ಇಂದಿರಾ ಗಾಂಧಿ

ವಿಕಿಪೀಡಿಯರ್ದ್
ಇಂದಿರಾ ಗಾಂಧಿ
ಚಿತ್ರ
ಪುಟ್ಟುನ ದಿನೊ೧೯ ನವಂಬರ್ 1917
ಪುಟ್ಟಿನ ಊರುಅಲಹಾಬಾದ್
ಸೈತಿನ ದಿನೊ೩೧ ಅಕ್ಟೋಬರ್ 1984
ಸೈತಿನ ಊರುನವದೆಹಲಿ
ಬೇಲೆರಾಜಕಾರಣಿ, ಲೇಖಕ
ಬಾರತೊ, ಬ್ರಿಟಿಷ್ ರಾಜ್, ಭಾರತೀಯ ಪ್ರಭುತ್ವ
ಮಹಿಳೆ
ಕಂಡನಿ/ಬುಡೆತಿಫಿರೋಝ್ ಗಾಂಧಿ
ಕುಟುಂಬೊತ ಪುದರ್ಗಾಂಧಿ
ಜೊಕುಲುರಾಜೀವ್ ಗಾಂಧಿ, ಸಂಜಯ್ ಗಾಂಧಿ
ಇಲ್ಲ್ನವದೆಹಲಿ, ರಾಯ್ಬರೇಲಿ
ಸೈನ್Indira-Gandhi-Signature-Transparent.png
ಮಹಾತ್ಮ ಗಾಂಧಿನೊಟ್ಟಿಗೆ ಇಂದಿರಾ ಗಾಂಧಿ
ಅಮೇರಿಕಾದ ಅಧ್ಯಕ್ಷೆ ನಿಕ್ಸನ್‍ನೊಟ್ಟಿಗೆ
ನೆಹರೂ ಪರಿವಾರದೊಟ್ಟಿಗೆ

ಇಂದಿರಾ ಪ್ರಿಯದರ್ಶಿನಿ ಗಾಂಧಿ(19 ನವೆಂಬರ್ 1917–31 ಅಕ್ಟೋಬರ್ 1984) 1977 ಡ್ದ್ ಸತತವಾದ್ ಮೂಜಿ ಸರ್ತಿ ಭಾರತಗಣತಂತ್ರೊದ ಪ್ರಧಾನ ಮಂತ್ರಿಯಾದಿತ್ತೆರ್ ಬೊಕ್ಕ ನಾಲ್‍ನೇ ಸರ್ತಿ 1980–1984 ಮುಟ್ಟ(ಆರ್ನ ಹತ್ಯೆ ಮುಟ್ಟ), ಒಟ್ಟು ಪದಿನೈನ್ ವರ್ಸೊ ಕಾಲೋ, ಪ್ರಧಾನ ಮಂತ್ರಿಯಾದ್ ಅಧಿಕಾರೊಡಿತ್ತೆರ್.[೧] ಆರ್ ಭಾರತದ ಸುರುತ ಪೊಂಜಾವು ಪ್ರಧಾನ ಮಂತ್ರಿ.[೨] ಇನಿ ಮುಟ್ಟ ಆ ಸ್ಥಾನೊನು ಆರೆ ಆ ಪುದರ್ ಒರಿಪಾವೊಂದೆರ್.

ಪುಟ್ಟು ಬೊಕ್ಕ ಬಳಕೆ[ಸಂಪೊಲಿಪುಲೆ]

ಇಂದಿರಾ ಗಾಂಧಿ[೩] ಅಲಹಾಬಾದ್ಡ್ ರಾಜಕೀಯ ಪ್ರಭಾವ ಇತ್ತಿನ ನೆಹರೂ ಕುಟುಮೊಡ್ ಪುಟ್ಟುದೆರ್. ಭಾರತೊಗ್ ಸ್ವತಂತ್ರ ತಿಕ್ಕಿನ ಬೆರಿಕ್ ಸುರೂತ ಪ್ರಧಾನಿಯಾಯಿನ ದಿ|ಜವಾಹರ್ ಲಾಲ್ ನೆಹರೂ ಬೊಕ್ಕ ಕಮಲಾ ನೆಹರೂ ದಂಪತಿಲೆನ ಒರ್ತಿಯೆ ಮಗಲ್. ರಾಜಕೀಯೊಡ್ ಪ್ರಭಾವ ಇತ್ತಿನ ಮೋತಿಲಾಲ್ ನೆಹರೂ ಮೆರೆನ ಅಜ್ಜೆರ್.[೪] ಆರ್ ಎಲ್ಲಿಡ್ ಅಲಹಾಬಾದ್‍ಡ್ ಪುಟ್ಟಿನ ಇಲ್ಲಡೆ ಬಲತೆರ್. ಬೊಕ್ಕ ಒಂತೆ ಸಮಯ ಆರೆನ ಅಪ್ಪೆನೊಟ್ಟಿಗೆ ಸ್ವಿಟ್ಜರ್ಲಾಂಡ್‍ಡ್ ಕರಿತೆರ್. ೧೯೪೨ ಮಾರ್ಚ್ ೨೬ಕ್ ಫ಼ಿರೋಜ್ ಗಾಂಧಿನ್ ಮದಿಮೆ ಆಯೆರ್. ರಾಜೀವ್ ಗಾಂಧಿ ಬೊಕ್ಕ ಸಂಜಯ್ ಗಾಂಧಿ ಅರೆನ ರಡ್ಡ್ ಆನ್ ಜೋಕುಲು.

ಶಿಕ್ಷಣ[ಸಂಪೊಲಿಪುಲೆ]

ಆರ್ ಸ್ವಿಟ್ಝರ್ಲ್ಯಾಂಡ್, ಜಿನೇವಾ, ಪೂನಾ, ಮುಂಬಯಿ, ಬ್ರಿಸ್ಟಲ್, ವಿಶ್ವಭಾರತಿ, ಶಾಂತಿನಿಕೇತನ ಬೊಕ್ಕ ಆಕ್ಸ್ಫ಼ರ್ಡ್ ಕಾಲೇಜಿಲೆಡ್ ಬರವು ಕಲ್ತೆರ್.[೫]

ಸೊತಂತ್ರಗ್ ಪುನೆಪಾಟ[ಸಂಪೊಲಿಪುಲೆ]

  • ಇಂದಿರಾಗಾಂದಿಯೆರ್ ಆರ್ನ ಪದಿಮೂಜನೇ ವರ್ಸೊಡೇ (೧೯೩೦) ಜೋಕುಲೆನ ಒಟ್ಟು ಸೇರಿಗೆಡ್ 'ಬಾಲ ಚಕ್ರ ಸಂಘ' ಬೊಕ್ಕ 'ವಾನರ ಸೇನೆ' ಪನ್ಪಿನ ಕೂಟ ಕಟ್ಟ್‌ದ್ ಕಾಂಗ್ರೆಸ್ ಪಕ್ಷದ ಅಸಹಕಾರ ಚಳವಳಿಗ್ ಸಕಾಯ ಕೊರ್ದಿತ್ತೆರ್.
  • ೧೯೪೨ನೇ ಇಸವಿಡ್ ಆರೆನ ಪುನೆಪಾಟಗ್ ಜೈಲುವಾಸನ್ ಸುರು ಮಲ್ತೆರ್.
  • ೧೯೪೭ನೇ ಇಸವಿಡ್ ಮಹಾತ್ಮ ಗಾಂಧಿಯೆರ್ನ ಸಾದಿಡ್ ದಿಲ್ಲಿದ ಗಲಾಟೆ ನಡಪುನ ಜಾಗೆಲೆಡ್ ಬೇಲೆ ಬೆಂದೆರ್.

ರಾಜಕೀಯ ಬದ್‍ಕ್[ಸಂಪೊಲಿಪುಲೆ]

  • ೧೯೫೫- ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸದಸ್ಯೆ
  • ೧೯೫೮-ಕೇಂದ್ರ ಸಂಸದೀಯ ಮಂಡಳಿದ ಸದಸ್ಯೆ.
  • ಎ.ಐ.ಸಿ.ಸಿ.ರಾಷ್ಟ್ರೀಯ ಏಕೀಕರಣೊದ ಗುರ್ಕಾರ್ದಿ.
  • ಆಲ್ ಇಂಡಿಯ ಯುತ್ ಕಾಂಗ್ರೆಸ್ (ಇಡೀ ದೇಶೋದ ಜವನೆರೆನ ಕಾಂಗ್ರೆಸ್)ದ ಗುರ್ಕಾರ್ದಿ.
  • ಎ.ಐ.ಸಿ.ಸಿ. ಪೊಂಜೆಲೆನ ಎಗ್ಗೆದ ಗುರ್ಕಾರ್ದಿ.
  • ಇಂಡಿಯನ್ ನ್ಯಾಷನಲ್ ಕಾಂಗ್ರೆಸ್ದ ಗುರ್ಕಾರ್ದಿ.
  • ೧೯೬೪-೬೬ ಸುದ್ಧಿ ಬೊಕ್ಕ ಪ್ರಸಾರ ಕಾತೆಗ್ ಮಂತ್ರಿ
  • ೧೯೬೬-೧೯೭೭ ಮುಟ್ಟ ನಮ್ಮ ದೇಶದ ಪ್ರಧಾನ ಮಂತ್ರಿ
  • ಸೆಪ್ಟೆಂಬರ್ ೧೯೬೭-ಮಾರ್ಚ್ ೧೯೭೭-ಪರಮಾಣು ಶಕ್ತಿಗ್ ಮಂತ್ರಿ
  • ವಿದೇಶಾಂಗ ವ್ಯವಹಾರ ಸಚಿವಾಲಯದ ಅಧಿಕಾರೊ

ಪ್ರದಾನ ಮಂತ್ರಿ[ಸಂಪೊಲಿಪುಲೆ]

ಸುರೂತ ಕಾಲಾದಿ[ಸಂಪೊಲಿಪುಲೆ]

(೧೯೬೬-೧೯೭೧) ೧೯೪೭ನೇ ಇಸವಿ ಆಗಸ್ಟ್ ೧೫ನನೇ ತಾರೀಕ್ಗ್‍ ನಮ್ಮ ದೇಶೊಗ್ ಇಂಗ್ಲಿಷ್ ದಕ್ಲೆನ ಕೈರ್ದ್ ಬುಡುಗಡೆ ತಿಕ್ಕ್ಂಡ್. ಜವಹರ್ ಲಾಲ್ ನೆಹರೂ ದೇಶೊದ ಸುರೂತ ಪ್ರಧಾನ ಮಂತ್ರಿಯಾದ್ ಅದಿಕಾರೊ ದೆತೊನ್ಯೆರ್. ೧೯೬೪ನೇ ಇಸವಿಡ್ ನೆಹರೂ ತೀರ್ಪೋಯೆರ್. ಅಪಗ ಲಾಲ್ ಬಹದೂರ್ ಶಾಸ್ತ್ರಿಲು ಪ್ರಧಾನ ಮಂತ್ರಿ ಆಯೆರ್. ಆರ್ ೧೯೬೬ನೇ ಇಸವಿಡ್ ಜನವರಿ ೧೧ತಾರೀಕ್ಗ್ ಲಾಲ್ ಬಹದೂರ್ ಶಾಸ್ತ್ರಿಲು ತೀರ್ಯೆರ್. ಜನವರಿ ೨೪ನೇ ತಾರೀಕ್ಗ್ ಇಂದಿರಾಗಾಂಧಿ ಪ್ರಧಾನ ಮಂತ್ರಿಯಾದ್ ಅದಿಕಾರೊ ದೆತೊನ್ಯೆರ್. ಮೇರ್ ಪ್ರಧಾನ ಮಂತ್ರಿಯಾಯಿನ ಕಾಲೊಡೇ ಕಾಂಗ್ರೆಸ್ ಪಕ್ಷೊಡು ಉಲಬೇದೊಲು ಸುರುವಾಂಡ್. ಕಾಂಗ್ರೆಸ್ ಪಕ್ಷೊದ ಉಲಯಿ ರಡ್ಡ್ ಗುಂಪುಲಾಂಡ್. ಒಂಜಿ ಇಂದಿರಾಗಾಂದಿಯೆರ್ನ ಮುತಾಲಿಕೆದ ಸಮಾಜವಾದಿಲೆನ ಗುಂಪು. ಬೊಕ್ಕೊಂಜಿ ಮೊರಾರ್ಜಿದೇಸಾಯಿಯೆರೆನ ಮುತಾಲಿಕೆದ ಸಂಪ್ರದಾಯವಾದಿಲೆನ ಗುಂಪು.೧೯೬೭ನೇ ಇಸವಿದ ವೋಟ್ದ ತೀರ್ಪುಡ್ ಈ ಉಲಬೇದದ ಮಲ್ಲ ಪರ್ನಾಮ ಮಲ್ತ್ಂಡ್. ಲೋಕಸಬೆತ ೫೪೫ ಸ್ಥಾನೊಲೆಡ್ ೨೯೭ ಸ್ಥಾನೊಲೆನ್ ಕಾಂಗ್ರೆಸ್ ಗೆಂದ್ಂಡ್. ೬೦ ಸ್ತಾನೊಲು ಕಾಂಗ್ರೆಸ್ ದ ಕೈ ಬುಡ್ಂಡ್. ಮೊರಾರ್ಜಿ ದೇಸಾಯಿ ಉಪಪ್ರಧಾನಿ ಬೊಕ್ಕ ಪನವುದ ಖಾತೆಗ್ ಮಂತ್ರಿಯಾಯೆರ್. ಈ ಸಮಯೊಡ್ ದೇಸಾಯಿಯೆರ್ನೊಟ್ಟುಗ್ ಅಭಿಪ್ರಾಯೊ ಬೇದ ಇತ್ತಿನೆಡ್ದಾತ್ರ ೧೯೬೯ಡನೇ ಇಸವಿಡ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ರಡ್ಡ್ ಭಾಗ ಆಂಡ್. ಗಾಂಧಿಯೆರ್ ಸಮಾಜವಾದಿ ಬೊಕ್ಕ ಕಮ್ಯುನಿಸ್ಟ್ ಪಕ್ಷೊಲೆನ ಬೆರಿಸಾಯೊಡ್ ದುಂಬದ ರಡ್ಡ್ ವರ್ಸೊಡ್ ಆಡಳಿತ ಮಲ್ತೆರ್. ೧೯೬೯ನೇ ಇಸವಿಡ್ ದೇಶದ ಖಾಸಗಿ ಬ್ಯಾಂಕ್ಲೆನ್ ರಾಷ್ಟ್ರೀಕರಣ ಮಲ್ತೆರ್.

ಪಾಕಿಸ್ಥಾನದೊಟ್ಟಿಗೆ ಲಡಯಿ[ಸಂಪೊಲಿಪುಲೆ]

ಪಾಕಿಸ್ಥಾನದ ಸೈನ್ಯಪಡೆತಕ್ಲು ಮುಡಾಯಿ ಮೈಟ್ ಉಪ್ಪುನ ಅಲ್ತ ಪ್ರಜೆಕ್ಲೆಗ್ ಉಪದ್ರ ಕೊರೊಂದಿತ್ತೆರ್. ಅಲ್ತ ಜನೊಕುಲು ನಮ್ಮ ದೇಶೊಗ್ ಪಾರ್ ಬತ್ತೆರ್. ಅಕ್ಲೆಗ್ ಆಸರೆ ಕೊರ್ಪಿನವು ನಮ್ಮ ದೇಶೊಗ್ ಮಲ್ಲ ಪುದೆಯಾಂಡ್.

ಉಲ್ಲೇಕೊಲು[ಸಂಪೊಲಿಪುಲೆ]

  1. http://www.biography.com/people/indira-gandhi-9305913
  2. http://www.biography.com/people/indira-gandhi-9305913
  3. https://en.wikipedia.org/wiki/Indira_Gandhi
  4. http://www.sscnet.ucla.edu/southasia/History/Independent/Indira.html
  5. http://www.pmindia.gov.in/en/former_pm/smt-indira-gandhi/

[೧]

  1. http://www.wikiwand.com/kn/%E0%B2%87%E0%B2%82%E0%B2%A6%E0%B2%BF%E0%B2%B0%E0%B2%BE_%E0%B2%97%E0%B2%BE%E0%B2%82%E0%B2%A7%E0%B2%BF