ಐರಿಶ್ ನಲಿಕೆ

ಐರಿಶ್ ನಲಿಕೆ ಪಂಡ ಐರ್ಲೆಂಡ್ ಡ್ ಪುಟ್ಟುನ ಒಂಜಿ ಗುಂಪುದ ಸಾಂಪ್ರದಾಯಿಕ ನಲಿಕೆದ ರೂಪೊಲೆನ್ ಸೂಚಿಸವುಂಡು. ಉಂದೆಟ್ ಒಂಜಿ ಏಕವ್ಯಕ್ತಿ ಬೊಕ್ಕ ಗುಂಪು ನಲಿಕೆದ ರೂಪೊಲು ಸೇರ್ದ್ ಉಪ್ಪುಂಡು, ಉಂದು ಸಾಮಾಜಿಕ, ಸ್ಪರ್ಧಾತ್ಮಕ ಬೊಕ್ಕ ಪ್ರದರ್ಶನೊದ ಉದ್ದೇಶೊಲೆಗ್ ನಡಪುಂಡು. ಐರಿಶ್ ನಲಿಕೆ ಶತಮಾನೊಲೆಡ್ದ್ ಅಭಿವೃದ್ಧಿ ಆತ್ಂಡ್ ಬೊಕ್ಕ ಉಂದೆತ ಮೂಲ ಪ್ರಾಚೀನ ಸೆಲ್ಟಿಕ್ ನಲಿಕೆಡ್ ಉಂಡು ಪನ್ಪಿನ ನಂಬಿಕೆ ಉಂಡು.

೧೭ನೆ ಬೊಕ್ಕ ೧೮ನೆ ಶತಮಾನೊಡು, "ಪ್ರಯಾಣ ಮಲ್ಪುನ ನಲಿಕೆದ ಮಾಸ್ಟರ್ಸ್" ಇಡೀ ಐರ್ಲೆಂಡ್ ಮುಟ್ಟ ನಲಿಕೆನ್ ಕಲ್ಪಾವೊಂದಿತ್ತೆರ್. ಪ್ರಾದೇಶಿಕ ಆಚರಣೆಲೆನ್ ಬೊಕ್ಕ ಬೇತೆ ಬೇತೆ ಉದ್ದೇಶೊಲೆನ್ ಆಧಾರ ಮಲ್ತ್ದ್ ಬೇತೆ ಬೇತೆ ನಲಿಕೆದ ರೂಪೊಲೆನ್ ಅಭಿವೃದ್ಧಿ ಮಲ್ತೆರ್. ಐರಿಶ್ ನಲಿಕೆ ಐರಿಶ್ ಸಂಸ್ಕೃತಿದ ಒಂಜಿ ಪ್ರಮುಖ ಭಾಗ ಆಂಡ್, ವಿಶೇಷವಾದ್ ಐರಿಶ್ ರಾಷ್ಟ್ರೀಯವಾದಿ ಚಳುವಳಿಡ್.

೨೦ನೆ ಶತಮಾನೊದ ಸುರುತ ದಿನೊಕುಲೆಡ್ದ್ ಬೊಕ್ಕ, ಕೆಲವು ಸಂಸ್ಥೆಲು ಬೇತೆ ಬೇತೆ ನಲಿಕೆದ ರೂಪೊಲೆನ್ ಉತ್ತೇಜಿಸದ್ ಸಂಹಿತೆ ಮಲ್ತೊಂದು, ಸ್ಪರ್ಧಾತ್ಮಕ ರಚನೆಲೆನ್ ಬೊಕ್ಕ ಪ್ರಮಾಣೀಕೃತ ಶೈಲಿಲೆನ್ ಸೃಷ್ಟಿ ಮಲ್ತೊಂದುಲ್ಲೆರ್. ಸ್ಪರ್ಧಾತ್ಮಕ ಉದ್ದೇಶೊಗು ನಲಿಪುನ ಐರಿಶ್ ನಲಿಕೆದಕುಲು ಸಾಂಪ್ರದಾಯಿಕ ಐರಿಶ್ ನಲಿಕೆಡ್ದ್ ಪೊಸ ರೂಪೊಲೆನ್ ಅನುಸರಿಸವೆರ್. ಉಂದು ಕೆಲವೊಂಜಿ ಸರ್ತಿ ಒಂಜೇ ನಲಿಕೆನ್ ನಲಿಪುವೆರ್, ಆಂಡ ಗುಂಪು ನಲಿಕೆನ್ 2, 3, 4, 6, 8, 10, 16 ಅತ್ತಂದೆ ಅಯಿಡ್ದ್ ಜಾಸ್ತಿ ಸದಸ್ಯೆರೆನ ಗುಂಪುಡುಲಾ ಮಲ್ಪುವೆರ್.

ಏಕ ಐರಿಶ್ ನಲಿಕೆಡ್ ಐರಿಶ್ ನಲಿಕೆದ ಬಾರೀ ಪ್ರಸಿದ್ಧ ರೂಪೊ ಆಯಿನ ಐರಿಶ್ ಸ್ಟೆಪ್ ಡಾನ್ಸ್ ಉಂಡು. ರಿವರ್ಡಾನ್ಸ್ ದಂಚಿನ ಪ್ರದರ್ಶನೊಲೆಡ್ದ್ ೧೯೯೪ಡ್ದ್ ಬೊಕ್ಕ ಉಂದು ಲೋಕೊದ ಮಟ್ಟೊಡು ಜನಪ್ರಿಯ ಆಂಡ್. ಐರಿಶ್ ವಲಸೆ ಬತ್ತಿನ ಸಮುದಾಯೊಲು ಮಾತ್ರ ಅತ್ತ್, ಬೇತೆ ಬೇತೆ ಸಾಂಸ್ಕೃತಿಕ ಹಿನ್ನೆಲೆಡ್ದ್ ಬತ್ತಿನ ಮಸ್ತ್ ಜನಕುಲುಲಾ ಉಂದೆನ್ ಸ್ಪರ್ಧಾತ್ಮಕವಾದ್ ಅಭ್ಯಾಸ ಮಲ್ಪುವೆರ್. ಸ್ಟೆಪ್ ಡಾನ್ಸ್ ಡ್, ನಲಿಕೆದಕ್ಲೆನ ಮಿತ್ತ್ ದ ಶರೀರೊಲು ಗಟ್ಟಿಯಾದ್ ನಿಶ್ಚಿತವಾದುಂಡು, ಆಂಡ ಸೂಕ್ಷ್ಮ ಬೊಕ್ಕ ಜಟಿಲವಾದ್ ಕಾರ್ದ ಚಲನೆಲು ಅಯಿತ ಪ್ರಮುಖ ಲಕ್ಷಣೊಲು.

ಒಂಜಿ ಐರಿಶ್ ನಲಿಕೆದ ಬೇತೆ ರೂಪೊಲು ಶಾನ್-ನೋಸ್, ಒಂಜಿ ಲಯಬದ್ಧ, ಸಾಮಾಜಿಕ ನಲಿಕೆದ ರೂಪುಗೊಂಡು ಉಂಡು, ಉಂದೆಟ್ ಸುಧಾರಿತ ಪಜ್ಜೆಲು ಉಪ್ಪುಂಡು. ಬೇತೆ ಒಂಜಿ ರೂಪ, ಉತ್ಸವ ಐರಿಶ್ ನಲಿಕೆ, 20ನೆ ಶತಮಾನೊದ ಮಧ್ಯೊಡು ಸ್ಟೆಪ್ ಡಾನ್ಸ್ ಡ್ದ್ ದೂರ ಆಯಿನ ಒಂಜಿ ಶೈಲಿ ಬೊಕ್ಕ ಅಯಿಕ್ ಅಯಿತ ಸ್ವಂತ ಗುರುತು ಉಂಡು.

ಐರಿಶ್ ಗುಂಪು ನಲಿಕೆಡ್ ಫ್ರೆಂಚ್ ಪ್ರಭಾವೊಲು ಉಂಡು ಬೊಕ್ಕ 18ನೆ ಶತಮಾನೊದ ಕಡೆಟ್ ಫ್ರೆಂಚ್ ಕ್ವಾಡ್ರಿಲ್ ನಲಿಕೆಡ್ದ್ ವಿಶೇಷವಾದ್ ಪ್ರಭಾವಿತ ಆತ್ಂಡ್. ಸೀಲಿ ನಲಿಕೆನ್ ಸ್ಪರ್ಧಾತ್ಮಕವಾದ್ ಬೊಕ್ಕ ಸಾಮಾಜಿಕವಾದ್ ಅಭ್ಯಾಸ ಮಲ್ಪುವೆರ್. ಉಂದು ರಡ್ಡ್ ರ್ದ್ ಪದಿನಾಜಿ ಜನೊಕ್ಲೆನ ಗುಂಪುಡು ನಡಪುಂಡು ಬೊಕ್ಕ ಸಾಮಾನ್ಯವಾದ್ ಸಾಂಪ್ರದಾಯಿಕ ಅತ್ತಂದೆ ಸಂಹಿತೆ ಮಲ್ತಿನ ನಲಿಕೆಲೆನ್ ಬೊಕ್ಕ ರಚನೆಲೆನ್ ಬಳಸುವೆರ್. ಅಯಿತ ಪಾದದ ಕೆಲಸ ಸರಳವಾಯಿನವು, ನಲಿಕೆದ ಚಿತ್ರೊಲು ಬೊಕ್ಕ ರಚನೆಲೆಗ್ ಮಸ್ತ್ ಒತ್ತು ಕೊರ್ಪುಂಡು.

ಸೆಟ್ ಡಾನ್ಸ್ ಪಂಡ ಮುಖ್ಯವಾದ್ ನಾಲ್ ನರ್ತಕಿಲೆನ ಗುಂಪುಲು ಮಲ್ಪುನ ಒಂಜಿ ಸಾಮಾಜಿಕ ನಲಿಕೆ, ಬೊಕ್ಕ ಉಂದೆಟ್ ಸ್ಟೆಪ್ ಡಾನ್ಸ್ ಡ್ ತೋಜುನ ಜಟಿಲವಾದ್ ಪಾದದ ಕೆಲಸೊದ ಅಂಶೊಲು ಸೇರ್ದ್ ಉಪ್ಪುಂಡು.

ಐರಿಶ್ ಸಂಗೀತಗಾರೆರ್ ಬೊಕ್ಕ ನರ್ತಕಿಲು, ೧೯೮೫

ಚರಿತ್ರೆ

೭ನೇ ಶತಮಾನೊದ ದುಂಬು ಐರ್ಲೆಂಡ್ ಡ್ ನಲಿಕೆ ನಡತೊಂದು ಇತ್ತ್ಂಡ್ ಪನ್ಪಿನೆಕ್ ಬಾರಿ ಕಮ್ಮಿ ಸಾಕ್ಷ್ಯೊಲು ಉಂಡು. ವೈಕಿಂಗ್ ದಾಳಿದ ಪೊರ್ತುಡು ಐರ್ಲೆಂಡ್ ಡ್ ಲಿಖಿತ ದಾಖಲೆಲೆನ್ ನಾಶ ಮಲ್ಪುನ ಕಾರಣೊಡ್ದು ಉಂದು ಆಂಡ್ ಪಂದ್ ನಂಬುನವು. ಐರಿಶ್ ಸಾಂಸ್ಕೃತಿಕ ಪರಂಪರೆದ ಅಲಿಖಿತ ಸ್ವಭಾವೊಗುಲಾ ಉಂದು ಆವೊಲಿ ಪಂದ್ ವಿದ್ವಾಂಸೆರ್ ಊಹಿಸಯೆರ್. ವಾಸ್ತವೊಡು, "ನಲಿಕೆ" ಪನ್ಪಿನ ಆಧುನಿಕ ಐರಿಶ್ ಪದೊಕುಲು, ರಿನ್ಸ್ ಬೊಕ್ಕ ದಾಮ್ಹ್ಸಾ, 16ನೆ ಶತಮಾನೊಗು ಮುಟ್ಟ ಅಭಿವೃದ್ಧಿ ಆಯಿಜಿ.

ಲಭ್ಯವಾಯಿನ ಎಲ್ಯ ಸಾಕ್ಷ್ಯೊಲು ಮುಖ್ಯವಾದ್ ಐರ್ಲೆಂಡ್ ಗ್ ಬರ್ಪಿನ ವಿದೇಶಿ ಸಂದರ್ಶಕೆರೆಡ ತಿಕ್ಕ್ಂಡ್. ಉದಾಹರಣೆಗ್, ದಕ್ಷಿಣ ಇಂಗ್ಲೆಂಡ್ ಡ್ ರಚನೆ ಆಯಿನ 14ನೆ ಶತಮಾನೊದ ಒಂಜಿ ಬ್ಯಾಲಡ್ ಡ್, ಕವಿ ತನ್ನ ಕೇನ್ಪಿನಕುಲೆನ್ "ಐರ್ಲೆಂಡ್ ಡ್ ಎನ್ನೊಟ್ಟುಗು ಬತ್ತ್ದ್ ನಲಿಪೆರೆ" ಪಂಡ್ದ್ ಆಹ್ವಾನಿಸವೆರ್. ಐರಿಶ್ ಮೂಲದ ಸುರುತ ಬರವುದ ಸಾಕ್ಷ್ಯ ಪಂಡ 1413 ಡ್ ವಾಟರ್ ಫೋರ್ಡ್ ದ ಮೇಯರ್ ಬಾಲ್ಟಿಮೋರ್, ಕೌಂಟಿ ಕಾರ್ಕ್ ಗ್ ಭೇಟಿ ಕೊರ್ನ ಲೆಕ್ಕ. ಆ ಸಂದರ್ಭೊಡು, ಉಪ್ಪುನಕುಲು ಕ್ರಿಸ್ಮಸ್ ಈವ್ ನ್ ಆಚರಣೆ ಮಲ್ಪೆರೆ "ನಲಿಕೆದ ಮೈದಾನೊಗು ಪೋಯೆರ್" ಪಂಡ್ದ್ ಉಲ್ಲೇಖ ಮಲ್ತೆರ್.

ಆಂಡಲಾ, ೧೨ನೆ ಶತಮಾನೊಡು ಐರ್ಲೆಂಡ್ ದ ಮಿತ್ತ್ ನಾರ್ಮನ್ ಆಕ್ರಮಣ ಸುತ್ತು ನಲಿಕೆದ ಸಂಪ್ರದಾಯೊನು ಕನದ್ಂಡ್ ಪನ್ಪಿನ ನಂಬಿಕೆ ಉಂಡು, ದಾಯೆ ಪಂಡ ಉಂದು ಆ ಕಾಲೊಡು ಸಮಕಾಲೀನ ಬ್ರಿಟಿಷ್ ಶಿಬಿರೊಲೆಡ್ ನಡತೊಂದು ಇತ್ತ್ಂಡ್ ಬೊಕ್ಕ ಕೆಲವೊಂಜಿ ಸರ್ತಿ ನಾರ್ಮನ್ ಕೋಟೆಲೆಡ್ ತೋಜುಂಡು.

ಪೊಸತ್ ನಲಿಕೆ |

ಐರಿಶ್ ನಲಿಕೆದ ಬಾರೀ ಮಲ್ಲ ರೂಪೊನು ಬ್ರಾಡ್ವೇ ಶೋ ರಿವರ್ಡಾನ್ಸ್ ಜನಪ್ರಿಯ ಮಲ್ತ್ಂಡ್, ಬೊಕ್ಕ 20ನೆ ಶತಮಾನೊದ ಕಡೆಟ್ ಬೇತೆ ಐರಿಷ್ ನಲಿಕೆದ ವೇದಿಕೆ ಪ್ರದರ್ಶನೊಲೆಡ್ ತೋಜಿದ್ ಬತ್ತ್ಂಡ್. ಈ ರೂಪೊದ ಲಕ್ಷಣ ಪಂಡ ಮಿತ್ತ್ ದ ಮೈ ನಿಶ್ಚಲವಾದ್ ಉಪ್ಪುಂಡು, ಪಾದದ ಮಿತ್ತ್ ನಲಿಪುಂಡು. ಗೇಲಿಕ್ ಲೀಗ್ ಐರಿಶ್ ನಲಿಕೆನ್ ರಕ್ಷಣೆ ಮಲ್ಪೆರೆ ಬೊಕ್ಕ ಐರಿಶ್ ಸಂಸ್ಕೃತಿದ ಭಾಗವಾದ್ ರಾಷ್ಟ್ರೀಯ ಚಳುವಳಿದ ಭಾಗವಾದ್ ಉತ್ತೇಜಿಸೆರೆ ಪ್ರಯತ್ನ ಮಲ್ತಿನ ೧೯ನೆ ಶತಮಾನೊದ ಮುಟ್ಟ ಉಂದು ಬೇತೆ ರೂಪೊನು ಪಡೆಯೊಂಡು.

ಸ್ಥಿರವಾದ್ ಉಪ್ಪುನ ಮಿತ್ತ್ ದ ಮೈ ಐರಿಶ್ ನಲಿಕೆದ ಸುರುತ ಲಕ್ಷಣ ಆಂಡಲಾ, ಆಧುನಿಕ ಮೆದು ಶೂ ಐರಿಶ್ ನರ್ತಕಿಲು ಅಕ್ಲೆನ ಭುಜೊಕ್ಲೆನ್ ಸೌಮ್ಯವಾದ್ ಪರಿಪುನ ಚಲನೆಲೆಡ್ ಬಳಸುವೆರ್ ಬೊಕ್ಕ ಸಾಂಪ್ರದಾಯಿಕ ರೂಪೊನು ಬುಡ್ಪೆರ್. ಗಟ್ಟಿದ ಶೂ ನರ್ತಕಿಲು ಅಕ್ಲೆನ ಭುಜೊಲೆನ್ ಬರಿಟ್ ಬಳಕೆ ಮಲ್ಪುನ ಬದಲ್ ಕಟ್ಟುನಿಟ್ಟಾಯಿನ ಕೈತ ಸ್ಥಾನೊಡು ಬಳಕೆ ಮಲ್ಪುನವು ಸಾಮಾನ್ಯ, ಆಂಡ ಸ್ಪರ್ಧಾತ್ಮಕ ನಲಿಕೆಡ್ ಭುಜೊಕ್ಲೆನ್ ನಲಿಕೆದಕ್ಲೆನ ಬರಿಟ್ ದೀವೊಡು ಪನ್ಪಿನ ನಿಯಮ ಮುಂದುವರಿಯೊಂದೆ ಉಂಡು.

೧೯೨೯ಡ್, ಲೀಗ್ ಸ್ಟೆಪ್ ಡಾನ್ಸ್ ಸ್ಪರ್ಧೆ ಬೊಕ್ಕ ಶಿಕ್ಷಣೊನು ಸಂಹಿತೆ ಮಲ್ಪೆರೆ ಬೊಕ್ಕ ಪ್ರಮಾಣೀಕರಿಸೆರೆ ಐರಿಷ್ ನಲಿಕೆದ ಆಯೋಗೊನು (ಸಿಎಲ್ಆರ್ಜಿ) ಸ್ಥಾಪನೆ ಮಲ್ತ್ಂಡ್. ದುಂಬುದ ದಶಕೊಲೆಡ್, ಸಿಎಲ್ಆರ್ಜಿ ಜಾಗತಿಕವಾದ್ ವಿಸ್ತಾರ ಆಂಡ್ ಬೊಕ್ಕ ಶಿಕ್ಷಕೆರ್ ಬೊಕ್ಕ ಸ್ಪರ್ಧೆದ ತೀರ್ಪುಗಾರೆರ್ ಬಳಕೆ ಮಲ್ಪುನ ಪರೀಕ್ಷೆಲೆನ್ ಬೊಕ್ಕ ಅರ್ಹತೆಲೆನ್ ಅಭಿವೃದ್ಧಿ ಮಲ್ಪುನ ಮೂಲಕ ಈ ನಿರ್ದಿಷ್ಟ ಶೈಲಿದ ಸ್ಟೆಪ್ಡಾನ್ಸ್ ನ್ ಉತ್ತೇಜಿಸಯೆರ್.

ಇನಿ, ಗೇಲಿಕ್ ಲೀಗ್ ಕೋಡಿಫೈಡ್ ಶೈಲಿದ ಸ್ಟೆಪ್ಡಾನ್ಸಿಂಗ್ ನ್ ಮಸ್ತ್ ದೇಶೊಲೆಡ್ ಸ್ಪರ್ಧಾತ್ಮಕವಾದ್ ನಲಿಪುವೆರ್ ಬೊಕ್ಕ ಉಂದು ಕೆಲವು ಸಮಯೊಡು ಸಿಎಲ್ಆರ್ಜಿಡ್ದ್ ಬೇತೆ ಆಯಿನ ಒಂಜಿ ಸಂಖ್ಯೆದ ಸಂಸ್ಥೆಲೆನ ಅಡಿಟ್ ನಡಪುಂಡು.