ಇಕ್ರಾ ಚೌಧರಿ

 

ಇಕ್ರಾ ಚೌಧರಿ ಅತ್ತ್ಂಡ ಇಕ್ರಾ ಹಸನ್ (ಪುಟ್ಟು ೨೬ ಆಗಸ್ಟ್ ೧೯೯೪; , ) ಒರ್ತಿ ಭಾರತೀಯ ರಾಜಕಾರಣಿ. ಜೂನ್ ೪, ೨೦೨೪ ಡ್ದ್ ಕೈರಾನ ಲೋಕಸಭಾ ಕ್ಷೇತ್ರೊಡ್ದ್ ಲೋಕಸಭೆತ ಸದಸ್ಯೆರಾದ್ ಉಲ್ಲೆರ್ ಸಮಾಜವಾದಿ ಪಕ್ಷೊದ ಸದಸ್ಯೆರಾದ್ ಉಲ್ಲೆರ್.

ಸುರುತ ಜೀವನ ಬೊಕ್ಕ ಶಿಕ್ಷಣ

ಇಕ್ರಾ ಲೋಕಸಭೆ ಬೊಕ್ಕ ರಾಜ್ಯಸಭೆತ ಮಾಜಿ ಸದಸ್ಯೆ ಆಯಿನ ಚೌಧರಿ ಮುನಾವ್ವರ್ ಹಸನ್ ಬೊಕ್ಕ ಭಾರತದ ಉತ್ತರ ಪ್ರದೇಶದ ಕೈರಾಣೊಡು ೧೯೯೪ ಆಗಸ್ಟ್ ೨೬ ತಾರೀಕ್ ಗ್ ಪುಟ್ಟುನ ಲೋಕಸಭಾದ ಮಾಜಿ ಸದಸ್ಯೆ ಆಯಿನ ಬೇಗಮ್ ತಬಸ್ಸುಮ್ ಹಸನ್ ನಕುಲೆನ ಮಗೆ. ಮೇರ್ ಒಂಜಿ ಮುಸ್ಲಿಂ ಗುಜ್ಜರ್ ಕುಟುಮೊಗು ಸೇರ್ದಿನಕುಲು. ಆರ್ ನವದೆಹಲಿಡ್ ಕ್ವೀನ್ ಮೇರಿ ಶಾಲೆಡ್ ಶಾಲೆನ್ ಮುಗಿತ್ದ್ ದೆಹಲಿ ವಿಶ್ವವಿದ್ಯಾಲಯೊದ ಲೇಡಿ ಶ್ರೀ ರಾಮ್ ಕಾಲೇಜಿಡ್ದ್ ಕಲಾ ಸ್ನಾತಕೋತ್ತರ ಪದವಿನ್ ಪಡೆಯೆರ್. ಅಯಿಡ್ದ್ ಬೊಕ್ಕ 2020ಡ್ ಲಂಡನ್ ದ ಎಸ್ಒಎಎಸ್ ವಿಶ್ವವಿದ್ಯಾಲಯೊಡ್ದ್ ಎಂಎಸ್ಸಿ ಇಂಟರ್ನ್ಯಾಷನಲ್ ಪಾಲಿಟಿಕ್ಸ್ & ಲಾ ನ್ ಮುಗಿತ್ದೆರ್.

ರಾಜಕೀಯ ವೃತ್ತಿಜೀವನ |

ಇಕ್ರಾ ಒಂಜಿ ರಾಜಕೀಯ ಕುಟುಂಬೊಡ್ದ್ ಬತ್ತಿನಾಲ್, ಅರೆನ ಅಜ್ಜ ಅಖ್ತರ್ ಹಸನ್, ಅಪ್ಪೆ ಮುನವ್ವರ್ ಹಸನ್ ಬೊಕ್ಕ ಅಮ್ಮೆ ತಬಸ್ಸುಮ್ ಹಸನ್ ಕೈರಾನಾದ ಮಾಜಿ ಸಂಸದೆರ್. ಅರೆನ ಮೆಗ್ಯೆ ನಾಹಿದ್ ಹಸನ್ ಮೂಜಿ ಸರ್ತಿ ಶಾಸಕಾಂಗ ಸದಸ್ಯೆರಾದ್ ಉಲ್ಲೆರ್. ಮೇರ್ 2016ನೇ ಇಸವಿಡ್ ಜಿಲ್ಲಾ ಪಂಚಾಯತ್ ಚುನಾವಣೆಡ್ ಸ್ಪರ್ಧೆ ಮಲ್ತೊಂದು 5000 ಮತೊಕುಲೆಡ್ ಸೋತುದು ತನ್ನ ರಾಜಕೀಯ ಜೀವನೊನು ಸುರು ಮಲ್ತೆರ್.

ಕೆಲವು ಪ್ರಕರಣೊಲೆಡ್ ಜೈಲ್ ಗ್ ಪೋಯಿನ ಅರೆನ ಅಣ್ಣೆ ನಾಹಿದ್ ಹಸನ್ ಗ್ ಚುನಾವಣಾ ಪ್ರಚಾರ ಸುರು ಮಲ್ತೆರ್. ಆರ್ ಪ್ರಚಾರೊನು ಮುನ್ನಡೆ ಮಲ್ತೆರ್ ಬೊಕ್ಕ ಅರೆನ ಮೆಗ್ಯೆನ್ ಕೈರಾಣ ವಿಧಾನಸಭಾ ಕ್ಷೇತ್ರೊಡ್ದ್ ಗೆಂದಿನ ಅಭ್ಯರ್ಥಿ ಪಂಡ್ದ್ ಗುರುತಿಸಯೆರ್.

೨೦೨೪ ದ ಸಾಮಾನ್ಯ ಚುನಾವಣೆಡ್, ಇಕ್ರಾ ಭಾರತೀಯ ಜನತಾ ಪಕ್ಷದ ಪ್ರದೀಪ್ ಕುಮಾರ್ ನ್ ೬೯,೧೧೬ ಮತೊಲೆನ ಅಂತರೊಡು ಸೋತುದು ಕೈರಾಣೊಡ್ದ್ ಸಂಸದೆರ್ ಆಯೆರ್.

ಶಿಕ್ಷಣ ಸಚಿವಾಲಯದ ಬಜೆಟ್ ದ ಬಗ್ಗೆ ಚರ್ಚೆ ಮಲ್ಪುನಗ, ಅಲ್ಪಸಂಖ್ಯಾತ ಶಿಕ್ಷಣದ ವಿರುದ್ಧ ತಾರತಮ್ಯ ಮಲ್ಪುನ ಬಜೆಟ್ ನ್ ಆರ್ ಟೀಕೆ ಮಲ್ತೆರ್. ಮೌಲಾನಾ ಆಜಾದ್ ಫೌಂಡೇಶನ್ ನ್ ಮುಚ್ಚುನ ಬಗ್ಗೆ ಬೊಕ್ಕ ಡಾರ್ವಿನ್ ನ ಸಿದ್ಧಾಂತ ಬೊಕ್ಕ ಮೊಘಲ್ ಇತಿಹಾಸದ ವಿಕೃತಿ ಸೇರ್ದ್ ಪಠ್ಯಪುಸ್ತಕೊಲೆಡ್ದ್ ಪ್ರಮುಖ ಐತಿಹಾಸಿಕ ಬೊಕ್ಕ ವೈಜ್ಞಾನಿಕ ವಿಷಯೊಲೆನ್ ತೆಗೆಯೆರೆ ಬಗ್ಗೆಲಾ ಆರ್ ಕಳವಳೊನು ವ್ಯಕ್ತಪಡಿಸಯೆರ್.

ಅಂಚನೆ ತೂಲೆ

• ಸಮಾಜವಾದಿ ಪಕ್ಷ
• 2024 ಭಾರತದ ಸಾಮಾನ್ಯ ಚುನಾವಣೆ
• ಕೈರಾನ ಲೋಕಸಭಾ ಕ್ಷೇತ್ರ