ಆರ್‌ಬಿಎಲ್ ಬ್ಯಾಂಕ್

ಆರ್‌ಬಿಎಲ್ ಬ್ಯಾಂಕ್

Type	ಅಂಗಸಂಸ್ಥೆ (ಎಮಿರೇಟ್ಸ್ ಎನ್‌ಬಿಡಿ ಬ್ಯಾಂಕ್‌)
Traded as	ಬಿಎಸ್ಇ: 540065 ಎನ್ಏಸ್ಇ: RBLBANK
ಕಾರ್ಖಾನೆ	ಬ್ಯಾಂಕಿಂಗ್, ಪಣವುದ ಸೇವೆಲು
ತಾಪನೆ	ಆಗಸ್ಟ್ 1943 (1943-೦೮)
ಪ್ರಧಾನ ಕಛೇರಿ	ಮುಂಬಯಿ, ಮಹಾರಾಷ್ಟ್ರ, ಭಾರತ
ಮುಖ್ಯ ಜನೊಕುಲು	ಆರ್. ಸುಬ್ರಹ್ಮಣ್ಯ ಕುಮಾರ್ (ಎಮ್‌ಡಿ ಬುಕ್ಕ ಸಿ‌ಇಒ)
ಉತ್ಪಾದನೆ	ಚಿಲ್ಲರೆ ಬ್ಯಾಂಕಿಂಗ್ ಕಾರ್ಪೋರೇಟ್ ಬ್ಯಾಂಕಿಂಗ್ ಪಣವುದ ಸೇವೆಲು ಕ್ರೆಡಿಟ್ ಕಾರ್ಡ್‌ಲು
ಆದಾಯ	೧೭,೮೪೫ ಕೋಟಿ (2025)
ಸುರುತ ಆದಾಯ	೩೬೨೭ ಕೋಟಿ (2025)
ಒಟ್ಟು ಆದಾಯ	೧೦೨೬೯ ಕೋಟಿ (2025)
ಒಟ್ಟು ಸೊತ್ತುಲು	೧೪೬೭೨೫.೪೮ ಕೋಟಿ (2025)
ಬೇಲೆಗ್ ಉಪ್ಪುನ ಜನೊಕುಲು	14,265 (2025)
ವೆಬ್ ಸೈಟ್	www.rbl.bank.in

ಆರ್​ಬಿಎಲ್ ಬ್ಯಾಂಕ್ (ಪರ ಪುದರ್ - ರತ್ನಾಕರ್ ಬ್ಯಾಂಕ್ ಲಿಮಿಟೆಡ್) 1943 ನೇ ಇಸವಿಡ್ ಉಂಡಾತಿನ ಭಾರತದ ಒಂಜಿ ಖಾಸಗಿ ವಲಯದ ಬ್ಯಾಂಕ್. ಇಂದೆತ ಮುಖ್ಯ ಕಛೇರಿ ಮುಂಬೈಡ್ ಉಂಡು. ಈ ಬ್ಯಾಂಕ್ ಕಾರ್ಪೊರೇಟ್ ಬ್ಯಾಂಕಿಂಗ್ ಸೇವೆಲು, ರಿಟೇಲ್ ಬ್ಯಾಂಕಿಂಗ್ ಸೇವೆಲು, ಮೈಕ್ರೋಬ್ಯಾಂಕಿಂಗ್ ಅತ್ತಂದೆ ಮಸ್ತ್ ಬಗೆತ ಪಣವುದ ಸೇವೆಲೆನ್ ಸೇವೆಲೆನ್ ತನ್ನ ಗ್ರಾಹಕರೆಗ್ ಕೊರೊಂದುಂಡು. ಒಟ್ಟು 28 ರಾಜ್ಯೊಲೆಡ್ ಈ ಬ್ಯಾಂಕ್‌ದ ಶಾಖೆಲು ಉಲ್ಲ, 603 ಶಾಖೆಲು, 1474 ವ್ಯವಹಾರ ಪ್ರತಿನಿಧಿ ಶಾಖೆಲು, 412 ಎಟಿಎಂ ಮೆಷಿನ್‌ಲು ಉಲ್ಲ. ಸದ್ಯೊಗು ಈ ಬ್ಯಾಂಕ್‌ಗ್ 1.5 ಕೋಟಿರ್ದ್‌ಲಾ ಎಚ್ಚ ಗ್ರಾಹಕರು ಉಲ್ಲೆರ್. ಮಾರುಕಟ್ಟೆ ಬಂಡವಾಳದ ಆಧಾರದ ಮಿತ್ತ್ ಈ ಸಂಸ್ಥೆ ಖಾಸಗಿ ಬ್ಯಾಂಕುಲೆನ ಪಟ್ಟಿಡ್ ೧೦ನೇ ಸಾನೊಡು ಉಂಡು.

ಇತಿಹಾಸ

ಭಾರತೀಯ ಕಂಪೆನಿ ಕಾಯ್ದೆ ೧೯೧೩ರ ಅಡಿಟ್, ಜೂನ್ ೧೪ ೧೯೪೩ನೇ ಇಸವಿಡ್ ರತ್ನಾಕರ್ ಬ್ಯಾಂಕ್ ಸುರು ಆಂಡ್. ಸುರುಟು ಒಂಜಿ ಪ್ರಾದೇಶಿಕ ಬ್ಯಾಂಕ್ ರೂಪೊಡು ಸ್ಥಾಪನೆಯಾಯಿನ ಈ ಬ್ಯಾಂಕ್‌ನ್ ಸಾಂಗ್ಲಿದ ಬಾಬಗೊಂಡ ಭುಜಗೊಂಡ ಪಾಟೀಲ್ ಬೊಕ್ಕ ಕೊಲ್ಲಾಪುರದ ಗಂಗಪ್ಪ ಸಿದ್ದಪ್ಪ ಚೌಗುಲೆ ಇರುವೆರ್ ಸೇರ್ದ್ ಸ್ಥಾಪನೆ ಮಲ್ತೆರ್. ಆರಂಭೊಡು ಕೊಲ್ಲಾಪುರ ಬೊಕ್ಕ ಸಾಂಗ್ಲಿಡ್ ಒಂಜೊಂಜಿ ಶಾಖೆನ್ ದೆತ್ತ್‌ದಿತ್ತೆರ್. ಮುಖ್ಯವಾದ್ ಕೊಲ್ಲಾಪುರ-ಸಾಂಗ್ಲಿ ಭಾಗದ ಎಲ್ಯ ಬೊಕ್ಕ ಮಧ್ಯಮ ಕೈಗಾರಿಕೆಲೆಗ್ ಅಂಚನೆ ಬ್ಯಾರದಕ್ಲೆಗ್ ಈ ಬ್ಯಾಂಕ್ ಸೇವೆ ಕೊರೊಂದಿತ್ತ್ಂಡ್.

1959ನೇ ಇಸವಿಡ್, ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಕಾಯ್ದೆ 1934ರ ಪ್ರಕಾರ, ಈ ಬ್ಯಾಂಕ್‌ನ್ 'ಷೆಡ್ಯೂಲ್ಡ್ ಕಮರ್ಷಿಯಲ್ ಬ್ಯಾಂಕ್' ಅತ್ತ್‌ದ್ ವರ್ಗೀಕರಣ ಮಲ್ತ್ಂಡ್. ಬೊಕ್ಕ 1970ನೇ ಇಸವಿಡ್, ಉಂದು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾಡ್ದ್ ಬ್ಯಾಂಕಿಂಗ್ ಲೈಸೆನ್ಸ್‌ನ್ ಪಡೆಂಡ್.

ಆಗಸ್ಟ್ 2014 ಟ್, ಈ ಬ್ಯಾಂಕ್‌ದ ಪುದರ್‌ನ್ 'ಆರ್​ಬಿಎಲ್ ಬ್ಯಾಂಕ್ ಲಿಮಿಟೆಡ್' ಪಂದ್ ಬದಲ್ತೆರ್.

ಸ್ವಾಧೀನ

2013ನೇ ಇಸವಿಡ್, ರತ್ನಾಕರ್ ಬ್ಯಾಂಕ್ ನಮ ದೇಸೊಡು ಇತಿನ, ಸ್ಕಾಟ್ಲೆಂಡ್ ಮೂಲದ 'ರಾಯಲ್ ಬ್ಯಾಂಕ್ ಆಫ್ ಸ್ಕಾಟ್‌ಲ್ಯಾಂಡ್' ನ ಬಿಸಿನೆಸ್ ಬ್ಯಾಂಕಿಂಗ್, ಅಡಮಾನ ಬೊಕ್ಕ ಕ್ರೆಡಿಟ್ ಕಾರ್ಡ್ ವ್ಯವಹಾರ ವಿಭಾಗೊಲೆನ್ ತನ್ನ ವಶಕ್ಕ್ ದೆತೊಂಡ್. ಇಂದೆಡ್ದಾತ್ರ ಸ್ಕಾಟ್ಲೆಂಡ್ ಬ್ಯಾಂಕ್‌ದ ೧ ಲಕ್ಸೊಡ್ದು ಎಚ್ಚ ಗಿರಾಕಿಲು ಆರ್‌ಬಿಎಲ್ ಬ್ಯಾಂಕ್‌ಗ್ ತಿಕ್ಕಿಯೆರ್.