ಐಜ್ವಾಲ್

ಐಜ್ವಾಲ್ (ದುಂಬು ಐಜಾಲ್ ಪಂಡ್‍ದ್ ಲೆಪ್ಪೊಂದಿತ್ತೆರ್), ಉಂದು ಭಾರತದ ಮಿಜೋರಾಂ ರಾಜ್ಯದ ರಾಜಧಾನಿ ನಗರ. ಅಲ್ಪದ ಮಸ್ತ್ ಜನಸಂಖ್ಯೆ ಇಪ್ಪುನ ನಗರ. ಉಂದು ಈಶಾನ್ಯ ಭಾರತದ ಮೂಜನೆ ಮಲ್ಲ ನಗರಲಾ ಅಂದ್. ಸಮುದ್ರ ಮಟ್ಟರ್ದ್ ಸುಮಾರ್ 1,132 ಮೀಟರ್ (3,714 ಅಡಿ) ಎತ್ತರಡ್ ಗುಡ್ಡೆಲೆದ ಸಾಲ್‍ದ ಮಿತ್ತ್ ಉಂಡು. 2024 ನೇ ಇಸವಿಡ್, ಈ ನಗರದ ಜನಸಂಖ್ಯೆ ಅಂದಾಜಿ 4,15,000 ಉಂಡು.

1898 ರ್ದ್ 1947 ಮುಟ್ಟ ಬ್ರಿಟಿಷ್ ಲುಶಾಯ್ ಹಿಲ್ಸ್ ದ ರಾಜಧಾನಿಯಾದ್ ಇತ್ತಿನೆರ್ದಾತ್ರ, ಐಜಾಲ್ ಕ್ಲಬ್, ರಾಜಭವನ, ರೆಡ್ ಸ್ಕೂಲ್, ಬೊಕ್ಕ ಡೆಪ್ಯುಟಿ ಕಮಿಷನರ್ ಕಚೇರಿ ಸೇರಿದ್ ಬ್ರಿಟಿಷೆರ ಕಾಲದ ಕಟ್ಟೊಣೊಲು ನಗರದ ಮಧ್ಯಭಾಗಡ್ ನನಲಾ ತೂಯೆರೆ ತಿಕ್ಕುಂಡು.

ಅತ್ತಂದೆ, ನಗರಾಭಿವೃದ್ಧಿ ಬೊಕ್ಕ ಮೂಲಭೂತ ಸೌಕರ್ಯಲೆನ್ ಎಡ್ಡೆ ಮಲ್ಪುನ ಉದ್ದೇಶೊಡು ವಸತಿ ಬೊಕ್ಕ ನಗರ ವ್ಯವಹಾರಲೆದ ಸಚಿವಾಲಯದ ಮುತಾಲಿಕೆಡ್ ನಡಪುನ 'ಸ್ಮಾರ್ಟ್ ಸಿಟೀಸ್ ಮಿಷನ್' ಡ್ ಈ ನಗರನ್ ಆಯ್ಕೆ ಮಲ್ತ್‌ದೆರ್.