ಎಚ್.ಜಿ.ರಾಧಾದೇವಿ

ಎಚ್.ಜಿ.ರಾಧಾದೇವಿ ಕನ್ನಡ ಸಾಹಿತಿಲೆಡ್ ಒರ್ತಿ. ಆರ್ ಮುಪ್ಪೆ ಡ್ದ್ ಜಾಸ್ತಿ ಕಾದಂಬರಿಲೆನ್ ಬರೆತೆರ್. .

ಬಾಲ್ಯ ಬೊಕ್ಕ ವೃತ್ತಿಜೀವನ

ರಾಧಾಮಣಿ ಪುಟ್ಟಿನೆ ಕೋಲಾರ ಜಿಲ್ಲೆದ ಶಿಡ್ಲಘಟ್ಟ. ಅಲೆನ ಅಮ್ಮೆ ಗೋಪಿನಾಥಾಚಾರ್ ಪ್ರಾಥಮಿಕ ಶಾಲೆದ ಶಿಕ್ಷಕೆರಾದಿತ್ತೆರ್. ಅಪ್ಪೆ ಸರಸ್ವತಮ್ಮ. ಅಮ್ಮೆರೆಗ್ ಅಪಗಪಗ ಬೇತೆ ಬೇತೆ ಕಡೆಕ್ ವರ್ಗ ಅನಗ ಮಾಲೂರು, ಶ್ರೀನಿವಾಸಪುರ, ಚಿಕ್ಕಬಳ್ಳಾಪುರ, ಚನ್ನಪಟ್ಟಣ, ಗೌರಿಬಿದನೂರು ಇಂಚಿನ ಕಡೆಕ್ಲೆಡ್ ರಾಧಾದೇವಿ ಅರೆನ ಸುರುತ ಶಿಕ್ಷಣ ನಡತ್ಂಡ್.ಕೋಲಾರದ ಒಂಜಿ ಸರ್ಕಾರಿ ಪ್ರೌಢಶಾಲೆಡ್ ಪ್ರಥಮ ತರಗತಿಡ್ ಎಸ್.ಎಸ್.ಎಲ್.ಸಿ. ಪಾಸ್ ಆಯೆರ್.ಪಾಸಾಯಿನ ಐನ್ ಪೊಣ್ಣುಲೆಡ್ ರಾಧಾಮಣಿಲಾ ಒರ್ತಿ. ಹೈಸ್ಕೂಲು ಓದ್ನಗನೇ ಕಾದಂಬರಿ ಓದುನ ಮರ್ಲ್ ಅರೆಗ್ ಇತ್ತ್ಂಡ್. ಕ್ಲಾಸ್ ರೂಂ ನೋಟ್‌ ಬೂಕುದ ಉಲಾಯಿ ಅನಕೃ, ತ್ರಿವೇಣಿ ಅಂಚಿನ ಕಾದಂಬರಿಗ್ಲೆನ್ ದೀದ್ ಓದಯೆರ್ಂಡಲಾ ಕಲ್ಪುನೆಟ್ ದುಂಬು ಇತ್ತೆರ್. ರಜೆತ ದಿನಕ್ಲೆಡ್ ಕುಮಾರವ್ಯಾಸ ಭಾರತಕಥಾಮಂಜರಿ ಓದುನವು ಅರೆಗ್ ಬಾರಿ ಇಷ್ಟ . ಐತ ಸುಮಾರ್ ಪ್ರಸಂಗಳು ಅರೆಗ್ ಬಾಯಿಪಾಠ ಆದಿತ್ತ್ಂಡ್.

ಎಸ್ ಎಸ್ ಎಲ್ ಸಿ ಮುಗಿ ಬೊಕ್ಕ, ಅಲೆನ ಅಧ್ಯಯನೊಗು ಅಡ್ಡಿ ಆಯಿನೆಡ್ದಾವರ ಅಲೆನ ಪುರುಸೋತುದ ಸಮಯೊಡು ಅಲೆನ ಇಲ್ಲಡ್ ಟ್ಯೂಶನ್ ಸುರು ಮಲ್ತೆರ್. ಉಂದೆಡ್ದ್ ಅಲೆಗ್ ಬತ್ತಿನ ಅನುಭವ ಅಲೆನ್ ಒರ್ತಿ ಶಾಲೆದ ಟೀಚರ್ ಆಯೆರೆ ಕಾರಣ ಆಂಡ್. ಪದಿನಾಲ್ ವರ್ಸ ಪ್ರಾಯೊಡು ಕೋಲಾರದ ಮೆಥೊಡಿಸ್ಟ್ ಮಿಶನ್ ಸ್ಕೂಲ್‌ಡ್ ಬೇಲೆ ತಿಕ್ಕ್ಂಡ್. ಬಾಲ್ಯೊಡ್ದ್ ಸುರು ಮಲ್ತ್ದ್ ಓದುನ ಬೊಕ್ಕ ಬರೆಯೆರೆ ಕಲ್ಪುನವು ಅಲೆನ್ ಬರವು ಸುರು ಮಲ್ಪೆರೆ ಪ್ರೋತ್ಸಾಹ ಕೊರ್ತುಂಡು.

ಬರೆಪಿನಿ

ಮೇರ್ ‘ರಾಧಾದೇವಿ’ ಪನ್ಪಿನ ಅಡ್ಡ ಪುದರ್ ಡ್ ಪೇಪರ್ ಗ್ ಮಾತಾ ಬೇತೆ ಬೇತೆ ವಿಸಯೊಲೆಡ್ ಎಲ್ಯ ಕಥೆ, ಲೇಖನ ಬರೆತೆರ್. ಬೇಲೆ ಮಲ್ಪುನ ಪೊಣ್ಣುಲೆನ ಸಮಸ್ಯೆದ ಬಗ್ಗೆ ಕೆಲವು ಲೇಖನೊಲೆನ್ ಬರೆಯೆರ್. ‘ಆಫೀಸ್ ಪೊರ್ತುಗು ಅನಂತನ ಅವಂತರ್ಗಳು’ ಪನ್ಪಿನ ಹಾಸ್ಯಮಯ ಲೇಖನೊಡು ಕಂಡನಿನ ಕಚೇರಿದ ಗದ್ದಲ, ಬಾಲೆಲೆನ ಅರಮನೆ, ಗೃಹಿಣಿನ ಗದ್ದಲೊ ಚಿತ್ರೀಕರಣ ಮಲ್ತ್ ದ್ ಓದುಗೆರೆನ ಅಪಾರ ಮೆಚ್ಚುಗೆನ್ ಪಡೆಯೆರ್. ಮೇರೆನ ಸುರುತ ಪ್ರಕಟವಾದ್ ಬತ್ತಿನ ಕಾದಂಬರಿ 'ಸುವರ್ಣ ಸೇತುವೆ'. ಉಂದೆಕ್ ದುಂಬು, ಆರ್ ಒರ್ಂಬ ಕಾದಂಬರಿಲೆನ್ ಬರೆತೆರ್. 'ಸುವರ್ಣ ಸೇತುವೆ' ಪ್ರಜಾಮತ ಪೇಪರ್ ಡ್ ಧಾರಾವಾಹಿ ಆಂಡ್, ದುಂಬುಗು ದುಂಬು ಬರೆತಿನ ಬೇತೆ ಕಾದಂಬರಿಲುಲಾ ಪ್ರಕಟ ಆಂಡ್. ಎನ್ಪತ್ತೆನ್ಮ ಕಾದಂಬರಿಲು, ಐಟ್ ಸುರುತ ಪದ್ರಾಡ್ ಕಾದಂಬರಿಲು ಮೂಜಿಡ್ದ್ ಜಾಸ್ತಿ ಮುದ್ರಣೊಲೆನ್ ತೂದುಂಡು. ಅಲೆನ ಕಾದಂಬರಿಲು ಸುಮಾರ್ ವಾರೊಡ್ ಒಂಜಿ ಸರ್ತಿ ಬೊಕ್ಕ ಮಾಸಿಕ ಪತ್ರಿಕೆಲೆಡ್ ಪ್ರಕಟ ಆತ್ಂಡ್. ಮಲ್ಲಿಗೆ, ಹಂಸರಾಗ, ಮಂಜುವಾಣಿ, ತರಂಗ, ಕರ್ಮವೀರ ಪತ್ರಿಕೆಲು. ಅಹಲ್ಯ, ದ್ರೌಪದಿ, ಸೀತಾ, ತಾರಾ, ಮಾಧಡೋದರಿ ರಾಧೇಗೊಲಿಧ ಕೃಷ್ಣ, ಸತ್ಯಭಾಮಾವ್ರತ ಶ್ರೀ ಕೃಷ್ಣ ಪನ್ಪಿನ ಎಣ್ಮ ಪೌರಾಣಿಕ ಕಾದಂಬರಿಲೆನ್ ಬರೆತೆರ್.

ಬಹುಮಾನ

• ಮಿಂಚಿದಿಳಿದ ಮೋಹನಂಗಿ'ಕ್ಕೆ ಧಾರವಾಡ ವಿದ್ಯಾವರ್ಧಕ ಸಂಘದ ಮಾತೋಶ್ರೀ ರತ್ನಮ್ಮ ಹೆಗ್ಗಡೆ ಪ್ರಶಸ್ತಿ ಜಾನಪದ ಸಂಗ್ರಹ '
• ಅತ್ತಿಮಬ್ಬೆ ಫೌಂಡೇಶನ್ ಪ್ರಶಸ್ತಿ, ಡಾ.
• ವಿಶ್ವೇಶ್ವರಾಯ ಸ್ಮಾರಕ ಪ್ರಶಸ್ತಿ, ಡಾ.

ಕಾದಂಬರಿಲು

 

• ಅನುರಾಗ ಅರಳಿತು
• ಒಲವಿನ ಸುಧೆ
• ಒಲಿದು ಬಂದ ಅಪ್ಸರೆ
• ಕತ್ತಲಲ್ಲಿ ಕಂಡ ಮಿಂಚು
• ಗೆಲುವಿನ ಹಾದಿ
• ಚಂದನ ಕಸ್ತೂರಿ
• ಚೆಲ್ಲಿದ ಪನ್ನೀರು
• ಜೇನು ಬೆರೆತ ಹಾಲು
• ದುಂಬಿ ಮುಟ್ಟದ ಹೂವು
• ಬಂಗಾರದ ಮೆಟ್ಟಿಲು
• ಬೇರು ಕಡಿದ ಮರ
• ಭ್ರಮರ ಬಂಧನ
• ವಜ್ರಪಂಜರ
• ಶುಭ ವಸಂತ
• ಸಪ್ತವರ್ಣ ಮಿನುಗಿತು
• ಸುವರ್ಣ ಸೇತುವೆ
• ಸೊಬಗಿನ ಸೆರೆಮನೆ
• ಸೌಭಾಗ್ಯ ಸಂಪದ
• ಸ್ವಾತಿ ಹನಿ ಸಿಡಿದಾಗ
• ಹಾಲು ಕೊಳದ ಹಂಸ

ಸಿನಿಮಾ

ಅನುರಾಗ ಅರಲಿತು ಬೊಕ್ಕ ಸುವರ್ಣ ಸೇತುವೆ ಪನ್ಪಿನ ಕಾದಂಬರಿಲು ಕನ್ನಡ ಸಿನಿಮಾ ಆದ್ ಜನಪ್ರಿಯ ಆತ್ಂಡ್.

ಮರಣ

ಎಚ್.ಜಿ.ರಾಧಾದೇವಿ 2006 ನವೆಂಬರ್ 9 ತಾರೀಕ್ ದಾನಿ ಬೆಂಗಳೂರುಡು ಸೀಕ್ ಸಂಕಟೊಗು ಕಾರಣವಾದ್ ತೀರ್ ಪೋಯೆರ್.