ಈಜಿಪ್ಟ್
 | ಈ ಲೇಕನೊ ಅತ್ತ್ಂಡ ಲೇಕನೊದ ವಿಬಾಗೊ ವಿಸ್ತರಣೆ ಅತ್ತ್ಂಡ ಮಹತ್ವೊದ ಬದಲಾವಣೆತ ನಡುಟ್ ಉಂಡು. ಈರ್ಲಾ ಲೇಕನೊದ ಸಂಪಾದನೆತ ಬುಲೆಚಿಲ್ಗ್ ಪಾಲ್ ದೆತೊನೊಲಿ. ಈ ಲೇಕನೊ ಅತ್ತಂಡ ವಿಬಾಗೊನು ಮಸ್ತ್ ದಿನೊ ಸಂಪಾದನೆ ಮಲ್ತಿಜಿಂಡ, ಈ ಟೆಂಪ್ಲೇಟ್ನ್ ದೆಪ್ಪುಲೆ. ಈರ್ ಈ ಲೇಕನೊ ಅತ್ತಂಡ ಇಬಾಗೊನ್ ಸಕ್ರಿಯವಾದ್ ಸಂಪಾದನೆ ಮಲ್ತೊಂದು ಇತ್ತ್ಂಡ, ಈ ಟೆಂಪ್ಲೇಟ್ನ್ {{in use}}ಗ್ ಬದಲ್ಪೊಲಿ.
ಈ ಲೇಕನೊ ಅಕೇರಿದ ಸರ್ತಿ ಸಂಪೊಲಿತ್ನಾರ್ Mahaveer Indra (ಚರ್ಚೆ | ಕೊಡುಗೆಲು) 36 ದಿನೊ ದುಂಬು. (ಅಪ್ಡೇಟ್) |
ಈಜಿಪ್ಟ್ (ಈಜಿಪ್ಟ್ ಅರಬ್ ಗಣರಾಜ್ಯ) ಆಫ್ರಿಕಾದ ಈಶಾನ್ಯಡ್ ಮೂಡಿಯೆಡ್ ಇಪ್ಪುನ, ಬೊಕ್ಕ ಏಷ್ಯಾದ ನೈಋತ್ಯದ ಸಿನಾಯಿ ಪರ್ಯಾಯ ದ್ವೀಪೊಡು ವ್ಯಾಪಿಸಾದ್ ಇಪ್ಪುನ ಒಂಜಿ ಖಂಡಾಂತರ ದೇಶ. ಬಡಕಾಯಿಡ್ ಮೆಡಿಟರೇನಿಯನ್ ಸಮುದ್ರ, ಈಶಾನ್ಯೊಡು ಪ್ಯಾಲೆಸ್ಟೈನ್ ಬೊಕ್ಕ ಇಸ್ರೇಲ್‌, ಮೂಡಾಯಿಡ್ ಕೆಂಪು ಸಮುದ್ರ, ಬಡಕಾಯಿಡ್ ಸೂಡಾನ್ ಬೊಕ್ಕ ಸಹಾರಾ ಮರುಬೂಮಿ, ಪಡ್ಡಾಯಿಡ್ ಲಿಬಿಯಾ ದೇಸೊಲು ಉಲ್ಲ. ಈಶಾನ್ಯೊಡು ಉಪ್ಪುನ ಅಕಾಬಾ ಕೊಲ್ಲಿ ಈಜಿಪ್ಟ್‌ನ್ ಜೋರ್ಡಾನ್ ಬೊಕ್ಕ ಸೌದಿ ಅರೇಬಿಯಾ ದೇಸೊಲೆಡ್ದ್ ಬೇತೆ ಮಲ್ಪುಂಡು. ಕೈರೋ ಈಜಿಪ್ಟ್ ದೇಶದ ರಾಜಧಾನಿ ಬೊಕ್ಕ ಮಾಮಲ್ಲ ನಗರ ಆದುಂಡು.[1] ಈಜಿಪ್ಟ್‌ದ ಜನಸಂಖ್ಯೆ ಅಂದಾಜಿ ೧೧೦ ಮಿಲಿಯನ್. ಜನಸಂಖ್ಯೆದ ಲೆಕ್ಕೊಡು ಜಗತ್ತ್‌ಡ್ ೧೪ನೇ ಸ್ತಾನೊಡು ಉಂಡು. ಅತ್ತಂದೆ, ಆಫ್ರಿಕಾಡ್ ಎಚ್ಚ ಜನಸಂಖ್ಯೆ ಇಪ್ಪುನ ಮೂಜಿನೆ ದೇಸೊ ಪಂಡ ಈಜಿಪ್ಟ್. ಈ ದೇಸೊದ ಒಟ್ಟು ಇಸ್ತೀರ್ನೊ 10,10,408 ಚದರ ಕಿಲೋಮೀಟರ್. ಇಸ್ತೀರ್ನೊದ ಲೆಕ್ಕೊಡು ಈಜಿಪ್ಟ್ ಜಗತ್‌ಡ್ ೩೦ನೇ ಸ್ತಾನೊಡು ಉಂಡು. ಈ ದೇಸೊದ ಅಧೀಕೃತ ಧರ್ಮೊ ಇಸ್ಲಾಮ್ ಬೊಕ್ಕ ಮುಲ್ಪದ ಅಧೀಕೃತ ಬಾಸೆ ಅರೇಬಿಕ್ ಆದುಂಡು.
ಈಜಿಪ್ಟ್ ದೇಸೊಗು ಕ್ರಿ.ಪೂ. ೬-೪ನೇ ಶತಮಾನದಾತ್ ಪಿರಾಕ್‌ದ ಇತಿಯಾಸೊ ಉಂಡು. ಸುರುತ ಪೊರ್ತುಡು ಈಜಿಪ್ಟ್ ಕ್ರಿಶ್ಚಿಯನ್ ಧರ್ಮದ ಕೇಂದ್ರ ಆದಿತ್ತ್ಂಡ್. ೭ನೇ ಶತಮಾನೊಡ್ದ್ ಬೊಕ್ಕ ಇಸ್ಲಾಂ ಧರ್ಮೊ ಮುಲ್ಪ ಪಗರಿಂಡ್. ೧೦ನೇ ಶತಮಾನೊದ ಪೊರ್ತುಡು ಕೈರೋ ಫಾತಿಮಿಡ್ ಅರಸೊತ್ತಿಗೆದ ರಾಜಧಾನಿ ಆದಿತ್ಂಡ್. ೧೩ನೇ ಶತಮಾನೊದ ಪೊರ್ತುಡು ಮಾಮ್ಲುಕ್ ಸುಲ್ತಾನೆರೆನ ಪ್ರಾಂತೀಯ ರಾಜಧಾನಿ ಆಂಡ್. ೧೫೧೭ನೇ ಇಸವಿದ ಪೊರ್ತುಡು ಈಜಿಪ್ಟ್ ಒಟ್ಟೋಮನ್ ಸಾಮ್ರಾಜ್ಯೊದ ಭಾಗ ಆಂಡ್. ಸೂಡಾನ್ ಬುಕ್ಕ ಬ್ರಿಟಿಷೆರ್ ಒಟ್ಟುಗು ಈಜಿಪ್ಟ್‌ದ ಮಿತ್ ಆಕ್ರಮಣ ಮಲ್ತೆರ್. ೧೯೨೨ಡ್ ಸ್ವತಂತ್ರ ರಾಜಪ್ರಭುತ್ವೊದ ರೂಪೊಡು ಈಜಿಪ್ಟ್ ಸ್ವಾತಂತ್ರ್ಯ ಪಡೆಂಡ್.[2] ೧೯೫೨ನೆ ಇಸವಿಡ್ ನಡತಿನ ಕ್ರಾಂತಿಡ್ದ್ ಬುಕ್ಕ, ಈಜಿಪ್ಟ್ ತನ್ನನ್ ತಾನ್ ಒಂಜಿ ಗಣರಾಜ್ಯ ಪಂಡ್ದ್ ಘೋಷಣೆ ಮಲ್ತ್ಂಡ್.
೧೯೫೮ನೇ ಇಸವಿಡ್ ಈಜಿಪ್ಟ್ ಸಿರಿಯಾದೊಟ್ಟುಗು ಸೇರ್ದ್ ಯುನೈಟೆಡ್ ಅರಬ್ ರಿಪಬ್ಲಿಕ್ ಪುದರ್ಡ್ ಪೊಸ ದೇಸ ಉದಿತ್ ಬತ್ತ್ಂಡ್.[3] ಆಂಡ ಈ ದೇಸೊ ೧೯೭೧ನೇ ಇಸವಿಮುಟ್ಟ ಮಾತ್ರ ಇತ್ತ್ಂಡ್. ಐಡ್ದ್ ಬುಕ್ಕ ೧೯೬೧ನೇ ಇಸವಿಡ್ ಸಿರಿಯಾ ಕ್ಷಿಪ್ರಕ್ರಾಂತಿ ನಡತ್‌ದ್ ಸಿರಿಯಾ ಈ ಕೂಪೆಡ್ದ್ ಪಿದಯಿ ಬತ್ತ್ಂಡ್. ೧೯೭೧ನೇ ಇಸವಿಡ್ ಈಜಿಪ್ಟ್‌ದ ೩ನೇ ಅದ್ಯಕ್ಷೆರ್ ಆಯಿನ ಅನ್ವರ್ ಸಾದತ್ ಈ ಕೂಪೆನ್ ವಿಸರ್ಜಿಸಾಯೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "محافظة الأسكندرية". Egypt's Projects Map. Archived from the original on 25 May 2023. Retrieved 13 May 2022.
- ↑ Midant-Reynes, Béatrix (2000). The Prehistory of Egypt: From the First Egyptians to the First Kings. Oxford: Blackwell Publishers.
- ↑ "Egypt, Syria Union Aim at Arab Unity". The San Francisco Examiner. Associated Press. 2 February 1958. Archived from the original on 4 January 2023. Retrieved 24 February 2022.