ಕರಕಟ್ಟಂ

ಕರಕಟ್ಟಂ

ಕರಕಟ್ಟಂ ನೃತ್ಯ ಮಲ್ಪುನಕ್ಲ್

ಕರಕಟ್ಟಂ ಪಂಡ ತಮಿಳುನಾಡುದ ಒಂಜಿ ಪ್ರಾಚೀನ ಜಾನಪದ ನಲಿಕೆನ್ ಸಾಮಾನ್ಯವಾದ್ ಮರಿಯಮ್ಮನ್ ದೇವಿಗ್ ಸಮರ್ಪಿಸವೆರ್. ತಮಿಳು ಸಾಹಿತ್ಯೊದ ಪ್ರಕಾರ, ಈ ನಲಿಕೆದ ರೂಪೊ ಭರತಂ ಬೊಕ್ಕ ಬೇತೆ ಜಾನಪದ ನಲಿಕೆದ ರೂಪೊಲೆನ ಮಿಶ್ರಣೊಡ್ದ್ ಪುಟ್ಟುದು ಬತ್ತ್ಂಡ್. ಉಂದೆನ್ ಮಸ್ತ್ ಸರ್ತಿ ಪರ್ಬೊಲೆಡ್ ಬೊಕ್ಕ ಜಾತ್ರೆಲೆಡ್ ನಡಪಾವೊಂದಿತ್ತೆರ್, ಬೊಕ್ಕ ಬರ್ಸೊಗು ಪ್ರಾರ್ಥನೆ ಮಲ್ಪುನ ಸಾಧನವಾದ್ ಉಪಯೋಗ ಮಲ್ತೊಂದಿತ್ತೆರ್. ಕೆರಿಬಿಯನ್ ಡ್ ನಡಪುನ ಕರಗಂ ಪೂಜೆ ಸೇರ್ದ್ ನಲಿಕೆದ ಬೇತೆ ಬೇತೆ ಬದಲಾವಣೆಲು ಉಂಡು.

ವಿವರಣೆ

ಕರಕಟ್ಟಂ ಪಂಡ ತಮಿಳುನಾಡುದ ಒಂಜಿ ಪ್ರಾಚೀನ ಜಾನಪದ ನಲಿಕೆ ಉಂದೆಟ್ ತರೆತ ಮಿತ್ತ್ ಮಣ್ಣ್ ದ ಅತ್ತಂಡ ಲೋಹದ ಪಾತ್ರೆಲೆನ್ ಸಮತೋಲನ ಮಲ್ಪುನಗ ದೇಹೊಡು ಚಲನೆ ಮಲ್ಪುನವು ಉಂಡು. ಉಂದು ತಮಿಳು ಭಾಷೆದ ಕರಕ್ರಂ (ನೀರ್ದ ಪಾತ್ರೆ), ಬೊಕ್ಕ ಅಟ್ಟಂ (ನಲಿಕೆ) ಪನ್ಪಿನ ಶಬ್ದೊಲೆನ ಸಂಯೋಜನೆಡ್ದ್ ಬತ್ತ್ ಂಡ್. ಈ ನಲಿಕೆನ್ ಸಾಮಾನ್ಯವಾದ್ ಮರಿಯಮ್ಮನ ಆರಾಧನೆದೊಟ್ಟುಗು ಸಂಬಂಧ ಮಲ್ಪುವೆರ್ ಬೊಕ್ಕ ಉತ್ಸವೊಲೆಡ್ ಬೊಕ್ಕ ಜಾತ್ರೆಲೆಡ್ ಬೊಕ್ಕ ಬರ್ಸಗಾತ್ರ ಪ್ರಾರ್ಥನೆ ಮಲ್ಪೆರೆ ನಲಿಪುವೆರ್. ತಮಿಳು ಸಾಹಿತ್ಯೊದ ಪ್ರಕಾರ, ಈ ನಲಿಕೆದ ರೂಪೊ ಭರತಂ ಬೊಕ್ಕ ಬೇತೆ ಜಾನಪದ ನಲಿಕೆಲೆನ ಮಿಶ್ರಣೊಡ್ದ್ ಪುಟ್ಟುದು ಬತ್ತ್ಂಡ್.

ನಲಿಕೆದ ಬಗ್ಗೆ

ನಲಿಕೆದಕುಲು ಕೈ ಬೊಕ್ಕ ಶರೀರೊಡು ಬೇತೆ ಬೇತೆ ಚಲನೆಲೆನ್ ಮಲ್ಪುನಗ ತರೆತ ಮಿತ್ತ್ ಮಡಕೆಲೆನ್ ಸಮತೋಲನ ಮಲ್ಪುವೆರ್. ಮಡಕೆಲು ಖಾಲಿ ಅತ್ತ್ಂಡ ಕೆಲವೊಂಜಿ ಸರ್ತಿ ನೀರ್ ಡ್ ತುಂಬುದು ಉಪ್ಪುಂಡು ಬೊಕ್ಕ ಅವೆನ್ ಬಣ್ಣ ಬಣ್ಣದ ಪೂ ಬೊಕ್ಕ ಇರೆಡ್ ಅಲಂಕರಿಸವೆರ್ ಹೆಚ್ಚಿನವು ಬೇವು, ಉಂದು ತಮಿಳುಲೆಗ್ ಔಷಧೀಯ ಬೊಕ್ಕ ಧಾರ್ಮಿಕ ಮಹತ್ವೊದವು. ಕಲಾವಿದೆರ್ ಕೆಲವೊಂಜಿ ಸರ್ತಿ ಒಂಜೊಂಜಿ ಪಾತ್ರೆಲೆನ್ ಒಂಜೊಂಜಿ ಮಿತ್ತ್ ಲೇಯರ್ ಮಲ್ತ್ ದ್ ಕೈಟ್ ದೀವೊಂದಿತ್ತೆರ್. ಈ ಕಲೆತ ರೂಪೊನು ಸಾಂಪ್ರದಾಯಿಕವಾದ್ ಪೊಣ್ಣುಲು ಅಭ್ಯಾಸ ಮಲ್ತೊಂದಿತ್ತೆರ್, ಅಕುಲು ಸೀರೆ ಪಾಡ್ದ್ ಉಪ್ಪುವೆರ್. ಮೇಕ್-ಅಪ್ ಪಾಡ್ದ್ ಉಪ್ಪುನ ಪುರುಷೆರ್ ಕೆಲವೊಂಜಿ ಸರ್ತಿ ಕತೆತ ಭಾಗವಾದ್ ಅಕ್ಲೆನೊಟ್ಟುಗು ಸೇರೊಲಿ. ೨೧ನೇ ಶತಮಾನೊಡು ಈ ನಲಿಕೆಡ್ ಮಲ್ಲ ಬದಲಾವಣೆಲು ಆತ್‌ಂಡ್. ಕೆಲವೊಂಜಿ ಸರ್ತಿ ಪೊಣ್ಣುಲು ಸಣ್ಣ ಸ್ಕರ್ಟ್ ಪಾಡ್ದ್, ಅಕ್ಲೆನ ಮಿಡ್ರಿಫ್ ಬೊಕ್ಕ ಪ್ರಕಾಶಮಾನವಾದ್ ಮೇಕ್-ಅಪ್ ನ್ ತೋಜಾವುನ ಅಶ್ಲೀಲತೆದ ಖ್ಯಾತಿನ್ ಪಡೆಯೊಂದುಂಡು.

ಬದಲಾವಣೆಲು

ನಲಿಕೆದ ರೂಪೊದ ಬೇತೆ ಬೇತೆ ಬದಲಾವಣೆಲು ಉಂಡು. ಸಕ್ತಿ ಕರಕಂ ದೇವಸ್ಥಾನೊಲೆಡ್ ಮಾತ್ರ ಆಧ್ಯಾತ್ಮಿಕ ಅರ್ಪಣೆ ಆದ್ ಮಲ್ಪುವೆರ್.ಆಟ್ಟಾ ಕರಕಂ ಸಂತೋಷ ಬೊಕ್ಕ ಸುಖೊನು ಸಂಕೇತಿಸವುಂಡು, ಬೊಕ್ಕ ಉಂದೆನ್ ಮುಖ್ಯವಾದ್ ಮನರಂಜನೆ ಆದ್ ಮಲ್ಪುವೆರ್.

ಕೆರಿಬಿಯನ್ ಶಕ್ತಿವಾದೊಡು, ತಮಿಳು ಮೂಲದ ಇಂಡೋ-ಕೆರಿಬಿಯನ್ ಲೆನ ನಡುಟು ಉಪ್ಪುನ ಒಂಜಿ ಸಂಪ್ರದಾಯ, ಕರಕಟ್ಟಂ ನ್ ಕರಗಂ ಪೂಜೆ ಅತ್ತ್ಂಡ ಕಳಸ ಪೂಜೆ ಪಂಡ್ದ್ ಲೆಪ್ಪುವೆರ್. ಈ ಸಂಪ್ರದಾಯೊನು ಭಾರತೀಯ ಉಪಖಂಡೊಡ್ದ್ ಬತ್ತಿನ ಗಿರ್ಮಿತ್ಯೆರ್, ಒಪ್ಪಂದೊಡು ಬತ್ತಿನ ಸೇವಕೆರ್ ತೂದು ಬತ್ತೆರ್. ಸತತ ಮೂಜಿ ದಿನೊಟು ಈ ಅಭ್ಯಾಸ ನಡಪುಂಡು ಬೊಕ್ಕ ಕಾಮಾಕ್ಷಿ ಬೊಕ್ಕ ಮೀನಾಕ್ಷಿ ದೇವೆರೆಗ್ ಸಮರ್ಪಣೆ ಆದ್ ಮಲ್ಪುವೆರ್. ಮೆರವಣಿಗೆದ ದುಂಬು ಮರಿಯಮ್ಮೆರೆಗ್ ಪೂಜೆ, ಗಂಗಾ ಅಮ್ಮನ್ ಗ್ ಶ್ರದ್ಧಾಂಜಲಿಯಾದ್ ಒಂಜಿ ಫಲಕೊಡು ಅರ್ಪಣೆಲೆನ್ ನೀರ್ ಗ್ ಬುಡ್ಪಿನ ನದಿ ಮೆರವಣಿಗೆ, ಬೊಕ್ಕ ಕಾಟೇರಿ ಮಾ ಇಂಚಿನ ಬೇತೆ ದೇವೆರೆನ್ ಮಾನಾದಿಗೆ ಮಲ್ಪುನವುಲಾ ಈ ಪರ್ಬೊಡು ಉಂಡು. ಪೂಜಾರಿಲು (ಪುರೋಹಿತೆರ್) ಒಂಜಿ ಟ್ರಾನ್ಸ್ ಸ್ಥಿತಿಗ್ ಪ್ರವೇಶಿಸವೆರ್ ಬೊಕ್ಕ ಗ್ರಾಮದ ದೇವೆರ್ ಸಂಗಿಲಿ ಕರುಪ್ಪು ಬೊಕ್ಕ ಮದುರೈ ವೀರನ್ ನ್ ಮೆರವಣಿಗೆದ ಮೂಲಕ ಮೆರವಣಿಗೆಡ್ ಗೌರವಿಸವೆರ್, ಉದಾಹರಣೆಗೆ ಚಾವಟಿ, ಬಾಯಿದ ಒಳಗೆ ಬಿಸಿ ಕರ್ಪೂರ ಪಾಡುನ, ಬೊಕ್ಕ ಪೇರ್ ಡ್ದ್ ಮಲ್ತಿನ ಕೆರೆಕ್ ಓಡುನ ದುಂಬು ಬಿಸಿ ಕಲ್ಲಿದ್ದಲುದ ಮಿತ್ತ್ ನಡತೊಂದು ಪೋಪಿನಂಚಿನ ವಿವಿಧ ಸಾಹಸೊಲೆನ್ ಮಲ್ಪುವೆರ್. ಬೇತೆ ಸ್ಟಂಟ್ ಲೆಡ್ ನಾಲಯಿ ಬೊಕ್ಕ ಕೆನ್ನೆಲೆನ್ ಚುಚ್ಚುನವು, ತೀಕ್ಷ್ಣವಾದ್ ಮಲ್ತಿನ ಕತ್ತಿಲೆಡ್ ನಲಿಪುನವು, ಬೊಕ್ಕ ಪ್ರಾಣಿಲೆನ್ ಬಲಿ ಕೊರ್ಪುನವುಲಾ ಉಪ್ಪುಂಡು. ಲೋಟೊಲೆನ್ ದೇವಸ್ಥಾನೊಡು ದೀದ್ ಅಯಿಕ್ ಅನುಗುಣವಾದ್ ಪವಿತ್ರ ಮಲ್ಪುವೆರ್, ಒಂಜಿ ತೆಂಗಿನಕಾಯಿ, ಕೆಲವು ಪದರೊಲೆನ ಬೇವು ಬೊಕ್ಕ ಒಲಿಯಾಂಡರ್ ಪೂಕುಲೆನ್ ಪಾಡ್ದ್ ಕಟ್ಟುವೆರ್. ಮೂಜಿ ಭಾಗವಹಿಸುವವೆರ್ ಸಾಮಿ ಅದುತಲ್ ಹಂತೊಗು ಪ್ರವೇಶಿಸವೆರ್ ಬೊಕ್ಕ ಅಯಿಟ್ ರಡ್ಡ್ ಜನ ಕರಗಮ್ ಲೆನ್ ಕೈಟ್ ದೀಪೆರ್ (ಸಾಮಾನ್ಯವಾದ್ ಈ ರಡ್ಡ್ ಜನ ಭಾಗವಹಿಸುವವೆರ್ ಪ್ರೌಢಾವಸ್ಥೆ ಅತ್ತಂಡ ಪೊಣ್ಣುಲೆನ್ ಮುಟ್ಟುನ ದುಂಬು ಜೋಕುಲು ಆದುಪ್ಪುವೆರ್), ಬೊಕ್ಕೊರಿ ಒರಿ ಮದುರೈ ವೀರನ್ ದೇವೆರೆನ್ ಸ್ವೀಕರಿಸವೆರ್ ಬೊಕ್ಕ ಒಲಿಯಂಡರ್ ಪುಷ್ಪೊಲೆನ ಮಾಲೆನ್ ಪಾಡ್ದ್ ಬೇವುದ ಎಲೆಲೆನ್ ಪಾಡ್ದ್ ಒಂಜಿ ದಂಡೊನು ಕೈಟ್ ದೀಪೆರ್.

ಜನಪ್ರಿಯ ಸಂಸ್ಕೃತಿಡ್

ನಲಿಕೆದ ರೂಪೊನ್ ಆಧಾರವಾದ್ "ಮಾಂಗುಯಿಲೇ ಪೂಂಗುಯಿಲೆ" ಪನ್ಪಿನ ಪಾಡ್ದನೊನು ತೋಜಾದ್ ಕೊರ್ತಿನ ಕರಕಟ್ಟಾಕ್ಕರನ್ (೧೯೮೯) ಬೊಕ್ಕ ಪಡಾಯಿ ವೀತು ಅಮ್ಮನ್ (೨೦೦೧) ಬೊಕ್ಕ ಶ್ರೀ ಬನ್ನಾರಿ ಅಮ್ಮನ್ (೨೦೦೨) ಇಂಚಿನ ಬೇತೆ ಬೇತೆ ತಮಿಳು ಚಿತ್ರೊಲು ಕರಕಟ್ಟಂನ್ ಪ್ರದರ್ಶಿಸವುಂಡು.