ಕರೂರ್ ವೈಶ್ಯ ಬ್ಯಾಂಕ್
ಕರೂರ್ ವೈಶ್ಯ ಬ್ಯಾಂಕ್ (ಎಲ್ಯ ಆದ್ ಕೆವಿಬಿ) ಭಾರತದ ಒಂಜಿ ಖಾಸಗಿ ವಲಯದ ಬ್ಯಾಂಕ್. ಉಂದೆತ್ತ ಪ್ರಧಾನ ಕಚೇರಿ ತಮಿಳುನಾಡು ರಾಜ್ಯೊದ ಕರೂರ್‌ಡ್ ಉಂಡು. ಈ ಬ್ಯಾಂಕ್‌ನ್ 1916ನೇ ಇಸವಿಡ್ ಉಂಡುಮಲ್ತೆರ್. ಈ ಬ್ಯಾಂಕ್ ರಿಟೇಲ್, ಕಾರ್ಪೊರೇಟ್ ಬೊಕ್ಕ ಟ್ರೆಜರಿ ಬ್ಯಾಂಕಿಂಗ್ ಸೇವೆಲೆನ್ ತನ್ನ ಗಿರಾಕಿಲೆಗ್ ಕೊರ್ಪುಂಡು.
ಕರೂರ್ ವೈಶ್ಯ ಬ್ಯಾಂಕ್‌ಗ್ ದೇಸೊರ್ಮೆ ಒಟ್ಟು 898 ಬ್ರಾಂಚ್‌ಲು, 1 ಡಿಜಿಟಲ್ ಬ್ಯಾಂಕಿಂಗ್ ಯುನಿಟ್ ಬೊಕ್ಕ 2,211 ಎಟಿಎಂ / ಕ್ಯಾಶ್ ರಿಸೈಕಲ್ ಮಿಶನ್ ಉಲ್ಲ. ಬ್ಯಾಂಕ್‌ದ ಒಟ್ಟು ಶಾಖೆಲೆಡ್ 55%ದಾತ್ ಶಾಖೆಲು ಅರೆ-ಪಟ್ಟಣ ಬೊಕ್ಕ ಹಳ್ಳಿ ಪ್ರದೇಶೊಲೆಡ್ ಉಲ್ಲ. ಮಾರುಕಟ್ಟೆ ಬಂಡವಾಳೊನು ಲೆಕ್ಕ ಪಾಡಿಂಡ, ಖಾಸಗಿ ವಲಯದ್ ಬ್ಯಾಂಕುಲೆಡ್ ಈ ಬ್ಯಾಂಕ್ ೯ನೇ ಸಾನೊಡು ಉಂಡು. 1952ನೇ ಇಸವಿಡ್ ಡ್ ಕರೂರು ವೈಶ್ಯ ಬ್ಯಾಂಕ್‌ಗ್ ಭಾರತೀಯ ರಿಸರ್ವ್ ಬ್ಯಾಂಕ್ ಷೆಡ್ಯೂಲ್ಡ್ ಬ್ಯಾಂಕ್' ಸ್ಥಾನಮಾನ ಕೊರಿಂಡ್.
ಇತಿಯಾಸೊ
[ಸಂಪೊಲಿಪುಲೆ]ಕರೂರು ವೈಶ್ಯ ಬ್ಯಾಂಕ್ 1916 ಡ್ ತಮಿಳುನಾಡುದ ಕರೂರ್ ಪನ್ಪಿನ ಪೇಂಟೆಡ್ ಎಂ. ಎ. ವೆಂಕಟರಾಮ ಚೆಟ್ಟಿಯಾರ್ ಬೊಕ್ಕ ಅತಿ ಕೃಷ್ಣ ಚೆಟ್ಟಿಯಾರ್ ಮೊಕುಲು ಮಲ್ತೆರ್. ಸುರುತ ವಿಶ್ವಯುದ್ಧದ ಪೊರ್ತುಡು ಆಯಿನ ಆರ್ಥಿಕ ಕುಸಿತಡ್ದಾವರ ಊರುದ ಎಲ್ಯ ಬ್ಯಾರದಕ್ಲೆಗ್ ಬೊಕ್ಕ ಜನಕುಲೆಗ್ ಪಣವುದ ಸಾಯ ಬುಕ್ಕ ಅಕುಲೆಗ್ ಸಾಲದ ಸೌಲಭ್ಯ ಕೊರ್ರ ಈ ಬ್ಯಾಂಕ್‌ನ್ ಸುರು ಮಲ್ತೆರ್.[1]
ಜೂನ್ 22ನೇ ತಾರೀಕ್, 1916ನೇ ಇಸವಿದಾನಿ ತಿರುಚಿರಾಪಳ್ಳಿಡ್ ಜಂಟಿ ಸ್ಟಾಕ್ ಕಂಪನಿ ಆದ್ ಬ್ಯಾಂಕ್ ನೋಂದಣೆ ಆಂಡ್. ಜುಲೈ 1ನೇ ತಾರೀಕ್, 1916ದಾನಿ ಕರೂರ್‌ನ ಬಜಾರ್ ರಸ್ತೆಡ್ ಇಪ್ಪುನ ಎಂ. ಎ. ವೆಂಕಟರಾಮ ಚೆಟ್ಟಿಯಾರ್‌ರೆನ ಇಲ್ಲದ ಎದುರುದ ಕೋಣೆಡ್ ತನ್ನ ವ್ಯವಹಾರನ್ ಸುರು ಮಲ್ತ್ಂಡ್. ಸುರುತ ಬಂಡವಾಳ ₹1.20 ಲಕ್ಷ ಆತು ಇತ್ತ್ಂಡ್.[2]
ವಿಸ್ತರಣೆ ಬುಕ್ಕ ಸ್ವಾದೀನೊಲು
[ಸಂಪೊಲಿಪುಲೆ]ವಿಸ್ತರಣೆ
[ಸಂಪೊಲಿಪುಲೆ]ಜನವರಿ 17ನೇ ತಾರೀಕ್, 1927ದಾನಿ ದಿಂಡಿಗಲ್‌ಡ್ ಬ್ಯಾಂಕ್‌ದ ಸುರುತ ಶಾಖೆನ್ ಸುರು ಮಲ್ತೆರ್. ಐಡ್ದ್ ಬೊಕ್ಕ ೧೯೨೯ನೇ ಇಸವಿಡ್ ಧರಾಪುರಂ, ಬುಕ್ಕ ಕುಳಿತಲೈಡ್, ೧೯೩೦ನೇ ಇಸವಿಡ್ ಈರೋಡ್, ನಾಮಕ್ಕಲ್ ಬೊಕ್ಕ ಗೋಬಿಚೆಟ್ಟಿಪಾಳ್ಯಂಡ್ ಬ್ಯಾಂಕ್‌ದ ಶಾಕೆಲು ಸುರು ಆಯೊ.[3]
1972ನೇ ಇಸವಿಡ್ ಆಂಧ್ರಪ್ರದೇಶದ ಚಿತ್ತೂರುಡ್ ಶಾಖೆ ದೆಪ್ಪುನ ಮೂಲಕ ತಮಿಳುನಾಡುಡ್ದ್ ಪಿದಯಿ ವಿಸ್ತರಣೆ ಸುರು ಮಲ್ತ್ಂಡ್. 1980ದ ಪೊರ್ತುಗು ಮುಂಬೈ ಬೊಕ್ಕ ಕಲ್ಕತ್ತಾಡ್‌ಲಾ ಶಾಖೆಲೆನ್ ಸುರು ಮಲ್ತ್ಂಡ್.[4]
ಸೆಪ್ಟೆಂಬರ್ 21, 1983ನೇ ಇಸವಿದಾನಿ ಕರೂರ್‌ಡು ಬ್ಯಾಂಕ್‌ದ ಕೇಂದ್ರ ಕಚೇರಿನ್ ಕಟ್ಟಾಯೆರ್. ಅಪಗದ ಕೇಂದ್ರ ರಕ್ಷಣಾ ಸಚಿವೆರ್ ಆರ್. ವೆಂಕಟರಾಮನ್ ಈ ಪೊಸ ಕಟ್ಟೊಣನ್ ಉದ್ಘಾಟಿಸಾಯೆರ್.
ಫೆಬ್ರವರಿ 26, 2001ನೇ ಇಸವಿದಾನಿ ಬ್ಯಾಂಕ್ ತನ್ನ ಸುರುತ ಎಟಿಎಂ ಮಿಶನ್‌ನ್ ಕರೂರ್‌ಡು ಸ್ಥಾಪನೆ ಮಲ್ತ್ಂಡ್. 2005ದ ಪೊರ್ತುಗು ತನ್ನ ಮಾತಾ ಶಾಖೆಲೆನ್ ಕೋರ್ ಬ್ಯಾಂಕಿಂಗ್ ವ್ಯವಸ್ತೆಗ್ ಕನತ್ಂಡ್.
ಸ್ವಾದೀನೊಲು
[ಸಂಪೊಲಿಪುಲೆ]1960ದ ಪೊರ್ತುಡು ಕೆವಿಬಿ ನಾಲ್ ಎಲ್ಯ ಪ್ರಾದೇಶಿಕ ಬ್ಯಾಂಕ್‌ಲೆನ್- ಸೆಲ್ವ ವೃದ್ಧಿ ಬ್ಯಾಂಕ್, ಸೇಲಂ ಶ್ರೀ ಕನ್ನಿಕಾ ಪರಮೇಶ್ವರಿ ಬ್ಯಾಂಕ್, ಪಡಿನೇನ್ ಗ್ರಾಮಾ ಆರ್ಯ ವೈಶ್ಯ ಬ್ಯಾಂಕ್ ಬೊಕ್ಕ ಕೊಯಮತ್ತೂರು ಭಾಗ್ಯಲಕ್ಷ್ಮಿ ಬ್ಯಾಂಕ್- ತನ್ನೊಟ್ಟುಗು ವಿಲೀನ ಮಲ್ತೊಂಡ್. ಉಂದೆಡ್ದಾವರ ಕೆವಿಬಿದ ಶಾಖೆಲೆನ ಸಂಖ್ಯೆ 44ಕ್ ಏರಿಂಡ್.[5]
ಸಾಮಾಜಿಕ ಜಬದರಿ
[ಸಂಪೊಲಿಪುಲೆ]ಉಲ್ಲೇಕೊಲು
[ಸಂಪೊಲಿಪುಲೆ]- ↑ "History of Karur Vysya Bank". Karur Vysya Bank. Archived from the original on 2025-10-10. Retrieved 2025-12-31.
- ↑ "Centenary Book" (PDF). kvb.bank.in. KVB. Retrieved 27 June 2026.
- ↑ "Centenary Book" (PDF). kvb.bank.in. KVB. Retrieved 27 June 2026.
- ↑ "Centenary Book" (PDF). kvb.bank.in. KVB. Retrieved 27 June 2026.
- ↑ "Centenary Book" (PDF). kvb.bank.in. KVB. Retrieved 27 June 2026.