ಇರೋಂ ಚಾನು ಶರ್ಮಿಲಾ

ಇರೊಮ್ ಚಾನು ಶರ್ಮಿಳಾ
೧೬ ವರ್ಷಗಳ ಕಾಲ ಹೋರಾಟ ನಡೆಸಿದ ಮಾನವ ಹಕ್ಕುಗಳ ಹೋರಾಟಗಾರ್ತಿ
ಪುಟ್ಟು	(1972-03-14) 14 March 1972 Kongpal, ಇಂಪಾಲ, ಮಣಿಪುರ, ಭಾರತ
ಬೇಲೆಲು	ಕವಿ, ಮಾನವಹಕ್ಕು ಹೋರಾಟ
ಪುಗರ್ತೆದ ಕ್ಷೇತ್ರೊ	ಸಶಸ್ತ್ರ ದಳದ ವಿಶೇಷಾಧಿಕಾರ ಕಾಯಿದೆಯನ್ನು Armed Forces (Special Powers) Act ರದ್ದುಗೊಳಿಸಲು ೧೬ ವರ್ಷಗಳ ಕಾಲ ಉಪವಾಸ ಸತ್ಯಾಗ್ರಹ ನಡೆಸಿದವರು.
ಅಪ್ಪೆಅಮ್ಮೆ(s)	Irom c Nanda (father) Irom Ongbi Sakhi (mother)

'ಇರೊಮ್ ಶರ್ಮಿಲಾ,[೧] 2000ಡ್ 28 ವರ್ಸೊದ ಪ್ರಾಯೊಡು ತನ್ನ ಹೋರಾಟೊನು ಸುರು ಮಲ್ತೆರ್, ಮಣಿಪುರೊಗು ಸಶಸ್ತ್ರ ಪಡೆಲೆನ ವಿಶೇಷ ಅಧಿಕಾರೊಲೆನ ಕಾಯ್ದೆನ್ ರದ್ದು ಮಲ್ಪೊಡು ಪನ್ಪಿನ ಬೇಡಿಕೆನ್ ಸರ್ಕಾರದ ವಿರುದ್ಧ ಜೀವನಪೂರ್ತಿ ಉಪವಾಸ ಸತ್ಯಾಗ್ರಹೊಗು ಸುರು ಮಲ್ತೆರ್. ಅರೆನ್ 'ಐರನ್ ಲೇಡಿ ಆಫ್ ಮಣಿಪುರ' ಪಂಡ್ದ್ ಲೆಪ್ಪುವೆರ್.

ಭಾರತ ಸೇನೆ ಸಶಸ್ತ್ರ ಪಡೆಗಳ ವಿಶೇಷ ಅಧಿಕಾರಗಳ ವಿರುದ್ಧ ಸತ್ಯಾಗ್ರಹ

ಅಲ್ ಒಂಜಿ ಉಪವಾಸ ಸತ್ಯಾಗ್ರಹ ಸುರು ಮಲ್ತೆರ್. ಸಶಸ್ತ್ರ ಪಡೆಲೆನ ವಿಶೇಷ ಶಕ್ತಿಲು ಮಸ್ತ್ ನಿರಪರಾಧಿಲೆನ ಜೀವೊಲೆನ್ ಕಳೆವೊಂದುಂಡು ಪನ್ಪಿನವು ಶರ್ಮಿಲಾನ ವಾದ. ಸರ್ಕಾರ ಅಲೆಗ್ ಶಿಕ್ಷೆ ಕೊರ್ತುಂಡು. ಮಣಿಪುರದ ಆಸ್ಪತ್ರೆಡ್ 15 ಅಡಿ ಅಗಲೊಡು 10 ಅಡಿ ಉದ್ದೊದ ಒಂಜಿ ಎಲ್ಯ ಕೋಣೆಡ್ ಚಿಕಿತ್ಸೆ ದೆತೊನುನ ಇರೋಮ್ ಶರ್ಮಿಲಾ, ಸರ್ಕಾರದ ಕೆಲವು ನೀತಿಲೆನ ವಿರುದ್ಧ 13 ವರ್ಸೊಗು ತನ್ನ ಹೋರಾಟೊನು ಮುಂದುವರಿಸಯೆರ್. ಅಲೆನ ಸತ್ಯಾಗ್ರಹೊಗು ಆತ್ಮಹತ್ಯೆ ಮಲ್ಪೆರೆ ಪ್ರಯತ್ನ ಮಲ್ತಿನ ಆರೋಪೊಡು ಅಲೆನ್ ಸರ್ಕಾರ ಕಸ್ಟಡಿಗ್ ದೆತೊನುಂಡು, ಬೊಕ್ಕ ಅಲೆನ್ ಉಪವಾಸ ಮಲ್ಪುನ ಮುಟ್ಟ ಒಂಜಿ ನಲಿಕೆದ ಮೂಲಕ ಆಹಾರ ಕೊರ್ಪೆರ್. ವರ್ಷೊಲು ಕರಿಲೆಕನೆ, ಅಲೆನ ಶಿಕ್ಷೆಲಾ ಜಾಸ್ತಿ ಆಂಡ್. ಭಾರತೊಡು, ನ್ಯಾಯಾಂಗ ಕಸ್ಟಡಿಡ್ ಉಪ್ಪುನ ಒರಿ ವ್ಯಕ್ತಿಗ್ ಮತ ಚಲಾಯಿಸೆರೆ ಹಕ್ಕ್ ಇಜ್ಜಿ. ಅಂಚಾದ್ ಇರೋಮ್ ಶರ್ಮಿಲಾ 13 ವರ್ಸೊಡ್ದಿಂಚಿ ಮತ ಪಾಡ್ವೆರ್.

ಉಪವಾಸ ಸತ್ಯಾಗ್ರಹದ ಅಂತ್ಯ |

ಆಗಸ್ಟ್ ೯, ೨೦೧೬ಡ್, ಆರ್ ತನ್ನ ಹದಿನಾಜಿ ವರ್ಸೊದ ಉಪವಾಸ ಸತ್ಯಾಗ್ರಹೊನು ಮುಗಿಪಾವುನ ನಿರ್ಧಾರೊನು ಘೋಷಣೆ ಮಲ್ತೆರ್. ಮಣಿಪುರದ ಮುಖ್ಯಮಂತ್ರಿ ಆಯೆರೆ ತನ್ನ ಆಸೆನ್ ಮುಂದೆ ತೆರಿಪಾಯೆರ್. ಶರ್ಮಿಲಾ, 41, 'ಡೆಸ್ಮಂಡ್' ಪನ್ಪಿನ ಒರಿ ಜವನೆನ ಪ್ರೀತಿಡ್ ಉಲ್ಲೆರ್, ಆರ್ ಉಪವಾಸ ಸತ್ಯಾಗ್ರಹೊಗು ಬೆಂಬಲ ಕೊರ್ಪೆರ್ ಬೊಕ್ಕ ಆಯನ್ ಮದಿಮೆ ಆಯೆರೆ ಉದ್ದೇಶ ವ್ಯಕ್ತ ಮಲ್ತೆರ್.

ಚುನಾವಣೆಡ್ ಸ್ಪರ್ಧೆ ಮಲ್ಪುನ

ತನ್ನ ಉಪವಾಸ ಸತ್ಯಾಗ್ರಹೊನು ಮುಗಿತ್ ಬೊಕ್ಕ, ಆರ್ ರಾಜಕೀಯೊಗು ಪ್ರವೇಶ ಮಲ್ತೆರ್. ಪಿಪಲ್ಸ್ ರಿಸರ್ಜೆನ್ಸ್ ಅಂಡ್ ಜಸ್ಟಿಸ್ ಅಲಯನ್ಸ್ (ಪಿಆರ್ಜೆಎ) ಪನ್ಪಿನ ಸ್ವತಂತ್ರ ಪಕ್ಷೊನು ಸ್ಥಾಪನೆ ಮಲ್ತಿನ ಶರ್ಮಿಲಾ 2017 ಮಣಿಪುರ ವಿಧಾನಸಭಾ ಚುನಾವಣೆಡ್ 'ಟೋಬಲ್' ಕ್ಷೇತ್ರೊಡ್ದ್ ಮಣಿಪುರದ ಮುಖ್ಯಮಂತ್ರಿ ಇಬೊಬಿ ಸಿಂಗ್ ನ ವಿರುದ್ಧ ಸ್ಪರ್ಧೆ ಮಲ್ತೆರ್. ಆರ್ ಕೇವಲ 90 ಮತೊಲೆನ ಅಂತರೊಡು ಸೋತೆರ್.