ಎಸ್. ಎಂ. ಕೃಷ್ಣ

ಎಸ್. ಎಂ. ಕೃಷ್ಣ
ಭಾರತದ ವಿದೇಶಾಂಗ ವ್ಯವಹಾರೊಲೆನ ಮಂತ್ರಿಯಾದ್ ಅಮೇರಿಕಾಡ್ (೨೦೧೦).
ಭಾರತದ ೨೭ನೇ ವಿದೇಶಾಂಗ ವ್ಯವಹಾರೊಲೆನ ಮಂತ್ರಿಯಾದ್
ಅಧಿಕಾರ ಅವಧಿ ೨೩ ಮೇ ೨೦೦೯ – ೨೮ ಅಕ್ಟೋಬರ್ ೨೦೧೨
ಪ್ರಧಾನ ಮಂತ್ರಿ	ಮನಮೋಹನ್ ಸಿಂಘ್
ಪೂರ್ವಾಧಿಕಾರಿ	ಪ್ರಣಬ್ ಮುಖರ್ಜಿ
ಉತ್ತರಾಧಿಕಾರಿ	ಸಲ್ಮಾನ್ ಖುರ್ಶೀದ್
ಮಹಾರಾಷ್ಟ್ರದ ೧೮ನೇ ರಾಜ್ಯಪಾಲೆರಾದ್
ಅಧಿಕಾರ ಅವಧಿ ೧೨ ಡಿಸೆಂಬರ್ ೨೦೦೪ – ೫ ಮಾರ್ಚ್ ೨೦೦೮
ಮುಖ್ಯಮಂತ್ರಿ	ವಿಲಾಸ್ ರಾವ್ ದೇಶ್‌ಮುಖ್
ಪೂರ್ವಾಧಿಕಾರಿ	ಮೊಹ್ಮದ್ ಫಝಲ್
ಉತ್ತರಾಧಿಕಾರಿ	ಎಸ್ ಸಿ ಜಮೀರ್
ಕರ್ನಾಟಕದ ೧೬ನೇ ಮುಖ್ಯಮಂತ್ರಿಯಾದ್
ಅಧಿಕಾರ ಅವಧಿ ೧೧ ಅಕ್ಟೋಬರ್ ೧೯೯೯ – ೨೮ ಮೇ ೨೦೦೪
ಪೂರ್ವಾಧಿಕಾರಿ	ಜೆ ಹೆಚ್ ಪಟೇಲ್
ಉತ್ತರಾಧಿಕಾರಿ	ಎನ್ ಧರಮ್ ಸಿಂಘ್
ಕರ್ನಾಟಕದ ಸುರುತ ಉಪ ಮು.ಮಂ.
ಅಧಿಕಾರ ಅವಧಿ ೨೧ ಜನವರಿ ೧೯೯೩ – ೧೧ ಡಿಸೆಂಬರ್ ೧೯೯೪
ಮುಖ್ಯಮಂತ್ರಿ	ಎಂ ವೀರಪ್ಪ ಮೊಯ್ಲಿ
ಪೂರ್ವಾಧಿಕಾರಿ	ಇಜ್ಜಿ.
ಉತ್ತರಾಧಿಕಾರಿ	ಜೆ ಹೆಚ್ ಪಟೇಲ್
ಮತಕ್ಷೇತ್ರ	ಮದ್ದೂರು ವಿಧಾನಸಭಾ ಕ್ಷೇತ್ರ
ವೈಯಕ್ತಿಕ ಮಾಹಿತಿ
ಜನನ	(1932-05-01) 1 May 1932 ಸೋಮನಹಳ್ಳಿ, ಮಂಡ್ಯ ಜಿಲ್ಲೆ, ಕರ್ನಾಟಕ (ಆಪಗದ ಮೈಸೂರು ರಾಜ್ಯ)
ರಾಜಕೀಯ ಪಕ್ಷ	ಭಾರತೀಯ ಜನತಾ ಪಾರ್ಟಿ (ಮಾರ್ಚ್ ೨೦೧೭ರಿಂದ)
ಬೇತೆ ರಾಜಕೀಯ ಸಂಲಗ್ನತೆಲು	ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ (೧೯೭೧-ಜನವರಿ ೨೦೧೭) ಪ್ರಜಾ ಸೋಷಲಿಸ್ಟ್ ಪಾರ್ಟಿ (೧೯೬೨-೧೯೭೧)
ಸಂಗಾತಿ(ಲು)	ಪ್ರೇಮಾ
ಅಭ್ಯಸಿಸಿದ ವಿದ್ಯಾಪೀಠ	ಮೈಸೂರು ವಿವಿ ಕಾನೂನು ಕಾಲೇಜು ಡೆಡ್‍ಮನ್ ಕಾನೂನು ಕಾಲೇಜು(ಸದರ್ನ್ ಮೆಥಡಿಸ್ಟ್ ವಿವಿ, ಟೆಕ್ಸಾಸ್) ಜಾರ್ಜ್ ವಾಷಿಂಗ್‌ಟನ್ ವಿವಿ ಕಾನೂನು ಕಾಲೇಜು

ಸೋಮನಹಳ್ಳಿ ಮಲ್ಲಯ್ಯ ಕೃಷ್ಣ (೧ ಮೇ ೧೯೩೨ – ೧೦ ಡಿಸೆಂಬರ್ ೨೦೨೪) ಕನಾ೯ಟಕದ ಹಿರಿಯ ರಾಜಕಾರಣಿಲೆಡ್ ಒರಿಯೆ. ೧೯೯೯ ಡ್ದ್ ೨೦೦೪ ಮುಟ್ಟ ಕರ್ನಾಟಕ ರಾಜ್ಯೊದ ೧೬ನೇ ಮುಖ್ಯಮಂತ್ರಿಯಾದ್ ಇತ್ತೆರ್. ಮಹಾರಾಷ್ಟ್ರ ರಾಜ್ಯದ ಮಾಜಿ ರಾಜ್ಯಪಾಲೆರಾದ್(ಗವರ್ನರ್), ಕೇಂದ್ರ ವಿದೇಶಾಂಗ ಸಚಿವೆರಾದ್ ಲಾ ಸೇವೆ ಸಲ್ಲಿಸಾಯಿನಾರ್. ಶಿಕ್ಷಣದ ದೃಷ್ಟಿಡ್ ಎಸ್ ಎಂ ಕೃಷ್ಣೆರ್ ಕರ್ನಾಟಕದ ಎಚ್ಚ ಶಿಕ್ಷಣ ಪಡೆಯಿನ ಮುಖ್ಯಮಂತ್ರಿಲೆಡ್ ಒರಿಯೆ. ಮಸ್ತ್ ಕಾಲ ಕಾಂಗ್ರೆಸ್ ಪಕ್ಷೊದ ಸದಸ್ಯೆರಾದಿತ್ತೆರ್.

ಆಂಡ ಬದಲಾತಿನ ರಾಜಕೀಯ ಪರಿಸ್ಥಿತಿಡ್ ಮಾರ್ಚ್ ೨೦೧೭ಡ್ ಭಾರತೀಯ ಜನತಾ ಪಕ್ಷೊಗು ಸೇರೊಡಾದ್ ಬತ್ತ್ಂಡ್. ಇಂಬೆರ್ ೧೯೯೯ಡ್ದ್ ೨೦೦೪ ಮುಟ್ಟ ಕರ್ನಾಟಕೊದ ೧೬ನೇ ಮುಖ್ಯಮಂತ್ರಿಯಾದ್ ಬೊಕ್ಕ ೨೦೦೪ ಡ್ದ್ ೨೦೦೮ ಮುಟ್ಟ ಮಹಾರಾಷ್ಟ್ರದ ೧೯ನೇ ರಾಜ್ಯಪಾಲರಾದ್ ಇತ್ತೆರ್. ಎಸ್.ಎಂ.ಕೃಷ್ಣ ಡಿಸೆಂಬರ್ ೧೯೮೯ ಡ್ದ್ ಜನವರಿ ೧೯೯೩ ಮುಟ್ಟ ಕರ್ನಾಟಕ ವಿಧಾನಸಭೆತ ಸ್ಪೀಕರ್ ಆದ್ ಸೇವೆ ಸಲ್ಲಿಸಯೆರ್. ಇಂಬೆರ್ ೧೯೭೧ ಡ್ದ್ ೨೦೧೪ ಮುಟ್ಟ ಬೇತೆ ಬೇತೆ ಕಾಲೊಡು ಲೋಕಸಭೆ ಬೊಕ್ಕ ರಾಜ್ಯಸಭೆತ ಸದಸ್ಯರಾದ್ ಇತ್ತೆರ್. ಅರೆಗ್ 2023ಡ್ ಪದ್ಮ ವಿಭೂಷಣ ಪ್ರಶಸ್ತಿ ಪುರಸ್ಕಾರ ಕೊರ್ತೆರ್.

SM Krishna

ಕಲ್ಪಾಟಿಗೆ

ಎಸ್ ಎಂ ಕೃಷ್ಣ ಮೈಸೂರು ಮಹಾರಾಜ ಕಾಲೇಜಿಡ್‌ರ್ದ್ ಪದವಿ ಪಡೆಯಿನೆರ್ದ್ ಬುಕ್ಕೊ ಬೆಂಗಳೂರುದ ಸರ್ಕಾರಿ ಕಾನೂನು ಕಾಲೇಜಿಡ್ ಅಧ್ಯಯನ ಮಲ್ತೆರ್. ಅಯಿಡ್ದ್ ಬೊಕ್ಕ, ಅಮೇರಿಕದ ಟೆಕ್ಸಾಸ್ ರಾಜ್ಯೊಡು ದಕ್ಷಿಣ ಮೆಥೊಡಿಸ್ಟ್ ವಿಶ್ವವಿದ್ಯಾಲಯೊಡು ಅಧ್ಯಯನ ಮಲ್ತೆರ್ ಬೊಕ್ಕ ವಾಷಿಂಗ್ಟನ್‌ಡ್ ಜಾರ್ಜ್ ವಾಷಿಂಗ್ಟನ್ ವಿಶ್ವವಿದ್ಯಾಲಯೊಡು ಒಂಜಿ ಪ್ರತಿಷ್ಠಿತ ಫುಲ್ಬ್ರೈಟ್ ವಿದ್ಯಾರ್ಥಿವೇತನೊನು ಪಡೆಯೊಂಡೆರ್.

ರಾಜಕೀಯ ಜೀವನ

ಭಾರತೊಗು ಪಿರ ಬನ್ನಗ, ಬೆಂಗಳೂರುದ ರೇಣುಕಾಚಾರ್ಯ ಕಾಲೇಜಿಡ್ ಅಂತರಾಷ್ಟ್ರೀಯ ನ್ಯಾಯ ಪನ್ಪುನ ವಿಷಯದ ಉಪನ್ಯಾಸಕೆರಾದ್ ಸೇವೆ ಮಲ್ತೆರ್. ೧೯೬೨ ಡ್ ಸುರುತ ಸರ್ತಿ ಶಾಸಕಾಂಗ ಸಭೆಗ್ ಆಯ್ಕೆ ಆಯೆರ್. ೧೯೬೮ ಡ್ ಲೋಕಸಭೆಗ್ ಆಯ್ಕೆ ಆಯೆರ್. ಅಲ್ಪ 1971 ಡ್ ಬೊಕ್ಕ 1972 ಡ್ ಕರ್ನಾಟಕ ಶಾಸಕಾಂಗೊಗು ಮರು ಆಯ್ಕೆ ಆಯೆರ್. ಅವ್ವೇ ಸಮಯೊಡು ಆರ್ ವಾಣಿಜ್ಯ, ಉದ್ಯಮ ಬೊಕ್ಕ ಸಂಸದೀಯ ವ್ಯವಹಾರೊಲೆನ ಸಚಿವೆರ್ ಆಯೆರ್. ೧೯೮೩ ಡ್ ಉದ್ಯಮ ಸಚಿವೆರಾದ್ ಬೊಕ್ಕ ೧೯೮೪ ಡ್ ಹಣಕಾಸು ಸಚಿವೆರ್ ಆಯೆರ್. ೧೯೮೯ ಡ್ದ್ ೧೯೯೨ ಮುಟ್ಟ ಶಾಸಕಾಂಗದ ಸ್ಪೀಕರ್ ಆದ್ ನೇಮಕ ಆಯೆರ್. ೧೯೯೨ ಡ್ದ್ ೧೯೯೪ ಮುಟ್ಟ ಕರ್ನಾಟಕೊದ ಉಪಮುಖ್ಯಮಂತ್ರಿಯಾದಿತ್ತೆರ್. ೧೯೯೬ ಡ್ ರಾಜ್ಯಸಭೆಗ್ ನೇಮಕ ಆಯಿನ ಕೃಷ್ಣೆರ್ ೧೯೯೯ ಡ್ ಕರ್ನಾಟಕದ ಮುಖ್ಯಮಂತ್ರಿಯಾದ್ ಪ್ರಮಾಣ ವಚನ ದೆತೊನುವೆರ್. ೧೯೯೯ ಡ್ದ್ ಬೊಕ್ಕ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಅಧ್ಯಕ್ಷರಾದ್ ಇತ್ತೆರ್. ವಿದೇಶೊಡು ರಡ್ಡ್ ಸರ್ತಿ ಭಾರತೊನು ಪ್ರತಿನಿಧಿಸಯೆರ್ (ಒಂಜಿ ಸರ್ತಿ ವಿಶ್ವಸಂಸ್ಥೆಡ್, ಬೊಕ್ಕ ಒಂಜಿ ಸರ್ತಿ ಕಾಮನ್ ವೆಲ್ತ್ ಆಫ್ ನೇಷನ್ಸ್‌‍ಡ್).

• ಇಂಬೆರ್ ೧೯೯೯ಡ್ದ್ ೨೦೦೪ ಮುಟ್ಟ ಕರ್ನಾಟಕ ರಾಜ್ಯೊದ ೧೬ನೇ ಮುಖ್ಯಮಂತ್ರಿಯಾದಿತ್ತೆರ್.
• ಮೇರ್ ೨೦೦೪ ಡ್ದ್ ೨೦೦೮ ಮುಟ್ಟ ಮಹಾರಾಷ್ಟ್ರದ ೧೯ನೇ ರಾಜ್ಯಪಾಲರಾದಿತ್ತೆರ್.
• ಆರ್ ಕೇಂದ್ರ ವಿದೇಶಾಂಗ ಸಚಿವೆರ್ ಆದಿತ್ತೆರ್.
• ಆರ್ ಮಾರ್ಚ್ ೨೦೧೭ಡ್ ಭಾರತೀಯ ಜನತಾ ಪಾರ್ಟಿಡ್ ಸೇರ್ದೆರ್.
• ಡಿಸೆಂಬರ್ ೧೯೮೯ಡ್ದ್ ಜನವರಿ ೧೯೯೩ ಮುಟ್ಟ ಕರ್ನಾಟಕ ವಿಧಾನಸಭೆತ ಸ್ಪೀಕರ್ ಆದ್ ಸೇವೆ ಸಲ್ಲಿಸಯೆರ್.
• ಇಂಬೆರ್ ೧೯೭೧ ಡ್ದ್ ೨೦೧೪ ಮುಟ್ಟ ಬೇತೆ ಬೇತೆ ಕಾಲೊಡು ಲೋಕಸಭೆ ಬೊಕ್ಕ ರಾಜ್ಯಸಭೆತ ಸದಸ್ಯರಾದ್ ಇತ್ತೆರ್.

3ನೇ ಕರ್ನಾಟಕ ವಿಧಾನಸಭೆತ ಸದಸ್ಯೆ, 1962-67, ಮದ್ದೂರ್ ಡ್ದ್. ಆಂಡ 1967ಡ್ ಪಿಎಸ್ಪಿ ಟಿಕೆಟ್ ಡ್ ಸೋತೆರ್.

• ಕಾಮನ್ ವೆಲ್ತ್ ಗ್ ಭಾರತೀಯ ಸಂಸದೀಯ ನಿಯೋಗದ ಸದಸ್ಯೆರ್
• ಸಂಸದೀಯ ಸಮ್ಮೇಳನ, ನ್ಯೂಜಿಲೆಂಡ್, ೧೯೬೫
• ಸದಸ್ಯೆರ್, ೪ನೇ ಲೋಕಸಭೆ ೧೯೬೮–೧೯೭೧, ಮಂಡ್ಯೊಡ್ದ್ ಸಮಾಜವಾದಿ ಸಂಸದೆರ್ ಉಪ-ಚುನಾವಣೆದ ನಂತರ ೧೯೬೭ಡ್ ಕುಲ್ಲುನ ಸಂಸದೆರ್ ತೀರ್ ಪೋಯೆರ್.
• ಸದಸ್ಯೆ, 5ನೇ ಲೋಕಸಭಾ 1971–1972, ಮಂಡ್ಯದ ಕಾಂಗ್ರೆಸ್ ಅಭ್ಯರ್ಥಿ
• ಸದಸ್ಯ, ಕನಾ೯ಟಕ ವಿಧಾನ ಪರಿಷತ್ ೧೯೭೨–೧೯೭೭
• ವಾಣಿಜ್ಯ ಬೊಕ್ಕ ಕೈಗಾರಿಕೆ ಬೊಕ್ಕ ಸಂಸದೀಯ ವ್ಯವಹಾರೊಲೆನ ಸಚಿವೆರ್, ಕನಾಟಕ ಸರ್ಕಾರ ೧೯೭೨-೭೭
• ಸದಸ್ಯರು, ೭ನೇ ಲೋಕಸಭಾ ೧೯೮೦–೧೯೮೪, ಮಂಡ್ಯದಿಂದ. ಆಂಡ 1984 ಲೋಕಸಭಾ ಚುನಾವಣೆಡ್ ಸೋತೆರ್.
• ಸದಸ್ಯೆರ್, ವಿಶ್ವಸಂಸ್ಥೆಗ್ ಭಾರತೀಯ ನಿಯೋಗ, ೧೯೮೨
• ೧೯೮೩–೧೯೮೪ ರ ಸಮಯೊಡು ಕೇಂದ್ರ ಉದ್ಯಮ ರಾಜ್ಯ ಸಚಿವ
• ೧೯೮೪-೧೯೮೫ ದ ನಡುಟು ಕೇಂದ್ರ ಹಣಕಾಸು ರಾಜ್ಯ ಸಚಿವೆರ್
• ಸದಸ್ಯರು, ೯ನೇ ಕನಾ೯ಟಕ ವಿಧಾನಸಭೆ ೧೯೮೯–೧೯೯೪
• ಸ್ಪೀಕರ್, ಕನಾ೯ಟಕ ವಿಧಾನಸಭೆ ೧೯೮೯–೯೩
• ಮಾರ್ಚ್ ೧೯೯೦ಡ್ ಯುಕೆದ ವೆಸ್ಟ್ ಮಿನ್ಸ್ಟರ್ ಡ್ ನಡತಿನ ಕಾಮನ್ ವೆಲ್ತ್ ಪಾರ್ಲಿಮೆಂಟರಿ ಸೆಮಿನಾರ್ ಗ್ ಪ್ರತಿನಿಧಿ
• ಕನಾ೯ಟಕದ ಉಪಮುಖ್ಯಮಂತ್ರಿ, ೧೯೯೩–೧೯೯೪
• ಏಪ್ರಿಲ್ ೧೯೯೬ಡ್ ರಾಜ್ಯಸಭೆಗ್ ಆಯ್ಕೆ ಆಯೆರ್
• ಕನಾ೯ಟಕದ ಮುಖ್ಯಮಂತ್ರಿ ಅಕ್ಟೋಬರ್ ೧೯೯೯ – ೨೦೦೪ ( ಮದ್ದೂರುದ ಶಾಸಕರು ) [೧]
• ಕನಾ೯ಟಕ ವಿಧಾನಸಭೆಕ್ ಮರು ಆಯ್ಕೆ: ೨೦೦೪ (ಚಾಮರಾಜಪೇಟೆ ಕ್ಷೇತ್ರ)
• ರಾಜ್ಯಪಾಲ, ಮಹಾರಾಷ್ಟ್ರ: ೨೦೦೪–೨೦೦೮
• ಸದಸ್ಯೆರ್, ರಾಜ್ಯಸಭೆಡ್ದ್ ಕರ್ನಾಟಕ 2008–2014. [೨] [೩]
• ವಿದೇಶಾಂಗ ಸಚಿವೆರ್, ಭಾರತ ಸರ್ಕಾರ: ೨೨ ಮೇ ೨೦೦೯ ಡ್ದ್ ೨೬ ಅಕ್ಟೋಬರ್ ೨೦೧೨ ಮುಟ್ಟ. [೪]

ಪ್ರಶಸ್ತಿ

• 2023 ಸಾಲ್‌ದ ಪದ್ಮವಿಭೂಷಣ ಪ್ರಶಸ್ತಿ

ಕಾಂಗ್ರೆಸ್ ಪ್ರಧಾನ ಸದಸ್ಯತ್ವಗ್ ರಾಜೀನಾಮೆ ಕೊರ್‌ನ ಎಸ್ ಎಂ ಕೃಷ್ಣೆ

• ಜನವರಿ ೨೮, ೨೦೧೭ ಬೆಳಗ್ಗೆ ೧೧ ಗಂಟೆಗ್ ಎಸ್ ಎಂ ಕೃಷ್ಣ ಕಾಂಗ್ರೆಸ್‌ದ ಪ್ರಾಥಮಿಕ ಸದಸ್ಯತ್ವೊಡ್ದ್ ರಾಜೀನಾಮೆ ಕೊರ್ದು, ಅಧಿಕೃತವಾದ್ ಘೋಷಣೆ ಮಲ್ತೆರ್. ಬೆಂಗಳೂರುಡು ತನ್ನ ನಿವಾಸೊಡು ತುರ್ತು ಪತ್ರಿಕಾಗೋಷ್ಠಿ ಮಲ್ತ್‌ದ್ ‘ಯಾನ್ ಕಾಂಗ್ರೆಸ್ ಪಾರ್ಟಿನ್ ಬುಡ್ದು ಪೋವೊಂದುಲ್ಲೆ’ ಪಂಡೆರ್. ಎಸ್‌.ಎಂ. ಕೃಷ್ಣೆರ್ ಅಧಿಕೃತ ಘೋಷಣೆ ಮಲ್ತೆರ್. ಹಿರಿಯ ಕಾಂಗ್ರೆಸ್ ನಾಯಕ ಎಸ್ ಎಂ ಕೃಷ್ಣ ಕ್ರಿಯಾಶೀಲ ರಾಜಕೀಯೊಡ್ದ್ ನಿವೃತ್ತಿ ಘೋಷಣೆ ಮಲ್ತೆರ್ ಪಂದ್ ಟಿವಿ ನೈನ್ ವರದಿ ಮಲ್ತ್ಂಡ್.

ತೀರ್‌ನೆ

ಬೆಂಗಳೂರುದ ಸದಾಶಿವನಗರದ ನಿವಾಸಡ್ ದಶಂಬರ ೧೦,೨೦೨೪, ಅಂಗಾರೆ ಕಾಂಡೆ ೨.೪೫ ಗಂಟೆಗ್ ೯೨ ವರ್ಸೊದ ಪ್ರಾಯೊಡು ಹೃದಯಾಘಾತೊಡ್‌ರ್ದ್ ತೀರ್ ಪೋಯೆರ್. ಅಂತ್ಯ ಸಂಸ್ಕಾರನ್ ಅರೆನ ಪುಟ್ಟೂರು ಆಯಿನ ಸೋಮನಹಳ್ಳಿ, ಮದ್ದೂರು ಮಲ್ಪುವೆರ್.