ಗೀತಾ ಪಠಣೊಡು ಆರ್ಯಮೆರ್ ಈ ಸಾಧನೆ ಮಲ್ತೆರ್.

ಕಲ್ತಿನ ಬೇತೆ ಶ್ಲೋಕ

ಶ್ರೀಮದ್ಭಗವದ್ಗೀತೆಡ್ದ್ 700 ಶ್ಲೋಕೊಲೆನ್ ಬುಡ್ದು ಒಟ್ಟು 2,250 ಡ್ದ್ ಜಾಸ್ತಿ ಸಂಸ್ಕೃತ ಶ್ಲೋಕೊಲೆನ್ ಆರ್ಯಾಮ ಸಾದ್ ಕಂಠಪಾಠ ಮಲ್ತೆರ್. ಮಹಿಷಾಸುರ ಮರ್ಧಿನಿ ಸ್ತೋತ್ರ, ಶ್ರೀ ಕನಕಧರ ಸ್ತೋತ್ರ, ಶ್ರೀ ವಿಷ್ಣು ಸಹಸ್ರನಾಮ, ಶ್ರೀ ರಾಮ ಸ್ತುತಿ, ಸರಸ್ವತಿ ವಂದನ, ಶಿವ ರಕ್ಷಸ್ತೋತ್ರ, ಶಿವ ತಾಂಡವ, ಶ್ರೀ ರಾಮ ರಕ್ಷಸ್ತೋತ್ರ, ಶ್ರೀ ರಾಮಾಷ್ಟಕಂ, ಕೃಷ್ಣಾಷ್ಟಕಂ, ಮಧುರಾಷ್ಠಾಮ ಪಂಚರಣೆ, ಸ್ಥಾಮ , ಶ್ರೀ ಗಣೇಶ ಪಂಚರತ್ನಸ್ತೋತ್ರಂ, ರುದ್ರಾಷ್ಟಕಂ, ಶಿವಷ್ಟಕಂ, ನಿರ್ವಾಣಶತಕಂ, ಶಿವ ಷದಾಕ್ಷ ಸ್ತೋತ್ರಂ, ಶ್ರೀ ರಾಮ ಸಹಸ್ತ್ರಂ, ಹಾಗೂ ಸಂಪೂರ್ಣ ಶ್ರೀ ದುರ್ಗಾ ಸಪ್ತಶತೀ.

ಸಾಧನೆ

ಆರ್ ಶ್ಲೋಕೊಲೆನ್ ಸ್ಪಷ್ಟವಾದ್ ಪಠಣ ಮಲ್ತೊಂದು ಇತ್ತೆರ್. ರಡ್ಡ್ ಗಂಟೆ ಐನ್ ನಿಮಿಷ 20 ಸೆಕೆಂಡ್ ಡ್ ಶ್ರೀಮದ್ ಭಗವದ್ಗೀತೆದ 700 ಶ್ಲೋಕೊಲೆನ್ ಪಠಣ ಮಲ್ತ್ ದ್ ಆರ್ಯಣಗ್ ಡಿಸೆಂಬರ್ 26 ತಾರೀಕ್ ದಾನಿ ವಿಶ್ವ ದಾಖಲೆ ಪ್ರಶಸ್ತಿ ಗೆಂದಿನಾರ್.

ಉಲ್ಲೇಕೊಲು

https://timesofindia.indiatimes.com/city/lucknow/nine-year-old-girl-recites-entire-bhagavad-gita-in-just-over-two-hours/articleshow/116226123.cms https://www.etvbharat.com/en/!state/recited-700-verses-bhagwat-geeta-in-2-hours-5-minutes-know-success-secret-of-lucknow-aryama-shukla-world-record-of-excellence-award-enn24122901296