ಒಡೆಸಾ ಕ್ಯಾಟಕೊಂಬ್ಸ್

ಒಡೆಸಾ ಕ್ಯಾಟಕೊಂಬ್ಸ್

ಒಡೆಸಾ ಕ್ಯಾಟಕೋಂಬ್ಸ್
ನೆರುಬೈಸ್ಕೆಯಲ್ಲಿ ಕ್ಯಾಟಕೋಂಬ್ಸ್
Interactive map of ಒಡೆಸಾ ಕ್ಯಾಟಕೋಂಬ್ಸ್
Error: Invalid designation
Official name	Одеси ಭೂಗತ ಕಟ್ಟಡಗಳ ಸಂಕೀರ್ಣ (ಒಡೆಸಾದ ಭೂಗತ ಕಟ್ಟಡಗಳ ಸಂಕೀರ್ಣ)
Type	ಇತಿಹಾಸ, ವಿಜ್ಞಾನ ಮತ್ ತಂತ್ರಜ್ಞಾನ
Reference no.	979-ಒಡ್

ಒಡೆಸಾ ಕ್ಯಾಟಕೊಂಬ್ಸ್ ಪಂಡ ಒಡೆಸಾ ನಗರೊದ ಕೆಳ್ಗ್ ಬೊಕ್ಕ ಉಕ್ರೇನ್ ಡ್ ಅಯಿತ ಹೊರಭಾಗೊಡು ಇಪ್ಪುನ ಸುರಂಗೊಲೆನ ಲ್ಯಾಬಿರಿಂತ್ ಲೆಕೊದ ಜಾಲ, ಅವು ಹೆಚ್ಚಿನವು (90% ಡ್ದ್ ಜಾಸ್ತಿ) ಕಲ್ಲ್ ಗಣಿಗಾರಿಕೆದ ಪರಿಣಾಮ, ವಿಶೇಷವಾದ್ ಕೊಕ್ವಿನಾ. ಒಡೆಸಾ ಕ್ಯಾಟಕಾಂಬ್ಸ್ ವ್ಯವಸ್ಥೆಡ್ ನೆಲಮಾಳಿಗೆಲು, ಬಂಕರ್ ಲು, ಒಳಚರಂಡಿ ಸುರಂಗೊಲು ಬೊಕ್ಕ ಚಂಡಮಾರುತ ಚರಂಡಿಲು ಬೊಕ್ಕ ನೈಸರ್ಗಿಕ ಗುಹೆಲೆನ ಜಾಲ ಉಂಡು.

ಕ್ಯಾಟಕೊಂಬ್ಸ್ ಮೂಜಿ ಮಟ್ಟೊಡು ಉಪ್ಪುಂಡು ಬೊಕ್ಕ ಸಮುದ್ರ ಮಟ್ಟೊಡ್ದ್ 60 ಮೀಟರ್ (200 ಅಡಿ) ಆಳೊಗು ಬರ್ಪುಂಡು. ಉಂದು ಜಗತ್ತ್ ದ ಮಲ್ಲ ನಗರ ಲ್ಯಾಬಿರಿಂತ್ ಲೆಡ್ ಒಂಜಿ, ಉಂದು 2,500 ಕಿಲೋಮೀಟರ್ (1,600 ಮೈಲ್) ಮುಟ್ಟ ಉಪ್ಪುಂಡು. ರಡ್ಡನೆ ವಿಶ್ವ ಯುದ್ಧೊದ ಪೊರ್ತುಡು ಕೆಲವು ಭಾಗೊಲೆನ್ ಏರ್-ರೇಡ್ ಶೆಲ್ಟರ್ ಲೆನ ರೂಪೊಡು ಬಳಕೆ ಮಲ್ತೆರ್. ನಗರೊದ ಕೆಳ್ಗ್ ಉಪ್ಪುನ ಸುರಂಗೊಲೆನ ಒಂಜಿ ಭಾಗೊನು ಶೀತಲ ಸಮರೊಡು ಬಾಂಬ್ ಶೆಲ್ಟರ್ ಆದ್ ಮಲ್ತೆರ್. ಪರಮಾಣು ದಾಳಿ ಅತ್ತಂದೆ ಅನಿಲ ದಾಳಿದ ಸಂದರ್ಭೊಡು ನಾಗರಿಕೆರೆಗ್ ಆಶ್ರಯ ಆವೊಡು ಪನ್ಪಿನಂಚಿನ ಬಾಂಬ್ ಶೆಲ್ಟರ್ ಲು.

೧೯ನೆ ಶತಮಾನೊಡು, ಒಡೆಸಾಡ್ ಬಹುತೇಕ ಇಲ್ಲ್ ಲೆನ್ ಸುತ್ತಮುತ್ತ ಗಣಿಗಾರಿಕೆ ಮಲ್ತಿನ ಸುಣ್ಣದ ಕಲ್ಲ್ ಡ್ ಕಟ್ಟ್ ದ್ ಇತ್ತೆರ್. ನಗರ ದಂತಕಥೆದ ಪ್ರಕಾರ, ಈ ಗಣಿಲೆನ್ ಬುಡ್ದು ಪೋಯೆರ್ ಬೊಕ್ಕ ನನೊಂಜಿ ಸರ್ತಿ ಸ್ಥಳೀಯ ಕಳ್ಳಸಾಗಣೆದಾರೆರ್ ಸುರಂಗೊಲೆನ ಲ್ಯಾಬಿರಿಂತ್ ನ್ ರಚನೆ ಮಲ್ತೆರ್ ಬೊಕ್ಕ ಒಡೆಸಾದ ಕೆಳ್ಗ್ ನಿಧಿನ್ ಮುಚ್ಚಿಯೆರ್. ಮಸ್ತ್ ಸುರಂಗೊಲೆನ್ ಕನ್ಸ್ಟ್ರಕ್ಷನ್ ಕಂಪೆನಿಲು ಮಣ್ಣ್, ಕಾಂಕ್ರೀಟ್ ಅತ್ತ್ಂಡ ಮರಳುಡ್ ತುಂಬುದು ದೀತೆರ್, ಬೊಕ್ಕ ಅವುಲು ಇತ್ತೆ ಪ್ರವೇಶ ಇಜ್ಜಿ.

೨೦೧೬ ಚಿತ್ರಕಲೆ, ಒಡೆಸಾ ಕ್ಯಾಟಕೊಂಬ್ಸ್ ದ ಸಮೀಪೊಡು ಮೊಲೊಡ್ಟ್ಸೊವ್ ನ ದಳ

ವಿವರಣೆ

ಒಡೆಸಾ ಭೂಗತ ಲ್ಯಾಬಿರಿಂತ್ ದ ಅಂದಾಜಿ ಸ್ಥಳಾವಕಾಶ ಗೊತ್ತಾಪುಜಿ ದಾಯೆ ಪಂಡ ಕ್ಯಾಟಕೊಂಬ್ ಲೆನ್ ಪೂರ್ತಿ ನಕ್ಷೆ ಮಲ್ತ್ ಜೆರ್. ಕ್ಯಾಟಾಕೊಂಬ್ಸ್ ಡ್ ಹೆಚ್ಚಿನವು (95-97%) ದುಂಬುದ ಕೊಕ್ವಿನಾ ಬಹುಮಟ್ಟದ ಗಣಿಲು ಪಂಡ್ದ್ ನಂಬುನವು, ಅಯಿಡ್ದ್ ಮಿತ್ತ್ ದ ನಗರೊನು ನಿರ್ಮಾಣ ಮಲ್ಪೆರೆ ಕಲ್ಲ್ ನ್ ದೆತ್ತ್ ದ್ ದೀತೆರ್. ಉಳಿಯಿನ ಕ್ಯಾಟಕೊಂಬ್ಸ್ (3-5%) ನೈಸರ್ಗಿಕ ಕುಳಿಲು ಅತ್ತ್ಂಡ ಒಳಚರಂಡಿದಂಚಿನ ಬೇತೆ ಉದ್ದೇಶೊಲೆಗ್ ಉತ್ಖನನ ಆತ್ಂಡ್. 2019 ಡ್ದ್ ಇತ್ತೆ ಮುಟ್ಟ, ಸುರಂಗೊಲೆಗ್ 1,000 ಡ್ದ್ ಜಾಸ್ತಿ ಗೊತ್ತಾಯಿನ ಪ್ರವೇಶದ್ವಾರೊಲು ಉಂಡು.

ಒಡೆಸಾದ ಉತ್ತರೊಡು ನೆರುಬೈಸ್ಕೆಡ್ "ಮ್ಯೂಸಿಯಂ ಆಫ್ ಪಾರ್ಟಿಸನ್ ಗ್ಲೋರಿ" ಡ್ ಕ್ಯಾಟಕೊಂಬ್ಸ್ ದ ಒಂಜಿ ಎಲ್ಯ ಭಾಗ ಮಾತ್ರ ಸಾರ್ವಜನಿಕೆರೆಗ್ ತೆರೆದಿತ್ತ್ಂಡ್. ಬೇತೆ ಗುಹೆಲು ಅತ್ಯಂತ ಪ್ರವಾಸಿಲೆನ್ ಆಕರ್ಷಣೆ ಮಲ್ಪುಂಡು, ಅಕುಲು ಅಪಾಯೊಲೆನ್ ತೂದುಲಾ ಸುರಂಗೊಲೆನ್ ಅನ್ವೇಷಣೆ ಮಲ್ಪುವೆರ್. ಅಂಚನೆ ಪ್ರವಾಸೊಲೆನ್ ಅಧಿಕೃತವಾದ್ ಅನುಮೋದನೆ ಮಲ್ಪುಜೆರ್ ದಾಯೆ ಪಂಡ ಕ್ಯಾಟಕೊಂಬ್ ಲೆನ್ ಪೂರ್ತಿ ಮ್ಯಾಪ್ ಮಲ್ತ್ ಜೆರ್ ಬೊಕ್ಕ ಸುರಂಗೊಲು ಅಸುರಕ್ಷಿತವಾದುಂಡು.

ಚರಿತ್ರೆ

ಸುರುತ ಭೂಗತ ಕಲ್ಲ್ ಗಣಿಲು ೧೯ನೆ ಶತಮಾನೊಡು ತೋಜೆರೆ ಸುರು ಆಂಡ್, ಆಂಡ ಒಡೆಸಾಡ್ ಜೋರುದ ನಿರ್ಮಾಣ ನಡತ್ಂಡ್. ಅವು ಅಗ್ಗದ ನಿರ್ಮಾಣ ಸಾಮಗ್ರಿಲೆನ ಮೂಲೊ ಆದ್ ಬಳಕೆ ಆಪುಂಡು.ಸುಣ್ಣದ ಕಲ್ಲ್ ನ್ ಗರಗಸೊಡು ಕತ್ತರಿಸಯೆರ್, ಬೊಕ್ಕ ಗಣಿಗಾರಿಕೆ ಮಸ್ತ್ ತೀವ್ರವಾದ್ ಆಂಡ್, 19ನೆ ಶತಮಾನೊದ ದ್ವಿತೀಯಾರ್ಧೊಗು, ಕ್ಯಾಟಕೊಂಬ್ ಲೆನ ವ್ಯಾಪಕ ಜಾಲೊಡು ನಗರೊಗು ಮಸ್ತ್ ಅನಾನುಕೂಲೊಲು ಸೃಷ್ಟಿ ಆಂಡ್.

೧೯೧೭ ರ ರಷ್ಯಾದ ಕ್ರಾಂತಿದ ನಂತರ, ಒಡೆಸಾದ ಮಧ್ಯ ಭಾಗೊಡು (ಪೋರ್ಟೊ-ಫ್ರಾಂಕೊ ವಲಯೊದ ಒಳಗೆ, ಸ್ಟಾರೊಪೋರ್ಟೊಫ್ರಾಂಕಿವ್ಸ್ಕಾ ಬೊಕ್ಕ ಪ್ಯಾಂಟೆಲಿಮೊನಿವ್ಸ್ಕಾ ಬೀದಿಲೆಡ್ ಸುತ್ತುವರಿದ್) ಕಲ್ಲ್ ಗಣಿಗಾರಿಕೆನ್ ನಿಷೇಧ ಮಲ್ತೆರ್.

ರಡ್ಡನೆ ವಿಶ್ವ ಯುದ್ಧೊದ ಪೊರ್ತುಡು ಸೋವಿಯೆತ್ ಪಾರ್ಟಿಸನ್ ಲೆಗ್, ವಿಶೇಷವಾದ್ ವ್ಲಾಡಿಮಿರ್ ಮೊಲೊಡ್ಟ್ಸೊವ್ ನ ತಂಡೊಗು ಕ್ಯಾಟಕೊಂಬ್ಸ್ ಒಂಜಿ ಮರೆಮಾಚುನ ಜಾಗೆ ಆದ್ ಸೇವೆ ಮಲ್ತೆರ್. ದಿ ವೇವ್ಸ್ ಆಫ್ ದಿ ಬ್ಲ್ಯಾಕ್ ಸೀ ಪನ್ಪಿನ ಕೆಲಸೊಡು, ವ್ಯಾಲೆಂಟಿನ್ ಕಟಾಯೆವ್ ಒಡೆಸಾ ಬೊಕ್ಕ ಅಯಿತ ಸಮೀಪದ ಉಪನಗರ ಉಸಾಟೊವೆದ ಕೆಳ್ಗ್ ಆಕ್ಸಿಸ್ ಪಡೆಲೆನ ವಿರುದ್ಧ ಸೋವಿಯೆತ್ ಪಕ್ಷಪಾತಿಲೆನ ನಡುಟು ನಡತಿನ ಯುದ್ಧೊನು ವರ್ಣನೆ ಮಲ್ತೆರ್.

ಕ್ಯಾಟಾಕೊಂಬ್ಸ್ ನಡುಟು ಪಕ್ಷಪಾತದ ಚಳುವಳಿದ ಇತಿಹಾಸೊನು ಅನ್ವೇಷಣೆ ಮಲ್ಪುನ ಸಲುವಾದ್ ೧೯೬೧ಡ್ "ಸರ್ಚ್" (ಪೊಯಿಸ್ಕ್) ಕ್ಲಬ್ ನ್ ರಚನೆ ಮಲ್ತೆರ್. ಅಯಿತ ಸೃಷ್ಟಿಡ್ದ್ ಬೊಕ್ಕ, ಉಂದು ಕ್ಯಾಟಕೊಂಬ್ಸ್ ದ ಬಗ್ಗೆ ಅರ್ಥ ಮಲ್ಪುನೆನ್ ವಿಸ್ತಾರ ಮಲ್ತ್ಂಡ್, ಬೊಕ್ಕ ಸುರಂಗೊಲೆನ ಮ್ಯಾಪಿಂಗ್ ನ್ ವಿಸ್ತಾರ ಮಲ್ಪೆರೆ ಮಾಹಿತಿನ್ ಒದಗಿಸಾಯಿನವು.

ಈ ನಗರೊಡು 1 ಮಿಲಿಯನ್ ಡ್ದ್ ಜಾಸ್ತಿ ಜನಸಂಖ್ಯೆ ಉಂಡು, ಕೆಲವೆರ್ ನಂಬುನಂಚಿನ ಸಬ್ ವೇ ವ್ಯವಸ್ಥೆನ್ ಪರಿಚಯಿಸವುನ ಮೂಲಕ ಲಾಭ ಆಪುಂಡು. ಒಡೆಸಾಡ್ ಇಂಚಿನ ಒಂಜಿ ಸಬ್ ವೇ ವ್ಯವಸ್ಥೆನ್ ಏಪಲಾ ನಿರ್ಮಾಣ ಆಯಿಜಿ ಪನ್ಪಿನೆಕ್ ಸುರಂಗೊಲೆನ್ ಕಾರಣ ಪಂಡ್ದ್ ಉಲ್ಲೇಖ ಮಲ್ತೆರ್.

೨೧ನೆ ಶತಮಾನೊದ ಸುರುತ ಬುಕ್ಕೊ ಒಡೆಸಾದ ಸುತ್ತಮುತ್ತ ಡೊಫಿನಿವ್ಕಾ, ಬುಲ್ಡಿಂಕಾ ಬೊಕ್ಕ ವೆಲಿಕಾ ಬಾಲ್ಕಾಡ್ ಇಪ್ಪುನ ಗಣಿಲೆಡ್ ಸುಣ್ಣದ ಕಲ್ಲ್ ಗಣಿಗಾರಿಕೆ ಮುಂದುವರಿದ್ ಬತ್ತ್ಂಡ್. ಸಮಕಾಲೀನ ಗಣಿಗಾರಿಕೆದ ಪರಿಣಾಮವಾದ್, ಕ್ಯಾಟಕೊಂಬ್ಸ್ ವಿಸ್ತಾರ ಆವೊಂದುಂಡು.