ಒಂಜಿ ಕಂಬದ ಪಗೋಡ

ಒಂಜಿ ಕಂಬದ ಪಗೋಡ,ವಿಯೆಟ್ನಾಮ್

ಒಂಜಿ ಸ್ತಂಭದ ಪಗೋಡಾ ಪನ್ಪಿನ ವಾಸ್ತುಶಿಲ್ಪ ಸಂಕೀರ್ಣೊಗು ಸೇರ್ದ್ ಉಂಡು. ಉಂದೆತ ಅರ್ಥ ಪಾಗೋಡಾ 'ವಿಸ್ತಾರವಾದ್ ಆಶೀರ್ವಾದ'. ಈ ಪಗೋಡ ಪಂಡ ವಿಯೆಟ್ನಾಂ ದೇಶದ ರಾಜಧಾನಿ ಹನೋಯಿದ ಮಧ್ಯ ಬಾ ಡಿನ್ ಜಿಲ್ಲೆಡ್ (ಥಾಂಗ್ ಲಾಂಗ್ ಸಿಟಾಡೆಲ್ ದ ಸಮೀಪೊಡು) ಉಪ್ಪುನ ಒಂಜಿ ಐತಿಹಾಸಿಕ ಬೌದ್ಧ ದೇಸ್ತಾನೊ. ಈ ವಾಸ್ತುಶಿಲ್ಪ ಸಂಕೀರ್ಣೊದ ಅತ್ಯಂತ ಪ್ರಸಿದ್ಧ ಭಾಗ ಪಂಡ ಲಿಯೆನ್ ಹೋವಾ ಡೈ ಪಂಡ 'ಕಮಲದ ಪೀಠ' ಉಂದು ವಿಶೇಷ ರಚನೆದ ದೇವಸ್ಥಾನ: ಒಂಜಿ ಸ್ತಂಭೊದ ಮಿತ್ತ್ ದೀತಿನ ಕಟ್ಟಡ. ಮೂಲ ಪಗೋಡಾನ್ 1049ಡ್ ನಿರ್ಮಾಣ ಮಲ್ತೆರ್.ಕೆಲವು ಸೇರ್ಪಡೆಲೆನ್ ಮಲ್ತೆರ್ ಬುಕ್ಕೊ್ಕ 1105ಡ್ ಪರಿಪೂರ್ಣ ಮಲ್ತೆರ್.ಉಂದು ಹುವಾಂಗ್ ದೇವಸ್ಥಾನೊದ ಜೊತೆಟ್ ವಿಯೆಟ್ನಾಂ ದ ರಡ್ಡ್ ಅತ್ಯಂತ ಪ್ರತಿಷ್ಠಿತ ದೇವಸ್ಥಾನೊಲೆಡ್ ಒಂಜಿ ಪಂಡ್ದ್ ಪರಿಗಣಿಸವೊಂಡುಂಡು.

ಚರಿತ್ರೆ ಬುಕ್ಕೊ್ಕ ರಾಜವಂಶ

ಈ ದೇವಸ್ಥಾನೊನು 1028 ಡ್ದ್ 1054 ಮುಟ್ಟ ಆಳ್ವಿಕೆ ಮಲ್ತಿನ ಚಕ್ರವರ್ತಿ ಲಿ ಥಾಯಿ ಟಾಂಗ್ ಕಟ್ಟ್‌ದೆರ್. ನ್ಯಾಯಾಲಯದ ದಾಕಲೆಲೆ ಪ್ರಕಾರ, ಲೈ ಥಾಯಿ ಟಾಂಗ್ ನಿಷ್ತಾನ ಆದಿತ್ತೆರ್ ಬುಕ್ಕೊ ಬೋದಿಸತ್ವ ಅವಲೋಕಿತೇಶ್ವರನ್ ತೂಯಿನ ಕನೊನು ತೂಯೆರ್, ಒರಿ ಕಮಲದ ಪೂತ ಮಿತ್ತ್ ಕುಲ್ಲುದು ಒಂಜಿ ಬಾಲೆ ಮಗೆನ್ ಕೊರ್ತೆರ್. ಲಿ ಥಾಯಿ ಟೊಂಗ್ ಅಪಗ ತನ್ನ ತೂಯಿನ ಒರಿ ರೈತ ಪೊಣ್ಣುನ್ ಮದಿಮೆ ಆಯೆರ್; ಆ ಜೋಡಿಗ್ ಒರಿ ಮಗೆ ಪುಟ್ಟುಂಡು. ಚಕ್ರವರ್ತಿ 1049ಡ್ ಉಂದೆಕ್ ಕೃತಜ್ಞತೆಡ್ ದೇವಸ್ಥಾನೊನು ನಿರ್ಮಾಣ ಮಲ್ತೆರ್, ಥಿನ್ ತು ಪನ್ಪಿನ ಒರಿ ಸನ್ಯಾಸಿ ದೇವಸ್ಥಾನೊನು ಕಟ್ಟೊಡು ಪಂಡ್ದ್ ಪನ್ಪೆರ್, ಒಂಜಿ ಕಮಲದ ಕೆರೆತ ನಡುಟು ಒಂಜಿ ಸ್ತಂಭೊನು ನಿರ್ಮಾಣ ಮಲ್ಪುನ ಮೂಲಕ, ಕನೊಟು ತೂಯಿನಲೆಕನೆ.

ಸಂಪ್ರದಾಯ

ಒಂಜಿ ಕಂಬದ ಪಗೋಡ,ವಿಯೆಟ್ನಾಮ್

ಈ ದೇವಸ್ಥಾನ ರಾಜಧಾನಿ ಥಾಂಗ್ ಲಾಂಗ್ (ಇತ್ತೆ ಹನೋಯಿ ಪಂಡ್ದ್ ಪುದರ್ ಪೋತುಂಡು) ಡ್ ಥಾಚ್ ಬೊಡು, ಥುನ್ ಥುನ್ ಜಿಲ್ಲೆಡ್ ಅಪಗದ ಟೇ ಕಮ್ ಗಾರ್ಡನ್ ಡ್ ಇತ್ತ್ಂಡ್. ಪಗೋಡೊನು ತೆರೆಯೆರೆ ದುಂಬು, ರಾಜೆರೆನ ದೀರ್ಘಾಯುಷ್ಯೊಗು ಪ್ರಾರ್ಥನೆಲು ನಡತೊಂದು ಇತ್ತ್ಂಡ್. ಲಿ ರಾಜವಂಶದ ಕಾಲೊಡು, ಗೌತಮ ಬುದ್ಧನ ಪುಟ್ಟು ಪರ್ಬೊದ ವೇಸಕ್ ದ ಸಂದರ್ಭೊಡು ವಾರ್ಷಿಕ ರಾಜಮನೆತನೊದ ಸಮಾರಂಭೊನು ಈ ದೇವಸ್ಥಾನೊಡು ನಡಪಾವೊಂದಿತ್ತೆರ್. ರಾಜೆ ವರ್ಷೊಗು ಒಂಜಿ ಬುದ್ಧ ಸ್ನಾನದ ಸಮಾರಂಭೊನು ನಡಪಾವೊಂದಿತ್ತೆರ್, ಬುಕ್ಕೊ್ಕ ಉಂದು ಸನ್ಯಾಸಿಲೆನ್ ಬುಕ್ಕೊ್ಕ ಸಾಮಾನ್ಯ ಜನೊಕುಲೆನ್ ಒಂಜೇ ರೀತಿಡ್ ಆ ಸಮಾರಂಭೊಗು ಆಕರ್ಷಣೆ ಮಲ್ಪುಂಡು. ರಾಜೆರ್ ಅಪಗ ಒಂಜಿ ಪಕ್ಕಿನ್ ಬುಡುಗಡೆ ಮಲ್ಪುವೆರ್, ಅವೆನ್ ಜನಕುಲು ಅನುಸರಿಸೊಂದಿತ್ತೆರ್.

ಪಗೋಡಾದ ಪೊಸತನೊ ಬುಕ್ಕೊ ವಿಸೇಸೊ

ಈ ದೇಸ್ತಾನೊನು 1105ಡ್ ಚಕ್ರವರ್ತಿ ಲಿ ನ್ಹಾನ್ ಟೊಂಗ್ ನವೀಕರಣ ಮಲ್ತೆರ್ ಬುಕ್ಕೊ್ಕ ಒಂಜಿ ಗಂಟೆನ್ ಪಾಡ್ದ್ 1109ಡ್ ಒಂಜಿ ಅನುಸ್ಥಾಪನೆನ್ ಮಲ್ಪೆರೆ ಪ್ರಯತ್ನ ಮಲ್ತೆರ್. ಆಂಡಲಾ, ಆ ಕಾಲೊಡು ವಿಯೆಟ್ನಾಂ ದೇಶೊದ ನಾಲ್ ಪ್ರಮುಖ ರಾಜಧಾನಿ ಕೆಲಸೊಲೆಡ್ ಒಂಜಿ ಪಂಡ್ದ್ ಪರಿಗಣಿಸಾಯಿನ ಗಂಟೆ ಮಸ್ತ್ ಮಲ್ಲ ಬುಕ್ಕೊ್ಕ ಭಾರ ಆದಿತ್ತ್ಂಡ್, ಅಂಚಾದ್ ಅಯಿನ್ ಸ್ಥಾಪನೆ ಮಲ್ಪೆರೆ ಸಾಧ್ಯ ಆಯಿಜಿ. ನೆಲಟ್ ಬುಡ್ದು ಪೋನಗ ಟೋಲ್ ಮಲ್ಪೆರೆ ಸಾಧ್ಯ ಇಜ್ಜಿನ್ದ್ ಕಾರಣ, ಉಂದೆನ್ ಗ್ರಾಮೀಣ ಪ್ರದೇಶೊಗು ಕನತ್ ದ್ ನ್ಹತ್ ಟ್ರು ದೇವಸ್ಥಾನೊಗು ಪಕ್ಕೊಡು ಉಪ್ಪುನ ಕೃಷಿ ಭೂಮಿಡ್ ಜಮಾ ಮಲ್ತೆರ್. ಈ ಭೂಮಿಡ್ ಆಮೆಲು ಮಸ್ತ್ ವಾಸ ಮಲ್ತೊಂದಿತ್ತೆರ್, ಅಂಚಾದ್ ಆ ಗಂಟೆನ್ ಚುಒಂಗ್ ಕ್ವಿ ಡೈನ್ ಪಂಡ್ದ್ ಲೆಪ್ಪುವೆರ್ ಅರ್ಥಾತ್ ಆಮೆಲೆನ ಕ್ಷೇತ್ರದ ಗಂಟೆ. ೧೫ನೆ ಶತಮಾನೊದ ಸುರುಟು ವಿಯೆಟ್ನಾಂ ದೇಶೊನು ಮಿಂಗ್ ರಾಜವಂಶೊ ಆಕ್ರಮಣ ಮಲ್ತ್ ದ್ ಆಕ್ರಮಣ ಮಲ್ತ್ಂಡ್. ೧೪೨೬ಡ್, ಭವಿಷ್ಯದ ಚಕ್ರವರ್ತಿ ಲೆ ಲೋಯಿ ಚೀನೀ ಸೈನ್ಯೊಲೆನ್ ಆಕ್ರಮಣ ಮಲ್ತ್ದ್ ಚಿಮ್ಮಾಯೆರ್, ಬುಕ್ಕೊ್ಕ ಮಿಂಗ್ ಪಿರವುಡು ಬುಕ್ಕೊ್ಕ ಶಸ್ತ್ರಾಸ್ತ್ರೊಲೆನ್ ಕಮ್ಮಿ ಮಲ್ಪುನಗ, ಅಕ್ಲೆನ ಕಮಾಂಡಿಂಗ್ ಜನರಲ್ ಗಂಟೆನ್ ಕರಗಿಸೊಡು ಪಂದ್ ಆದೇಶ ಕೊರಿಯೆರ್.

ಲಿ ರಾಜವಂಶದ ನಂತರ

ನ್ಗುಯೆನ್ ರಾಜವಂಶದ ಕಾಲೊಡು, ಪಗೋಡಾನ್ 1840-1850 ಬುಕ್ಕೊ್ಕ 1922ಡ್ ಪುನಃಸ್ಥಾಪನೆ ಮಲ್ತೆರ್ ಬುಕ್ಕೊ್ಕ ಪುನರ್ನಿರ್ಮಾಣ ಮಲ್ತೆರ್. ಈ ಪಗೋಡಾನ್ 1954ಡ್ ಡೈನಮೈಟ್ ಮಲ್ತೆರ್. ಸಾಮಾನ್ಯವಾದ್ ಬರೆಪಿನ ವಿರುದ್ಧವಾದ್, ಫ್ರೆಂಚ್ ಲು ಅಯಿನ್ ನಾಶ ಮಲ್ತೆರ್ ಅತ್ತ್, ಆಂಡ ಫ್ರೆಂಚ್ ಸೈನ್ಯೊದ ಒರಿ ವಿಯೆಟ್ನಾಮಿ ಲೆಫ್ಟಿನೆಂಟ್ ನಕುಲು ಕಠಿಣ ಶಿಕ್ಷೆಗ್ ಒಳಗಾಯೆರ್. ೧೯೫೫ಡ್, ವಿಯೆಟ್ನಾಂ ಡೆಮಾಕ್ರಟಿಕ್ ರಿಪಬ್ಲಿಕ್ ದ ಸಂಸ್ಕೃತಿ ಸಚಿವಾಲಯ ನ್ಗುಯೆನ್ ರಾಜವಂಶ ಬುಡ್ದು ಪೋಯಿನ ವಾಸ್ತುಶಿಲ್ಪದ ಶೈಲಿನ್ ಆಧಾರ ಮಲ್ತ್ದ್ ಪಗೋಡಾ ಬುಕ್ಕೊ್ಕ ಲೋಟಸ್ ಸ್ಟೇಷನ್ ನ್ ಪುನಃಸ್ಥಾಪನೆ ಮಲ್ತ್ಂಡ್.

ವಾಸ್ತುಶಿಲ್ಪ

ಒಂಜಿ ಸ್ತಂಭದ ಪಗೋಡಾದ ವಾಸ್ತುಶಿಲ್ಪ ಡಾಮ್ ಪಗೋಡಾದ ಅವಶೇಷದ ಕಲ್ಲುದ ಸ್ತಂಭೊಗು ಹೋಲಿಕೆ ಆಪುಂಡು. ಡಾ. ಟ್ರಾನ್ ಟ್ರೊಂಗ್ ಡೊಂಗ್ ನ ಪ್ರಕಾರ, ಡಮ್ ಗುಯೆನ್ ಗೊಡಾನ ಮೂಲ ವಾಸ್ತುಶಿಲ್ಪ ಒಂಜಿ ಜ್ಯಾಮಿತಿ ಮಂಡಲ ಪನ್ಪಿನ ಬೌದ್ಧ ಧರ್ಮದ ಸಂಕೇತೊಲೆನ ಸಂರಚನೆ.ರಚನೆ ಸಂಕೀರ್ಣದ ಕೇಂದ್ರ ಲಿಯೆನ್ ಹೋವಾ ಡೈ (ಕಮಲ ನಿಲ್ದಾಣ - ಒಂಜಿ ಸ್ತಂಭದ ಪಗೋಡಾ) ಒಂಜಿ ಸ್ತಂಭದ ಕಮಲದ ಪುಷ್ಪೊಲೆನ ಕಟ್ಟಡೊಡು ಷಟ್ಭುಜಾಕೃತಿದ ರಚನೆ ಉಂಡು

೧೯೫೫ಡ್ ಕಟ್ಟಡೊದ ಜೀರ್ಣೋದ್ಧಾರ

ಈ ದೇವಸ್ಥಾನೊನು 1.25 ಮೀಟರ್ ವ್ಯಾಸೊಡು ಬುಕ್ಕೊ್ಕ 4 ಮೀಟರ್ ಎತ್ತರೊಡು ಒಂಜೇ ಕಲ್ಲ್ ದ ಸ್ತಂಬೊಡು ಮರತ್ತ ಕಟ್ಟ್‌ದ್, ಕಮಲೊದ ಪುಷ್ಪೊನು ಹೋಲುವ ರೀತಿಡ್ ವಿನ್ಯಾಸ ಮಲ್ತ್ ದ್ ಉಂಡು, ಉಂದು ಬೌದ್ಧ ಧರ್ಮದ ಶುದ್ಧತೆದ ಸಂಕೇತ, ದಾಯೆ ಪಂಡ ಒಂಜಿ ಮಣ್ಣ್ ದ ಕೆರೆಟ್ ತಾವರೆ ಪೂ ಬುಲೆಪುಂಡು. ೧೯೫೪ಡ್, ಫ್ರೆಂಚ್ ಒಕ್ಕೂಟದ ಸೈನ್ಯೊಲು ಸುರುತ ಇಂಡೋಚೈನಾ ಯುದ್ಧೊದ ಪಿರವು ವಿಯೆಟ್ನಾಂಡ್ದ್ ಪಿದಯಿ ಬರ್ಪುನ ದುಂಬು ಪಗೋಡಾನ್ ನಾಶ ಮಲ್ತೆರ್. ಅಯಿಡ್ದ್ ಬುಕ್ಕೊ್ಕ ಪುನರ್ನಿರ್ಮಾಣ ಮಲ್ತೆರ್. ಸೈಗೊನ್ ನ ಉಪನಗರೊಡು (ಇತ್ತೆ ಹೋ ಚಿ ಮಿನ್ ನಗರೊಡು ಉಂಡು) ಡೌನ್ ಟೌನ್ ಥೋಕ್ ಡ್ ಒಂಜಿ ಪ್ರತಿಕೃತಿನ್ ನಿರ್ಮಾಣ ಮಲ್ತೆರ್ (ಇತ್ತೆ ಹೋ ಚಿ ಮಿನ್ ನಗರೊಡು ಉಂಡು).