ಕಮಲ ಸುರಯ್ಯ
ಕಮಲಾ ಸುರಯ್ಯ ಮೇರ್ ೩೧ ಮಾರ್ಚ್ ೧೯೩೪ ಡ್ ಕೇರಳಡ್ ಪುಟ್ಟಿನ ಒರ್ತಿ ಮಲಯಾಳಂ ಕವಿಯಾದ್ ಪುದರ್ ಪೋಯಿನಾರ್.ಕೇರಳೊಡು ಅರೆನ ಪುದರ್ ಮುಖ್ಯವಾದ್ ಅರೆನ ಸಣ್ಣ ಕತೆಕುಲು ಬೊಕ್ಕ ಆತ್ಮಚರಿತ್ರೆ, ಮೈ ಸ್ಟೋರಿಡ್ದ್ ಬತ್ತ್ಂಡ್. ಆಂಡ 'ಕಮಲಾ ದಾಸ್' ಪನ್ಪಿನ ಕಪಟನಾಮೊಡು ಬರೆತಿನ ಇಂಗ್ಲಿಷ್ ಡ್ ಅರೆನ ಕೆಲಸೊಲು ಅರೆನ ಕಬಿತೆಲು ಬೊಕ್ಕ ಸ್ಪಷ್ಟ ಆತ್ಮಚರಿತ್ರೆಗ್ ಪುದರ್ ಪೋತುಂಡು.ಆರ್ ಒರಿ ವ್ಯಾಪಕವಾದ್ ಓದುನ ಅಂಕಣಕಾರೆ ಆದಿತ್ತೆರ್. ಬೊಕ್ಕ ಪೊಣ್ಣುಲೆನ ಸಮಸ್ಯೆಲು, ಬಾಲೆಲೆನ ಆರೈಕೆ, ರಾಜಕೀಯ ಇಂಚಿನ ಬೇತೆ ಬೇತೆ ವಿಷಯೊಲೆಡ್ ಬರೆಯೆರ್. ಪೊಣ್ಣುಲೆನ ಲೈಂಗಿಕತೆದ ಬಗ್ಗೆ ಆರ್ನ ಉದಾರ ಚಿಕಿತ್ಸೆ, ಆರ್ನ ತರೆಮರೆತ ಜನಪ್ರಿಯ ಸಂಸ್ಕೃತಿಡ್ ಒರಿ ಐಕಾನೊಕ್ಲಾಸ್ಟ್ ಆದ್ ಗುರುತು ಪಾಡ್ದೆರ್. [೧]
ಸುರುತ ಜೀವನ ಬೊಕ್ಕ ಬಾಲ್ಯ
[ಸಂಪೊಲಿಪುಲೆ]ಕಮಲಾ ದಾಸ್ ಬ್ರಿಟಿಷ್ ಇಂಡಿಯಾದ ಮಲಬಾರ್ ಜಿಲ್ಲೆದ ಪೊನ್ನಾನಿ ತಾಲೂಕುದ ಪುಣ್ಣಯೂರ್ಕುಲಂ ಡ್ (ಇತ್ತೆದ ತ್ರಿಶೂರು ಜಿಲ್ಲೆ, ಕೇರಳ) ೧೯೩೪ ಮಾರ್ಚ್ ೩೧ ತಾರೀಕ್ ಗ್ ವ್ಯಾಪಕವಾದ್ ಪ್ರಸಾರ ಆಯಿನ ಮಲಯಾಳಂ ದೈನಿಕ ಮಾತೃಭೂಮಿದ ವ್ಯವಸ್ಥಾಪಕ ಸಂಪಾದಕೆರ್ ಆಯಿನ ವಿ. ಎಂ. ನಾಯರ್ ಬೊಕ್ಕ ಮಲಯಾಳಂ ಕುಟುಮೊಡು ಪುನರ್ವಸತಿ ಆಯಿನ ಅಮ್ಮನವರ ಕವಿ ನಲಪತ್ ಬಲಮಾನಿ ಅಮ್ಮನ ಇಲ್ಲಡ್ ಪುಟ್ಟುವೆರ್. ಕಮಲಾ ತನ್ನ ಕುಟುಂಬದ ಪುದರ್ ನಲಪತ್ ನ್ ಮಾತೃವಂಶದ ಉತ್ತರಾಧಿಕಾರೊಡ್ದ್ ಪಡೆಯೆರ್.ಆರ್ ತನ್ನ ಬಾಲ್ಯೊನು ಕಲ್ಕತ್ತಾಡ್ ಕಳೆಯೆರ್, ಅಲ್ಪ ಆರ್ನ ಅಪ್ಪೆ ಬೆಂಟ್ಲೆ ಬೊಕ್ಕ ರೋಲ್ಸ್-ರಾಯ್ಸ್ ಆಟೋಮೊಬೈಲ್ ಲೆನ್ ಮಾರಾಟ ಮಲ್ಪುನ ವಾಲ್ಫೋರ್ಡ್ ಟ್ರಾನ್ಸ್ಪೋರ್ಟ್ ಕಂಪೆನಿಡ್ ಹಿರಿಯ ಅಧಿಕಾರಿಯಾದ್ ಕೆಲಸ ಮಲ್ತೆರ್.ಅಪ್ಪೆ ಬಲಮಣಿ ಅಮ್ಮನಲೆಕ ಕಮಲಾ ದಾಸ್ಲಾ ಬರವುಡು ಮಲ್ಲೆ ಆದಿತ್ತೆರ್.15 ವರ್ಷ ಪ್ರಾಯೊಡು ಕಾಳಿಪುರಾಯತ್ ಮನೆತನೊದ ಬ್ಯಾಂಕ್ ಅಧಿಕಾರಿ ಕೆ.ಮಾಧವ ದಾಸ್ ನ್ ಮದಿಮೆ ಆಯೆರ್, ಅಕುಲು ಆರೆನ ಸಾಹಿತ್ಯೊದ ಬೇಲೆಗ್ ಸಹಾಯ ಮಲ್ತೆರ್. ಆರ್ ಇಂಗ್ಲಿಷ್ ಬೊಕ್ಕ ಮಲಯಾಳಂ ರಡ್ಡ್ ಭಾಷೆಡ್ ಬರೆಯೆರೆ ಬೊಕ್ಕ ಪ್ರಕಟಣೆ ಮಲ್ಪೆರೆ ಸುರು ಮಲ್ತೆರ್. ಕಲ್ಕತ್ತಾಡ್ ೧೯೬೦ ದಶಕೊಡು ಕಲಾತ್ಮಕ ಗೊಂದಲೊದ ಯುಗೊನು ತೂಯೆರ್, ಅಯಿಟ್ ಕಮಲಾ ದಾಸ್ ಭಾರತೀಯ ಇಂಗ್ಲಿಷ್ ಕವಿಲೆನ ಒಂಜಿ ತರೆಮರತೊಟ್ಟುಗು ಗೌರವಾನ್ವಿತ ಸಂಕಲನೊಲೆಡ್ ತೋಜಿದ್ ಬತ್ತಿನ ಅಸಂಖ್ಯಾತ ಧ್ವನಿಲೆಡ್ ಒರಿಯೆ ಆದ್ ಬುಲೆಯೆರ್. ಅರೆನ ಪ್ರಕಟವಾದ್ ಉಪ್ಪುನ ಆಜಿ ಕಬಿತೆ ಸಂಗ್ರಹೊಲೆಗ್ ಇಂಗ್ಲಿಷ್ ಭಾಷೆನ್ ಆರ್ ಆಯ್ಕೆ ಮಲ್ತೆರ್.[೨]
ವೈಯಕ್ತಿಕ ಜೀವನ
[ಸಂಪೊಲಿಪುಲೆ]ಕಮಲಾ 15 ವರ್ಷ ಪ್ರಾಯೊಡು ಕೆ.ಮಾಧವ ದಾಸ್ ನ್ ಮದಿಮೆ ಆಯೆರ್. ಈ ದಂಪತಿಲೆಗ್ ಮೂಜಿ ಜೋಕುಲು ಪುಟ್ಟುವೆರ್: ಮಾಧವ ದಾಸ್ ನಾಲಪತ್, ಚಿನೆನ್ ದಾಸ್ ಬೊಕ್ಕ ಜಯಸೂರ್ಯ ದಾಸ್. ಮದಿಮೆದ 43 ವರ್ಷೊಡ್ದು ಬೊಕ್ಕ 1992ಡ್ ಅಲೆನ ಕಂಡನಿ ಅಲೆನ ದುಂಬು ತೀರ್ ಪೋಯೆರ್. ಅರೆನ ಮಲ್ಲ ಮಗೆ, ಮಾಧವ್ ದಾಸ್ ನಾಲಪತ್ ನ್ ಟ್ರಾವಂಕೂರು ರಾಜಮನೆತನೊದ ರಾಜಕುಮಾರಿ ತಿರುವತಿರ ತಿರುನಾಲ್ ಲಕ್ಷ್ಮಿ ಬಾಯಿನ್ ಮದಿಮೆ ಆಯೆರ್. ಆರ್ ಯುನೆಸ್ಕೋದ ಶಾಂತಿ ಕುರ್ಚಿನ್ ಪಡೆಯೆರ್ ಬೊಕ್ಕ ಮಣಿಪಾಲ್ ವಿಶ್ವವಿದ್ಯಾಲಯೊಡು ಭೂರಾಜಕೀಯೊದ ಪ್ರಾಧ್ಯಾಪಕೆರ್. ಆರ್ ದಿ ಟೈಮ್ಸ್ ಆಫ್ ಇಂಡಿಯಾದ ನಿವಾಸಿ ಸಂಪಾದಕೆರ್ ಆದಿತ್ತೆರ್.[೩]
ಪ್ರಶಸ್ತಿಲು ಬೊಕ್ಕ ಬೇತೆ ಮಾನ್ಯತೆಲು
[ಸಂಪೊಲಿಪುಲೆ]ಕಮಲಾ ದಾಸ್ ಸಾಹಿತ್ಯಿಕ ಕೊಡುಗೆಗ್ ಮಸ್ತ್ ಪ್ರಶಸ್ತಿಲೆನ್ ಪಡೆಯೆರ್, ಉಂದೆಟ್: ೧೯೬೩: ಪೆನ್ ಏಷ್ಯಾದ ಕವಿತೆ ಪ್ರಶಸ್ತಿ ೧೯೬೮ : ಕತೆಕ್ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ – ತಾನುಪ್ಪು ೧೯೮೫: ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ (ಇಂಗ್ಲಿಷ್) – ಸಂಗ್ರಹ ಕಬಿತೆಲು ೧೯೮೮ : ಅತ್ಯುತ್ತಮ ಕಥೆಕ್ಕೆ ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿ ೧೯೯೭: ವಯಲಾರ್ ಪ್ರಶಸ್ತಿ – ನೀರ್ಮಠಲಂ ಪೂತ ಕಲಾಂ ೧೯೯೮: ಏಷ್ಯಾದ ಕಾವ್ಯ ಪ್ರಶಸ್ತಿ ೨೦೦೨: ಎಝುತಾಚನ್ ಪ್ರಶಸ್ತಿ ೨೦೦೬: ಕ್ಯಾಲಿಕಟ್ ವಿಶ್ವವಿದ್ಯಾಲಯೊಡ್ದ್ ಗೌರವ ಡಿ.ಲಿಟ್ ೨೦೦೬: ಮುತ್ತಾತು ವರ್ಕೆ ಪ್ರಶಸ್ತಿ.
ಮರಣ
[ಸಂಪೊಲಿಪುಲೆ]ಮೇ ೩೧, ೨೦೦೯ಡ್, ೭೫ ವರ್ಸೊದ ಪ್ರಾಯೊಡು, ನ್ಯುಮೋನಿಯಾಡ್ದ್ ಮಸ್ತ್ ದಿನ ನರಳ್ದಿತ್ತೆರ್ ಬೊಕ್ಕ ಪುಣೆದ ಒಂಜಿ ಆಸ್ಪತ್ರೆಡ್ ತೀರ್ದ್ ಪೋಯೆರ್. ಅಲೆನ ಶವೊನು ಅಲೆನ ತಾಯ್ನಾಡ್ ಕೇರಳೊಗು ಕನತೆರ್. ತಿರುವನಂತಪುರದ ಪಲಯಂ ಜುಮಾ ಮಸೀದಿಡ್ ಅರೆನ್ ಪೂರ್ತಿ ರಾಜ್ಯ ಗೌರವೊಡು ಸಮಾಧಿ ಮಲ್ತೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Kamala Das | Biography, Works, & Facts | Britannica". Encyclopedia Britannica (in ಇಂಗ್ಲಿಷ್). Retrieved 2026-02-16.https://www.britannica.com/biography/Kamala-Das
- ↑ "Revisiting the late poems of Kamala Das". caravanmagazine.in (in ಇಂಗ್ಲಿಷ್). Retrieved 2026-02-16.https://caravanmagazine.in/reviews-essays/death-awful-thug-kamala-das
- ↑ "Das, Kamala – Postcolonial Studies" (in ಅಮೆರಿಕನ್ ಇಂಗ್ಲಿಷ್). 2020-09-13. Retrieved 2026-02-16.[permanent dead link]https://scholarblogs.emory.edu/postcolonialstudies/2014/06/10/das-kamala/[permanent dead link]
ವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2026