ಕದಂಬಿನಿ ಗಂಗೂಲಿ
ಕದಂಬಿನಿ ಗಂಗೂಲಿ | |
|---|---|
 | |
| ಪುಟ್ಟು | Kadambini Basu 18 July 1861[೧] |
| ಸಾವು | 3 October 1923 (ಪ್ರಾಯ 62) Calcutta, Bengal Presidency, British India |
| ಅಲ್ಮಾ ಮೀಟರ್ | Bethune College University of Calcutta |
| ಬೇಲೆ | Doctor, women's emancipation |
| ಬುಡೆದಿ | Dwarkanath Ganguly/ದ್ವಾರಕಾನಾಥ ಗಂಗುಳಿ |
ಕದಂಬಿನಿ ಗಂಗೂಲಿ (18 ಜುಲೈ 1861 - 3 ಅಕ್ಟೋಬರ್ 1923) ಬುಕ್ಕೊ ಚಂದ್ರಮುಖಿ ಬಸು ಭಾರತೊಡು ಬುಕ್ಕೊ ಬ್ರಿಟಿಷ್ ಸಾಮ್ರಾಜ್ಯೊಡು ರಡ್ಡ್ ಜನ ಪೊಣ್ಣುಲು ಪದವಿ ಪಡೆಯೆರ್. ದಕ್ಷಿಣ ಏಷ್ಯಾಡ್ ಪಾಶ್ಚಾತ್ಯ ವೈದ್ಯಶಾಸ್ತ್ರೊಡು ತರಬೇತಿ ಪಡೆಯಿನ ದಕ್ಷಿಣ ಏಷ್ಯಾ ಮೂಲದ ಸುರುತ ಪೊಣ್ಣು ವೈದ್ಯೆರ್ ಕದಂಬಿನಿ ಗಂಗೂಲಿ. ಆನಂದಿ ಗೋಪಾಲ್ ಜೋಶಿ, ಬೇತೆ ಒರ್ತಿ ಭಾರತೀಯ ಪೊಣ್ಣು, ಅಮೇರಿಕಾಡ್ ಅವ್ವೇ ಕಾಲೊಡು (೧೮೮೬) ಡಾಕ್ಟರ್ ಆದ್ ಅರ್ಹತೆ ಪಡೆಯೆರ್.
ಸುರುತ ಜೀವನ
[ಸಂಪೊಲಿಪುಲೆ]ಕದಂಬಿನಿ ಗಂಗೂಲಿ ೧೮೬೧ ಜುಲೈ ೧೮೬೧ಡ್ ಬ್ರಿಟಿಷ್ ಇಂಡಿಯಾದ ಬಿಹಾರದ ಭಾಗಲ್ಪುರಡ್ ಬ್ರಹ್ಮೋ ಸಮಾಜ ಸುಧಾರಕೆ ಬ್ರಜ ಕಿಶೋರ್ ಬಸುನ ಮಗಳ್ ಆದ್ ಪುಟ್ಟುವೆರ್. ಅರೆನ ಕುಟುಮ ಮೂಲತಃ ಇತ್ತೆದ ಬಾಂಗ್ಲಾದೇಶೊದ ಬಾರಿಸಲ್ ಪ್ರದೇಶೊಡುಪ್ಪುನ ಚಾಂದ್ಸಿ ಪನ್ಪಿನ ಊರುಡ್ದ್ ಬತ್ತಿನಕುಲು. ಆರೆನ ಅಮ್ಮೆ ಭಾಗಲ್ಪುರದ ಒಂಜಿ ಸಾಲೆದ ಮುಖ್ಯೋಪಾಧ್ಯಾಯರಾದಿತ್ತೆರ್. ಆರೆನ ಅಮ್ಮೆ ಬುಕ್ಕೊ ಅಭಯ್ ಚರಣ್ ಮಲ್ಲಿಕ್ 1893ನೇ ಇಸವಿಡ್ ಭಾರತೊಡು ಪೊಂಜೊವುಲೆನ ಅಭಿವೃದ್ಧಿಗಾದ್ "ಭಾಗಲ್ಪುರ ಮಹಿಳಾ ಸಮಿತಿ"ನ್ ಸ್ಥಾಪನೆ ಮಲ್ತೆರ್.
ಕದಂಬಿನಿ ಭಂಗ ಮಹಿಳಾ ವಿದ್ಯಾಲಯೊಡು ಬುಕ್ಕೊ ಬೆಥುನೆ ಸ್ಥಾಪನೆ ಮಲ್ತಿನ ಬೆಥುನೆ ಶಾಲೆಡ್ ಶಿಕ್ಷಣ ಸುರು ಮಲ್ತೆರ್, ಅಲ್ಪ ೧೮೭೮ಡ್ ಕಲ್ಕತ್ತಾ ವಿಶ್ವವಿದ್ಯಾಲಯೊಗು ಪ್ರವೇಶ ಪರೀಕ್ಷೆಡ್ ಉತ್ತೀರ್ಣಿರಾಯಿನ ಸುರುತ ಪೊಣ್ಣು ಆಯೆರ್. ಅಕ್ಲೆನ ಪ್ರಯತ್ನೊಲೆನ ಪರಿಣಾಮವಾದ್, ಬೆಥುನ್ ಶಾಲೆ ಸುರುಕು ಲಲಿತಕಲೆನ್ ಬುಕ್ಕೊ ೧೮೮೩ಡ್ ಪದವಿ ಶಿಕ್ಷಣೊನು ಸುರು ಮಲ್ತ್ಂಡ್. ಆರ್ ಬುಕ್ಕೊ ಚಂದ್ರಮುಖಿ ಬಸು ಬೆಥುನೆ ಶಾಲೆಡ್ದ್ ಪಾಸ್ ಆಯಿನ ಸುರುತ ವಿದ್ಯಾರ್ಥಿಲು ಆಯೆರ್,[೨] ಬುಕ್ಕೊ ಅವೇ ರೀತಿಡ್, ಅಕುಲು ದೇಶೊಡು ಬುಕ್ಕೊ ಬ್ರಿಟಿಷ್ ಸಾಮ್ರಾಜ್ಯೊಡು ಪಾಸ್ ಆಯಿನ ಸುರುತ ಪೊಣ್ಣುಲು ಆಯೆರ್.
ವೈದ್ಯಕೀಯ ಶಿಕ್ಷಣ ಬುಕ್ಕೊ ವೃತ್ತಿ
[ಸಂಪೊಲಿಪುಲೆ]ಕದಂಬಿನಿನ ಕಲ್ಕತ್ತಾ ಮೆಡಿಕಲ್ ಕಾಲೇಜಿಡ್ ಮರ್ದ್ದ ಅಧ್ಯಯನ ಮಲ್ತೆರ್. ೧೮೮೬ಡ್ ಬಂಗಾಳ ವೈದ್ಯಕೀಯ ಕಾಲೇಜಿಡ್ ಪದವಿ ಪಡೆಯೆರ್. ಉಂದು ಆರ್, ಆನಂದಿ ಗೋಪಾಲ್ ಜೋಸಿಯಾನೊಟ್ಟುಗು, ಪಾಶ್ಚಾತ್ಯ ವೈದ್ಯಕೀಯೊನು ಅಭ್ಯಾಸ ಮಲ್ಪುನ ರಡ್ಡ್ ಭಾರತೀಯ ಮಹಿಳಾ ವೈದ್ಯೆರ್ ಆಯೆರ್. ಅವ್ವೇ ಕಾಲೊಡು 1881ನೇ ಇಸವಿಡ್ ಅಬಲಾ ಬೋಸ್ ಪನ್ಪುನ ಒರ್ತಿ ಪೊಣ್ಣು ಪ್ರವೇಶ ಪರೀಕ್ಷೆಡ್ ಪಾಸ್ ಆಯೆರ್, ಆಂಡ ವೈದ್ಯ ಶಾಲೆಗ್ ಸೇರಾವಂದ್ನ ಕಾರಣ, ಅಂಚಾದ್ ಆಯೆ ಮದ್ರಾಸ್ (ಇತ್ತೆದ ಚೆನ್ನೈ) ಗ್ ಪೋದು ವೈದ್ಯ ಕಲ್ಪುನಗ ಸೋತುದು ಪೋಯೆರ್.
ಒಂತೆ ಸಮಯೊಗು ಕದಂಬಿನಿ ಗುರುಕುಲೆನ ಬುಕ್ಕೊ ಆನುವಂಶಿಕತೆನ್ ನಂಬುನ ಸಾಂಪ್ರದಾಯಿಕ ಸಮಾಜೊಲೆನ ವಿರೋಧೊನ್ ಜಯಿಪುವೆರ್. ಅಪಗ ಆರ್ ೧೮೯೨ಡ್ ಯುನೈಟೆಡ್ ಕಿಂಗ್ ಡಮ್ ಗ್ ಪೋದು, ಎಲ್ ಆರ್ ಸಿ ಪಿ (ಎಡಿನ್ಬರ್ಗ್), ಎಲ್ ಆರ್ ಸಿ ಎಸ್ (ಗ್ಲಾಸ್ಗೋ), ಬುಕ್ಕೊ ಜಿಎಫ್ ಪಿಎಸ್ (ಡಬ್ಲಿನ್) ಪರೀಕ್ಷೆಲೆನ್ ಪಾಸ್ ಮಲ್ತೆರ್, ಬುಕ್ಕೊ ಭಾರತೊಗು ಪಿರ ಬತ್ತೆರ್. ಲೇಡಿ ಡಫೆರಿನ್ ಆಸ್ಪತ್ರೆಡ್ ಒಂತೆ ಸಮಯ ಕೆಲಸ ಮಲ್ತೆರ್ ಬುಕ್ಕೊ ಕಡೆಕ್ ತನ್ನ ಸ್ವಂತ ಖಾಸಗಿ ವೈದ್ಯಕೀಯ ವೃತ್ತಿನ್ ಸುರು ಮಲ್ತೆರ್.
ಸಾಮಾಜಿಕ ಚಟುವಟಿಕೆಲು
[ಸಂಪೊಲಿಪುಲೆ]೧೮೮೩ಡ್ ಬ್ರಹ್ಮೋ ಸುಧಾರಕೆರ್ ಬುಕ್ಕೊ ಮಹಿಳಾ ಸಬಲೀಕರಣ ಚಳುವಳಿದ ಮುಖ್ಯಸ್ಥೆರ್ ಆಯಿನ ದ್ವಾರಕಾನಾಥ ಗಂಗುಳಿನ್ ಮದಿಮೆ ಆಯೆರ್. ಪೂರ್ವ ಭಾರತೊದ ಕಲ್ಲಿದ್ದಲು ಗಣಿಲೆಡ್ ಬೇಲೆ ಮಲ್ಪುನ ಪೊಣ್ಣುಲೆನ ಉನ್ನತಿ ಬುಕ್ಕೊ ಪೊಣ್ಣುಲೆನ ಮುನ್ನಡೆಗಾದ್ ಸಾಮಾಜಿಕ ಚಳುವಳಿಲೆಡ್ ಬಾರೀ ಕಾಳಜಿಡ್ ಬುಕ್ಕೊ ಮದಿಮೆ ಆಯಿನಕುಲು ಮಸ್ತ್ ತೊಡಗಿಸಾಯೆರ್. ೧೮೮೯ಡ್ ನಡತಿನ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ದ ಐನ್ ನೇ ಅಧಿವೇಶನೊಗು ಪಾಲ್ ಪಡೆಯಿನ ಆಜಿ ಪೊಣ್ಣುಲೆಡ್ ಒರ್ತಿ. ೧೯೦೬ಡ್ ಬಂಗಾಳ ವಿಭಜನೆ ಆಯಿ ಬುಕ್ಕೊ ಒಂಜಿ ಮಹಿಳಾ ಸಮ್ಮೇಳನೊನು ಆಯೋಜಿಸಯೆರ್. ೧೯೦೮ಡ್ ಸತ್ಯಾಗ್ರಹೊಡ್ದ್ ಸ್ಫೂರ್ತಿ ಪಡೆಯಿನ ದಕ್ಷಿಣ ಆಫ್ರಿಕಾದ ಟ್ರಾನ್ಸ್ವಾಲ್ ಡ್ ನಡತಿನ ಭಾರತೀಯ ಕಾರ್ಮಿಕ ಚಳುವಳಿಗ್ ಸಹಾನುಭೂತಿ ವ್ಯಕ್ತಪಡಿಸವುನ ಒಂಜಿ ಸಭೆನ್ ಕೋಲ್ಕತ್ತಾಡ್ ಆಯೋಜಿಸಯೆರ್ ಮಾತ್ರ ಅತ್ತ್ ಅಧ್ಯಕ್ಷತೆಲಾ ಮಲ್ತೆರ್. ಕಾರ್ಮಿಕೆರೆಗ್ ಆರ್ಥಿಕ ಸಹಾಯ ಕೊರ್ಪಿನ ಒಂಜಿ ಸಂಘೊನು ಅಕುಲು ರಚನೆ ಮಲ್ತೆರ್.
ಎನ್ಮ ಜೋಕುಲೆನ ಅಪ್ಪೆ ಆಯಿನೆಡ್ದಾವರ, ಅಲೆಗ್ ಅರೆನ ಕುಟುಂಬೊಗು ಮಸ್ತ್ ಸಮಯ ಕೊರ್ರೆ ಬೋಡಾಂಡ್. ಅಕುಲು ಅಕ್ಲೆನ ಕಸೂತಿಡ್ ನಿಪುಣೆರಾದಿತ್ತೆರ್.
ಪ್ರಸಿದ್ಧ ಅಮೆರಿಕದ ಇತಿಹಾಸಕಾರೆ ಡೇವಿಡ್ ಕೊಪ್ಫ್[೩] ಕದಂಬಿನಿನ್ ಈ ರೀತಿ ವರ್ಣನೆ ಮಲ್ತೆರ್: "ಗಂಗೂಲಿನ ಬೊಡೆದಿ, ಕದಂಬಿನಿ, ಒರ್ತಿ ಬ್ರಹ್ಮೋ ಸಮಾಜದ ಪೊಣ್ಣು, ಆರ್ ತನ್ನ ಗುರಿನ್ ಸಾಧಿಸಯೆರ್ ಬುಕ್ಕೊ ತನ್ನ ಕಾಲೊಡು ತನ್ನ ಸ್ವಂತ ಗುರುತುನ್ ಮಲ್ತೆರ್. ಆಂಡಲಾ, ಅಕ್ಲೆನ ಸಂಬಂಧೊಲು ಅಪರೂಪದ ಪ್ರೀತಿ, ಸಂವೇದನೆ ಬುಕ್ಕೊ ಬುದ್ಧಿವಂತಿಕೆಡ್ ಒಂಜಿ ಆದಿತ್ತ್ಂಡ್. ಕದಂಬಿನಿನ ಸಂಬಂಧೊಲು ಬ್ರಾಹ್ಮೋ ಸಮಾಜೊಡ್ದ್ ಸ್ವತಂತ್ರವಾದ್ ಇತ್ತಿನ ಒಂಜಿ ಉದಾರ್ಮೆ ಆದಿತ್ತ್ಂಡ್ ತಳಿಲು, ಅತ್ತಂದೆ ಕ್ರಿಶ್ಚಿಯನ್ ಧರ್ಮೊಡು. ಕದಂಬಿನಿ ಏತ್ ಪರಿಸ್ಥಿತಿಡ್ದ್ ಲಾ ಮಿತ್ತ್ ಏರುನ ಸಾಮರ್ಥ್ಯ ಬುಕ್ಕೊ ಅರೆನ ಮಾನವ ಸಾಮರ್ಥ್ಯೊನು ಅರಿತ್ ದೆತೊನುನ ಬುದ್ಧಿವಂತಿಕೆ ಕದಂಬಿನಿನ್ ಬಂಗಾಳಿ ಪೊಣ್ಣುಲೆನ ಉನ್ನತಿಡ್ ತೊಡಗಿನ ಸಾಮಾನ್ಯ ಬ್ರಹ್ಮೋ ಸಮಾಜೊದ ಕಾರ್ಮಿಕೆರೆನ ನಡುಟು ಮಸ್ತ್ ಜನಪ್ರಿಯ ಮಲ್ತ್ಂಡ್."
ಟಿಪ್ಪಣಿಲು
[ಸಂಪೊಲಿಪುಲೆ]- ↑ Karlekar, Malavika (2012). "Anatomy of a Change: Early Women Doctors". India International Centre Quarterly. 39 (3/4): 95–106. JSTOR 24394278.
- ↑ Female students were admitted into Oxford University in 1879, one year after the admission of female students for undergraduate studies at the University of Calcutta Archived ೨೦೦೬-೧೦-೧೮ at the Wayback Machine.
- ↑ "David Kopf". History at Minnesota. Regents of the University of Minnesota. Archived from the original on 16 May 2006. Retrieved 5 November 2006.
ಉಲ್ಲೇಕೊಲು
[ಸಂಪೊಲಿಪುಲೆ]- ಕೊಪ್ಫ್, ಡೇವಿಡ್ (೧೯೭೯), ಬ್ರಹ್ಮೋ ಸಮಾಜ ಬುಕ್ಕೊ ಆಧುನಿಕ ಭಾರತೀಯ ಮನಸ್ಸ್ ದ ರೂಪ, ಪ್ರಿನ್ಸ್ಟನ್ ವಿಶ್ವವಿದ್ಯಾಲಯ ಮುದ್ರಣಾಲಯ, ಐಎಸ್ಬಿಎನ್ 0-691-03125-8
- ಸೆನ್ಗುಪ್ತಾ, ಸುಬೋಧ ಚಂದ್ರ ಬುಕ್ಕೊ ಬೋಸ್, ಅಂಜಲಿ (ಸಂಪಾದಕೆರ್), (೧೯೭೬/೧೯೯೮), ಸಂಸಾದ್ ಬಂಗಾಳಿ ಚರಿತಾಭಿಧನೆ (ಜೀವನ ಚರಿತ್ರೆದ ನಿಘಂಟು) ಬಂಗಾಳಿಡ್, ಪುಟೊಕುಲು ೭೯–೮೦, ಐಎಸ್ಬಿಎನ್ ೮೧-೮೫೬೨೬-೬೫-೦
- ನಂಡಿ, ಆಶಿಸ್ (೧೯೯೫), ದಿ ಸ್ಯಾವೇಜ್ ಫ್ರಾಯ್ಡ್ ಅಂಡ್ ಅದರ್ ಎಸ್ಸೆಸ್ ಆನ್ ಪಾಸಿಬಲ್ ಅಂಡ್ ರಿಟ್ರೀವೆಬಲ್ ಸೆಲ್ಫ್ಸ್, ಪ್ರಿನ್ಸ್ಟನ್ ಯೂನಿವರ್ಸಿಟಿ ಪ್ರೆಸ್, ಐಎಸ್ಬಿಎನ್ 0-691-04411-2