ಕಂರ್ಡೇಪುಳಿ
| ಕಂರ್ಡೇಪುಳಿ | |
|---|---|
 | |
Scientific classification  | |
| Missing taxonomy template (fix): | Carissa |
| Species: | Template:Taxonomy/CarissaC. carandas |
| Binomial name | |
| Template:Taxonomy/CarissaCarissa carandas | |
| Synonyms | |
| |
ಕಂರ್ಡೇಪುಳಿ ಒಂಜಿ ಪೂತ ಸಸ್ಯ ಜಾತಿ. ಉಂದು ಬೆರ್ರಿ ಗಾತ್ರದ ಫಲವಸ್ತುಲೆನ್ ಉತ್ಪಾದನೆ ಮಲ್ಪುಂಡು[೨] ಉಂದೆನ್ ಸಾಮಾನ್ಯವಾದ್ ಭಾರತೊಡು ಉಪ್ಪಡ್ ಮಲ್ಪರ ಅಂಚನೆ ಖಾದ್ಯೊಲೆಡ್ ಬೊಕ್ಕ ಮಸಾಲೆಲೆಡ್ ಸೇರ್ಪಡೆ ಆದ್ ಬಳಕೆ ಮಲ್ಪುವೆರ್. ಉಂದು ಮಸ್ತ್ ಗಟ್ಟಿ ಸಸ್ಯ, ಬರಗಾಲೊಗು ಸಹಿಷ್ಣು, ಬೊಕ್ಕ ಬೇತೆ ಬೇತೆ ಮಣ್ಣ್ ಡ್ ಎಡ್ಡೆ ಬುಲೆಪುಂಡು.
ವೈಜ್ಞಾನಿಕ ಪುದರ್
[ಸಂಪೊಲಿಪುಲೆ]ಉಂದೆತ ವೈಜ್ಞಾನಿಕ ಪುದರ್ ಕ್ಯಾರಿಸ್ಸಾ ಕ್ಯಾರಂಡಾಸ್.ಅಪೋಸಿನೇಸಿ ಕುಟುಂಬೊದ ಒಂಜಿ ಪೂತ ಸಸ್ಯ ಜಾತಿ.ಉಂದೆತ ಸಾಮಾನ್ಯ ಪುದರ್ಲೆಡ್ ಕರೋಂಡ, ಬೊಕ್ಕ ಕರಂಡ, ಕೆಲವೊಂಜಿ ಸರ್ತಿ ಕರಮ್ದ ಪಂಡ್ದ್ ಬರೆಪೆರ್.
ಸ್ಥಳೀಯ ಪುದರ್
[ಸಂಪೊಲಿಪುಲೆ]ತಮಿಳು-ಪೆರುಕಳಾಚೆಡಿ, ತುಳು-ಕಂರ್ಡೇಪುಳಿ,ಮಲಯಾಳಂ-ಕರಂಟ,ಕನ್ನಡ-ಕವಳಿಕಾಯಿ ಗಿಡ ತೆಲುಗು-ಒಕಚೆಟ್ಟು, ಸಂಸ್ಕೃತ-ಕರೋಂಡಾ, ಕೊಂಕಣಿ-ಕರಾಂಜ [೧]
ಆವಾಸ
[ಸಂಪೊಲಿಪುಲೆ]ಉಂದು ನೇಪಾಳ ಬೊಕ್ಕ ಅಫ್ಘಾನಿಸ್ತಾನೊದ ಸಿವಾಲಿಕ್ ಪರ್ವತೊಲೆಡ್ 300 ಬೊಕ್ಕ 1,800 ಮೀಟರ್ ಎತ್ತರೊದ ಹಿಮಾಲಯೊಡು ಸ್ವಾಭಾವಿಕವಾದ್ ಬುಲೆಪುಂಡು. ಬೆಚ್ಚ ವಾತಾವರಣೊಡು ಉಂದು ಎಡ್ಡೆ ಪುಷ್ಪೊಲೆನ್ ಬುಲೆಪಾವುಂಡು. ಇನಿ, ಭಾರತೊದ ರಾಜಸ್ಥಾನ, ಗುಜರಾತ್, ಬಿಹಾರ, ಬೊಕ್ಕ ಉತ್ತರ ಪ್ರದೇಶೊದ ಪ್ರದೇಶೊಲೆಡ್ ಉಂದೆನ್ ಎಲ್ಯ ಪ್ರಮಾಣೊಡು ಬುಳೆಪಾವೊಂದುಲ್ಲೆರ್.
ಕೃಷಿ
[ಸಂಪೊಲಿಪುಲೆ]_fruits.jpg)
ಆಗಸ್ಟ್ ಡ್ದ್ ಸೆಪ್ಟೆಂಬರ್ ಮುಟ್ಟ ಬೀಜೊಡು ಈ ಸಸ್ಯೊನು ಬುಲೆಪಾವೆರ್. ಸಸ್ಯೊಲೆನ ಪ್ರಸರಣೊಗು ಕಸಿ ಬೊಕ್ಕ ಮೊಗ್ಗುಲೆನ್ ಲಾ ಬಳಕೆ ಮಲ್ಪೊಲಿ. ಕಟ್ಟ್ ಲೆನ್ ಲಾ ಬಳಕೆ ಮಲ್ಪೊಲಿ. ಸುರುತ ಮುಂಗಾರು ಬರ್ಸದ ಪೊರ್ತುಡು 1.5 ಮೀ ಮಧ್ಯಂತರೊಡು ನಡ್ಪುನ ಕೆಲಸ ನಡಪುಂಡು. ಬೀಜೊಡ್ದ್ ಬುಳೆಯಿನ ದೈಲು ನಡ್ತಿನ ರಡ್ಡ್ ವರ್ಸೊಡ್ದ್ ಬೊಕ್ಕ ಪ್ರಬುದ್ಧತೆಗ್ ಬರ್ಪುಂಡು. ಮಾರ್ಚ್ಡ್ ಪುಷ್ಪೊಲು ಸುರು ಆಪುಂಡು, ಬೊಕ್ಕ ಉತ್ತರ ಭಾರತೊಡು ಜುಲೈಡ್ದ್ ಸೆಪ್ಟೆಂಬರ್ ಮುಟ್ಟ ಫಲ ಪಕ್ವ ಆಪುಂಡು.
ಉಪಯೋಗೊಲು
[ಸಂಪೊಲಿಪುಲೆ]
ಕಂರ್ಡೇಪುಳಿ ಫಲೊಡು ಕರ್ಬ ಸತ್ವದ ಸಮೃದ್ಧ ಮೂಲ ಉಂಡು ಬೊಕ್ಕ ಮಸ್ತ್ ಪ್ರಮಾಣೊಡು ವಿಟಮಿನ್ ಸಿ ಉಪ್ಪುಂಡು. ಅಂಚಾದ್ ರಕ್ತಹೀನತೆಗ್ ಚಿಕಿತ್ಸೆ ಮಲ್ಪುನಗ ಉಂದು ಮಸ್ತ್ ಉಪಯುಕ್ತ ಆಂಟಿಸ್ಕಾರ್ಬುಟಿಕ್ ಆದುಂಡು. ಮಾಗಿದ ಫಲೊಡು ಮಸ್ತ್ ಪ್ರಮಾಣೊಡು ಪೆಕ್ಟಿನ್ ಉಪ್ಪುಂಡು, ಉಪ್ಪಡ್ಡ್ ಉಪಯೋಗ ಮಲ್ಪುನ ಒಟ್ಟುಗು, ಉಂದೆನ್ ಜೆಲ್ಲಿ, ಜಾಮ್, ಸಿರಪ್, ಅತ್ತಂಡ ಚಟ್ನಿ ಮಲ್ಪೆರೆ ಉಪಯೋಗ ಮಲ್ಪೊಲಿ.
ಸಸ್ಯೊದ ಬೇರ್ಲು ಮಸ್ತ್ ದಟ್ಟವಾದ್ ಉಪ್ಪುನೆರ್ದಾತ್ರ ಸವೆತ ಇಳಿಜಾರುಲೆನ್ ಸ್ಥಿರ ಮಲ್ಪೆರೆ ಉಂದು ಸೂಕ್ತವಾಯಿನವು..[೨]
ಪಿದಾಯಿದ ಸಂಪರ್ಕಲು
[ಸಂಪೊಲಿಪುಲೆ]ಉಲ್ಲೇಕೊಲು
[ಸಂಪೊಲಿಪುಲೆ]- ↑ "ಕವಳಿಕಾಯಿ ಗಿಡ" (PDF).
- ↑ Summer brings astringently delicious karonda, a fruit that's ripe for pickling, Economic Times, June 2012.