ಒಪ್ಪನ

ಒಪ್ಪನ

ಕೇರಳೊಡು ಜನಪ್ರಿಯವಾದ್ ಉಪ್ಪುನ ಮುಸ್ಲಿಂ ಕಲೆತ ರೂಪೊ ಆಯಿನ ಒಪ್ಪನಾ, ಒಂಜಿ ಗುಂಪು ನಲಿಕೆ ಬುಕ್ಕೊ ಗಾಯನ ಸಂಪ್ರದಾಯ. ಸಾಮಾನ್ಯವಾದ್ ಮದಿಮೆದ ಆಚರಣೆಡ್ ಪೊಣ್ಣುಲು ಮಲ್ಪುವೆರ್. ಮಸ್ತ್ ಸರ್ತಿ ಲಯಬದ್ಧವಾದ್ ಚಪ್ಪಾಳೆ ಬುಕ್ಕೊ ಮದಿಮೆದ ಪೊಣ್ಣುನ ಸುತ್ತ ನಲಿತೊಂದು ಸರಳ ಹೆಜ್ಜೆಲೆನ್ ತೋಜಾವೆರ್.ಉಂದು ಮದಿಮೆದ ಆಚರಣೆದ ಒಂಜಿ ಸಾಮಾನ್ಯ ಭಾಗ, ಮಸ್ತ್ ಸರ್ತಿ ಮದಿಮೆದ ದುಂಬುದ ದಿನ ಮಲ್ಪುವೆರ್, ಮದಿಮೆದ ಪೊಣ್ಣು ಕೇಂದ್ರ ವ್ಯಕ್ತಿಯಾದ್ ಉಪ್ಪುಂಡು.ಮುಸ್ಲಿಮ್ ಸಮುದಯೊದ ಪೊಂಜೊವುನಕ್ಕ್ಲು ಮಾತ್ರ ಮಲ್ಪುನ ಆಚರಣೆ.

ಒಪ್ಪನ ಶಬ್ದೊದ ಜನನ,ಅರ್ಥ

"ಒಪ್ಪನಾ" ಪನ್ಪಿನ ಶಬ್ದ ಅರೇಬಿಕ್ ಶಬ್ದ "ಅಫ್ನಾ" ಡ್ದ್ ಬತ್ತಿನವು ಆದುಪ್ಪೊಲಿ. ಅರ್ಥ "ಆಕಾಶ ಮರತ ಗೆಲ್ಲುಲು" ಪನ್ಪಿನ ಅರ್ಥ.ಉಂದು ನಲಿಕೆದಕ್ಲೆನ ಕೈನ್ ಚಾಚಿದ್ ದೀತಿನವು ಪನ್ಪಿನ ಅರ್ಥ.

ಒಪ್ಪನದ ರೀತಿ,ನೀತಿ.

ಸಾಂಪ್ರದಾಯಿಕವಾದ್, ಸಂಗೀತಗಾರೆರ್ ಸೇರ್ದ್ ಪೊಣ್ಣುಲು ಒಪ್ಪಣೊಡು ಪಾಲ್ ಪಡೆಯೆರ್, ಮದಿಮೆ ಆಯಿನ ಪೊಣ್ಣು "ಪೀಠ" ಪನ್ಪಿನ ಎತ್ತರದ ಆಸನೊಡು ಕುಲ್ಲುವೆರ್.ನಲಿಕೆದಕುಲು ಲಯಬದ್ಧವಾದ್ ಪಾಡುವೆರ್ ಬುಕ್ಕೊ ಕೈ ಚಪ್ಪಾಳೆ ತಟ್ಟುವೆರ್.ಮದಿಮಾಳ್ ನ ಸುತ್ತ ಸುತ್ತುನಗ ಸರಳ ಕ್ರಮೊಕುಲೆನ್ ಬಳಕೆ ಮಲ್ಪುವೆರ್.ಹಾರ್ಮೋನಿಯಂ, ತಬಲಾ, ಬುಕ್ಕೊ ತಂಬುರಿನ್ ಇಂಚಿನ ಸಂಗೀತ ವಾದ್ಯೊಲೆನ್ ಬಳಕೆ ಮಲ್ಪುವೆರ್."ಮಾಪಿಳ್ಳಪಾಟ್ಟು" ಪನ್ಪಿ ಪಾಡ್ದನೊಲು ಮಸ್ತ್ ಸರ್ತಿ ಮದಿಮಾಯೆನ ಗುಣೊಕುಲೆನ್ ತೆರಿಪಾದ್ ಕೊರಸ್‌ಡ್ ಪನೊಲಿ. ಕೈ ತಾಳ ನಿಧಾನಗು ಸುರುವಾದ್ ಮದಿಮಾಯೆನ್ ಪುಗರ್ತ್‌ದ್ ಪಾಡ್ವೆರ್.ಬುಕ್ಕೊ ಅವ್ವು ಜೋರಾದ್ ಉಂತಾವೆರ್.ಮದಿಮಾಲ್ ನಡುಟ್ಟು ನಾಚಿಕೆಡ್,ಆಯಿನಾತ್ ತರೆತಗ್ಗಾದ್ ಕುಲ್ಲೋಡು. ಕನ್ಯೆಲು ಸಾಮಾನ್ಯವಾದ್ ಸಾಂಪ್ರದಾಯಿಕ ಕೇರಳ ಮುಸ್ಲಿಂ ಉಡುಪುಡು ತೋಜುಂಡು, ಉಂದೆಟ್ ಒಂಜಿ ಮುಂಡು- ಒಂಜಿ ಉದ್ದದ ಕುಂಟು ಸೊಂಟೊಗು ಎಡತ್ತ ಕಡೆಟ್ ಪಾಡ್ದ್, ಒಂಜಿ ಪೂರ್ತಿ ತೋಳುದ ಬ್ಲೌಸ್, ಬುಕ್ಕೊ ತರೆನ್ ಮುಚ್ಚುನ ಒಂಜಿ ಮುಸುಕು.ಮದಿಮಾಳ್‌ನ ಕೈ ಪಾದೊಗು ಮದರಂಗಿ (ಮೈಲಂಚಿ) ಪಾಡುನವು ಒಪ್ಪನ ನಲಿಕೆಗ್ ಸಂಬಂಧ ಪಟ್ಟಿನ ಮದಿಮೆದ ಮುನ್ನಾದ ಬೇತೆ ಒಂಜಿ ಸಮಾರಂಭ.

ಒಪ್ಪನದ ವಿಧೊಕ್ಲು

ಒಪ್ಪನ ಚಾಯಲ್ ಬುಕ್ಕೊ ಒಪ್ಪನ ಮುರುಕ್ಕಂ ಇಂಚಿನ ರಡ್ಡ್ ಬಗೆತ ಒಪ್ಪನ ಪ್ರದರ್ಶನ ಉಂಡು. ಒಪ್ಪನ ಚಾಯಲ್ ಡ್ ಚಪ್ಪಾಳೆ ಮಲ್ಪಂದೆ ಉಂತುದೇ ಚಲನೆಲು ಉಪ್ಪುಂಡು, ಆಂಡ ಒಪ್ಪನ ಮುರುಕ್ಕಮ್ ಪಂಡ ಲಯಬದ್ಧವಾದ್ ಚಪ್ಪಾಳೆ ಇಪ್ಪುನ ವೇಗದ ಆವೃತ್ತಿ. ಚಪ್ಪಾಳೆಲು ಬುಕ್ಕೊ ಅಯಿತ ವೇಗ ಪಾದದ ಹೆಜ್ಜೆ, ಸಂಗೀತದ ಗತಿ ಬುಕ್ಕೊ ವೇಗ, ಬುಕ್ಕೊ ಮದಿಮೆದ ಸುತ್ತಲ ನರ್ತಕಿಲೆನ ಚಲನೆ ಬುಕ್ಕೊ ರಚನೆಲೆನ್ ತೂದು ಬದಲಾವಣೆ ಆಪುಂಡು.

ಸುರುತ್ತ ಒಪ್ಪನ ಆಚರಣೆ

ಮಪ್ಪಿಲ ಮುಸ್ಲಿಂ ಕುಟುಮೊಲೆಡ್ ಆಣ್ನ ಸುನ್ನತ್, ಪೊಣ್ಣುಲೆಗ್ ಸುರುತ ಋತುಸ್ರಾವ, ಬಾಲೆ ಪುಟ್ಟುನ 14ನೇ ದಿನೊಟು ಪೊಣ್ಣು ಸ್ನಾನ ಮಲ್ಪುನಂಚಿನ ಬೇತೆ ಆಚರಣೆದ ಭಾಗವಾದ್ ಒಪ್ಪನೊನುಲಾ ಮಲ್ಪುವೆರ್. ಒಪ್ಪನ ಸಾಂಪ್ರದಾಯಿಕ ಕೇರಳ ಮುಸ್ಲಿಮೆರೆನ ಹೆಮ್ಮೆದ ಪರಂಪರೆನ್ ಗುರುತು ಮಲ್ಪುಂಡು ಬುಕ್ಕೊ ಇನಿಲಾ ಸಾರ್ವಜನಿಕ ಸ್ಥಳೊಲೆಡ್ ಸಂಸ್ಕೃತಿದ ಪ್ರಾತಿನಿಧ್ಯವಾದ್ ನಡಪುಂಡು. ಕೇರಳದ ಶಾಲಾಕಲೋತ್ಸವಡ್ ಈ ಒಪ್ಪನ ನೃತ್ಯನ್ ಒಂಜಿ ಸ್ಪರ್ಧೆಯಾದ್ ದೀಪೆರ್.

ಉಲ್ಲೇಕೊಲು

https://www.keralatourism.org/artforms/oppana-performing-art/17/ https://www.keralatourism.org/malabar/oppana/6 https://www.google.com/search?client=firefox-b-d&q=womens+dance+oppana+dance