ಏಷ್ಯಾದ ಆನೆ
ಏಷ್ಯಾದ ಆನೆ (ಎಲಿಫಾಸ್ ಮ್ಯಾಕ್ಸಿಮಸ್), ಏಷ್ಯಾದ ಆನೆ[೧] ಪಂಡ್ದ್ ಲೆಪ್ಪುವೆರ್. ಉಂದು ಒಂಜೇ ಒಂಜಿ ಜೀವಂತ ಆನೆ ಜಾತಿ. ಉಂದು ಏಷ್ಯಾದ ಮಲ್ಲ ಜೀವಂತ ಭೂಮಿದ ಪ್ರಾಣಿ ಬುಕ್ಕೊ್ಕ ಜಗತ್ತ್ ದ ರಡ್ಡನೆ ಮಲ್ಲ ಜೀವಂತ ಆನೆ.ಆಣ್ ಆನೆದವು ಮಲ್ಲ ದಂತೊಲು; ಒಂಜಿ ಬರಿಕ್ಕ್ ಮಡತ್ ದುಪ್ಪುನಂಇನ ಮಲ್ಲ ಕೆಬಿಲು, ಬುಕ್ಕೊ್ಕ ಸುಕ್ಕು ಚರ್ಮ, ಬೂದು ಬಣ್ಣದ ಚರ್ಮ ಕಾಂಡ, ಕೆಬಿ,ಅತ್ತಂದೆ ಕೆಕ್ಕಿಲ್ಡ್ ಭಾಗಶಃ ವರ್ಣರಂಜಿತವಾದುಂಡು. ವಯಸ್ಕ ಆಣ್ ಆನೆಲು ಸರಾಸರಿ 4 ಟನ್ (4.4 ಸಣ್ಣ ಟನ್) ತೂಕೊ, ಬುಕ್ಕೊ್ಕ ಪೊಣ್ಣುಲು 2.7 ಟನ್ (3.0 ಸಣ್ಣ ಟನ್) ತೂಕೊ ಉಪ್ಪುಂಡು. ಉಂದೆಟ್ ಮೆದುಳುದ ಮಲ್ಲ ಬುಕ್ಕೊ್ಕ ಎಡ್ಡೆ ಅಭಿವೃದ್ಧಿ ಆಯಿನ ನಿಯೋಕಾರ್ಟೆಕ್ಸ್ ಉಂಡು. ಉಂದು ಮಸ್ತ್ ಬುದ್ಧಿವಂತಿಕೆ ಬುಕ್ಕೊ್ಕ ಸ್ವಯಂ-ಜಾಗೃತ ಆದುಂಡು. ದುಃಖ, ಕಲ್ಪುನ ಬುಕ್ಕೊ್ಕ ನಮಸ್ಕಾರೊಗು ಸಂಬಂಧಪಟ್ಟಿನ ನಡವಳಿಕೆಲೆನ್ ಪ್ರದರ್ಶಿಸೆರೆ ಸಾಧ್ಯ ಆಪುಂಡು. ಮೂಜಿ ಉಪಜಾತಿಲೆನ್ ಗುರುತಿಸವೊಂಡುಂಡು—ಇ.ಎಂ ಮ್ಯಾಕ್ಸಿಮಸ್, ಇ. ಎಂ. ಇಂಡಿಕಸ್ ಬುಕ್ಕೊ್ಕ ಇ. ಎಂ. ಸುಮಾಟ್ರಾನಸ್. ಏಷ್ಯಾದ ಆನೆ ಭಾರತದ ಉಪಖಂಡೊಡು ಬುಕ್ಕೊ್ಕ ಆಗ್ನೇಯ ಏಷ್ಯಾಡ್, ಪಡ್ಡಾಯಿಡ್ ಭಾರತೊಡ್ದ್ ಪೂರ್ವೊಡು ಬೊರ್ನಿಯೊ ಮುಟ್ಟ, ಬುಕ್ಕೊ್ಕ ಉತ್ತರೊಡು ನೇಪಾಳೊಡ್ದ್ ದಕ್ಷಿಣೊಡು ಸುಮಾತ್ರಾ ಮುಟ್ಟ ವ್ಯಾಪಕವಾದ್ ಉಂಡು. ಉಂದು ಹುಲ್ಲುಗಾವಲುಲೆಡ್, ಉಷ್ಣವಲಯದ ನಿತ್ಯಹರಿದ್ವರ್ಣದ ಕಾಡುಲೆಡ್, ಅರೆ-ನಿತ್ಯಹರಿದ್ವರ್ಣದ ಕಾಡುಲೆಡ್, ತೇವಾಂಶದ ಪಚ್ಚೆದ ಕಾಡುಲೆಡ್, ಒಣ ಪಚ್ಚೆದ ಕಾಡುಲೆಡ್ ಬುಕ್ಕೊ್ಕ ಒಣ ಮುಳ್ಳುದ ಕಾಡುಲೆಡ್ ವಾಸ ಮಲ್ಪುಂಡು. ಉಂದು ಸಸ್ಯಹಾರಿ, ದಿನೊಕು ಸುಮಾರ್ 150 ಕೆಜಿ (330 ಪೌಂಡ್) ದೈ ವರ್ಗೊನು ತಿನ್ಪುಂಡು.ಆಣ್ ಆನೆಲುಒಂಟಿಯಾದ್ ಉಪ್ಪುವೆರ್ ಅತ್ತಂದೆ ಬೇತೆ ಆಣ್ ಆನೆನೊಟ್ಟುಗು "ಬ್ಯಾಚುಲರ್ ಗುಂಪುಲೆನ್" ರೂಪಿಸವೆರ್. ಸಂತಾನೋತ್ಪತ್ತಿದ ಪೊರ್ತುಡು, ಆಣ್ ಆನೆಲು ತಾತ್ಕಾಲಿಕವಾದ್ ಪೊಣ್ಣು ಗುಂಪುಲೆನ್ ಸೇರಾದ್ ಸಂಯೋಗ ಮಲ್ಪುವೆರ್. ಕಾಡು ಏಷ್ಯಾದ ಆನೆಲು ಸುಮಾರ್ ೬೦ ವರ್ಷ ಮುಟ್ಟ ಬದುಕುಂಡು. ಅರೆ-ನೈಸರ್ಗಿಕ ಪರಿಸರೊಡು ದೀತಿನ ಪೊಣ್ಣು ಸೆರೆಯಾಳು ಆನೆಲು 60 ವರ್ಸೊಡ್ದ್ ಜಾಸ್ತಿ ಜೀವನ ಮಲ್ಪುನವು ದಾಖಲಾತ್ಂಡ್.
ಶರೀರ ರಚನೆ ಬುಕ್ಕೊ್ಕ ವಿಶೇಷತೆ
[ಸಂಪೊಲಿಪುಲೆ]
ಸಾಮಾನ್ಯವಾದ್, ಏಷ್ಯಾದ ಆನೆ ಆಫ್ರಿಕಾದ ಪೊದೆತ ಆನೆಡ್ದ್ ಎಲ್ಯ ಉಪ್ಪುಂಡು.ಪಿರವು ಉಬ್ಬು ಅತ್ತ್ಂಡ ಸಮತಟ್ಟ್ ಉಪ್ಪುಂಡು.ಕಿನ್ನಿಲು ಎಲ್ಯ ಉಪ್ಪುಂಡು ಬುಕ್ಕೊ್ಕ ಕೆಬಿ ಮಡತ್ ದ್ ಉಪ್ಪುಂಡು. ಉಂದೆಟ್ 20 ಜೋಡಿ ಮುಟ್ಟ ಪಕ್ಕೆಲುಬುಲು ಬುಕ್ಕೊ್ಕ 34 ಬಾಲದ ಕಶೇರುಕೊಲು ಉಪ್ಪುಂಡು. ಪಾದೊಲೆಡ್ ಪ್ರತಿಯೊಂಜಿ ಎದುರುದ ಪಾದೊಡು ಐನ್ ಉಗುರುಲೆನ ಲೆಕೊದ ರಚನೆಲು ಉಪ್ಪುಂಡು. ಬುಕ್ಕೊ್ಕ ಪ್ರತಿಯೊಂಜಿ ಪಿರವುದ ಪಾದೊಡು ನಾಲ್ ಉಗುರುಲು ಉಪ್ಪುಂಡು. ಆಫ್ರಿಕನ್ ಆನೆಲೆನ ಮುಂಡೊ ಎದುರುದಲೆಕ ಅತ್ತ್, ಮುಂಡಾಸ್ ಡ್ ರಡ್ಡ್ ಅರ್ಧಗೋಳಾಕಾರದ ಉಬ್ಬುಲು ಉಪ್ಪುಂಡು. ಅಯಿತ ಉದ್ದದ ಕಾಂಡ ಅತ್ತಂಡ ಪ್ರೊಬೊಸ್ಸಿಸ್ ಗ್ ಒಂಜಿ ಬೆರಳುದಂಚಿನ ತುದಿ ಮಾತ್ರ ಉಪ್ಪುಂಡು. ಆಫ್ರಿಕನ್ ಆನೆಲೆಗ್ ರಡ್ಡ್ ಉಪ್ಪುಂಡು.ಏಷ್ಯಾದ ಆನೆಲೆಗ್ ಜಾಸ್ತಿ ಸ್ನಾಯು ಸಮನ್ವಯ ಉಪ್ಪುಂಡು ಬುಕ್ಕೊ್ಕ ಅಕುಲು ಜಾಸ್ತಿ ಸಂಕೀರ್ಣವಾದ್ ಕೆಲಸೊಲೆನ್ ಮಲ್ಪೆರೆ ಸಾಧ್ಯ ಆಪುಂಡು.ಗಾಯಿಲೆಗ್ ಸಾಮಾನ್ಯವಾದ್ ದಂತೊಲು ಇಜ್ಜಿ; ಒಂಜಿ ವೇಳೆ ದಂತೊಲು—ಅಂಚನೆ, "ಟಸ್ಕ್ಸ್" ಪನ್ಪಿನವು—ಉಂಡುಂಡ, ಅವು ಕೇವಲ ತೋಜುಂಡು ಬುಕ್ಕೊ್ಕ ಬಾಯಿ ತೆರೆದಿಪ್ಪುನಗ ಮಾತ್ರ ತೋಜುಂಡು.ಏಷ್ಯಾದ ಆನೆಲೆಡ್ ಮೊಲಾರ್ ಲೆನ ದಂತಕವಚದ ಫಲಕೊಲು ಸಂಖ್ಯೆಡ್ ಜಾಸ್ತಿ ಬುಕ್ಕೊ್ಕ ಗಿಟ್ಟ ಗಿಟ್ಟ ಉಪ್ಪುಂಡು. ಚರ್ಮದ ಬಣ್ಣ ಸಾಮಾನ್ಯವಾದ್ ಬೂದು ಬಣ್ಣೊಡು ಉಪ್ಪುಂಡು, ಬುಕ್ಕೊ್ಕ ಧೂಳು ಬಣ್ಣೊಡು ಉಪ್ಪುಂಡು. ಅಯಿಕ್ಲೆನ ಸುಕ್ಕುದ ಚರ್ಮ ಚಲಿಸವೊಲಿ ಬುಕ್ಕೊ್ಕ ಅಯಿಟ್ ಮಸ್ತ್ ನರ ಕೇಂದ್ರೊಲು ಉಪ್ಪುಂಡು. ಉಂದು ಆಫ್ರಿಕನ್ ಆನೆಲೆಡ್ದ್ ಮೃದುವಾದುಂಡು ಬುಕ್ಕೊ್ಕ ಕಾಂಡ, ಕೆಬಿ, ಅತ್ತಂದೆ ಕೆಕ್ಕಿಲ್ಡ್ ವರ್ಣರಹಿತವಾದುಪ್ಪುಂಡು. ದೇಹದ ಎಪಿಡರ್ಮಿಸ್ ಬುಕ್ಕೊ್ಕ ಡರ್ಮಿಸ್ ಸರಾಸರಿ 18 ಎಂಎಂ (0.71 ಇಂಚ್) ದಪ್ಪ ಉಪ್ಪುಂಡು; ಡಾರ್ಸಮ್ ದ ಚರ್ಮ 30 ಎಂಎಂ (1.2 ಇಂಚ್) ದಪ್ಪ ಉಪ್ಪುಂಡು ಉಂದು ಕಚ್ಚುನ, ಉಬ್ಬುನ ಬುಕ್ಕೊ್ಕ ಪ್ರತಿಕೂಲ ಹವಾಮಾನೊಡ್ದ್ ರಕ್ಷಣೆನ್ ಒದಗಾವುಂಡು. ಅವು ಅತಿಯಾದ ಉಷ್ಣೊಡ್ದ್ ಎಡ್ಡೆ ಶೀತೊನು ಸಹಿಸೊಲಿ.
ಗಾತ್ರ
[ಸಂಪೊಲಿಪುಲೆ]
ಸರಾಸರಿ, ಪೂರ್ತಿ ಬುಲೆಯಿನಗ, ಎರುಲು ಭುಜೊಡು ಸುಮಾರ್ 2.75 ಮೀ (9.0 ಅಡಿ) ಎತ್ತರೊಡು ಬುಕ್ಕೊ್ಕ 4.0 ಟನ್ (4.4 ಸಣ್ಣ ಟನ್) ತೂಕೊಡು ಉಪ್ಪುಂಡು, ಆಂಡ ಆನೆದ ಕಿನ್ನಿಲು ಭುಜೊಡು ಸುಮಾರ್ 2.40 ಮೀ (7.9 ಅಡಿ) ಬುಕ್ಕೊ್ಕ 2.7 ಟನ್ (3.0 ಸಣ್ಣ ಟನ್) ತೂಕೊಡ್ದ್ ಎಲ್ಯ ಉಪ್ಪುಂಡು. ದೇಹದ ಗಾತ್ರೊಡು ಲಿಂಗ ವೈವಿಧ್ಯತೆ ಕಮ್ಮಿ ಆಪುಂಡು. ಆಫ್ರಿಕನ್ ಬುಷ್ ಆನೆಲೆಡ್ದ್ ಏಷ್ಯಾದ ಆನೆಲೆಡ್; ದುಂಬುದ ಬುಕ್ಕೊ್ಕ ಪಿರವುದ ಎರುಲೆಡ್ ಸರಾಸರಿ 15% ಬುಕ್ಕೊ್ಕ 23% ಎತ್ತರ ಉಪ್ಪುಂಡು. ಕಾಂಡ ಸೇರ್ದ್ ದೇಹ ಬುಕ್ಕೊ್ಕ ತರೆತ ಉದ್ದ 5.5-6.5 ಮೀ (18-21 ಅಡಿ) ಬುಕ್ಕೊ್ಕ ಬಾಲ 1.2-1.5 ಮೀ (3.9-4.9 ಅಡಿ) ಉದ್ದ ಉಪ್ಪುಂಡು. ಅಸ್ಸಾಂದ ಗುಡ್ಡೆದ ಸುಜಾಹರ ದಾಖಲಾತಿನ ಮಲ್ಲ ಎರು ಆನೆ ಭಾರತ, ೧೯೨೪ಡ್, ಉಂದು ಅಂದಾಜಿಡ್ ೭ ಟನ್ (೭.೭ ಸಣ್ಣ ಟನ್) ತೂಕೊಡು ಇತ್ತ್ಂಡ್, ಭುಜೊಡು ೩.೪೩ ಮೀ (೧೧.೩ ಅಡಿ) ಎತ್ತರೊಡು ಉಂಡು ಬುಕ್ಕೊ್ಕ ತಲೆಡ್ದ್ ಬಾಲೊಗು ೮.೦೬ ಮೀ (೨೬.೪ ಅಡಿ) ಉದ್ದೊಡು ಉಂಡು. ಬಾರ್ಡಿಯಾ ರಾಷ್ಟ್ರೀಯ ಉದ್ಯಾನವನೊದ ರಾಜ ಗಜ್ ಆನೆ ೩.೪ ಮೀ (೧೧೩ ಅಡಿ) ಎತ್ತರೊಡು ಉಂಡು ಪನ್ಪಿನ ಅಂದಾಜಿ ಉಂಡು ಬುಕ್ಕೊ್ಕ ಏಷ್ಯಾದ ಆನೆಡ್ದ್ ಮಲ್ಲೆ ಆನೆ ಆವೊಡು.
ಆನೆದ ಆಹಾರ,ವಿಹಾರ
[ಸಂಪೊಲಿಪುಲೆ]ಏಷ್ಯಾದ ಆನೆ[೨] ಮೆಗಾಹರ್ಬಿವೊರ್ಸ್ ಪಂಡ್ದ್ ವರ್ಗೀಕರಣ ಆತ್ಂಡ್ ಬುಕ್ಕೊ್ಕ ಅವು ದಿನೊಕು 150 ಕೆಜಿ (330 ಪೌಂಡ್) ಮುಟ್ಟ ದೈ ವರ್ಗೊಲೆನ್ ಸೇವನೆ ಮಲ್ಪುಂಡು. ದಿನೊತ ಸುಮಾರ್ 50 ರ್ದ್ 75% ಮುಟ್ಟ ತಿನ್ಪಿನವು. ಅವು ಜನರಲಿಸ್ಟ್ ಫೀಡರ್ಸ್, ಬುಕ್ಕೊ್ಕ ಅವು ಗ್ರೇಜರ್ಸ್ ಬುಕ್ಕೊ್ಕ ಬ್ರೌಸರ್ಸ್. ಅವು ಕನಿಷ್ಠ 112 ಬೇತೆ ಬೇತೆ ದೈ ಜಾತಿಲೆನ್ ತಿನ್ಪುಂಡು. ಸಾಮಾನ್ಯವಾದ್ ಮಾಲ್ವಾಲೆಸ್ ಕ್ರಮೊಟು, ಅಂಚನೆ ಲೆಗುಮ್, ಪಾಮ್, ಸೆಡ್ಜ್ ಬುಕ್ಕೊ್ಕ ನಿಜವಾದ್ ಪಂತಿದ ಕುಟುಮೊಲೆನ್ ಆಹಾರವಾದ್ ತಿನ್ಪುಂಡುಂದ್ ತೆರಿದ್ ಬರ್ಪುಂಡು. ಅವು ಒಣ ಋತುವಿಡ್ ಜಾಸ್ತಿ ತಿರ್ಗುಂಡು. ಆ ಋತುವಿಡ್ ತಂಪು ಭಾಗೊಡು ತೊಗಟೆ ಅಕ್ಲೆನ ಆಹಾರೊದ ಪ್ರಮುಖ ಭಾಗೊನ್ ರೂಪಿಸವುಂಡು. ಅವು ದಿನೊಟು ಒಂಜಿ ಸರ್ತಿಯಾಂಡಲಾ ಪರ್ಪುಂಡು. ದಿನೊಟು 80-200 ಲೀಟರ್ ನೀರ್ ಬೋಡಾಪುಂಡು ಬುಕ್ಕೊ್ಕ ಮೀಯೆರೆ ಜಾಸ್ತಿ ನೀರ್ ಬೋಡಾಪುಂಡು.
ಆನೆದ ವಿಶೇಷ ಗುಣೊ ಬುದ್ಧಿವಂತಿಕೆ
[ಸಂಪೊಲಿಪುಲೆ]ಏಷ್ಯಾದ ಆನೆಲೆಗ್ ಮಸ್ತ್ ಮಲ್ಲ ಬುಕ್ಕೊ್ಕ ಮಸ್ತ್ ಅಭಿವೃದ್ಧಿ ಆಯಿನ ನಿಯೋಕಾರ್ಟೆಕ್ಸ್ ಉಪ್ಪುಂಡು, ಉಂದು ನರಮಾನಿಲು, ಮಂಗೆರ್ ಬುಕ್ಕೊ್ಕ ಕೆಲವು ಡಾಲ್ಫಿನ್ ಜಾತಿಲೆಗ್ಲಾ ಉಪ್ಪುನ ಒಂಜಿ ಗುಣಲಕ್ಷಣ. ಅವು ಬೇತೆ ಮಾತಾ ಭೂಮಿದ ಪ್ರಾಣಿಲೆಡ್ದ್ ಅರಿವಿನ ಸಂಸ್ಕರಣೆಗ್ ಲಭ್ಯವಾಯಿನ ಸೆರೆಬ್ರಲ್ ಕಾರ್ಟೆಕ್ಸ್ ದ ಮಲ್ಲ ಪ್ರಮಾಣೊನು ಪಡೆಯೊಂದಿಪ್ಪುಂಡು. ಅಧ್ಯಯನೊಲೆನ ಫಲಿತಾಂಶೊಲು ಸೂಚಿಸವುನಂಚಿನ ಏಷ್ಯಾದ ಆನೆಲೆಗ್ ಮಲ್ಲಮಂಗೆನ ಲೆಕ್ಕವಸ್ತುಲೆನ್ ಬಳಕೆ ಮಲ್ಪುನ ಬುಕ್ಕೊ್ಕ ಸಾಧನೊಲೆನ್ ಮಲ್ಪುನ ಬುದ್ಧಿ ಸಾಮರ್ಥ್ಯೊಲು ಉಂಡು.[೩] ಅವು ದುಃಖ, ಕಲ್ಪುನ, ಅಲೋಮೊಥರಿಂಗ್, ಮಿಮಿಕ್ರಿ, ಆಟ, ಪರೋಪಕಾರ, ಸಾಧನೊಲೆನ ಬಳಕೆ, ಕರುಣೆ, ಸಹಕಾರ, ಸ್ವ-ಜಾಗೃತಿ, ನೆನಪು ಬುಕ್ಕೊ್ಕ ಸುರಕ್ಷಿತವಾದ್ ವರದಿ ಮಲ್ಪುನ ಭಾಷೆ ಸೇರ್ದ್ ಮಸ್ತ್ ರೀತಿದ ವರ್ತನೆಲೆನ್ ಪ್ರದರ್ಶಿಸವುಂಡು. ಸುನಾಮಿ ಬುಕ್ಕೊ್ಕ ಭೂಕಂಪೊಲೆನಂಚಿನ ನೈಸರ್ಗಿಕ ವಿಪತ್ತುಲೆನ್ ಗುರುತಿಸುಂಡು. ಆನೆಲೆನ ಅರಿವು ಬುಕ್ಕೊ್ಕ ನರಶರೀರಶಾಸ್ತ್ರದ ಕೆಲವು ವಿದ್ಯಾರ್ಥಿಲು ಏಷ್ಯಾದ ಆನೆಲು ಮಸ್ತ್ ಬುದ್ಧಿವಂತೆರ್ ಬುಕ್ಕೊ್ಕ ಸ್ವಯಂ-ಅರಿವುದಕುಲು ಪಂಡ್ದ್ ನಂಬುವೆರ್. ಏಷ್ಯಾ ಆನೆನ್ ಐತ ಚರ್ಮ,ದಂತ, ಉಂದೆಗ್ ಬೋಡಾದ್ ಸಾಂಕುವೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ .https://www.worldwildlife.org/species/elephant/asian-elephant
- ↑ "Asian elephant". Smithsonian's National Zoo and Conservation Biology Institute.
- ↑ "Asian elephant | Habitat, Weight, & Facts | Britannica".