ಐಸಿಐಸಿಐ ಬ್ಯಾಂಕ್
ಐಸಿಐಸಿಐ ಬ್ಯಾಂಕ್ ಲಿಮಿಟೆಡ್ ಭಾರತ ಮೂಲದ ಒಂಜಿ ಮಸ್ತ್ ದೇಶೊಲೆಡ್ ಇಪ್ಪುನ ಬ್ಯಾಂಕ್ ಬೊಕ್ಕ ಪಣವುದ ಸೇವೆ ಕೊರ್ಪಿನ ಕಂಪನಿಯಾದುಂಡು. ನೆತ್ತ ಪ್ರಧಾನ ಕಚೇರಿ ಮುಂಬೈಡ್ ಇತ್ತ್‌ದ್, ನೋಂದಾಯಿತ ಕಚೇರಿ ಗುಜರಾತ್ ರಾಜ್ಯದ ವಡೋದರಾಡುಂಡು. ಉಂದು ಕಾರ್ಪೊರೇಟ್ ಬೊಕ್ಕ ಚಿಲ್ಲರೆ ಗ್ರಾಹಕರೆಗ್ ಸೇವೆಲೆನ್ ಕೊರ್ಪುಂಡು ಬೊಕ್ಕ ಹೂಡಿಕೆ ಬ್ಯಾಂಕಿಂಗ್, ಜೀವ ಬೊಕ್ಕ ಜೀವೇತರ ವಿಮೆ, ಉದ್ಯಮ ಸಾಹಸಿಲೆಗ್ ಬಂಡವಾಳ (ವೆಂಚರ್ ಕ್ಯಾಪಿಟಲ್) ಬೊಕ್ಕ ಆಸ್ತಿ ನಿರ್ವಹಣೆಗಾದ್ ಅಂಗಸಂಸ್ಥೆಲೆನ್ ಹೊಂದುದುಂಡು.
ಐಸಿಐಸಿಐ ಬ್ಯಾಂಕ್‌ಗ್ ದೇಸೊರ್ಮೆ 7,511 ಶಾಖೆಲು ಬೊಕ್ಕ 12,087 ಎಟಿಎಮ್‌ ಉಲ್ಲ.[1] ಯುನೈಟೆಡ್ ಕಿಂಗ್‌ಡಮ್ ಬೊಕ್ಕ ಕೆನಡಾಡ್ ಅಂಗಸಂಸ್ಥೆಲೆನ್ ಹೊಂದುದು ಇತ್ತ್‌ದ್, ಅಮೇರಿಕಾ, ಸಿಂಗಾಪುರ, ಬಹ್ರೇನ್, ಹಾಂಗ್ ಕಾಂಗ್, ಕತಾರ್, ಒಮಾನ್, ದುಬೈ ಇಂಟರ್ನ್ಯಾಷನಲ್ ಫೈನಾನ್ಸ್ ಸೆಂಟರ್, ಚೀನಾ ಬೊಕ್ಕ ದಕ್ಷಿಣ ಆಫ್ರಿಕಾಡ್ ಶಾಖೆಲೆನ್ ಹೊಂದುದುಂಡು. ಅಂಚನೆ ಯುಎಇ, ಬಾಂಗ್ಲಾದೇಶ, ಮಲೇಷ್ಯಾ ಬೊಕ್ಕ ಇಂಡೋನೇಷ್ಯಾಡ್ ಪ್ರತಿನಿಧಿ ಕಚೇರಿ ಉಂಡು.[2][3] ಕಂಪನಿಯ ಯುಕೆ ಅಂಗಸಂಸ್ಥೆ ಬೆಲ್ಜಿಯಂ ಬೊಕ್ಕ ಜರ್ಮನಿಡ್‌ಲಾ ಶಾಖೆಲೆನ್ ಸ್ಥಾಪನೆ ಮಲ್ತ್‌ದುಂಡು. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಎಚ್‌ಡಿಎಫ್‌ಸಿ ಬ್ಯಾಂಕ್ ಬೊಕ್ಕ ಐಸಿಐಸಿಐ ಬ್ಯಾಂಕ್- ಈ ಮೂಜಿ ಬ್ಯಾಂಕ್‌ಲೆನ್ ದೇಶೀಯವಾದ್ ವ್ಯವಸ್ಥಿತವಾದಿತ್ತಿನ ಪ್ರಮುಖ ಬ್ಯಾಂಕುಲು ಪಂಡ್‌ದ್ ಭಾರತೀಯ ರಿಸರ್ವ್ ಬ್ಯಾಂಕ್ ಗುರುತು ಮಲ್ತ್‌ದುಂಡು. ಆರ್ಥಿಕವಾದ್ ಗಟ್ಟಿ ಇಪ್ಪುನ ಈ ಬ್ಯಾಂಕುಲೆನ್ ಮುರ್ಕುದ್ ಪೋವರ ಸಾಧ್ಯನೇ ಇಜ್ಜಾಂದಿನ ಸಂಸ್ಥೆಲು ಪಂಡ್‌ದ್ ಲೆಪ್ಪುವೆರ್.[4]
ಇತಿಹಾಸೊ
[ಸಂಪೊಲಿಪುಲೆ]1955 ರ ಜನವರಿ 5 ದಾನಿ ಇಂಡಸ್ಟ್ರಿಯಲ್ ಕ್ರೆಡಿಟ್ ಅಂಡ್ ಇನ್ವೆಸ್ಟ್‌ಮೆಂಟ್ ಕಾರ್ಪೊರೇಷನ್ ಆಫ್ ಇಂಡಿಯಾ ಉಂಡು ಮಲ್ತೆರ್. ನಮ ದೇಸೊದ ಉದ್ಯಮಲೆಗ್ ಯೋಜನೆಲೆಗ್ ಪಣವುದ ವ್ಯವಸ್ಥೆ ಮಲ್ಪೆರೆಗಾದ್ ವಿಶ್ವಬ್ಯಾಂಕ್, ಭಾರತದ ಸಾರ್ವಜನಿಕ ವಲಯದ ಬ್ಯಾಂಕುಲು ಬೊಕ್ಕ ಸಾರ್ವಜನಿಕ ವಲಯದ ವಿಮಾ ಕಂಪನಿ- ಈ ಮೂಜಿ ಸಂಸ್ಥೆಲು ಕೈಸೇರಾದ್ ಈ ಸಂಸ್ತೆನ್ ಉಂಡು ಮಲ್ತ.[5] ೧೯೯೪ನೇ ಇಸವಿಡ್ ಈ ಸಂಸ್ಥೆ ತನ್ನವೇ ಪುದರ್ದ ಸಂಕ್ಷಿಪ್ತ ರೂಪ ಐಸಿಐಸಿಐ ಪುದರ್‌ಡ್ ಒಂಜಿ ಬ್ಯಾಂಕನ್ನು ಸುರು ಮಲ್ತ್ಂಡ್. ನೆತ್ತ ಮುಖ್ಯ ಕಛೇರಿ ಗುಜರಾತ್‌ದ ವಡೋದರಾಡ್ ಇತ್ತ್ಂಡ್. ಅಕ್ಟೋಬರ್ 2001ನೇ ಇಸವಿಡ್, ಐಸಿಐಸಿಐ ಬೊಕ್ಕ ನೆತ್ತ ಸ್ವಾಮ್ಯದ ರಡ್ಡ್ ಅಂಗಸಂಸ್ಥೆಲಾಯಿನ ಐಸಿಐಸಿಐ ಪರ್ಸನಲ್ ಫೈನಾನ್ಷಿಯಲ್ ಸರ್ವಿಸಸ್ ಲಿಮಿಟೆಡ್ ಬೊಕ್ಕ ಐಸಿಐಸಿಐ ಕ್ಯಾಪಿಟಲ್ ಸರ್ವಿಸಸ್ ಲಿಮಿಟೆಡ್‌ಲೆನ್ ಐಸಿಐಸಿಐ ಬ್ಯಾಂಕ್ ಒಟ್ಟುಗು ವಿಲೀನ ಮಲ್ತೆರ್. ನೆತ್ತ ಒಟ್ಟುಗು ಮೂಲ ಸಂಸ್ಥೆಯಾಯಿನ ಐಸಿಐಸಿಐ ಲಿಮಿಟೆಡ್ ತನ್ನದೇ ಅಂಗಸಂಸ್ಥೆಯಾಯಿನ ಐಸಿಐಸಿಐ ಬ್ಯಾಂಕ್ (ಇಂದೆಕ್ ರಿವರ್ಸ್ ಮರ್ಜರ್ ಪನ್ಪೆರ್. ಮುಲ್ಪ ಮೂಲ ಸಂಸ್ಠೆಡ್ ಅಂಗಸಂಸ್ಥೆ ವಿಲೀನ ಆಪುನ ಬದಲ್‌ಗ್ ಮೂಲಸಂಸ್ಥೆ ಅಂಗಸಂಸ್ಥೆಡೇ ಸೇರ್‌ದ್ ಪೋಪುಂಡು) ಒಟ್ಟುಗು ವಿಲೀನವಾದ್, ಖಾಸಗಿ ಬ್ಯಾಂಕ್ ಆದ್ ಪರಿವರ್ತನೆಯಾಂಡ್.[6]
ಶೇರು ಮಾರುಕಟ್ಟೆಗ್ ಸೇರ್ಪಡೆ
[ಸಂಪೊಲಿಪುಲೆ]ಭಾರತದ ಶೇರು ಮಾರ್ಕೆಟ್‌ಡ್
[ಸಂಪೊಲಿಪುಲೆ]೧೯೯೪ದ ಪೊರ್ತುಡು ಭಾರತೀಯ ಷೇರು ಮಾರುಕಟ್ಟೆಡ್ ಉಂದು ರಡ್ಡ್‌ಲಾ- ಐಸಿಐಸಿಐ ಬೊಕ್ಕ ಐಸಿಐಸಿಐ ಬ್ಯಾಂಕ್- ಪ್ರತ್ಯೇಕ ಕಂಪನಿಲಾದ್ ಸೇರ್ಪಡೆಯಾದಿತ್ತಾ. ಮೂಲ ಸಂಸ್ಥೆಯಾಯಿನ ಐಸಿಐಸಿಐ ಲಿಮಿಟೆಡ್ ಎನ್‌ಎಸ್‌ಇ ಸುರುತ ದಿನೊಕ್ಲೆಡ್ದ್ ಲಿಸ್ಟ್ ಆದಿತ್ತ್ಂಡ, ಐಸಿಐಸಿಐ ಬ್ಯಾಂಕ್ 1997ನೇ ಇಸವಿಡ್ ಭಾರತೀಯ ಮಾರುಕಟ್ಟೆಡ್ ಪ್ರತ್ಯೇಕವಾದ್ ಲಿಸ್ಟ್ ಆಂಡ್.
ಅಮೇರಿಕಾದ ಶೇರು ಮಾರ್ಕೆಟ್‌ಡ್
[ಸಂಪೊಲಿಪುಲೆ]ಅಂತರರಾಷ್ಟ್ರೀಯ ಹೂಡಿಕೆದಾರೆರೆನ್ ಆಕರ್ಷಣೆ ಮಲ್ಪೆರೆ ಈ ರಡ್ಡ್ ಸಂಸ್ಥೆಲು ಅಮೆರಿಕನ್ ಡಿಪಾಸಿಟರಿ ರಸೀದಿಲೆನ (ADR) ಮೂಲಕ ಅಮೆರಿಕದ ಷೇರು ಮಾರುಕಟ್ಟೆಯಾಯಿನ ನ್ಯೂಯಾರ್ಕ್ ಸ್ಟಾಕ್ ಎಕ್ಸ್‌ಚೇಂಜ್‌ ಪ್ರವೇಶ ಮಲ್ತ್ಂಡ್.[7] ವಿದೇಶಿ ಕಂಪನಿಲು ತಂಕುಲೆನ ಷೇರುಲೆನ್ ಅಮೆರಿಕದ ಡಿಪಾಸಿಟರಿ ಬ್ಯಾಂಕ್‌ಡ್ ದೀದ್, ಅಲ್ಪದ ನಿಯಂತ್ರಣ ಮಂಡಳಿಲೆನ ತಪಾಸಣೆದ ಪ್ರಕ್ರಿಯೆಲೆನ್ ಪೂರೈಸರೆ ಸಾಮಾನ್ಯವಾಗಿ 3 ಡ್ದ್ 6 ತಿಂಗೊಲುದ ಸಮಯ ಆಪುಂಡು. ಈ ಪ್ರಕ್ರಿಯೆದ ಮೂಲಕ ಮೂಲ ಕಂಪನಿಯಾಯಿನ ಐಸಿಐಸಿಐ ಲಿಮಿಟೆಡ್ 1999 ರ ಸೆಪ್ಟೆಂಬರ್‌ಡ್ ನ್ಯೂಯಾರ್ಕ್ ಸ್ಟಾಕ್ ಎಕ್ಸ್‌ಚೇಂಜ್‌ಡ್ ಲಿಸ್ಟ್ ಆಯಿನ ಸುರುತ ಭಾರತದ ಕಂಪನಿಯಾಂಡ್. ನೆತ್ತ ಬೆರಿಕ್ಕ್ ಅಂಗಸಂಸ್ಥೆಯಾಯಿನ ಐಸಿಐಸಿಐ ಬ್ಯಾಂಕ್ ತನ್ನ ಷೇರುಲೆನ್ ಅಮೆರಿಕದ ಬ್ಯಾಂಕ್‌ಡ್ ದೀದ್, 2000ನೇ ಮಾರ್ಚ್‌ಡ್ ನ್ಯೂಯಾರ್ಕ್ ಸ್ಟಾಕ್ ಎಕ್ಸ್‌ಚೇಂಜ್‌ಡ್ ಲಿಸ್ಟ್ ಆಂಡ್, ಅಂಚ ಭಾರತದ ಸುರುತ ವಾಣಿಜ್ಯ ಬ್ಯಾಂಕ್ ಪನ್ಪಿನ ಪುದರ್ ಪಡೆಂಡ್.
ಅಕ್ಟೋಬರ್ 2001ನೇ ಇಸವಿಡ್ ಮೂಲ ಕಂಪನಿಯಾಯಿನ ಐಸಿಐಸಿಐ ಲಿಮಿಟೆಡ್ ಬೊಕ್ಕ ನೆತ್ತ ಬೇರೆ ಚಿಲ್ಲರೆ ಪಣವುದ ಅಂಗಸಂಸ್ಥೆಲೆನ್ ಐಸಿಐಸಿಐ ಬ್ಯಾಂಕ್ ಒಟ್ಟುಗು ವಿಲೀನ ಮಲ್ಪೆರೆ ಅನುಮೋದನೆ ತಿಕ್ಕಿಂಡ್. ಈ ವಿಲೀನ ಪ್ರಕ್ರಿಯೆ 2002 ಡ್ ಮುಗಿಯುನಗ, ಹೂಡಿಕೆದಾರೆರೆನ ಕೈಟಿತ್ತಿನ ಪ್ರತಿ 5 ಐಸಿಐಸಿಐ ಲಿಮಿಟೆಡ್ ಷೇರುಲೆಗ್ ಬದಲ್‌ಗ್ 2 ಐಸಿಐಸಿಐ ಬ್ಯಾಂಕ್ ಷೇರುಲೆನ್ ಕೊರಿಯೆರ್.
ಸ್ವಾಧೀನ
[ಸಂಪೊಲಿಪುಲೆ]ಉಲ್ಲೇಕ
[ಸಂಪೊಲಿಪುಲೆ]- ↑ "Q4-2026: Performance review" (PDF). 18 April 2026. Archived from the original (PDF) on 19 April 2026. Retrieved 22 June 2026.
- ↑ "ICICI Bank Annual Report" (PDF). 8 August 2024. Archived from the original (PDF) on 7 August 2024. Retrieved 23 February 2026.
- ↑ "PM Modi inaugurates ICICI Bank's first Chinese branch in Shanghai". The Economic Times. May 16, 2015.
- ↑ "Monetary and Credit Information Review". Reserve Bank of India. 31 January 2024. Archived from the original on 30 November 2024. Retrieved 5 September 2024.
Domestic Systemically Important Banks (D-SIBs) - The Reserve Bank on January 2, 2023 released the list of Domestic Systemically Important Banks (D-SIBs). State Bank of India, ICICI Bank, and HDFC Bank continue to be identified as D-SIBs, under the same bucketing structure as in the 2021 list of D-SIBs.
- ↑ "NOS on ICICI" (PDF). NOS org. Archived from the original (PDF) on 22 March 2012. Retrieved 5 August 2011.
- ↑ "ICICI Bank, ICICI ratify merger, swap ratio at 1:2". The Times of India. 26 October 2001. Archived from the original on 21 March 2023. Retrieved 21 March 2023.
- ↑ "ICICI Bank History". Times Internet. Archived from the original on 24 October 2021. Retrieved 14 October 2021.