ಇಂಡಸ್ಇಂಡ್ ಬ್ಯಾಂಕ್
ಇಂಡಸ್ಇಂಡ್ ಬ್ಯಾಂಕ್ ಲಿಮಿಟೆಡ್ ಭಾರತ ಮೂಲದ, ಖಾಸಗಿ ರಂಗದ ಬ್ಯಾಂಕಿಂಗ್ ಬೊಕ್ಕ ಹಣಕಾಸು ಸೇವೆಲೆನ ಸಂಸ್ಥೆ ಆತುಂಡು. ಇಂದೆತ ಮುಖ್ಯ ಕಛೇರಿ ಮುಂಬೈಡ್ ಉಂಡು. ಉಂದೆನ್ 1994ನೇ ಇಸವಿದ ಏಪ್ರಿಲ್ ತಿಂಗೊಲುಡು ಸ್ಥಾಪನೆ ಮಲ್ತೆರ್. ಉಂದೆನ್ ಹಿಂದೂಜಾ ಗ್ರೂಪ್ ಬೊಕ್ಕ ಕೆಲವು ಅನಿವಾಸಿ ಭಾರತೀಯ ಪಾಲುದಾರೆರ್ ಒಟ್ಟಿಗೆ ಸೇರ್ದ್ ಸುರು ಮಲ್ತೆರ್.[೧]
ಮಾರ್ಚ್ 2025ನೇ ಇಸವಿದ ಪೊರ್ತುಡು, ಈ ಬ್ಯಾಂಕ್ಗ್ ಭಾರತೊಡು 4.1 ಕೋಟಿ ಗ್ರಾಹಕೆರ್, 3,081 ಶಾಖೆಲು ಬೊಕ್ಕ 3,027 ಎಟಿಎಂಲು ಉಲ್ಲ. ಉಂದು ಬಹು-ಸರಕು ವಿನಿಮಯ ಕೇಂದ್ರ (MCX - ಮಲ್ಟಿ ಕಮೋಡಿಟಿ ಎಕ್ಸ್ಚೇಂಜ್)ದ ಅಧಿಕೃತ ಬ್ಯಾಂಕರ್ ಆದುಂಡು. ಉಂದೆತ್ತ ಶೇರುಲು 2013ನೇ ಇಸವಿದ ಏಪ್ರಿಲ್ 1 ತಾರೀಖ್ ದ್ ನಿಫ್ಟಿ 50 (NIFTY 50) ಸೂಚ್ಯಂಕದ ಭಾಗ ಆತುಂಡು. ಮಾರುಕಟ್ಟೆ ಬಂಡವಾಳದ ಆಧಾರದ ಮಿತ್ತ್ (₹71,271.17 ಕೋಟಿ) ಈ ಬ್ಯಾಂಕ್ ಭಾರತೊಡು 8ನೇ ಸ್ಥಾನೊಡು ಉಂಡು.
ಇತಿಹಾಸ
[ಸಂಪೊಲಿಪುಲೆ]1994ಡ್ ಬ್ಯಾಂಕಿಂಗ್ ಪರವಾನಗಿ ದೆತೊಂದು ವ್ಯವಹಾರ ಸುರು ಮಲ್ತಿನ ಒರ್ಂಬ ಪೊಸ ತಲೆಮಾರೆದ ಬ್ಯಾಂಕುಲೆಡ್ ಇಂಡಸ್ಇಂಡ್ ಬ್ಯಾಂಕ್ ಕೂಡ ಒಂಜಿ. ಉಂದೆನ್ ಎಸ್. ಪಿ. ಹಿಂದೂಜಾ ಆರ್, ಕೆಲವು ಅನಿವಾಸಿ ಭಾರತೀಯೆರ್ ಬೊಕ್ಕ ಬೇರೆ ಶೇರುದಾರೆರೆನ ಒಟ್ಟಿಗೆ ಸೇರ್ದ್ ಸುರು ಮಲ್ತೆರ್. 17 ಏಪ್ರಿಲ್ 1994 ದಾನಿ ಅಪಗದ ಕೇಂದ್ರ ಹಣಕಾಸು ಸಚಿವೆರಾದಿತ್ತಿನ ಮನ್ಮೋಹನ್ ಸಿಂಗ್ ಆರ್ ಈ ಬ್ಯಾಂಕ್ನ್ ಉದ್ಘಾಟನೆ ಮಲ್ತೆರ್. 1997ಡ್ ಉಂದು ತನ್ನ ಸುರುತ್ತ ಸಾರ್ವಜನಿಕ ಶೇರು ಬಿಡುಗಡೆ (IPO) ಪ್ರಕ್ರಿಯೆನ್ ಮಲ್ತ್ಂಡ್.
2004ಡ್, ಇಂಡಸ್ಇಂಡ್ ಬ್ಯಾಂಕ್ ಹಿಂದೂಜಾ ಗ್ರೂಪ್ದವೇ ಭಾಗ ಆದಿತ್ತಿನ ವಾಹನ ಹಣಕಾಸು ಸಂಸ್ಥೆ ಆಯಿನ 'ಅಶೋಕ್ ಲೇಲ್ಯಾಂಡ್ ಫೈನಾನ್ಸ್'ನ್ ತನ್ನ ಒಟ್ಟಿಗೆ ವಿಲೀನ ಮಲ್ತೊಂಡ್.[೨]
2007ಡ್, ಇಂಡಸ್ಇಂಡ್ ಬ್ಯಾಂಕ್ ₹147 ಕೋಟಿ ಮೌಲ್ಯದ ಗ್ಲೋಬಲ್ ಡಿಪಾಸಿಟರಿ ರಸೀದಿಲೆನ್ ಕೊರ್ಪಿನ ಮೂಲಕ ಲಕ್ಸೆಂಬರ್ಗ್ ಸ್ಟಾಕ್ ಎಕ್ಸ್ಚೇಂಜ್ಡ್ ಸೇರ್ಪಡೆ ಆಂಡ್.[೩]
2011ಡ್, ಜರ್ಮನಿ ಮೂಲದ ಡಾಯ್ಷೆ ಬ್ಯಾಂಕ್ದ ಭಾರತ ವಿಭಾಗದ, ನಷ್ಟೊಡು ಇತ್ತಿನ ಕ್ರೆಡಿಟ್ ಕಾರ್ಡ್ ವಿಭಾಗನ್ ತಾನ್ ದೆತೊಂಡು.[೪]
ಅಕ್ಟೋಬರ್ 2017ಡ್, ಇಂಡಸ್ಇಂಡ್ ಬ್ಯಾಂಕ್ ₹15,000 ಕೋಟಿ ಮೌಲ್ಯಗ್ 'ಭಾರತ್ ಫೈನಾನ್ಷಿಯಲ್ ಇನ್ಕ್ಲೂಷನ್ ಲಿಮಿಟೆಡ್' ಸಂಸ್ಥೆನ್ ಸ್ವಾಧೀನ ಮಲ್ತೊಂಡ್.[೫]
ವಿವಾದೊಲು
[ಸಂಪೊಲಿಪುಲೆ]ಲೆಕ್ಕಪತ್ರೊಡು ದೋಷ
[ಸಂಪೊಲಿಪುಲೆ]ಸೆಪ್ಟೆಂಬರ್ 2023ಡ್ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಒಂಜಿ ಪೊಸ ನಿಯಮನ್ ಜಾರಿಗ್ ಕನಂಡ್. ಬ್ಯಾಂಕುಲು ತಮ್ಮ ಡೆರಿವೇಟಿವ್ಸ್ ವಹಿವಾಟುಲೆನ್ ಪ್ರಸ್ತುತ ಮಾರುಕಟ್ಟೆ ಬೆಲೆಗ್ ತಕ್ಕ ಲೆಕ್ಕ ಪಾಡೊಡಿತ್ತ್ಂಡ್. ಬ್ಯಾಂಕ್ ತನ್ನ ಪರ ಲೆಕ್ಕಪತ್ರೊಲೆನ್ ತೂನಗ ಮಸ್ತ್ ತಪ್ಪುಲು ಆತಿನ್ ಗೊತಾಂಡ್. ಸುರುಕು (ಡಿಸೆಂಬರ್ 2023ಡ್) ಸುಮಾರು ₹1,572 ಕೋಟಿ ನಷ್ಟ ಅಂದಾಜಿ ಇತ್ತ್ಂಡ್. ಆಂಡ ಮೇ 2024ದ ಪೊರ್ತುಗು ಈ ನಷ್ಟ ₹2,361 ಕೋಟಿಗ್ ಏರ್ಂಡ್. ಕಡೆಕ್ ಪಿಡಬ್ಲ್ಯೂಸಿ ಬೊಕ್ಕ ಗ್ರಾಂಟ್ ಥಾರ್ನ್ಟನ್ ಸಂಸ್ಥೆಲು ಮಲ್ತಿನ ಸ್ವತಂತ್ರ ಆಡಿಟ್ ಪ್ರಕಾರ್, ಬ್ಯಾಂಕ್ದ ನಿವ್ವಳ ಮೌಲ್ಯೊಡು ₹1,979 ಕೋಟಿ ನಷ್ಟ ತೋಜಿದ್ ಬತ್ತ್ಂಡ್.[೬]
ಲೆಕ್ಕಪತ್ರೊದ ಈ ತಪ್ಪುಲೆನ್ ಸಂಸ್ಥೆ ಅಧಿಕೃತವಾದ್ ಮಾರ್ಕೆಟ್ಗ್ ತೆರಿಪಾಂಡ್. ಇಂದೆಡ್ದಾತ್ರ 11 ಮಾರ್ಚ್ 2025 ದಾನಿ ಹೂಡಿಕೆದಾರೆರ್ ಅಕ್ಲೆಡ ಇತ್ತಿನ ಶೇರುಲೆನ್ ಮಾರರೆ ಸುರು ಮಲ್ತೆರ್. ಉಂದೆಡ್ದಾತ್ರ ಬ್ಯಾಂಕ್ದ ಶೇರು ಬೆಲೆ ಒಂಜೇ ದಿನೊಟು 27%ಡ್ದು ಎಚ್ಚ ಬೂರಿಂಡ್.[೭]
ಈ ಸಮಸ್ಯೆದ ಬಗ್ಗೆ ನೈತಿಕ ಹೊಣೆ ದೆತೊಂದು ಬ್ಯಾಂಕ್ದ ವ್ಯವಸ್ಥಾಪಕ ನಿರ್ದೇಶಕ ಬೊಕ್ಕ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಆದಿತ್ತಿನ ಸುಮಂತ್ ಕತ್ಪಾಲಿಯಾ ಆರ್ ಏಪ್ರಿಲ್ 2025ಡ್ ತನ್ನ ಹುದ್ದೆಗ್ ರಾಜೀನಾಮೆ ಕೊರಿಯೆರ್.[೮]
ಶೇರು ಮಾರಾಟ
[ಸಂಪೊಲಿಪುಲೆ]ಬ್ಯಾಂಕ್ದ ನಷ್ಟದ ಸುದ್ದಿ ಅಧಿಕೃತವಾದ್ ಪಿದಯಿ ಬರ್ರೆ ದುಂಬು, ಬ್ಯಾಂಕ್ದ ಉನ್ನತ ಅಧಿಕಾರಿಲು ಅಕ್ಲೆಗ್ ಆಪುನ ನಷ್ಟೊನ್ ತಪ್ಪಿಸಾವರೆ ತಂಕುಲೆನ ಕೈಟ್ ಇತ್ತಿನ ಬ್ಯಾಂಕ್ದ ಶೇರುಲೆನ್ ಮಾರ್ದ್ ಬುಡಿಯೆರ್.[೯] ಇಂದೆನ್ ತೂಯಿನ ಮಾರುಕಟ್ಟೆ ನಿಯಂತ್ರಣ ಸಂಸ್ಥೆ ಆಯಿನ 'ಸೆಬಿ' ಮಾಜಿ ಸಿಇಒ ಸುಮಂತ್ ಕತ್ಪಾಲಿಯಾ ಸೇರ್ದಿನಂಚನೆ ಐನ್ ಜನನ್ ಶೇರು ಮಾರುಕಟ್ಟೆಡ್ದ್ ನಿಷೇಧ ಮಲ್ತ್ಂಡ್ ಬೊಕ್ಕ ಅಕ್ಲೆನ ಬ್ಯಾಂಕ್ ಖಾತೆಡ್ ಇತ್ತಿನ ದುಡ್ಡುನ್ ದೆತ್ತ್ದ್, ಖಾತೆಲೆನ್ ತಟಸ್ಥ ಮಲ್ತ್ಂಡ್.[೧೦]
ಉಲ್ಲೇಕಲು
[ಸಂಪೊಲಿಪುಲೆ]- ↑ Kochuveedan, Benn (2024-04-25). "IndusInd Bank net profit up 15% to Rs 2,349 crore in Q4". The New Indian Express (in ಇಂಗ್ಲಿಷ್). Retrieved 2025-03-21.
- ↑ "RBI clears IndusInd merger with Ashok Leyland Fin". The Economic Times. 16 June 2004. Retrieved 1 March 2025.
- ↑ "IndusInd taps overseas market to raise Rs 222 cr". The Economic Times. 25 June 2008. Retrieved 1 March 2025.
- ↑ "Deutsche sells credit card biz to IndusInd". The Indian Express (in ಇಂಗ್ಲಿಷ್). 11 April 2011. Retrieved 1 March 2025.
- ↑ Hetavkar, Nikhat (October 15, 2017). "IndusInd acquires Bharat Financial in Rs 15,000-cr deal". Business Standard.
- ↑ "Sebi bars former IndusInd Bank CEO, four others from market for insider trading". Mint.
- ↑ "IndusInd Bank shares crash 27% to record worst trading day ever. Here's why". India Today (in ಇಂಗ್ಲಿಷ್). 2025-03-11. Retrieved 2025-03-11.
- ↑ "IndusInd Bank CEO resigns". Financialexpress (in ಇಂಗ್ಲಿಷ್). 2025-05-01. Retrieved 2025-05-01.
- ↑ "Sebi probes insider trading at IndusInd Bank: Report". Deccan Herald (in ಇಂಗ್ಲಿಷ್). Retrieved 2025-03-27.
- ↑ "SEBI bars former IndusInd Bank CEO, top executives from stock market over insider trading charges - BusinessToday". Business Today (in ಇಂಗ್ಲಿಷ್). 2025-05-28. Retrieved 2025-06-27.