ಎರುಕೋಲ

ಎರುಕೋಲ ದಕ್ಷಿಣಗನ್ನಡ ಜಿಲ್ಲೆದ ಐತಿಹಾಸಿಕ, ಸಾಂಸ್ಕೃತಿಕ, ಕೋಮು ಆಚರಣೆ ಬೊಕ್ಕ ನಂಬಿಕೆ. ಉಂದು ತುಳು ಸಂಸ್ಕೃತಿದ ಒಂಜಿ ಮುಖ್ಯ ಅಂಶ.ಈ ಆಚರಣೆಡ್ ಭೂತಾರಾಧನೆದಂಚಿನ ಸ್ಥಳೀಯ ದೈವೊಲೆಗ್ ಆರಾಧನೆ ನಡಪುಂಡು. ದೈವದ ಮೆರವಣಿಗೆನ್ "ನೇಮ" ಅತ್ತ್ಂಡ "ಉತ್ಸವ" ಪನ್ಪೆರ್.

ಎರುಕೋಲದ ಸಂದರ್ಭ

• ತುಳುನಾಡ ಸಿರಿ-ಭೂತಕೋಲ ತುಳುನಾಡ್ದ ಇಲ್ಲ್, ಬೂಡು, ಅರಮನೆಲೆಡ್ ಸುಗ್ಗಿದ ಪೊರ್ತುಡು ಬೊಕ್ಕ ಬೆನ್ನಿದ ಅಂತ್ಯೊಡು ಮಲ್ಪುವೆರ್.
• ಉತ್ತರಕ್ರೀಯೆದ ಪೊರ್ತುಡು ಶೋಕೊದ ಸಂಕೇತವಾದ್ಲಾ ಉಂದೆನ್ ಮಲ್ಪುವೆರ್
• ಈ ಎರುಕೋಲೊನು ಕಂಬಲೊಲು ಕಂಡೊಗು ತಗ್ಗಾವುನ ಸಂದರ್ಬೊಡು ನಡಪುಂಡು.
• ಕಂಡೊಡು ಕೃಷಿ ಮುಗಿಪಿನ ದಿನ ಎರುನ್ ಕಂಡೊಗು ತಗ್ಗಾವೆರ್. ಇಂಚಿನ ಸಂದರ್ಬೊಡು ಎರುಕೋಲ ಮಲ್ಪುವೆರ್. ಕೆಲವು ಕಡೆಟ್ ಭೂತ ಆರಾಧನೆ ಒಟ್ಟುಗು ಈ ಕೋಲ ನಡಪುಂಡು.

ವೇಷಭೂಷಣ

ವೇಷಧಾರಿನಕುಲು ಬೊಲ್ದು ಪಂಚೊನು ಪಾದದ ಮುದೆಲ್ಡ್ದ್ ಮಿತ್ತ್ ತುತ್ತುವೆರ್ ಬೊಕ್ಕ ಸೊಂಟೊಗು ತಾರಾಯಿದ ರೇಷ್ಮೆನ್ ಕಟ್ಟುವೆರ್. ರೇಷ್ಮೆನ್ ಲಾ ಕಂಜಿಗ್ ಕಟ್ಟುವೆರ್ ಬೊಕ್ಕ ಮೈತ ಮಿತ್ತ್ ತಾರಾಯಿದ ರೇಷ್ಮೆಗ್ ಮುಚ್ಚುವೆರ್. ಆರ್ ಒಂಜಿ ಎರುತ ಮೋನೆನ್ ಹೋಲಿಕೆ ಮಲ್ಪುನ ಒಂಜಿ ಶೀಟ್ ಮಾಸ್ಕ್ ನ್ ಪಾಡ್ದ್ ಉಪ್ಪುವೆರ್. ಕೋಲುಲೆಡ್ ಮಲ್ತಿನ ತ್ರಿಕೋನ ರಚನೆನ್ ಆರೆನ ಬೆರಿಕ್ ಕಟ್ಟುವೆರ್. ಆರೆನ ಕಾರ್ ಡ್ ಗಗ್ಗರ ಉಪ್ಪುಂಡು.

ನಲಿಕೆದ ಶೈಲಿ

ನಲಿಕೆದಕುಲು ದೇವಸ್ಥಾನದ ಪಿರವುಗು ಪೋಪೆರ್, ಬೊಕ್ಕ ಎರುಕೋಲದ ವೇಷಧಾರಿಲು ಎರುಕುಲೆನ ನಿಲೆಟ್ ಪೋಪೆರ್, ರಡ್ಡ್ ಕೈ ಕಾರ್ ನ್ ನೆಲಟ್ ದೀದ್. ಕೆಲವು ಕಡೆಟ್ ಉಳ್ಳಾಕುಲು ಪನ್ಪಿನ ಭೂತೊದ ಒಟ್ಟುಗು ಕಂಬುಳದ ಕಂಡೊಡು ವಲಸರಿ ಮಲ್ತ್‌ದ್ ಬೊಕ್ಕ ಈ ನಲಿಕೆ ನಡಪುಂಡು.

ನಲಿಪುನಕುಲು ಒಂಜಿ ಕೈಟ್ ಬೆತ್ತನ್ ಪತೊಂದು ಜೋರುಡು ಉರಲ್ ಪಠಣ ಮನ್ತುದು ಎರು ಗಿಡಪುವೆರ್. ಈ ಸಮಯೊಡು ಅಕುಲು ಬಲಪುನಿ, ತಾಡುನಂಚಿನ ಕ್ರಿಯೆಲೆನ್ ಪೂರಾ ಮಲ್ಪುವೆರ್. ಉಂದೆಕ್ ಸಾಹಿತ್ಯ ಇಜ್ಜಿ. ಬೊಕ್ಕ ಉಳ್ಳಾಯ ಪನ್ಪಿನ ಭೂತೊದ ಒಟ್ಟುಗು ಕೈ ಜೋಡಾದ್ ಗುಡಿಸಲುದ ಎದುರು ನಲಿಪುವೆರ್.

ಸಮಾರಂಭದ ವಿವರ

ನೇಮದ ಪೊರ್ತುದಪಗ ಖಂಡ ದಪ್ಪುನಿ, ಕಂಬುಳದ ಎರು ಗಿಡಪುನಿ, ನಟ್ಟಿ ನಡ್ಪುನಂಚಿನ ಸಾಂಕೇತಿಕ ಕ್ರಿಯೆಲೆನ್ ಗಮನಿಸನಗ, ಉಂದು ಕೃಷಿಗ್ ಸಂಬಂಧ ಪಟ್ಟಿನ ಒಂಜಿ ಆಚರಣೆ ಪಂಡ್ದ್ ಅರ್ಥ ಆಪುಂಡು.

ಸಮಾರಂಭದ ವಿಧಾನ

ಈ ಎರುಕೋಲೊನು ಕಡೆತ ವಿಧಿವಿಧಾನೊದ ಪೊರ್ತುಡು ಸೈತಿನ ವ್ಯಕ್ತಿನ ಸಮಾಧಿದ ಸುತ್ತ ಮಲ್ಪುವೆರ್. ಅಪಗ ಆಜಿ ರ್ದ್ ಪತ್ತ್ ಜನೊಕ್ಲೆನ ಗುಂಪು ಉಪ್ಪುಂಡು. ಉಂದೆಟ್ ಸೈತಿನಕ್ಲೆನ ಭೂತ "ಕಾಳೆ ಕೋಲ" ಎರುಕೋಲ, ಮುಗೇರ್ಲು, ಗುತ್ತಿನಕುಲು ಇಂಚ ಬೇತೆ ಬೇತೆ ವೇಷೊಲು ಉಪ್ಪುಂಡು. ಸೈತಿನಕ್ಲ್ ಪೊಣ್ಣು ಆಂಡ ಪೊಣ್ಣ ವೇಷ, ಆಣ್ ಆಂಡ ಆಣ್ ಕುಲೆ ವೇಷ. ಕಪ್ಪು ಬೊಕ್ಕ ಬೊಲ್ದು ಕುಂಟು ತುತ್ತುವೆರ್, ಕುಜಲ್ ನ್ ಎದುರು ಪಿರ ಕಟ್ಟುವೆರ್. ಅಕುಲು ಅಕ್ಲೆನ ಸಾಂಕೇತಿಕ ಜನನಾಂಗೊಲೆನ್ ಕಟ್ಟ್ ದ್ ದೀತೆರ್. ವೇಷ ಪಾಡ್ದ್ ಉಪ್ಪುನಕುಲು ಮುಖ್ಯ ಪಾತ್ರೊಲೆನ ಎದುರು ಬತ್ತ್ದ್ ಜೋರುಡು ಕಣ್ಣೀರ್ ಪಾಡುವೆರ್. ಅಕುಲು ಎದುರುದ ಎರುನ್ ಏರೆರೆ ಪ್ರಯತ್ನ ಮಲ್ಪುವೆರ್. ಆಂಡಲಾ, ಅವು ಎರುನು ಏರೆರೆ ಬುಡ್ಪುಜಿ ಬೊಕ್ಕ ದುಂಬು ಪೋಪುಂಡು. ಅಯಿಡ್ದ್ ಬೊಕ್ಕ ಬರ್ಪಿನ ಕಾಳೆನ್ ತಾಡರೆ ಪ್ರಯತ್ನ ಮಲ್ಪುಂಡು. ನಲಿಕೆ ನಡತೊಂದು ಪೋನಗ, ನಡುಟು ಲೈಂಗಿಕ ಚೇಷ್ಟೆಲೆನುಲಾ ಮಲ್ಪುಂಡು.

ಆಧ್ಯಾತ್ಮಿಕ ಅಂಶೊಲು

ಭೂತಾರಾಧನೆ ಜನಕ್ಲೆಗ್ ಆತ್ಮವಿಶ್ವಾಸ, ಧೈರ್ಯ, ಜೀವನೊಡು ಸುರಕ್ಷತೆನ್ ಕೊರ್ಪುಂಡು. ದೇವತೆ ಅತ್ತ್ಂಡ ದೈವೊದ ಆವೇಶೊನು ಒಂಜಿ ಮಾಧ್ಯಮೊದ (ಪಾತ್ರಿಯ) ಮೂಲಕ ಮಲ್ಪುವೆರ್, ಅಯಿಕ್ ಕಾರಣವಾದ್ ಜನಕುಲು ಅಕ್ಲೆನ ಸಮಸ್ಯೆಲೆಗ್ ಪರಿಹಾರೊನು ಬೊಕ್ಕ ದೇವೆರೆಡ ರಕ್ಷಣೆದ ವಾಕ್ಯೊನು ಪಡೆವೆರ್.