ಎಂ. ಪ್ರಭಾಕರ ಜೋಶಿ

ಎಂ. ಪ್ರಭಾಕರ ಜೋಶಿ
ಎಂ. ಪ್ರಭಾಕರ ಜೋಶಿ
	ಪ್ರಗಲ್ಭ ಚಿಂತಕ, ಅರ್ಥವಿಹಾರಿ ಡಾ.ಎಂ. ಪ್ರಭಾಕರ ಜೋಶಿ; ಪುಸ್ತಕದ ಮುಖಪುಟದ ಚಿತ್ರ
ಪುಟ್ಟಿನ ಊರು	೧೯೪೬ (age ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨".–ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨".)ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೧".; ಮಾಳ, ಕಾರ್ಕಳ
ಬೇಲೆ	ಲೇಖಕ, ಸಂಶೋದಕ, ಕಲಾವಿದ
ಬಾಸೆ	ತುಳು, ಕನ್ನಡ
ಕಲ್ಪಾಟಿಕೆ	ಎಂ. ಕಾಂ. , ಪಿ.ಎಚ್.ಡಿ (ಯಕ್ಷಗಾನ)
ವಿಸಯೊ	ಯಕ್ಷಗಾನ

ಮಾಳ ಪ್ರಭಾಕರ ಜೋಶಿ (ಜನ್ಮೊ : 1946) ಒರಿ ಸಂಶೋಧಕೆರ್, ಕಲಾವಿದೆರ್, ಸಂಘಟಕೆರ್ ಬುಕ್ಕೊ ಸಲಹೆಗಾರೆರ್. ಆರ್ ಕಾರ್ಕಳ ತಾಲೋಕುದ ಮಾಲ ಗ್ರಾಮೊಡು ಪುಟ್ಟಿಯೆರ್. ಯಕ್ಷಗಾನ ವಿಮರ್ಶಕೆರಾದ್‌ಲಾ ಸೇವೆ ಮಲ್ತ್‌ದೆರ್.

ಸುರುತ ಜೀವನೊ

ಜೋಶಿ ಕಾರ್ಕಳ ತಾಲೋಕುದ ಮಾಲಾ ಗ್ರಾಮೊಡು ಪುಟ್ಟಿಯೆರ್. ಆರೆನವು ಕಲೆ ಬುಕ್ಕೊ ಸಾಹಿತ್ಯೊದ ಹಿನ್ನೆಲೆ ಇಪ್ಪುನ ಒಂಜಿ ಕುಟುಮ್ಮೊ. ಆರೆನ ಅಮ್ಮೆರ್ ನಾರಾಯಣ ಜೋಶಿ ವಿದ್ವಾಂಸೆರ್ ಬುಕ್ಕೊ ವಾಗ್ಮಿ ಆದಿತ್ತೆರ್. ಅರೆನ ಅಪ್ಪೆ ಲಕ್ಷ್ಮೀಬಾಯಿ. ಮಾತಾಮಹ ಅನಿರುದ್ಧ ಭಟ್ಟ್ ಅರೆನ ಯಕ್ಷಗಾನ ಗುರುಕುಲು. ಆರ್ ಯಕ್ಷಗಾನೊಡೇ ಪಿಎಚ್.ಡಿ ಮಲ್ತ್‌ದೆರ್.

ಜೋಶಿ ಮೂಜಿ ದಸೊಕೊ ಮುಟ್ಟ ಕುಡ್ಲದ ಬೆಸೆಂಟ್ ಪದವಿ ಪೂರ್ವ ಕಾಲೇಜಿಡ್ ವಾಣಿಜ್ಯ ಪ್ರಾಧ್ಯಾಪಕೆರಾದ್ ಸೇವೆ ಸಂದಾದೆರ್. ಸೇವೆದ ಅಕೇರಿಗ್ ರಡ್ಡ್ ವರ್ಸೊಗು ಪ್ರಾಂಶುಪಾಲೆರಾದ್ ನಿವೃತ್ತೆರಾಯೆರ್. ಬೆಸೆಂಟ್ ವಿದ್ಯಾಕೇಂದ್ರೊ ಬುಕ್ಕೊ ಬಲ್ಮಠ ಸಂಸ್ತೆಲೆಡ್ ಗೌರವೊಡು ಸೇವೆ ಸಂದಾದೆರ್. ಯಕ್ಷಗಾನ ತಾಳಮದ್ದಲೆ ರಂಗೊಡು ಮಲ್ಲ ಪುದರ್‌ದ ಅರ್ಥದಾರಿ. ಆರ್ ಯಕ್ಷಗಾನೊ ಲೇಸ್‌ಲು, ಗೊಟ್ಟಿಲು, ಗೊಬ್ಬುಲೆನ ಕೂಟೊಲೆದ ಸಂಘಟಕೆರ್ ಬುಕ್ಕೊ ನಿರ್ದೇಶಕೆರ್ ಆದಿತ್ತೆರ್. ಯಕ್ಷಗಾನೊದ ಸುರುತ ಆಡಿಯೋ ಸಿಡಿನ್ ನಿರ್ದೇಶನೊ ಮಲ್ತಿನಾರ್.^[೧]

ಬೂಕುಲು

ಲಕ್ಕ್
ಬಿಂದುಗು
ಮರುಮಲೈ
ಇತ್ತೆದ
ಯಕ್ಷಗಾನ ಪದಕೋಶ
ಭಾರತೀಯ ತತ್ವಶಾಸ್ತ್ರ
ಪ್ರಾಸ
ವಾಗರ್ತ
ಕೃಷ್ಣ ಸಂಧಾನ: ಪ್ರಸಂಗ ಬುಕ್ಕೊ ಪ್ರಯೋಗ
ಮಂದಾರ ಕೇಸವ ಬತ್ರ್ (ಪೀಠಿಕೆ-ತುಳು)
ಗುರ್ತ (ತುಳು ಕಬಿತೆಲು)
ಪಂಡಿತ್ ಪೆರ್ಲ ಕೃಷ್ಣಭಟ್ಟ
ಯಕ್ಷಗಾನ ಸ್ಥಾನಮಾನ-ಗತಿ
ಕೊರಲಾರ
ಮುಡಿ
ವೀರ ಭಾಷಣ
ತತ್ವ ಜ್ಞಾನ
ಶ್ರೀ ವೀರೇಂದ್ರ ಹೆಗ್ಗಡೆ: ದೃಷ್ಟಿಕೋನ ಬುಕ್ಕೊ ಸೃಷ್ಟಿ (೨೦೨೧)
ಕಬಿತೆಲು, ಅನುವಾದೊಲು, ಮಸ್ತ್ ನಲಿಕೆ ನಾಟಕೊಲು
ಸಂಸ್ಕೃತಿ, ರಾಜಕೀಯ, ಅರ್ಥಶಾಸ್ತ್ರ, ಕ್ರೀಡೆ, ಪ್ರಸ್ತುತ ಸಂದರ್ಭೊಲು ಇಂಚಿನ ವಿವಿಧ ವಿಷಯೊಲೆಡ್ ನೂದೆಡ್ದ್ ಜಾಸ್ತಿ ಆಪ್-ಎಡ್ಸ್ ಬುಕ್ಕೊ ಕಾಲಮ್ ಲೇಖನೊಲು.^[೨]

ಬೇತೆಕ್ಲೆನೊಟ್ಟುಗು

ಮನೆಲ್ ಶ್ರೀನಿವಾಸ್ ನಾಯಕ್: ಜೀವನ ಚರಿತ್ರೆ - ಎನ್.ಮಾಧವಾಚಾರ್ಯ ^[೩]
ಭಾರತೀಯ ತತ್ವಶಾಸ್ತ್ರ ಪರಿಚಯ, ಭಾರತೀಯ ತತ್ವಶಾಸ್ತ್ರ ಪರಿಚಯ - ಪ್ರೊ.ಎಂ.ಎ.ಹೆಗಡೆ
ಕುಮಾರಿಲ ಭಟ್ಟ - ಪ್ರೊ.ಎಂ.ಎ.ಹೆಗ್ಡೆ
ದಕ್ಷಿಣಗನ್ನಡ - ಗುರುರಾಜ ಮರ್ಪಳ್ಳಿ
ಹಾಜಿ ಅಬ್ದುಲ್ಲಾ (ಇಂಗ್ಲಿಷ್ ಅನುವಾದ. ಮೂಲ: ಪ್ರೊ.ಮುರಳೀಧರ್ ಉಪಾಧ್ಯಾಯ)
ಕೋಳಿ (ಮುಳಿಯ ತಿಮ್ಮಪ್ಪಯ್ಯ ಶತಮಾನೋತ್ಸವ ಸಂಚಿಕೆ, 1988)

ಸಂಪೊಲ್ತಿನ ಬೂಕುಲು

ಅರ್ಥ: ಪ್ರಕೃತಿ ಸಮೀಕ್ಷೆ
ಯಕ್ಷಗಾನ ಧ್ಯಾನ
ಕುಕ್ಕಿಲ ಸಂಪುಟ ^[೪]

ಬೇತೆಕ್ಲೆನೊಟ್ಟುಗು ಸಂಪೊಲ್ತಿನೆ

ಯಕ್ಷಗಾನ ಮಕರಂದ (ಪೊಳಲಿ ಶಾಸ್ತ್ರೀರ ನೆನಪು)
ಶ್ರೀ ಚಕ್ರ (ಪೊಳಲಿ ಶಾಸ್ತ್ರಿ ಸಮಿತಿದ ಸಂಚಿಕೆ)
ಯಕ್ಷಗಾನ ವಚಸ್ಪತಿ (ಪೊಳಲಿ ಶಾಸ್ತ್ರಿ ಸಮಿತಿದ ಸಂಚಿಕೆ)
ಯಕ್ಷಕರ್ದಮ (ಪದವಿ ಯಕ್ಷಗಾನೊ ಸಮಿತಿ ಸಮ್ಮೇಳನೊದ ಸಂಗ್ರಹೊ, ಮುಂಬಯಿ)
ಗಣಕೋಗಿಲೆ (ಭಾಗವತ ದಾಮೋದರ ಮಂಡೆಚ ಸ್ಮಾರಕ ಗ್ರಂತೊ)
ಗೋಲ್ಡನ್ ಲೈನ್ (ಕನಾ೯ಟಕ ರಾಜ್ಯದ ಸುವರ್ಣ ಮಹೋತ್ಸವದ ಸ್ಮರಣಾರ್ತೊ ಲೇಕನೊಲೆ ಸಂಗ್ರಹೊ)
ಪೊಲಿ (ಕೆನರಾ ಜಿಲ್ಲಾ ಶತಮಾನ-ಸಂ.)
ಕುಬಾನೂರು ಸ್ಮೃತಿ (ಕುಬಾನೂರು ಬಾಲಕೃಷ್ಣರಾವ್ ಸ್ಮೃತಿ ಗ್ರಂತೊ)
ರಂಗ ವೆಂಕಟ ( ಪಣಂಬೂರು ವೆಂಕಟರಾಯ, ಐಕಳ ನೆಂಪು)
ದಿವಾನ ಸಂಪದ (ದಿವಾನ ಭೀಮ ಭಟ್ಟ - ಆತ್ಮಚರಿತ್ರೆ)
ಮುಡಂಬೈಲು ಶಾಸ್ತ್ರಿ - 75 (ಅಭಿನಂದನ ಗ್ರಂತೊ)
ಸರಣಿ ಕಂತು
ಶ್ರೀಮಾಯ ಅಮೃತ ಸಿಂಚನ (ಶ್ರೀ ಇಡಗುಂಜಿ ಮೇಳ - 75, ಸಂ.)
ಶ್ರೀಮಾಯ ಅಮೃತ ಮಂಟನ್ (ಶ್ರೀ ಇಡಗುಂಜಿ ಮೇಳ - 80, ಸಂಪುಟೊ)
ಶತಸ್ಮೃತಿ (ಬೆಸೆಂಟ್ ಶಿಕ್ಷಣ ಸಮೂಹ ಶತಮಾನೋತ್ಸವ ಗ್ರಂತೆ) 2019
ಕಲಾವಿದ ಹರಿದಾಸ ರಾಮದಾಸ ಸಾಮಗ ಸ್ಮಾರಕ ಗ್ರಂಥ (ಅಪ್ರಕಟೊ)

ಕೊಡುಗೆಲು

ಯಕ್ಷಗಾನೊದ ವಿಮರ್ಶೆ ಬುಕ್ಕೊ ಸಂಶೋಧನೆ: ಡಾ. ಪ್ರಭಾಕರ ಜೋಶಿಯೆರ್ ಯಕ್ಷಗಾನೊದ ಮಲ್ಲ ವಿಮರ್ಶಕೆರ್ ಬುಕ್ಕೊ ಸಂಶೋಧಕರಾದ್, ಯಕ್ಷಗಾನೊದ ಬಗೆಟ್ ಆರ್ ಬರೆಯಿನ ಲೇಕನೊಲು ಬುಕ್ಕೊ ಬೂಕುಲು ಯಕ್ಷಗಾನೊದ ವಿದೊಲೆನ್ ಅರ್ತ ಮಾಲ್ತೊನ್‌ಯರ ಸಕಾಯೊ ಅಪುಂಡು.
ಅರ್ತದಾರಿ: ಯಕ್ಷಗಾನೊ ತಾಳಮದ್ದಳೆದ ಮಲ್ಲ ಅರ್ತದಾರಿಲೆಡ್ ಜೋಶಿಲಾ ಒರಿ. ಯಕ್ಷಗಾನೊ ಪ್ರೇಕ್ಷಕೆರೆನ್ ಆಕರ್ಷಣೆ ಮಲ್ಪುನೆಟ್ ಅರೆನ ಅರ್ತದಾರಿ ಮಲ್ಲ ಪಾತ್ರೊ ವಹಿಸೊಂದುಂಡು.
ಯಕ್ಷಗಾನೊದ ಶೈಕ್ಷಣಿಕ ಅದ್ಯಯನೊ: ಯಕ್ಷಗಾನೊಗು ಶೈಕ್ಷಣಿಕ ರೂಪೊದ ಅದ್ಯಯನೊನು ಕೊರೊಡು ಪಂಡ್ದ್ ಮಸ್ತ್ ಬೇಲೆ ಮಲ್ತ್‌ನಾರ್. ಇಂಬೆರೆನ ಸಂಶೋದನಾ ಪ್ರಬಂದೊ ಯಕ್ಷಗಾನೊದ ತಾಳಮದ್ದಳೆ ಪ್ರಕಾರೊದ ಮಿತ್ತ್ ಉಂತ್‌‍ದ್ಂಡ್.
ಯಕ್ಷಗಾನೊದ ಬಗೆಟ್ ಬರವುಲು: ಯಕ್ಷಗಾನೊದ ಬಗೆಟ್ ಮಸ್ತ್ ಲೇಕನೊಲು, ಗ್ರಂತೊಲೆನ್ ಬರೆತೆರ್. ಯಕ್ಷಗಾನೊದ ಪರಂಪರೆ, ವೇಷಭೂಷಣೊಲು, ಬುಕ್ಕೊ ತಾಳ ಇಂಚಿನ ವಿಷಯೊಲೆನ್ ಅರೆನ ಬರವುಲು ಕೇಂದ್ರೀಕರಿಸವುಂಡು.
ಯಕ್ಷಗಾನೊದ ಪ್ರಚಾರೊ: ಯಕ್ಷಗಾನೊನು ಅಂತರಾಷ್ಟ್ರೀಯ ಮಟ್ಟ್‌ಡ್ ಗುರುತಿಸಾವುನಂಚಿನ ಯಕ್ಷಗಾನೊದ ಪ್ರಚಾರೊನ್ ಮಲ್ತ್‌ದ್ ಸಾಮಾಜಿಕ ಮಾದ್ಯಮೊದ ಮೂಲಕ ಯಕ್ಷಗಾನೊನು ಪ್ರಚಾರ ಮಾಲ್ತೊಂದು ಬತ್ತ್‌ದೆರ್.

ಅಂಕಣೊಲು

ಸ್ಪಂದನ - ಹೊಸದಿಗಂತ ದೈನಿಕೊ
ಮಿನಿ ಕಾಲಮ್ : ಪೊಸ ವಿಚಾರೊದ ಅಂಕಣೊ - ಜನವಾಹಿನಿ ಪತ್ರಿಕೆ
ಸಂಸ್ಕೃತಿ ಸ್ಮಂದನೊ - ಕರಾವಳಿ ಅಲೆ ದೈನಿಕೊ
ಸಂಸ್ಕೃತಿ ಸಮ್ಮುಖ - ಉದಯವಾಣಿ ದೈನಿಕೊ
ಜಿಜ್ಞಾಸೆ : ಸಾಂಸ್ಕೃತಿಕ ಪ್ರಶ್ನೆಲೆ ಉತ್ತರ ಅಂಕಣೊ - ಉದಯವಾಣಿ ದೈನಿಕೊ
ಯಕ್ಷಪ್ರಶ್ನೆ: ಸಾಂಸ್ಕೃತಿಕ ಪ್ರಶ್ನೆಲೆಗ್ ಉತ್ತರ ಬಳ್ಳಿರೇನಯ್ಯ ಪತ್ರಿಕೆ.

ಸಂಗಟನೆಲು

ಸ್ತಾಪಕ ಕಾರ್ಯಂತೆರ್, ಪೊಳಲಿ ಶಾಸ್ತ್ರಿ ಸ್ಮಾರಕ ಸಮಿತಿ, ಮಂಗಳೂರು.
ಮಾಜಿ ಕಾರ್ಯಂತೆರ್, ಕನ್ನಡ ಸಂಗೊ, ಮಂಗಳೂರು.
ಜಿಲ್ಲಾ ಪದವಿಪೂರ್ವ ಶಿಕ್ಷಕರ ಸಂಗೊದ ಮಾಜಿ ಗುರ್ಕಾರೆರ್.
ಜಾನಪದ ಅಧ್ಯಯನ ಕೇಂದ್ರೊದ ಸಲಹೆಗಾರೆ - ಎಂ.ಜಿ.ಎಂ. ಕಾಲೇಜು, ಉಡುಪಿ.
ಬಲಿಪ ಭಾಗವತ 75 ಬಲಿಪ ಅಮೃತ ಬವನೊ ಸಮಿತಿ ಯೋಜನೆ- ಸಮಗ್ರ ಸಾಂಸ್ತಿಕ ಲೇಸ್ 2013-15
ಹವ್ಯಾಸಿ ಬಳಗೊದ ಸಲಹೆಗಾರೆರ್ ಬುಕ್ಕೊ ಗೌರವ ಗುರ್ಕಾರೆರ್ - ಯಕ್ಷಾಧ್ರುವ ಪಟ್ಲ ಪ್ರತಿಷ್ಠಾನೊ, ಮಂಗಳೂರು.

ಪ್ರಶಸ್ತಿಲು ಬುಕ್ಕೊ ಮಾನ್ಯತೆಲು

ಕರ್ನಾಟಕ ಯಕ್ಷಗಾನ - ಜಾನಪದ ಅಕಾಡೆಮಿ ಬೂಕು ಪುರಸ್ಕಾರೊ ೧೯೮೪-೧೯೯೪.^[೫]
ಆರ್.ಆರ್.ಸಿ. - ಜಾನಪದ ಅಧ್ಯಯನ ಕೇಂದ್ರೊದ ಸಮ್ಮನೊ- 1995
ಜೀವಮಾನ ಸಾದನೆಗಾದ್ - ಜಾನಪದ ಅಕಾಡೆಮಿ ತಜ್ಞ ಪ್ರಶಸ್ತಿ - 2003
ಮಹಿಳಾ ರಾಷ್ಟ್ರೀಯ ಶಿಕ್ಷಣ ಸಂಸ್ತೆ - ಬೆಸೆಂಟ್ ವಿದ್ಯಾ ಸಂಸ್ತೆಲೆ ಸಮೂಹೊದ ವಿಶೇಷ ಪುರಸ್ಕಾರೊ - 2003
ಹವ್ಯಾಸಿ ಬಳಗ ಕದ್ರಿ-ಶತ ಕಾರ್ಯಕ್ರಮೊದ ಉಚ್ಚಯೊ, ವಿಶೇಷ ಪ್ರಸಸ್ತಿ - 2008
ಶೇಣಿ ಸುಹೃತ್ ಪ್ರಶಸ್ತಿ ಪುರಸ್ಕಾರೊ, ಶೇಣಿ ಟ್ರಸ್ಟ್, ಸುರತ್ಕಲ್ - 2009
ಯಕ್ಷಗಾನೊ ಕಲಾರಂಗೊ ಸಪ್ತಾಹೊ ದಶಮಾನೋತ್ಸವ ವಿಶೇಷ ಪ್ರಶಸ್ತಿ - 2009
ಕಲ್ಕೂರ ಪ್ರತಿಸ್ಟಾನೊ ತುಳುನಾಡ ಸಿರಿ ಪ್ರಶಸ್ತಿ, ಮಂಗಳೂರು - 2017
ಯಕ್ಷಗಾನ ಕಲಾರಂಗ ಉಡುಪಿ, ವಿಶೇಷ ಪ್ರಶಸ್ತಿ - 2009
ವಿಕಾಸ ಶಿಕ್ಷಕ ಪ್ರಶಸ್ತಿ, ವಿಕಾಸ ಶೈಕ್ಷಣಿಕ ಸಮೂಹೊ, ಮಂಗಳೂರು.
ಮಣಿಪಾಲ ಅಕಾಡೆಮಿ, ಸಾದಕೆರೆ ಪ್ರಶಸ್ತಿ, ನವ ವರ್ಸ ಸನ್ಮಾನ- 2015
ಪ್ರೊ.ಎಂ.ಮರಿಯಪ್ಪ ಭಟ್ಟ ವಿದ್ವತ್ ಪ್ರಶಸ್ತಿ, 2016 (ಮಿತ್ತೂರು ಪ್ರತಿಸ್ಟಾನ)
ಕಾಂತಾವರೊ ಕನ್ನಡ ಸಂಗೊದ ಮಹೋಪಾಧ್ಯಾಯ ಪ್ರಶಸ್ತಿ 2015
ಕಾರ್ಕಳ ಬೊಂಬೆತಡ್ಕ ಪೈ ಕುಟುಮ್ಮೊದ ಯಕ್ಷಗಾನೊ ಸೇವಾ ದಶಮಾನ ಪ್ರಶಸ್ತಿ - 2015
ಅಮೆರಿಕಾದ ಶಿಕಾಗೋ, ಬೊಸ್ಟಲ್, ಹ್ಯೂಸ್ಟನ್, ಕ್ಯಾಲಿಫೋರ್ನಿಯ, ಸಾನ್‌ಹೊಸೆ, ಸೈಂಟ್ ಲೂಯಿ, ಆಲ್ಬನಿ, ಫ್ಲೊರಿಡಾದ ಕನ್ನಡ ಬಳಗೊದ ಸಮ್ಮಾನೊ.
ಕರ್ನಾಟಕ ಯಕ್ಷಗಾನ ಬುಕ್ಕೊ ಬಯಲಾಟೊ ಅಕಾಡೆಮಿದ 'ಪಾರ್ತಿಸುಬ್ಬ ಪ್ರಶಸ್ತಿ 2016'.
ಶೇಣಿ ಗೋಪಾಲಕೃಷ್ಣ ಭಟ್ಟ - ಶತಮಾನ ಸರಣಿ ಪ್ರಶಸ್ತಿ, ಸುರತ್ಕಲ್.
ಜೋಶಿ ವಾಗರ್ತೊ ಗೌರವ - ದ್ವಿದಿನ ಗೋಟ್ಟಿ ಸಮ್ಮಾನೊ, ಮೈಸೂರು, 2017
ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ, 2022
ಶಿವರಾಮ ಕಾರಂತ ಪ್ರಶಸ್ತಿ, ಕಲ್ಕೂರ ಪ್ರತಿಸ್ಟಾನ, ಮಂಗಳೂರು 2024
ಪೊಳಲಿ ಯಕ್ಷೋತ್ಸವ ಪ್ರಶಸ್ತಿ, 2024 - ಅಂಚನೆ ಸಾರ್ವಜನಿಕೊ ಬುಕ್ಕೊ ಕಾಸಗಿ ಸಮ್ಮಾನೊಲು ಬುಕ್ಕೊ ಅಬಿನಂದನೆಲು.

ಡಾ.ಜೋಷಿ ಸಾಂಸ್ಕೃತಿಕ ಸಾದನೆ ಬಗೆಟ್ ತಜ್ಞೆರೆ ಅಬಿಪ್ರಾಯೊ

ಡಾ. ಕೆ. ಚಿನ್ನಪ್ಪಗೌಡ

ಜಾನಪದ ವಿದ್ವಾಂಸ, ಉಪಕುಲಪತಿ, ಕನಾ೯ಟಕ ಜಾನಪದ ವಿಶ್ವವಿದ್ಯಾಲಯ

ಡಾ.ಎಂ.ಪ್ರಭಾಕರ ಜೋಶಿಯೆರ್ ಯಕ್ಷಗಾನೊದ ಕೆಲವೇ ವಿಮರ್ಶಕ ಕಲಾವಿದ ತಜ್ಞೆರೆಡ್ ಒರಿಯಾದ್, ಆ ವಿಬಾಗೊಡು ಅಗ್ರಗಣ್ಯೆರ್.
ಡಾ.ಶಿವರಾಮ ಕಾರಂತರೆ ಬುಕ್ಕೊ ಯಕ್ಷಗಾನೊದ ಮಲ್ಲ ವಿಮರ್ಶಕೆರ್
ಎಲ್ಯ ಪ್ರಾಯೊಡು ಯಕ್ಷಗಾನೊಗು ಪ್ರವೇಶ ಮಲ್ತಿನ ಇಂಬೆರ್ ನಾಲ್ ದಶಕೊಡ್ಲಾ ಎಡ್ಡೆ ಮಟ್ಟೊದ ಕಲಾವಿದೆರ್ ಆದ್ ಇನಿತ ದಿಂಜ ಪ್ರತಿಬಾವಂತೊ ವ್ಯಕ್ತಿಯಾದ್ ಉಲ್ಲೆರ್.
ಜೋಶಿಯೆರೆನ ಅನನ್ಯ ವ್ಯಕ್ತಿತ್ವ ಗುಣಲಕ್ಷಣೊಲೆನ ಸಂಯೋಜನೆ - ಅರೆನ ಗ್ರಾಮೀಣ ಹಿನ್ನೆಲೆ, ಕನ್ನಡ, ಸಂಸ್ಕೃತ, ಮರಾಠಿ, ತುಳು, ಕೊಂಕಣಿ, ಹಿಂದಿ, ಬುಕ್ಕೊ ಇಂಗ್ಲಿಷ್ ಬಾಸೆಲೆನ ಗೇನೊ, ಹಿರಿಯೆರೆನ ಸಾವಾಸೊ, ವಾಣಿಜ್ಯ ಪ್ರಾದ್ಯಾಪಕೆರಾದ್ ಸೇವೆ, ಬುಕ್ಕೊ ಸಾಮಾಜಿಕ ಸೇವೆ - ಅರೆನ ಕಲೆ, ಅಭಿವ್ಯಕ್ತಿ ಬುಕ್ಕೊ ಬರವುಲೆನ್ ರೂಪಿಸದ್ಂಡ್.
ಯಕ್ಷಗಾನೊದ ವಿಷಯೊ, ಸಂದರ್ಬೊ, ಬಾಸೆಲೆನ್ ಗಟ್ಟಿ ಗ್ರಹಿಕೆ ಮಲ್ತ್‌ದ್ ಸಂವಹನೊ ಮಲ್ಪುನ ಸಾಮರ್ತ್ಯೊಲಾ ಉಂಡು. ಬಾವನೆ, ಪ್ರತಿಕ್ರಿಯೆ, ತಿಳಿ ಹಾಸ್ಯೊದ ವಿದ್ವತ್ ಬುಕ್ಕೊ ಸಾಜತೆದೊಟ್ಟುಗು ಸೇರ್‌ನ ಜೋಶಿಯೆರೆನ ಪಾತೆರೊದ ಶೈಲಿ ಅಸಾಮಾನ್ಯೊ. ಆರ್ ಒರಿ ಕಲಾವಿದೆ ಬುಕ್ಕೊ ಬೇತೆ ಬೇತೆ ರೀತಿದ ಪಾತ್ರೊಲಾಯಿನ ಶ್ರೀಕೃಷ್ಣ , ಶ್ರೀರಾಮ, ಧರ್ಮರಾಜ, ಶೂರ್ಪನಾಖಿ, ಮಂಡೋದರಿ, ದ್ರೌಪದಿ, ಕರ್ಣ, ದುರ್ಯೋಧನ, ವಾಲಿ, ಭೀಷ್ಮ, ಸುಧನ್ವ, ಅರ್ಜುನ, ವಿಭೀಷಣ, ಆಂಜನೇಯ, ವೀರಮಣಿ, ಭೀಮ, ರಾವಣ, ತಾಮ್ರಧ್ವಜ, ಬಲರಾಮ, ನಾರದ, ಭರತ ಇಂಚಿತ್ತಿ ಸುಲಬೊಡು ಮಲ್ಪುನ ಪಾತ್ರೊಲೆನ ಒರಿ ಮಲ್ಲ ಕಾಲಾವಿದೆರ್ - ತತ್ವಶಾಸ್ತ್ರೊಡು ಅರೆನ ಪಾಂಡಿತ್ಯೊ ಅಯಿತ ಅರ್ತಗಾಗಿಕೆಗ್ ತೂಕೊನು ಕೊರ್ತುಂಡು. ತಾಳಮದ್ದಲೆ ಕ್ಷೇತ್ರೊಗು ಪೊಸ ಜೀವಂತಿಕೆ, ಆಯಾಮ, ಶಿಸ್ತ್‌ನ್ ಕೊಂಡುನನ ಜೋಶಿಯೆರೆನ ಕೊಡುಗೆ ಅನನ್ಯ.
ವಿಮರ್ಶಕೆರಾದ್ ಕಲೆತ ಪ್ರಾಯೋಗಿಕ ಗೇನೊ, ತತ್ವಶಾಸ್ತ್ರೊದ ತೆರಿವು, ಕಲಾ ವಿಮರ್ಶೆದ ಗಟ್ಟಿ ಅಡಿಪಾಯೊ ಇತ್ತಿನೆಡ್ದಾವರೊ ಯಕ್ಷಗಾನೊ ವಿಮರ್ಶೆಗ್ ಶೈಕ್ಷಣಿಕ ರೂಪೊ ಕೊರ್ಪುನ ಪ್ರಯತ್ನ ಒಂಜಿ ಅನನ್ಯ ಸಾದನೆ. ಯಕ್ಷಗಾನೊ ವಿಮರ್ಶೆನ್ ವ್ರತೊ ಆದ್ ದೆತೊಂದು ದಶಕೊಡ್ದಿಂಚಿ ಮಲ್ತೊಂದು ಕಲಾವಿದೆರೆಗ್ ಬುಕ್ಕೊ ಸಮಾಜೊಗು ಜಾಗೃತಿ ಮೂಡಾವೊಂದು ಬತ್ತ್‌ದೆರ್.^[೬]
ಜೋಶಿಯೆರೆ ಯಕ್ಷಗಾನೊ ವಿಮರ್ಶಾ ಗ್ರಂತೊಲು ಆರೆನ ಯಕ್ಷಗಾನೊ ಪದಕೋಶ ಬುಕ್ಕೊ ಪಿಎಚ್.ಡಿ. ಮಹಾ ಪ್ರಬಂದೊ ಕನ್ನಡೊದ ವಿಶಿಷ್ಟ ಸಂಶೋದನಾ ರಚನೆ ಆತ್ಂಡ್.
ಕಲಾವಿದೆರೆಗ್, ಕಲಾ ಮೇಲು ಸಂಸ್ತೆಲೆಗ್, ಬುಕ್ಕೊ ಶೈಕ್ಷಣಿಕ ಸಂಸ್ತೆಲೆಗ್ ನಿಕಟವಾದ್ ಇಪ್ಪುನ ಜೋಶಿ ಒರಿ ಪ್ರಬಾವಶಾಲಿ ಬುಕ್ಕೊ ನಿಕಟ ಮಾರ್ಗದರ್ಶಿ, ಕಲಾ ಲೋಕೊಡು ಮಾತೆರೆನ ಅರ್ತಿ ಪ್ರೀತಿಗ್ ಪಾತ್ರೆರಾದ್, ಬುಕ್ಕೊ ಕಲಾವಿದೆರೆಗ್ ಸಕಾಯೊ ಬುಕ್ಕೊ ಮಾರ್ಗದರ್ಶನೊ ಕೊರ್ತೆರ್.
ಆರ್ ಒರಿ ಕಲಾವಿದೆ ಆದ್ ಮಾತ್ರ ಅತ್ತ್ ಒರಿ ಕಾರ್ಯಕರ್ತೆ, ಸಂಗಟಕೆ, ನಾಯಕೆ ಆದ್‌ಲಾ ಪುದರ್ ಪಡೆತೆರ್.
ಜೋಶಿನ ಉಪನ್ಯಾಸೊಲು, ಪ್ರಬಂದೊಲೆನ ಪ್ರಸ್ತುತಿಲು, ಬುಕ್ಕೊ ಆಕಾಂಕ್ಷೆದ ಬಾಸಣೊಲು ಎಚ್ಚದ ಮೌಲ್ಯೊದ ಆಲೋಚನೆಲು.
ಜೋಶಿನ ಪ್ರವಚನೊಲು ಅಯಿಕ್ಲೆನ ಅನನ್ಯ ತಾತ್ವಿಕ ವಿಚಾರೊಲೆಗ್ ಜನಪ್ರಿಯೊ ಆತ್ಂಡ್.
ಒರಿ ಶಿಕ್ಷಕೆ ಬುಕ್ಕೊ ಆಡಳಿತಗಾರೆ ಆದ್ ಜೋಶಿಯೆರೆನ ಪ್ರತಿಬೆ ಬುಕ್ಕೊ ಸಾಮರ್ತ್ಯೊಲೆನ್ ಮೆಚ್ಚೊಡಾಯಿನ.
ಅರೆನ ಲೇಕನೊಲು, ಅಂಕಣೊಲು, ಪತ್ರೊಲು ಚಿಂತನೆಗ್ ಕಾರಣವಾತ್ಂಡ್.
ಸಾಂಸ್ಕೃತಿಕ ಸಂಗಟನೆ, ಮಾಧ್ಯಮ, ಬುಕ್ಕೊ ಸಂವಹನೊ ಸಮಸ್ಯೆಲೆಡ್ ಒರಿ ಮಾರ್ಗದರ್ಶಿಯಾದ್ ಆರ್ ಗೌರವಾನ್ವಿತೊ ಸಾದನೆಲೆನ್ ಮಲ್ತ್‌ದೆರ್.

ಉಲ್ಲೇಕೊಲು

↑ "'Experiments should not affect Yakshagana art form'". Deccan Herald.
↑ "Mangalore Today | Latest main news of mangalore, udupi - Page Yakshagana-should-head-from-noise-culture-towards-voice-culture-M-Prabhakara-Joshi". www.mangaloretoday.com.
↑ "Muddana Prakashana – Nandalike".
↑ "Dr. Prabhakar Joshi Master | Yakshagana". yakshagana.com.
↑ "Need Unesco recognition for Yakshagana: Prabhakar Joshi". Deccan Herald.
↑ "ಯಕ್ಷರಂಗದ ಸಂಶೋಧಕ ಡಾ| ಎಂ. ಪ್ರಭಾಕರ ಜೋಶಿ (A Great Scholar of Yakshagana Dr M. Prabhakara Joshi) | Yakshagana". yakshagana.com.

ಪಿದಯಿದ ಕೊಂಡಿಲು

[1] "'Experiments should not affect Yakshagana art form'". Deccan Herald.

[2] "Mangalore Today | Latest main news of mangalore, udupi - Page Yakshagana-should-head-from-noise-culture-towards-voice-culture-M-Prabhakara-Joshi". www.mangaloretoday.com.

[3] "Muddana Prakashana – Nandalike".

[4] "Dr. Prabhakar Joshi Master | Yakshagana". yakshagana.com.

[5] "Need Unesco recognition for Yakshagana: Prabhakar Joshi". Deccan Herald.

[6] "ಯಕ್ಷರಂಗದ ಸಂಶೋಧಕ ಡಾ| ಎಂ. ಪ್ರಭಾಕರ ಜೋಶಿ (A Great Scholar of Yakshagana Dr M. Prabhakara Joshi) | Yakshagana". yakshagana.com.

[೧]

[೨]

[೩]

[೪]

[೫]

[೬]