ಉಝ್ಬೆಕಿಸ್ತಾನ್
ಉಝ್ಬೆಕಿಸ್ತಾನ್-ಅಧಿಕೃತವಾದ್ ಉಜ್ಬೇಕಿಸ್ತಾನ್ ಗಣರಾಜ್ಯ- ಮಧ್ಯ ಏಷ್ಯಾಡ್ ಇಪ್ಪುನ ಒಂಜಿ ಸಾರ್ವಭೌಮ ದೇಸೊ. ಈ ದೇಸೊದ ಇಸೇಸೊ ಪಂಡ ಇಂದೆಕ್ ಇಂಗ್ಲಿಷ್ ಬಾಸೆಗ್ ಡಬಲಿ ಲಾಂಡ್‌ಲಾಕ್ ದೇಶ ಪನ್ಪೆರ್. ಪಂಡ, ಕಡಲಬರಿ ಇಜ್ಜಂದಿನ ದೇಸೊಲೆಡ್ದೆ ಸುತ್ತರಿದಿನ ದೇಸೊ. ಪ್ರಪಂಚೊಡು ಇಂಚ ಇಪ್ಪುನ ರಡ್ಡ್ ದೇಸೊಲೆಡ್ ಒಂಜಿ ಉಝ್ಬೆಕಿಸ್ತಾನ್, ನನೊಂಜಿ ಯುರೋಪ್ ಕಂಡೊಡು ಇಪ್ಪುನ ಲಿಕ್ಟೆನ್‌ಸ್ಟೈನ್ ಆದುಂಡು. ಉಝ್ಬೆಕಿಸ್ತಾನ್‌ದ ರಾಜದಾನಿ ತಾಷ್ಕೆಂಟ್. ಈ ದೇಸೊದ ಬಡಕಾಯಿಗ್ ಕಝಾಕಿಸ್ತಾನ್, ಈಶಾನ್ಯಗ್ ಕಿರ್ಗಿಸ್ತಾನ್, ಆಗ್ನೇಯಗ್ ತಾಜಿಕಿಸ್ತಾನ್, ತೆಂಕಾಯಿಗ್ ಅಫ್ಘಾನಿಸ್ತಾನ್, ಬೊಕ್ಕ ನೈಋತ್ಯಗ್ ತುರ್ಕಮೆನಿಸ್ತಾನ್ ದೇಸೊಲು ಉಲ್ಲ. ಈ ದೇಶಡ್ ೩.೯ ಕೋಟಿರ್ದ್ ಜಾಸ್ತಿ ಜನಸಂಖ್ಯೆ ಉಂಡು. ಉಂದು ಮಧ್ಯ ಏಷ್ಯಾಡ್ ಎಚ್ಚ ಜನಸಂಖ್ಯೆ ಇತ್ತಿನ ದೇಶ ಆತ್ಂಡ್. ಉಝ್ಬೆಕಿಸ್ತಾನ್‌ದ ಒಟ್ಟು ಇಸ್ತೀರ್ನೊ ೪,೪೮,೯೭೮ ಚದರ ಕಿಮೀ. ಉಂಡು. ಇಸ್ತೀರ್ನೊದ ಲೆಕ್ಕೊಡು ಈ ದೇಸೊ ಪ್ರಪಂಚೊಡು ೫೬ನೇ ಸಾನೊಡು ಉಂಡು.[1]
ಉಜ್ಬೇಕಿಸ್ತಾನ್ ತುರ್ಕಿಕ್ ದೇಸೊಲೆ ಸಂಗಟನೆದ ಒಂಜಿ ಸದಸ್ಯ ದೇಶಲಾ ಅಂದ್. ಮುಲ್ಪದ ಒಟ್ಟು ಜನಸಂಖ್ಯೆಡ್ ೮೯% ರ್ದ್ಲಾ ಜಾಸ್ತಿ ಉಜ್ಬೆಕ್ ಜನಕುಲು ಉಲ್ಲೆರ್. ಉಜ್ಬೆಕ್ ಬಾಸೆ ಈ ದೇಶದ ಅಧಿಕೃತ ಬಾಸೆ ಆತ್ಂಡ್. ರಷ್ಯನ್ ಬೊಕ್ಕ ತಾಜಿಕ್ ಮುಲ್ಪದ ಪ್ರಮುಖ ಅಲ್ಪಸಂಖ್ಯಾತ ಬಾಸೆಲಾದ್ ಉಲ್ಲ. ರಷ್ಯನ್ ಬಾಸೆನ್ ಜನಕುಲು ಸಂಪರ್ಕ ಭಾಷೆಯಾದ್ ಗಲಸುವೆರ್. ಉಜ್ಬೇಕಿಸ್ತಾನ್ ದೇಸೊಡು ಎಚ್ಚ- ಪಂಡ ೯೪%ದಾತ್ ಜನೊಕುಲು ಇಸ್ಲಾಮ್ ದರ್ಮೊನು ಅನುಸರಿಸಾವೆರ್. ಮುಲ್ಪದ ಮುಸಲ್ಮಾನೆರೆಡ್ ಎಚ್ಚ ಜನೊಕ್ಲು ಸುನ್ನಿ ಪಂಗಡೊಗು ಸೇರ್ದಿನಕ್ಲು ಉಲ್ಲೆರ್.[2] ಅಂಚನೆ ೪% ದಾತ್ ಒವ್ವೆ ದರ್ಮೊಗು ಸೇರಂದಿನಕುಲು ಉಲ್ಲೆರ್. ಒರಿದಿನೆಟ್ ಒಂತೆ ಜನ ಕ್ರಿಸ್ತನೆರ್, ಬೌದ್ಧೆರ್, ಯಹೂದಿಲು ಮಾತ ಉಲ್ಲೆರ್.
ಕಿನ್ಯ ಇತಿಹಾಸೊ
[ಸಂಪೊಲಿಪುಲೆ]ಕ್ರಿ.ಪೂ. ಸುರುತ ಸಹಸ್ರಮಾನದ ಪೊರ್ತುಗು ಇತ್ತೆದ ಉಜ್ಬೇಕಿಸ್ತಾನ್‌ದ ಬಡಕಾಯಿದ ಪಚ್ಚೆಬೈಲ್ ಜಾಗೆರ್ದ್ ಸಿಥಿಯನ್ನೆರ್ ಬತ್ತೆರ್. ಈ ಅಲೆಮಾರಿಲು ಮುಲ್ಪ ನೆಲೆ ಆದ್ ತುದೆಕ್ಲೆದ ಬರಿಟ್ ಮಲ್ಲ ನೀರಾವರಿ ವ್ಯವಸ್ಥೆನ್ ಉಂಡು ಮಲ್ತೆರ್.[3] ಈ ಪೊರ್ತುಡು, ಬುಖಾರಾ ಬೊಕ್ಕ ಸಮರ್ಕಂಡ್‌ದಂಚಿನ ನಗರೊಲು ಆಡಳಿತ ಬೊಕ್ಕ ಉನ್ನತ ಸಂಸ್ಕೃತಿದ ಕೇಂದ್ರೊಲಾದ್ ಬುಳೆದ್ ಬತ್ತ್ಂಡ್. ಕ್ರಿ.ಪೂ. ಸುರುತ ಸಹಸ್ರಮಾನದ ನಡುಟು, ಬ್ಯಾಕ್ಟ್ರಿಯನ್, ಸೋಗ್ಡಿಯನ್ ಬೊಕ್ಕ ಖ್ವಾರಜ್ಮಿಯನ್ ಜನಕುಲು ಇತ್ತೆದ ಉಜ್ಬೇಕಿಸ್ತಾನ್‌ದ ಜಾಗೆಡ್ ಅಧಿಕಾರನ್ ಸ್ಥಾಪನೆ ಮಲ್ತೆರ್.[4]
ಇಸ್ಲಾಂ ಧರ್ಮ ಬರ್ಪುನೆರ್ದ್ ದುಂಬು, ಸಾಕಾ, ಯುಯೆಝಿ, ಪಾರ್ಥಿಯನ್ನೆರ್, ಪರ್ಷಿಯನ್ನೆರ್ ಬೊಕ್ಕ ಇರಾನಿಯನ್ ಹೂಣರೆನಂಚಿನ ಬೇತೆ ಇರಾನಿಕ್ ಜನಕುಲು, ಅತ್ತಂದೆ ಗ್ರೀಕೆರ್ ಬೊಕ್ಕ ಗೋಕ್ಟರ್ಕ್ಸ್‌ದಂಚಿನ ಇರಾನಿಕ್ ಅತ್ತಂದಿನ ಜನಕುಲು ಮುಲ್ಪ ಬತ್ತಿದೆತ್ತೆರ್. ಚೀನಾ ದೇಸೊ ಪಡ್ಡಾಯಿದ ದೇಸೊಲೊಟ್ಟುಗು ರೇಷ್ಮೆ ಮಾರ್ಗೊದ ಮೂಲಕ ಬ್ಯಾರ ಮಲ್ಪರ ಸುರು ಮಲ್ಪುನಗ ಇರಾನ್ ದೇಸೊ ಈ ಬ್ಯಾರೊಡು ಕೈಸೇರಾಂಡ್. ಈ ರಡ್ ದೇಸೊಲೆ ನಡುಟು ಇತ್ತಿನೆಡ್ದಾವರ ಉಝ್ಬೆಕಿಸ್ತಾನ್‌ಲಾ ಈ ರೇಷ್ಮೆ ಮಾರ್ಗೊದ ಬಾಗವಾದ್ ಬ್ಯಾರೊಗು ಬತ್ತ್ಂಡ್. ಈ ವ್ಯಾಪಾರದ ದೆಸೆಡ್ದ್, ಉಝ್ಬೆಕಿಸ್ತಾನೊದ ಬುಖಾರಾ, ಸಮರ್ಕಂಡ್ ಬೊಕ್ಕ ಖಿವಾ ಪೇಟೆಲೆನ ಬುಲೆಚಿಲ್‌ಗ್ ಮಲ್ಲ ಮಟ್ಟ್‌ದ ಸಾಯ ಆಂಡ್. ಸುರುತ ಪರ್ಷಿಯನ್ ಸಾಮ್ರಾಜ್ಯದ ಒಂಜಿ ದೂರದ ಭಾಗವಾದಿತ್ತಿನ ಈ ಜಾಗೆನ್ ಅಲೆಕ್ಸಾಂಡರ್ ಒಂತೆ ಕಾಲೊ ಆಳೊಂದಿತ್ತೆ. ಉಂದು ಮಾತ್ರ ಅತ್, ಸೆಲ್ಯೂಸಿಡ್ ಸಾಮ್ರಾಜ್ಯ, ಗ್ರೆಕೋ-ಬ್ಯಾಕ್ಟ್ರಿಯನ್ ರಾಜ್ಯ, ಕುಶಾನ್ ಸಾಮ್ರಾಜ್ಯ, ಹೆಫ್ತಾಲೈಟ್ ಸಾಮ್ರಾಜ್ಯ, ಕಿಡಾರೈಟ್ ಸಾಮ್ರಾಜ್ಯ, ಪಾರ್ಥಿಯನ್ ಸಾಮ್ರಾಜ್ಯ, ಬೊಕ್ಕ ಸಸಾನಿಯನ್ ಸಾಮ್ರಾಜ್ಯಲು ಈ ಜಾಗೆಡ್ ಆಡಳಿತ ಮಲ್ತಿತ್ತೊ.
ಉಲ್ಲೇಕಲು
[ಸಂಪೊಲಿಪುಲೆ]- ↑ "Uzbekistan country profile". bbc.com. ಬಿಬಿಸಿ. Retrieved 22 September 2026.
- ↑ "Chapter 1: Religious Affiliation". The World's Muslims: Unity and Diversity. Pew Research Center's Religion & Public Life Project. 9 August 2012. Retrieved 4 September 2013.
- ↑ This section incorporates text from the following source, which is in the public domain: Lubin, Nancy (1997). "Uzbekistan", chapter 5 in Glenn E. Curtis (Ed.), Kazakhstan, Kyrgyzstan, Tajikistan, Turkmenistan, and Uzbekistan: Country Studies. Washington, DC: Federal Research Division, Library of Congress. ISBN 0844409383. pp. 375–468: Early History, pp. 385–386.
- ↑ Pereltsvaig, Asya (25 February 2011). "Uzbek, the penguin of Turkic languages". Languages of the World. Archived from the original on 13 November 2021. Retrieved 26 November 2022.