ಕಪ್ಪಲ್-ಜೀರ್‍ದರಿ

ಕಪ್ಪಲ್-ಜೀರ್‍ದರಿ
Scientific classification
Missing taxonomy template (fix):	Nigella
Species:	Template:Taxonomy/NigellaN. sativa
Binomial name
Template:Taxonomy/NigellaNigella sativa L.
Synonyms
Nigella cretica Mill. Nigella indica Roxb. Nigella truncata Viv.

ಕಪ್ಪಲ್-ಜೀರ್‍ದರಿ ಇಂದೆನ್ ಕಪ್ಪು ಜೀರಿಗೆ, ಕಪ್ಪು ಕ್ಯಾರವೆ ಬೊಕ್ಕ ನೆಜೆಲ್ಲಾ ಅತ್ತ್ಂಡ ಕಲೊಂಜಿ ಪಂಡ್ದ್ ಲಾ ಲೆಪ್ಪುವೆರ್, . ಮರ್ದ್‍ದ ಗುಣ ಉಪ್ಪುನ ಬೀಜೊಗು ಭಾರತೊಡ್ ಉಂದೆನ್ ಬುಳೆಪಾವೆರ್. ಉಂದು ಪಂಜಾಬ್, ಹಿಮಾಚಲ ಪ್ರದೇಶ, ಬಿಹಾರ ಬೊಕ್ಕ ಅಸ್ಸಾಂಡ್ ನೈಸರ್ಗಿಕವಾದ್ ಬುಳೆಪುಂಡು.

ವೈಜ್ಞಾನಿಕ ಪುದರ್

ಉಂದೆತ ವೈಜ್ಞಾನಿಕ ಪುದರ್ ನಿಗೆಲ್ಲಾ ಸಟಿವ ಪಂಡ್‍ದ್.ಉಂದು ರನುನ್ಕುಲಾಸಿ ಕುಟುಂಬೊದ ನಿಗೆಲ್ಲಾ ಕುಲೊತ ಒಂಜಿ ಜಾತಿ.

ಸ್ಥಳೀಯ ಪುದರ್

ತಮಿಳು-ಕರುಂಜೀರಿಗಂ,ಇರುಳಿ- ತುಳು-ಕಪ್ಪಲ್-ಜೀರ್‍ದರಿಮಲಯಾಳಂ-ಕರಿಂಚೀರಕಮ್,ಕನ್ನಡ-ಕಪ್ಪು ಜೀರಿಗೆ, ತೆಲುಗು-ನಲ್ಲಜೀರಕರ್ರ, ಸಂಸ್ಕೃತ-ಉಪಕುಂಚಿಕಾ,ಕಾರಭಿ,ಯೋನಿಶೂಲಘ್ನ

ಆವಾಸ

ಉಂದು ಪಶ್ಚಿಮ ಯುರೋಪುದ ಮೂಲದವು. ಇತ್ತೆ ಉಂದೆನ್ ಭಾರತ ಸೇರ್ದ್ ಏಷ್ಯಾ ಖಂಡದ ಮಸ್ತ್ ಜಾಗೆಲೆಡ್ ಬುಲಪಾವೆರ್.

ಲಕ್ಷಣಲು

ಉಂದು ಸುಮಾರ್ 1 ಮೀ ಎತ್ತರೊಗು ಬುಳೆಪುನ ಒಂಜಿ ವಾರ್ಷಿಕ ಗಿಡಮೂಲಿಕೆ. ದೆತ್ತ ಇರೆಕುಲು ಪರ್ಯಾಯವಾದ್ ಜೋಡಾದ್ ಉಪ್ಪುಂಡು, 2.5–5.0 ಸೆಂ.ಮೀ. ಉದ್ದ ಉಪ್ಪುಂಡು, ಬೊಕ್ಕ ಅವು ಉದ್ದ, ನೂಲುದಂಚಿನ ಭಾಗೊಲೆಡ್ ವಿಂಗಡಣೆ ಆಪುಂಡು. ಪುಷ್ಪೊಲು ಇರೆಕುಲೆನ ಅಕ್ಷೊಲೆಡ್ ಒಂಜೇ ರೀತಿಡ್ ಅರಳುಂಡು. ಅವು ಉದ್ದದ ಪೆಡಿಕಲ್ಸ್ ನ್ ಪಡೆಯೊಂದಿಪ್ಪುಂಡು. ಅವು ತಿಳಿ ನೀಲಿ ಬಣ್ಣೊಡು ಉಪ್ಪುಂಡು. ಪ್ರತಿಯೊಂಜಿ ಪುಷ್ಪೊಗು ಐನ್ ದಳೊಲು, ಅಸಂಖ್ಯಾತ ಪುಷ್ಪಕಂಠೊಲು, ಬೊಕ್ಕ ಐನ್ ಕಾರ್ಪೆಲ್ ಲೆನ ಅಂಡಾಶಯ ಉಪ್ಪುಂಡು. ಕಾರ್ಪೆಲ್ ಲೆನ್ ಬುಡೊಡು ಒಟ್ಟು ಸೇರಾದ್ ದೀಪೆರ್. ಬೀಜೊಲು ಮೂಜಿ ಲೋಬುದ ಬೊಕ್ಕ ಕಪ್ಪು ಬಣ್ಣೊಡು ಉಪ್ಪುಂಡು; ಅಯಿಕ್ಲೆನ ಮೇಲ್ಮೈ ಒರಟು ಉಂಡು. ಬೀಜೊಲೆಡ್ ಒಂಜಿ ರೀತಿದ ಮಂಜಲ್ ಬಣ್ಣದ ಬಾಷ್ಪಶೀಲ ಎಣ್ಣೆ ಉಪ್ಪುಂಡು.

ರಾಸಾಯನಿಕೊಲು

ಎಣ್ಣೆದ ಒಟ್ಟುಗು, ಬೀಜೊಲೆಡ್ ನಿಗೆಲ್ಲಾ ಪನ್ಪಿನ ಕೈಪೆ ವಸ್ತು ಉಪ್ಪುಂಡು, ಅಂಚನೆ ಟ್ಯಾನಿನ್, ರಾಳ, ಪ್ರೋಟೀನ್, ಅಮೈನೋ ಆಮ್ಲ, ಬೊಕ್ಕ ಸಪೋನಿನ್ ಇಂಚಿನ ಸಂಯುಕ್ತೊಲು ಉಪ್ಪುಂಡು.

ಮರ್ದ್‍ದ ಗುಣ

ಬೀಜೊಲೆನ್ ಕಷಾಯಕಾರಿ, ಉತ್ತೇಜಕ, ಬೊಕ್ಕ ಸೋಂಕು ನಿವಾರಕವಾದ್ ಬಳಕೆ ಮಲ್ಪುವೆರ್. ಕುದಿ ದೆಪ್ಪುನಗಲಾ ಉಪಯೋಗ ಮಲ್ಪುವೆರ್. ಬೀಜೊಲೆಡ್ ಕೆಲವು ಬಗೆತ ಬ್ಯಾಕ್ಟೀರಿಯಾಲೆನ್ ನಾಶ ಮಲ್ಪುನ ಗುಣಲಾ ಉಂಡು. ಉಣ್ಣೆ ಬೊಕ್ಕ ಲಿನಿನ್ ಕುಂಟುಲೆನ ನಡುಟು ಬೀಜೊಲೆನ್ ದೀಂಡ ಕುಂಟುಗು ಪುರಿಕುಲು ಬರ್ಪುಜಿ ಪನ್ಪಿನವು ತೋಜಿದ್ ಬತ್ತ್ಂಡ್. ಕೆಮ್ಮು, ಆಸ್ತಮಾಗ್ ಉಪಯೋಗ ಮಲ್ಪೊಲಿ ಪನ್ಪೆರ್.