ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್
ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್ ನಮ ದೇಸೊದ, ಒಂಜಿ ಖಾಸಗಿ ವಲಯದ ಬ್ಯಾಂಕ್ ಆದುಂಡು. ಇಂದೆತ ಮುಖ್ಯ ಕಛೇರಿ ಬೊಂಬಾಯಿಡ್ ಉಂಡು. 2015ನೇ ಇಸವಿಡ್ ಐಡಿಎಫ್‌ಸಿ ಲಿಮಿಟೆಡ್‌ದ ಬ್ಯಾಂಕಿಂಗ್ ಅಂಗಸಂಸ್ಥೆಯಾದ್ ಸ್ಥಾಪನೆಯಾಯಿನ ಈ ಬ್ಯಾಂಕ್, 2018ನೇ ಇಸವಿಡ್ ಕ್ಯಾಪಿಟಲ್ ಫಸ್ಟ್ ಒಟ್ಟುಗು ವಿಲೀನ ಆಂಡ್.[1] 2024ನೇ ಇಸವಿಡ್, ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್‌ಡ್ ಮೂಲ ಸಂಸ್ಥೆ ಐಡಿಎಫ್‌ಸಿ ಲಿಮಿಟೆಡ್ ವಿಲೀನ ಆಂಡ್.[2] ಮಾರ್ಚ್ 2026 ಮುಟ್ಟ ಈ ಬ್ಯಾಂಕ್ ದೇಶದಾದ್ಯಂತ 1,147 ಶಾಖೆಲೆನ್ ಬೊಕ್ಕ 1,014 ಎಟಿಎಂಲೆನ್ ಹೊಂದ್ಂಡ್. ಇತ್ತೆದ ಮಾರುಕಟ್ಟೆ ಬಂಡವಾಳದ ಆಧಾರದ ಮಿತ್ತ್ ಈ ಬ್ಯಾಂಕ್ ೯ನೇ ಸಾನೊಡು ಉಂಡು.
ಇತಿಹಾಸ
[ಸಂಪೊಲಿಪುಲೆ]ಭಾರತಡ್ ಮೂಲಸೌಕರ್ಯ ಯೋಜನೆಲೆಗ್ ಆರ್ಥಿಕ ಸಹಾಯ ಕೊರ್ಪಿನ ಉದ್ದೇಶಡ್ದ್ ಐಡಿಎಫ್‌ಸಿ ಲಿಮಿಟೆಡ್‌ನ್ 1997 ಡ್ ಭಾರತ ಸರ್ಕಾರ ಸ್ಥಾಪನೆ ಮಲ್ತ್ಂಡ್.[3] ಕಾಲ ಕರಿನಂಚನೆ, ಕಂಪನಿ ಆಸ್ತಿ ನಿರ್ವಹಣೆ , ಸಾಂಸ್ಥಿಕ ದಲ್ಲಾಳಿ ಬೊಕ್ಕ ಹೂಡಿಕೆ ಬ್ಯಾಂಕಿಂಗ್ ಕ್ಷೇತ್ರಲೆಗ್ಲಾ ಕಾರ್ ದೀಂಡ್.
2005 ಮುಟ್ಟ ಭಾರತ ಸರ್ಕಾರ ಬೊಕ್ಕ ಸಾರ್ವಜನಿಕ ವಲಯದ ಬ್ಯಾಂಕ್ ಆಯಿನ ಐಡಿಬಿಐ ಬ್ಯಾಂಕ್ ಐಡಿಎಫ್‌ಸಿದ ಶೇರುದಾರರಾದಿತ್ತೆರ್. 2005 ಡ್ ನಡತಿನ ಐಡಿಎಫ್‌ಸಿದ ಆರಂಭಿಕ ಸಾರ್ವಜನಿಕ ಕೊಡುಗೆದ ಬೊಕ್ಕ ಭಾರತ ಸರ್ಕಾರದ ಪಾಲ್ ಶೇ. 34.91ದಾತ್ ಕಡಮೆ ಆಂಡ್.[4]
ಹೊಸ ಬ್ಯಾಂಕ್ ಸ್ಥಾಪನೆ
[ಸಂಪೊಲಿಪುಲೆ]2014 ಡ್, ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಖಾಸಗಿ ವಲಯಡ್ ಪೊಸ ಬ್ಯಾಂಕ್ ಸ್ಥಾಪನೆ ಮಲ್ಪೆರೆ ಐಡಿಎಫ್‌ಸಿ ಸಂಸ್ಥೆಗ್ ತಾತ್ವಿಕ ಅನುಮೋದನೆ ಕೊರಿಂಡ್.[5] ನೆಡ್ದ್ ಬೊಕ್ಕ ಐಡಿಎಫ್‌ಸಿ ಲಿಮಿಟೆಡ್, ಐಡಿಎಫ್‌ಸಿ ಫೈನಾನ್ಶಿಯಲ್ ಹೋಲ್ಡಿಂಗ್ ಕಂಪನಿ ಲಿಮಿಟೆಡ್ ಮೂಲಕ ಆಸ್ತಿ ನಿರ್ವಹಣೆ, ಸಾಂಸ್ಥಿಕ ದಲ್ಲಾಳಿ ಬೊಕ್ಕ ಮೂಲಸೌಕರ್ಯ ಸಾಲ ನಿಧಿ ವ್ಯವಹಾರಲೆನ್ ತಾನ್ ದಿಯೊಂಡು.[6] ಮೂಲಸೌಕರ್ಯ ಹಣಕಾಸು ಆಸ್ತಿ ಬೊಕ್ಕ ಐತ ಬಾಧ್ಯತೆಲೆನ್ 'ಐಡಿಎಫ್‌ಸಿ ಬ್ಯಾಂಕ್' ಪನ್ಪಿನ ಪೊಸ ಸಂಸ್ಥೆಗ್ ವರ್ಗಾವಣೆ ಮಲ್ಪಲಾಂಡ್. ಈ ಪೊಸ ಬ್ಯಾಂಕ್‌ನ್ ನಮ್ಮ ದೇಸೊದ ಪ್ರಧಾನಿ ನರೇಂದ್ರ ಮೋದಿ ಅಕ್ಟೋಬರ್ 2015 ಡ್ ಉದ್ಘಾಟನೆ ಮಲ್ತೆರ್.[7]
ಕ್ಯಾಪಿಟಲ್ ಫಸ್ಟ್ ವಿಲೀನ
[ಸಂಪೊಲಿಪುಲೆ]ಜನವರಿ 2018 ಡ್, ಐಡಿಎಫ್‌ಸಿ ಬ್ಯಾಂಕ್ ಬೊಕ್ಕ ಹಣಕಾಸು ಕಂಪನಿಯಾಯಿನ ಕ್ಯಾಪಿಟಲ್ ಫಸ್ಟ್ ಒಂಜಾಪಿನ ಘೋಷಣೆ ಮಲ್ತೊ. ವಿಲೀನದ ಪ್ರಕ್ರಿಯೆದ ಪೊರ್ತುಡು ಕ್ಯಾಪಿಟಲ್ ಫಸ್ಟ್ ಸಂಸ್ಥೆದ ಕೈಟ್ ₹22,970 ಕೋಟಿ ರೂ. ಸಾಲದ ಖಾತೆ ಇತ್ತ.[8] ಈ ವಿಲೀನದ ಬೊಕ್ಕ ಕ್ಯಾಪಿಟಲ್ ಫಸ್ಟ್ ಸಂಸ್ಥೆದ ಶೇರು ಇತ್ತಿನಕ್ಲೆಗ್ ಪ್ರತಿ 10 ಶೇರುದ ಬದಲ್‌ಗ್ ಐಡಿಎಫ್‌ಸಿ ಬ್ಯಾಂಕ್‌ದ 139 ಶೇರುಲೆನ್ ಕೊರಿಯೆರ್.[9]
ಈ ವಿಲೀನ ಪ್ರಕ್ರಿಯೆ ಮುಗಿನ ಬೊಕ್ಕ ಐಡಿಎಫ್‌ಸಿ ಬ್ಯಾಂಕ್ ತನ್ನ ಪುದರ್ನ್ 'ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್' ಪಂದ್ ಬದಲಾಂಡ್. ಪೊಸ ಸಂಸ್ಥೆದ ವ್ಯವಸ್ಥಾಪಕ ನಿರ್ದೇಶಕ ಬೊಕ್ಕ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಆದ್ ವಿ. ವೈದ್ಯನಾಥನ್ ಅಧಿಕಾರ ದೆತೊಂಡೆರ್.[10]
ಐಡಿಎಫ್‌ಸಿ ಲಿಮಿಟೆಡ್ ವಿಲೀನ
[ಸಂಪೊಲಿಪುಲೆ]ಜುಲೈ 2023 ಡ್, ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್‌ದ ಆಡಳಿತ ಮಂಡಳಿ ಐಡಿಎಫ್‌ಸಿ ಲಿಮಿಟೆಡ್‌ನ್ ವಿಲೀನ ಮಲ್ಪುನ ಪ್ರಸ್ತಾಪಗ್ ಒಪ್ಪಿಗೆ ಕೊರ್ಂಡ್. ಆಡಳಿತ ಮಂಡಳಿದ ಈ ಪ್ರಸ್ತಾಪಗ್ ಭಾರತೀಯ ಸ್ಪರ್ಧಾ ಆಯೋಗ ಬೊಕ್ಕ ಭಾರತೀಯ ರಿಸರ್ವ್ ಬ್ಯಾಂಕ್ ಒತ್ತೊಂಡ್. ಅಂಚನೆ ಮೇ 2024 ಡ್ ನ್ಯಾಷನಲ್ ಕಂಪನಿ ಲಾ ಟ್ರಿಬ್ಯೂನಲ್ ಈ ವಿಲೀನ ಪ್ರಸ್ತಾಪನ್ ಒಪ್ಪಿಂಡ್. ಈ ವಿಲೀನದ ಬೇಲೆಡ್ ಒಟ್ಟು ರಡ್ಡ್ ಅದೆ ಇತ್ಂಡ್–ಸುರುಕು ಐಡಿಎಫ್‌ಸಿ ಎಫ್‌ಹೆಚ್‌ಸಿಎಲ್ ಸಂಸ್ಥೆನ್ ಐಡಿಎಫ್‌ಸಿ ಲಿಮಿಟೆಡ್ ಒಟ್ಟುಗು ವಿಲೀನ ಮಲ್ಪುನು, ಬೊಕ್ಕ ಐಡಿಎಫ್‌ಸಿ ಲಿಮಿಟೆಡ್ ಸಂಸ್ಥೆನ್ ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್‌ದ ಒಟ್ಟುಗು ಸೇರಾವುನ.[11]
1 ಅಕ್ಟೋಬರ್ 2024ನೇ ಇಸವಿದಾನಿ, ಐಡಿಎಫ್‌ಸಿ ಲಿಮಿಟೆಡ್ ಅಧಿಕೃತವಾದ್ ಬ್ಯಾಂಕ್ ಒಟ್ಟುಗು ಸೇರಿಂಡ್. ಈ ವಿಲೀನದ ಬೊಕ್ಕ, ಐಡಿಎಫ್‌ಸಿ ಲಿಮಿಟೆಡ್‌ದ ಪ್ರತಿಯೊರಿ ಶೇರುದಾರರೆಗ್ ಅಕ್ಲೆನ ಪ್ರತಿ 100 ಶೇರುದ ಬದಲ್‌ಗ್ ಐಡಿಎಫ್‌ಸಿ ಫಸ್ಟ್ ಬ್ಯಾಂಕ್‌ದ 155 ಈಕ್ವಿಟಿ ಶೇರುಲೆನ್ ಕೊರಿಯೆರ್.[12]
ಸಮಾಜ ಸೇವೆ
[ಸಂಪೊಲಿಪುಲೆ]ಕೋವಿಡ್ ೧೯ ಸಾಂಕ್ರಾಮಿಕದ ಪೊರ್ತುಡು, ಕೋವಿಡ್‌ಡ್ದ್ ಬದ್ಕರ ಕಷ್ಟ ಆಯಿನ, 50,000ದಾತ್ ಗ್ರಾಹಕರೆಗ್, ಬ್ಯಾಂಕ್‌ದ ಸಿಬ್ಬಂದಿ ಪಡಿತರ ಕಿಟ್‌ಲೆನ್ ವಿತರಿಸಾಯೆರ್. ಉಂದೆಗ್ ಬೋಡಾಯಿನ ದುಡ್ಡುನ್ ಬ್ಯಾಂಕ್ ಉದ್ಯೋಗಿಲು ತಂಕುಲೆನ ಒಂಜಿ ದಿನತ ಅತ್ತಂಡ ಒಂಜಿ ತಿಂಗೊಲ್ದ ಸಂಬಳನ್ ಕೊಡುಗೆಯಾದ್ ಕೊರ್ದು ಒಟ್ಟು ಮಲ್ತಿತ್ತೆರ್. ಈ ಯೋಜನೆದ ಅಡಿಟ್ ರಾಜಸ್ಥಾನ, ಮಧ್ಯಪ್ರದೇಶ, ಮಹಾರಾಷ್ಟ್ರ, ಒಡಿಶಾ, ಗುಜರಾತ್, ಕರ್ನಾಟಕ, ಹರ್ಯಾಣ, ತಮಿಳುನಾಡು, ಆಂಧ್ರಪ್ರದೇಶ ಬೊಕ್ಕ ಛತ್ತೀಸ್‌ಗಢ ರಾಜ್ಯೊದ ಬ್ಯಾಂಕ್‌ದ ಗಿರಾಕಿಲೆಗ್ ಪಟ್ಟಿಯೆರ್.[13]
ಅತ್ತಂದೆ, ಕೋವಿಡ್-19 ಮಾರಿಡ್ದ್ ಇಲ್ಲದ ಬೆನ್ಪುನ ಜನೊಕ್ಲೆನ್ ಕಳೆವೊಂಡಿನ 250 ಇಲ್ಲ್‌ಲೆನ್ ಬ್ಯಾಂಕ್ ಗುರುತು ಮಲ್ತ್‌ದ್, 'ಗಿವ್ ಇಂಡಿಯಾ' ಸಂಸ್ಥೆದ ಬೆರಿಸಾಯೊಡು ಆ ಇಲ್ಲದಕ್ಲೆಗ್ ₹10,000 ರೂ ಪಣವುದ ಸಹಾಯ ವಿತರಿಸಾಯೆರ್.[14]
ಉಲ್ಲೇಕ
[ಸಂಪೊಲಿಪುಲೆ]- ↑ "7 things to know about IDFC Bank | Business Standard News". Business-standard.com. 2015-10-01. Retrieved 2016-10-15.
- ↑ "IDFC FIRST Bank announces completion of IDFC Ltd merger". Mint. 28 September 2024. Retrieved 3 March 2025.
- ↑ Bhagwati, Jaimini (January 2022). Insolvency and Bankruptcy Code (IBC) and Long-Term Bulk Lending in India (PDF) (in ಇಂಗ್ಲಿಷ್). Centre for Social and Economic Progress, New Delhi. p. 6.
- ↑ Tiwari, Dheeraj (2015-04-22). "Government may sell stakes in IDFC, Tata Communications via ETF route". The Economic Times. ISSN 0013-0389. Retrieved 2025-03-03.
- ↑ "RBI grants in-principle approval to IDFC, Bandhan for new bank licences". The Economic Times. Retrieved 2022-12-12.
- ↑ Gopakumar, Gopika (2021-07-21). "IDFC can exit as promoter of IDFC First Bank, clarifies RBI". mint (in ಇಂಗ್ಲಿಷ್). Retrieved 2022-12-12.
- ↑ PTI (2015-10-19). "Narendra Modi inaugurates IDFC Bank, talks of banking reforms". mint (in ಇಂಗ್ಲಿಷ್). Retrieved 2022-12-12.
- ↑ Roy, Anup (13 January 2018). "IDFC Bank to merge with Capital First, Vaidyanathan to succeed Lall". Business Standard. Retrieved 29 October 2024.
- ↑ Tadas, G. A. (August 2020). Need for Setting Up of a New Development Bank (RIS-DP #254) (PDF) (in English). New Delhi, India: Research and Information System for Developing Countries. p. 7.
{{cite book}}: CS1 maint: unrecognized language (link) - ↑ Sinha, Shilpy. "IDFC, Capital First completes merger process to form IDFC First Bank". The Economic Times. eonomictimes.com.
- ↑ "India's IDFC to merge with IDFC First Bank in latest consolidation". Reuters (in ಇಂಗ್ಲಿಷ್). 2023-07-03. Retrieved 2023-07-04.
- ↑ Deshpande, Swapnil (2024-09-27). "IDFC First Bank completes merger with IDFC Limited - CNBC TV18". CNBCTV18 (in ಇಂಗ್ಲಿಷ್). Retrieved 2024-10-15.
- ↑ "IDFC FIRST Bank launches Customer COVID relief Ghar Ghar Ration Program". Financialexpress (in ಇಂಗ್ಲಿಷ್). 11 June 2021. Retrieved 2022-12-12.
- ↑ "IDFC First Bank Employees to Fund Covid Relief for Customers". Outlook Money (in ಇಂಗ್ಲಿಷ್). 12 June 2021. Retrieved 2022-12-12.